Væri ekki ágætis inngrip hjá Sigmundi að huga að samgöngubótum og dreifa ferðamönnum

Held að Sigmundur Davíð ætti kannski að huga fyrst að þvi sem hann var kosinn til. Þ.e. að innviðum eins og samgöngm, ferðamannastöðum og leiðum til að gera aðra staði en Reykjavík spennandi fyrir ferðmenn. Þá minnkar kannski þessi ásökn í að byggja hótel í miðbæ Reykjavíkur.

Þetta mætti t.d. gera með því flytja megnið af innanlandsflugi til Keflavikur. Gera allar brýr tvíbreðar. Laga vegi og gera þá öruggari. Gera ferðamannastaði öruggari fyrir ferðamenn og tryggja að ferðamenn greiði fyrir dvöl sína hér með sér gjöldum.

Og svo væri ágætt að húsfriðunarnefnd skýri út af hverju hún leyfði að rífa húsið. Hún er óvart sá aðili sem hlýtur að verja friðuð hús ef það er trú þeirra að þvi sé viðbjargandi og húsið hafi sögulegt gildi. Held að Borgin hafi ekkert með það að gera.

„Hljóti að fara að kalla á inngrip“

Eitthvað virðist þýðendur hafa verið illa vakandi.

Skv. öllum erlendu fréttunum sem ég hef lesið þá lenti hann blessaður maðurinn í snjósleða slysi en ekki snjoblásara. Þ.e. snowmobile er ekki snjóblásari

Eiginmaður Palin alvarlega slasaður

Ómerkilegur maður Sigmundur Davíð.

Rétt að benda á að Framsókn hefur um áraraðir barist fyrir að Flugvöllurinn verði í Vatnsmýri af því að byggja eigi nýtt sjúkrahús við Hringbraut.  Og svona út úr snúningur úr vilja Alþingis segir mér bara eitt. Það eru einhverjir vinir Sigmundar sem horfa núnar vonar augum á gömglu bygginar Landspítala, lóðana eða svæðisins í kring. Það getur ekki verið nein önnur skýring.

http://www.nyrlandspitali.is/

Samþykktu ekki nýjan spítala við Hringbraut

En hvað með börnin Sigmundur Davíð!!!!!!!!!!!!!!

FDramsóknarflokkurinn stendur að lista sem hefur 2 fulltrúa í borgarstjórn sem hefur ásamt félögum talið lífsnauðsyn að hafa sjúkrahúsið við hliðina á Landspítalanum við Hringbraut. Ef að Landspítalinn flytur þá er viðbúið að það verður styttra og beinni leið í Hvassahraun! Eða skipta sjúklingarnir núna allt í einu engu? Ráðherra er nú popúlisti andskotans í þessu máli og fleirum. Hef ekki heyrt um forstætisráðherra áður sem fær að láta  áhugamál sitt og skoðanir á gömlum hverfum og húsum umbylta áratugavinnu og milljarða útgjöldum bara af því að honum finnst eitthvað. Ekki það að mér finnst ágætt að Víflistaðir yrðu skoðaðir sem möguleiki. En þá er draumur minn um að kaupa þá og breyta í luxushótel fyrir bí :)

Vill nýjan spítala á Vífilsstöðum

Hallo Sigmundur Davíð - Forsætlisráðherra hverra ert þú?

Þó ljóst sé að Sigmundur Davíð hatar Reykjavíkurborg og stjórnvöld þar eins og pestina þá væri gott að einhver benti honum á eftirfarandi.

• Sigmundur Davíð er forsætisráðherra allrar þjoðarinnar og óvart býr örugglega um 65% hennar á Suðversturlandi og stærsti hlutinn af þeim á höfðuborgarsvæðinu og um 35% þjóðarinnar í Reykjavíkurborg.
• Allt í lagi að huga að byggð um land allt og styrkja fólk á harðbýlum svæðum og í dreifðum byggðum. En rétt að banda á að lögbýli eru óvart bara milli 4 og 5 þúsuund. Og bændur því væntanlega ekki fleiri en þau.
• Þá væri gott að einhver benti honum á að hatur hans á borgarstjórninni er farið að trufla hann svo að hann er farinn að láta það bitna á borgarbúum í tali og gerðum.
• Sigmyndur segir: "„Ísland er eitt land og það er stærra en Mel­arn­ir í Vest­ur­bæn­um,“ Væri alveg eins hægt að segja: " Sigmundur hagsmunir þjóðarinnar eru ekki það sama og atkvæðakaup fyrir Framsókn" Eða: Sigmundur Davíð: Ísland er meira en eyðibýli á Austurlandi þar sem þú hefur aldrei búið á" En notar til að kaupa atkvæði.

Ísland stærra en Melarnir í Vesturbænum

Veit utanríkisráðherrann ekki hvað þróunarsamvinna er?

Hélt nú að heitið segði nú allt. Þ.e. að koma að þróunarverkefnum í fátækum löndum í samstarfi við viðkomandi ríki til að vinna að þróun þeirra í átt að sjálfbærni! Hefur bara ekkert að gera með móttöku flóttamanna frá Sýrlandi að gera. Þar er um allt annað að ræða!

Gunnar segir:

"Gunn­ar Bragi svaraði því til að fjár­magnið væri ann­ar­s­veg­ar tekið af ráðstöf­un­ar­fé rík­is­stjórn­ar­inn­ar og hins­veg­ar af þró­un­ar­sam­vinnulið ut­an­rík­is­ráðuneyt­is­ins. Sagði hann mynd­ina sem um ræddi ekki aðeins verða mik­il­væga heim­ild held­ur jafn­framt náms­efni fyr­ir skóla­börn.

„Það er mjög mik­il­vægt að við drög­um fram þá veg­ferð sem flótta­menn fara í þegar við tök­um á móti þeim,“ sagði Gunn­ar Bragi. „Það voru all­ir sam­mála um það að þetta væri mjög gott og verðugt verk­efni til að sýna þess­ar aðstæður og það góða fólk sem hingað kem­ur."

Og síðar segir hann:

"Gunn­ar Bragi sagði það alrangt að farið væri fram hjá regl­um og að gert væri ráð fyr­ir að fjár­mun­um væri varið til upp­lýs­inga­gjaf­ar um þró­un­ar­sam­vinnu."

Segir fjárveitingarnar undarlegar

Þetta nú bara ekkert svar!

Sko ef Sigmundur veit það ekki þá er Menntaskólinn í Reykjavík ríkisrekinn skóli. Þar starfar jú einhver bygginarnefnd um væntanlegar viðbætur eða ný hús við skólan. Hún hafði fengið samþykkt hjá Minjanefnd eða forvera hennar að viðkomandi hús yrði rifið. Borgin lagði að ráðuneyti að gera húsið upp. Svo kemur Forsætisráðherra blaðskellandi á facebook og gefur í skyn að það séu borgaryfirvöld í samstarfi við einhverja sem séu að leyfa þetta niðurrif. Sbr.

Ríkisstjórnin hefur engin áform um að láta rífa þetta hús, enda málið ekki hjá henni. Það er furðulegt hvað borgaryfirvöld eru allt í einu til í að leyfa niðurrif jafnvel friðaðra húsa til að troða inn nýjum stórhýsum þar sem þröngt er fyrir

Hefði nú ekki verið viturlegra hjá Forsætisráðherra að tala við sína eigin ráðherra og í framhaldi við fulltrúa í byggingarnefnd MR og stoppa þetta þar. Kynna sér aðeins málin eða er þetta hluti af herferð hans og Framsóknar gegn Samfylkingunni. Þar sem öllum aðferðum skal beitt og lygi og afvegafærsla mála er þar engin fyrirstaða.

Sigmundur svarar Degi

Sigmundur Davíð bullar eins og venjulega! Ríkið vildi rífa húsið!

Sigmundur Davíð gerir eins og venjulega! Hann kynnir sér ekki málin. Málið er að Borginn hefur átti í stappi þar sem Ríkið (Sigmundur Davíð) hefur viljað rífa húsið og staðið farst á því.

Af facebooksíðu Dags B Eggertssonar:

Þarna hefði verið skynsamlegt fyrir ráðherra að kanna málið áður en hann settist við tölvuna eða hljóp í blöðin. Ríkið er nefnilega framkvæmdaaðilinn og hefur lagt ríka áherslu á að húsið víki. Umhverfis- og skipulagsráð borgarinnar hefur hins vegar beinlínis beint því til ríkisins með sérstakri bókun 11. nóvember sl. að húsið verði gert upp í upprunalegri mynd, en mér að vitandi hefur ríkið ekki fallist á það, heldur viljað halda sínu striki. Og hver ætli sé nú hinn lögformlegi umsagnaraðili sem blessaði gjörninginn og lagði til að húsið yrði fært annað. Það er Minjastofnun, undirstofnun forsætisráðherra sjálfs,

Þetta er ekki fyrsta skipti sem Sigmundur Davíð leyfir sér svona vinnubrögð og virðist halda að hann komist upp með endalaust að ljúga upp á aðra.

P.s. og Dagur heldur áfram:

í umsögn sinni 8. október sl. Minjastofnun vísar til þess að hún sé bundin af eldri úrskurðum húsafriðunarnefndar ríkisins, sem er rétt. En þó blasir við að forsætisráðherra hefur það algerlega í hendi sér að endurgera friðaða húsið og láta það standa, í takt við tilmæli borgarinnar, enda bæði framkvæmdaaðili og umsagnaraðili í málinu. Hann þarf miklu frekar að reka deilur sínar við sjálfan sig eða önnur ráðuneyti, frekar en borgina í þessu máli.

 

„Húsið er friðað“

Mér leiðist svona léttvæg rök eins og Vilhjálmur notar!

Maðurinn ferlega barnalegur í sinni röksemdarfærslu. Hvað á hann t.d. við með IKEA? Nú ætti hann sem lögreglumaður fyrrverandi að vita að fólk má ekki fara með áfengi út af veitingastöðum. Og börn mega hvorki selja né kaupa áfengi. En held að í mörgum matvöruverslunum séu afgreiðslufólk sem er langt undir 20 ára aldri. Þau eru jafnvel að afgreiða sígarettur oft til einstaklinga sem eru félagar þeirra eða án þess að spyrja um skilríki. 

Ekki það að þetta kæmi til með að há mér að vín yrði til sölu út um allt. En held að margir gætu átt í erfiðleikum með það. Nokkur atriði:

• - Vilhjálmur talar mikið um að nota eigi forvarnir til að draga úr hættu á aukningu á neyslu við þetta. Bendi á að árangur sem náðst hefur í t.d. tóbaki er einmitt að stórum hluta til fengin með að fela tóbak sem mest. Þannig má það ekki sjást. Það gæti orðið erfitt með áfengi út af því hvað fer mikið fyrir þeim pakkningum
• - Vilhjámur virðist ekki gera sér grein fyrir því að stór hluti starfsmanna í verslunum er um eða undir 20 ára. Og af reynslu veit ég að þar geta krakkar keypt sér tóbak þó þau séu undir 18 ára aldri bæði af vinum og vegna þess að tóbakið er selt af krökkum sem eru ekki 20 ára og kunna ekki við að spyrja um skilríki. Eins held ég að búðir yrðu að hækka verð á matvöru ef þau þyrftu að tryggja að allir starfsmenn á kössum væru yfir 20 ára.
• - Vilhjálmur talar stíft um að áfengi sé jú selt á veitingarhúsum. En skv. reglum má fólk ekki fara með það áfengi út af staðnum.
• - Kári benti á að ef menn eru á móti því að ríkið reki ÁTVR þá sé þeim í lófalagið að selja það. Annað hvort einstakabúiðir eða í heilu lagi.
• Svo talar hann um að áfram yrði bannað að auglýsa áfengi í búðum. Halló heldur hann að það yrði ekki farið framhjá því. Það er gert í dag og hvað heldur hann að verði þegar að eigendur verslana vilja eðlilega fá aukinn hagnað af vörum sem þeir selja.
• - Það kom fram í máli Vilhjálms að þetta mál fyrir hann snýst helst um að hugmyndir Sjálfstæðisflokksins um að vera ekki að reka fyrirtæki eins og Isavia, RUV, ATVR og fleiri og þetta sé fyrstu skrefin. Og þar með snýst þetta ekki um hag fólksins heldur hag fjárfesta!
• - Kári sagðist hafa fyrir því heimildir að Hagar hefðu samið frumvarpið fyrir Vilhjálm og hafði m.a. alþingismenn fyrir þeim upplýsingum.

„Fara alkóhólistar ekki í IKEA?“

Hvað kemur Sigmundi Davíð þetta við?

Nú býr Sigmundur Davíð í Garðabæ og er með lögheimili fyrir austan á eyðibýli þar í Fljótsdalshéraði. Svo hvað kemur honum þetta við? Hef ekki heyrt að hann væri spurður út þá fyrirtætlan Kópavogs að selja félagsheimilið þar og flytja bæjarskrifstofur í turnin við Smáralind. Heldur ekki heyrt hann tala um skipulagsmál t.d. í Garðabæ sem er farinn að teygja sig óþægilega í átt að Heiðmörk. Nú eða bara skipulagasmál á öðrum stöðum en þarna í miðbænum sem honum kemur bara ekkert við. Hann hvorki borgar skatta né skildur til Reykjavíkur.

Ósammála sýn forsætisráðherra