Er ekki ljóst að innan allra trúarbragða leynist illska og skepnuskapur og hefur gert um aldir

Svona í anda þeirra sem tala um múslima og að við eigum að loka landamærum fyrir þeim "skríl" þá væri kannski rétta að spyrja: Eigum við ekki að banna hér Kaþólsku fólki að búa eða flytja hingað? Þau aðhyllast trúarbrögð sem hafa orðið vís að stöðugum kynferðisbrotum og öðru ofbeldi bæði hér og svo miklu meira erlendis!

Í dag má finna þessa frétt á ruv.is og ég minni á Landakotsskóla og óhæfuverkin þar og svo gætum við kíkt á Þjóðkirkjuna. Eins höfum við heyrt sögur frá Vottum Jehóva og fleira og fleira.

Að minnsta kosti 231 barn í einum frægasta og elsta barnakór heims, var beitt ofbeldi. Þetta kemur fram í áfangaskýrslu lögfræðings sem ráðinn hefur verið til að rannsaka ásakanir um ofbeldi innan kórsins og á heimavistarskóla honum tengdum. Sumir drengjanna voru barðir illa, aðrir sveltir og enn öðrum nauðgað. Flest brotin voru framin á seinni hluta áttunda áratugarins.

 Kórinn, Regensburger Domspatzen, á sér yfir þúsund ára langa sögu og er líklega þekktasti drengjakór Þýskalands.

Bróðir Benedikts páfa XIV, Georg Ratzinger, var kórstjóri Domspatzen í þrjá áratugi, frá 1964 til 1994. Það er á því tímabili sem meginhluti ofbeldisins átti sér stað, að því er fram kemur í fjölmiðlum. Ratzinger segir að meint kynferðisofbeldi hafi aldrei komið til umræðu, þann tíma sem hann stýrði kórnum.

Fyrrum nemandi í skólanum greindi frá því í viðtali við Der Spiegel, árið 2010, að í skólanum hafi tíðkast refsingar sem virtust tengjast kvalalosta. Fjölmörg hneykslismál hafa komið upp undanfarin ár innan kaþólsku kirkjunnar. Upplýst hefur verið um mikið og gróft kynferðisofbeldi af hálfu presta, meðal annars í jesúítaskóla í Berlín, á áttunda og níunda áratug síðustu aldar. Fátítt er að ofbeldismennirnir þurfi að svara til saka, þar sem glæpirnir eru oftast fyrndir. Háværar kröfur hafa verið uppi um að lögum verði breytt og að kirkjan greiði þolendum ofbeldisins bætur.

Gjörsamlega vanhæf Fjölmiðlanefnd!

Hef ekki skoðun á hvort að Mörður er hæfur eða vanhæfur til setu í Útvarpsráði. En þar sem hann hefur jú setið þar síðan í janúar. Það var vitað þá að hann væri varaþingmaður og hann sat á þingi í viku í sumar.

Það er náttúrulega furðulegt að þetta skuli koma til núna daginn eftir að hann gagnrýndi að aukaframlag Ríkisstjórnarinnar upp á 175 milljónir. Það væri bæði skilyrt framlag og mundi litlu skila.  Og þá úps fatta þau að hann sé vanhæftur til setu í Útvarpsráði.

Af hverju var ekkert gert í því í janúar þegar hann tók þar sæti? Af hverju var ekkert gert í sumar þegar hann sat sem varaþingmaður í viku.

Það er nú ekki eins og það séu margir fjölmiðlar sem þau þurfa að fylgjast með! Þetta lyktar eins og það hafi verið togað í einhverja spotta eða þá að þessi stofnun fjölmiðlanefnd með sína starfsmenn er ekki starfi sínu vaxin!

Telja Mörð vanhæfan til stjórnarsetu

Dálítið fyndið hvernig meirihlutin vinnur í fjárlaganefnd.

Skv. fangelsismálastjóra þarf sennilega að loka Kvíabryggju þar sem að það vantar um 80 milljónir til að reksturinn gangi upp óbreyttur.

En í kvöld var samþykkt að eyða um 75 milljónum í að undirbúa hönnun á húsi fyrir Alþingi byggt á 100 ára teikningum Guðjóns Samúelssonar.

Í kvöld kom Vigdís Hauks og talaði um skort á Dvalar- og hjúkrunarheimilum og þjónustu við aldraða í Reykjavík og sagði að svona ynnu flokkarnir sem eru í minnihluta á Alþingi. En úps blessuð konan sem er formaður Fjárlaganefndar og hlýtur að vita að allir skattgreiðendur borga jú í Framkvæmdarsjóð Aldraða vegna þess að það er á ábyrgð ríkisins og ríkiið er ábyrgt fyrir þjónustu við aldraða.

Vildi gjarnan að meirihlutinn sæi til þess að skipa í forystu þessarar nefndar sem ber jú mikla ábyrgð. Það gengur ekki að þar sé fólk sem veit ekkert um hvað það er að tala.

Hart deilt á Alþingi

Einavinareddingar í gangi ?

Það kom fram í breytingatillögum meirihluta fjárlaganefndar við  frumvarp til fjárlaga  að selja eigi Þjóðaskjalasafnið. Og flytja það í nýtt húsnæði sem verði keypt eða leigt.  Nú í fréttum í kvöld þá kom fram að þjóðskjalavörður hefur ekkert heyrt um þetta og telur að núverandi húsnæði dugi vel og það sé búið að fjárfesta þar fyrir hundruð milljóna til að varðveita skjölin sem best.  Skjölin eru þekja um 45 km af hillum og þegar var flutt inn í núverandi húsnæði tók um 13 ár að klára flutningana.

Nú þegar hafa félag skjalavarða mótmælt þessu, þjóðskjalavörur líka.

 

Það þarf engin að segja mér að þetta sé eitthvað plott fyrir einhverja einkavini meirihlutaflokkana. Svona var fréttin á ruv.is

Eiríkur G. Guðmundsson þjóðskjalavörður segir að það hafi komið sér í opna skjöldu að selja eigi húsnæði Þjóðskjalasafnsins við Laugaveg 162 í Reykjavík. Meirihluti fjárlaganefndar leggur þetta til í breytingatillögu við fjárlagafrumvarp fyrir næsta ár.

 

Húsið hentar safninu ágætlega

Samkvæmt tillögunni á að kaupa eða leigja annað hentugra húsnæði fyrir safnið. Eiríkur segir að húsnæðið í gamla Mjólkursamlagshúsinu henti safninu ágætlega. Þar hafi verið fjárfest fyrir hundruð milljóna króna undanfarin ár og safnið sé vel staðsett nálægt stjórnsýslu landsins. Hann segist vera leita sér upplýsinga.

Kom honum í opna skjöldu

„Ég hef sent erindi í ráðuneyti menntamála og óskað eftir upplýsingum um hvað sé á ferðinni. Þetta kemur mér gjörsamlega í opna skjöldu því fyrir liggur stefna ráðuneytisins og safnsins um að þetta sé framtíðarhúsnæði Þjóðskjalasafnsins"

Ótímabær tillaga

Eiríkur segist ekki hafa fengið neina  skýringu á því hvers vegna þessi tillaga kemur fram. „Ég las mér hins vegar til á vefmiðli Morgunblaðsins í síðustu viku að það væri skoðun á kreiki um að þetta væri hentugra undir verslanir, íbúðir eða einhverja aðra starfssemi. Það er ekkert lítið mál að flytja safnið og það liggur engin áætlun fyrir um það. Ef menn ætla að selja þessa lóð og húsin þá er að mínu viti nauðsynlegt að fyrir liggi áður en það er gerð einhver áætlun um hvort einhver þörf sé á að flytja safnið. Hvort það þjóni hagsmunum safnsins og samfélagsins að flytja safnið. Þá þarf að meta það á faglegum forsendum og finna því annan stað áður en farið er að selja."  Eiríkur segir að sér finnist tillagan ótímabær. Hann hafi ekki heyrt neitt frá ráðherra mennta- og menningarmála.

 

 

Ættum við að heimta að kaþólskum kirkjum hér verði lokað

Í Mið og Suður Ameríkur er Kaþólksa ríkjandi trúarbrögð! Og þar er komið fram við konur eins og ég veit ekki hvað. Hér er saga frá Amesty

Árið 2008 var Teodora del Carmen Vásquez dæmd í 30 ára fangelsi fyrir morð að yfirlögðu ráði eftir að hafa fætt andvana barn á vinnustað sínum.

Teodora, sem átti 11 ára dreng fyrir, átti von á barni þegar hún fór að finna fyrir síauknum sársauka í vinnunni. Teodora kallaði á aðstoð og bað um að verða flutt á spítala en missti legvatnið skömmu síðar. Hún fékk fljótlega hríðir og var meðvitundarlaus þegar hún fæddi barnið. Þegar hún komst til meðvitundar blæddi henni mikið og í ljós kom að barnið var andvana fætt. Lögreglan kom fljótlega á vettvang, handjárnaði Teodoru og handtók hana vegna „gruns“ um morð. Að því loknu fór lögreglan loks með hana á spítala þar sem hún gekkst undir bráðameðferð.

Í El Salvador liggja konur og stúlkur iðulega undir grun um að hafa leitað sér fóstureyðingar þegar þær hafa misst fóstur eða fætt andvana barn. Fóstureyðing er glæpur í landinu, undir öllum kringumstæðum, jafnvel þegar um nauðgun eða sifjaspell ræðir eða þegar líf eða heilsa konu eða stúlku er í hættu. Af þessum sökum eru konur of óttaslegnar til að leita sér aðstoðar þegar alvarleg vandkvæði koma upp á meðgöngu sem leiðir óhjákvæmilega til dauðsfalla sem annars væri unnt að sporna við.

Réttarhöldin yfir Teodoru voru mjög gölluð. Eins og í svipuðum málum í El Salvador var gengið út frá því að Teodora væri sek, og þar eð hún er úr  fátækri fjölskyldu hafði hún ekki ráð á góðri lögfræðiþjónustu. Eina von hennar núna er að fara fram á áfrýjun dómsins svo hún verði tafarlaust leyst úr haldi.

Og svona má finna um alla Ameríku og jafnvel svipðu viðhorf í Bandaríkjunum

Kristnir hryðjuverkamenn að verki?

Þarna eru eflaust öfgatrúarmenn Kristnir að verki og ekki í fyrsta skipti sem þeir ráðast að fólki og húsnæði þar sem boðið er upp á fóstureyðingar. Ef þetta hefðu verið múslimar þá hefði þetta samstundis verið kallað hryðjuverk. En af því að þetta er vænantlega Kristnir gerendur þá er þetta kölluð skotárás.

Skotárás í Bandaríkjunum

Er ekki rétt að Ísland gangi á undan í góðu fordæmi og slíti stjórnmálasambandi við þessa þjóð hið fyrsta!

Það gengur ekki að þjóðir heims þori ekkert að ýta við þessu fornaldar fjölskyldueinveldi. Þegar farið er að dæma fólk til dauða fyrir trú eða trúleysi, berja fólk til dauða auk kvennakúgunar þá á olía og fjármálahagsmunir ekki að koma í veg fyrir að svona ríki sé úthýst úr samfélagi þjóðana.

Svo við tölum ekki um að þeir styrkja beint og óbeint flest öll hryðjuverkasamtök þarna í Mið Austurlöndum.

Það er ótrúlegt hvað Sádi Arabía kemst upp með í krafti peninga!

Slítum bara stjórnmálasambandi við þau þó það kosti okkur örugglega einhver vandræði í alþjóðlegum samskiptum m.a. við Bandaríkin.

Dæmdur til dauða fyrir trúleysi

Allt í lagi! Ef að endanlega er hætt við evru eða aðra erlenda mynnt þá krefst ég:

• Að öllum innlendum fyrirtækjum með starfsemi hér verði bannað að gera upp í evrum, dollurum eða annari mynnt en krónunni. Það er óþolandi að það sé svona mismunur í gangi.
• Að engu fyrirtæki sé heimilt að borga starfsmönnum sínum í erlendri mynnt. Af sömu ástæðu og hér fyrir ofan
• Að engum sé heimilt að geyma eignir sínar erlendis í bönkum eða fjármálafyrirtækjum. Ef að almenningur má það ekki þá á enginn að fá að gera það.
• Þá krefst ég þess að ef almenningur má ekki taka lán í erlendum gjaldmiðlum þá megi enginn gera það! Óþolandi mismununun.

Landsfundur Sjálfstæðismanna ekki að vekja hrifningu! (hér á blog.is)

Það að Bjarni lofar öllum landsmönnum að þeir fái að skipta með sér 5% af Íslandsbanka áður en hann verður EINKAVINAVÆDDUR vekur nú takmarkaða hrifningu enda hefur Kjarninn reiknað það það út að það séu kannski um 30 þúsund á kjaft. Og ég ætla að það sé til að fólk æsi sig minna yfir ráðstöfun á hinum 95%.

En harðir stuðningsmenn Sjálfstæðoismanna eru ekki glaðir eftir daginn. 

Meira að segja Halldór Jónsson segir:

Sem sagt, ég fór af landsfundinum í fússi og á þangað ekki aftur erindi þar sem ég kem engu til leiðar, því nefndir hafa flestar lokið störfum þær sem ég vildi taka þátt í. á morgun kynna formenn nefnda niðurstöður. Það er tilgangslaust að hlusta á þann lestur þar sem maður hefur ekki málfrelsi né tillögurétt. Fundinum er því lokið hvað mig varðar Sjá hér

Óðinn Þórisson sem hefur jú aldrei hallmælt neinu sem Sjálfstæðisflokkuinn segir gerir það í dag og segir m.a.

En þegar rúmlega 5000 ríkisstarfsmenn eru í verkfalli og forysta flokksins labbar inn í Laugardalshöll með stóran hóp lögreglumanna, starfsmanna SFR og sjúkraliða viði innganginn þá er niðurstaðan bara þessi þetta er tapaður landsfundur, því miður.

http://odinnth.blog.is/blog/odinnth/entry/2104719/

Og ekki er Jón Valur heldur hress með fundinn í færslu sem hann nefnir

Er Sjálf­stæðis­flokkurinn að verða að krataflokki?

Nokkuð ljóst að Sjálfstæðisflokkurinn er að teygja sig til vinstir í flestum málum því að hann hefur áttað sig á því að í raun slær hjarta þjóðarinnar vinstramegin og leggur áherslu á mannúð og jöfnuð. En það eiga gamlir hægri menn erfitt með að sætta sig við. 

Gefi landsmönnum 5% í bönkum ríkisins

Jæja allt að verða tilbúið fyrir EINKAVINAVÆÐINGU 2

Nú er ríkið væntnlega að fá Íslandsbanka ætli Arion fylgi ekki fljótlega líka. Það er búið að ákvaða að leggja Bankasýslu ríkisins niður um áramót minnir mig. Og þá heyra þessir bankar beint undir Fjármálaráðuneytið!

Ætli að Útgerðaelítan fá Íslandsbanka? Kannski að Kaupfélagið fá Arion og en hverjir ætli að fá Landsbankan? Það koma nokkrir hópar til greina.

Ríkið eignast Íslandsbanka