Bíddu eigum við að banna fólki að flytja hingað sem eru kristnir mexíkóar?

Held að morð, fjöldamorð og gælpir í Mexikó séu örugglega meiri en í flestum múslimaríkjum. Hef ekki heyrt að hér á landi séu uppi hópar og einstaklingar að banna Mexikóum að flytja hingað eða iðka sína trú. En í þessari frétt segir

Lík átta manns sem var rænt í mexí­kóska bæn­um Alto Lucero í Veracruz-ríki í gær fund­ust í dag. Frá þessu greindu yf­ir­völd. Sak­sókn­ar­ar segja morðingj­ana enn ganga laus­um hala en af fórn­ar­lömb­un­um voru sjö þeirra karl­ar og ein kona.

Og skv. fréttum er þetta nærri daglegt brauð þarna Sem og mansal, þrælahald og svo framvegis.

Rændu átta manns og myrtu

Ert þú rasisti?

Margir hér á blogginu og samfélagsmiðlum móðgast rosalega þegar orð þeirra eru sögð vera rasísk.

Svona t.d. "Mér er ekki illa við útlendinga þ.e. ef þeir eru eins og ég haga sér eins og ég og tala Íslensku. Annars geta þeir bara verið heima hjá sér."  Svona létum við um miðja síðustu öld gagnvart þeim sem voru með annan húðlit en við. Við komum svona fram við fatlað fólk. Þ.e. komum þeim fyrir utan þéttbýlis þar sem fólk þurfti ekki að horfa á þau. Þannig komum við fram við t.d. þá hermenn sem voru dökkir á hörund upp á Keflavíkurflugvelli. Og þannig koma og tala margir um múslima í dag. Þó það sé ljóst að allir þeir múslimar sem hér búa hafa verið hið besta fólk og bara unnið hér og starfað ef það hefur fengið tækifæri til þess.

En svo er hópur fólks sem reynir að tengja þetta fólk við hryðjuverkamenn og geðsjúklinga í útlöndum.

En fyrir fólk sem lætur sovna um leið og það segist ekki vera rasistar þá er er rétt að benda t.d. á þessa skilgreiningu:

"

Kynþáttahatur er að finna til andúðar á tilteknum hópi fólks sem skilgreindur er út frá kynþætti. Kynþáttahatur liggur oft þjóðernisátökum til grundvallar.

kynþáttahatur er sú hugmynd að kynþættir mannkyns séu eðlisólíkir og eru þá sumir kynþættir taldir öðrum æðri. Vísindaleg kynþáttahyggja er söguleg undirrót rasisma en hann birtist oftast sem kynþáttahatur eða kynþáttafordómar og getur leitt til mismununar á grundvelli kynþáttar. Greinarmunur er gerður á kynþáttahatri og útlendingaótta þótt hvort tveggja geti farið saman en útlendingaótti er andúð eða styggð gagnvart útlendingum eða framandi menningu, án kerfislegrar hugmyndafræði. Í daglegu tali er orðið rasismi notað um hverskyns mismunun gagnvart útlendingum, byggða á arfbundnum, útlitslegum, menningarlegum .^[1] Þá hefur orðið hversdagsrasismi einnig verið kynnt til sögunnar „til að sýna fram á hvernig kerfisbundinn rasismi endurnýjast að miklu leyti í gegnum rútínu eða hversdagslega hegðun, sem tekin er sem sjálfsögð í daglegu lífi“.^[2]"

 

Sýnist að hér sé kominn félagsskapur þar sem margir bloggarar á blog.is smell passa í.

"Hreyfingin segist hafa það að markmiði að skapa sjálfbært norrænt ríki með sameiginlegum her, gjaldmiðli og miðstýrðum banka, koma í veg fyrir að útlendingar flytjist til Norðurlanda og vill banna fjölmiðla sem vinna gegn norrænu fólki."

Ætla ekki að nafngreina bloggarana en þeir eru þó nokkrir sem ég sé smellpassa þarna inn.

Nýnasistar leita fylgismanna á Íslandi

Hvernig væri nú að fréttmenn köfuðu almennilega niður í þetta verðtryggingarmál.

Eins og ég skil þetta með verðtrygginguna þá er aðalvandamálið með afnám hennar þetta.

• Með afnámi verðtryggingar þá stæðust aðeins þeir sem eru með há laun greiðslumat. Þar sem afborganir af óverðtryggðum lánum eru mun hærri fyrirhluta lánstímans.
• Óvissa fyrir lántakendur þar sem að afborganir lána gætu sveiflast upp t.d. við hækkun vaxta vegna verðbólgu.
• Vextir eru ávallt borgaðir samtímis og því koma allar hækkanir á þeim strax fram.
• Afnám verðtryggingar gæti líka haft áhrif á framtíðargreiðslur úr lífeyrissjóðum

Það er með öllu ómögulegt að fréttamenn skuli ekki ganga eftir því að þingmenn sem eru að slá um sig með svona yfirlýsingum sé ekki gert að segja hvernig þeir hyggist leisa ofangreind atriði. Held stundum að þau sem tala hæst um þessi mál heldi bara að afnámið sé bara pennastrik. En held að það færi ekki vel með þá sem lægst hafa laun og tekjur að lenda kannski í því að þurfa að greiða mánaðarlega 6 til 7% vexti ofan á afborganir af húsnæðislánum.

Afnám verðtryggingarinnar lagt fram sem þingmannafrumvarp?

Til þeirra sem ala á ótta við múslima og vitna oft í stöðuna í Svíþjóð!

Fyrir það fyrsta ættuð þið að skoða hvaðan þið fáið upplýsingarnar sem þið eruð að dreifa t.d. mikið á facebook og hér á blogginu. Þessar heimildir eru oft áróðurssíður sem haldið er úti frá Ísrael og Bandaríkjunum. Síður sem ekki hika við að hagræða sannleikanum til að að valda meiri óróa og hræðslur.

Nú ætla ég að birta hér í heild frá af Pressunni vegna þess að ég hef ítrekað lesið að í Svíþjóð þori fólk ekki út vegna ótta við múslima og löggan sömuleiðis þori ekki inni í ákveðinn hverfi. Þetta er náttúrulega bull eins og lögreglustjóri Malmö segir hér:

Lögreglustjóri í Malmö gagnrýnir alþjóðlega fjölmiðla harðlega: „Ég hef aldrei séð svona mikla útúrsnúninga og afbakanir á sannleikanum“

 

Mats Karlsson lögreglustjóri í Malmö á Skáni segir í viðtali við vefritið Local að flest allir glæpir sem komi inn á borð lögreglunnar í Malmö séu ekkert verri en annarsstaðar í Svíþjóð og hafnar alfarið að til séu svæði í Malmö sem lögreglan forðist. Hann gagnrýnir erlenda fjölmiðla fyrir að draga upp bjagaða mynd af borginni þá sérstaklega hvað varðar samskipti innflytjenda við lögreglu.

Mats segir að vissulega séu framdir alvarlegir glæpir í borginni en síðustu daga hafa átt sér stað tvær skorárásir og sprenging í borginni. Hann segir að allir þessir glæpir tengist síbrotamönnum og glæpir af svipuðum toga tengist sömu hópunum af fólki, hann segir lögregluna forðast að nota hugtakið glæpagengi þar sem málin séu miklu flóknari en svo:

Við erum oftast að tala um atvik þar sem einhver er fljótur að grípa til ofbeldis. Til dæmis, fyrrverandi kærasta sem er byrjuð að hitta einhvern annan,

segir Mats. Helstu verkefni lögreglunnar nú eru að minnka fjölda vopna í umferð og vinna markvisst að forvarnarstarfi. Hann segir umfjöllun erlendra fjölmiðla ekki koma sér á óvart:

En ég fékk upplýsingar um skotárásina í Rosengård-Centrum strax og upplýsingar bárust, og þær upplýsingar voru af allt öðrum toga en ég las svo um í alþjóðlegum fjölmiðlum.

Ef þú vilt sjá tengingu við hryðjuverk þá sérðu það. En sumar af þessum greinum voru öfgafullar, ég hef aldrei séð svona mikla útúrsnúninga og afbökun á sannleikanum. Það voru nokkur bresk blöð sem sögðu að fólk hefði verið að hlaupa í burtu til að bjarga lífi sínu þegar þetta voru bara tveir gaurar að rífast.

Hann segir mikilvægt að halda ró sinni þegar svona fregnir berist þar sem atvik séu aldrei svarthvít, aðspurður um hvers vegna glæpamenn séu tengdir við hryðjuverkastarfssemi segir Mats:

Það er það sem passar við frásögnina, það er „sannleikurinn“ sem margir vilja sjá. Það sem veldur mér áhyggjum er þegar allt er stimplað sem hryðjuverk sem ekki bara grefur undan hugtakinu, heldur fær fólk til að gleyma að það eru til glæpamenn sem við þurfum að taka alvarlega þó þeir séu ekki tengdir neinum hryðjuverkum.

Mats segir ekki hægt að halda því fram að hryðjuverk hafi nokkurntímann verið framið í Malmö þar sem almenningur sé aldrei skotmark árása, allar sprengingar og skotárásir í Malmö hafi hingað til alltaf verið vegna deilna í undirheimum borgarinnar:

Ég var eitt sinn spurður af dagblaði hvort við fengjum mörg símtöl frá áhyggjufullum borgarbúum í Malmö, svarið var og er nei.

Svona kannski var lánalækkun Sigmundar raunverulega fjármögnuð.

Var að lesa Fréttatíman og þá sérstaklega þessa grein http://www.frettatiminn.is/einstaed-modir-missir-halfa-milljon-i-vaxtabaetur/

Þar segir m.a. og er einnig sínt í athyglsiverðum töflum um tekjur hennar.

„Ég fékk 500 þúsund í vaxtabætur árið 2015 en ekkert núna,” segir Þorgerður Erlingsdóttir, 51 árs kona, sem hefur verið einstæð móðir tveggja barna, frá árinu 2001. „Það má segja að ég sé að greiða leiðréttinguna sjálf.”

Og hún heldur áfram.

Með því að taka vaxtabætur af fullt af fólki í mínum sporum er hægt að borga hana upp og vel það. Ég er að greiða leiðréttinguna sjálf með þessari skerðingu og hún gæti orðið til þess að ég missti húsnæðið mitt, ef ég hefði ekki stuðning móður minnar.”

Og hér má sjá samanburð milli ára

 

 

 

 

 

 

 

 

Er leiðréttingin að éta börnin sín?

Bjarni segir að kosið verði í haust

Ætli það séu að koma kosningar? Sýnist það!

Bjarni ný búinn að leggja fram fjármálaáætlun fyrir næstu 4 árin þar sem ekki var áæstla fyrir nokkurri aukingu á útgjöldum til heilbrigðiskerfisins næstu árin. En nú allt í einu er hann að átta sig á að það þurfi að setja þau mál í forgang. Kæmi mér ekki á óvart þó að það yrði síðan eftir kosningar tengt við einkavinavæðingu á bæði heilbrigðisþjónustu sem og öldurnarþjóðnustu. Þ.e. að einkaaðilar komist á stöðugar greiðslur frá ríkinu fyrir þjónustu sem svo verður alltaf umdeild og dýrari á endanum fyrir okkur skattgreiðendur.

Og furðulegt að hann sé að fatta þetta núna fyrst.

Heilbrigðismálin í forgang

Það hafa fallið mörg orð um fylgi Samfylkingarinnar síðustu misseri. En er ekki komið að framsókn núna?

Skv. þessari könnu mælist Framsókn nú með 6,4& fylgi og hefu held ég aldrei mælst með minna fylgi. Þeir fengu jú hvað 24% í kosningum. Skrítið að sjá ekki bloggið ekki loga af bloggum um að Framsókn sé að þurrkast úr

Hreyfing á fylgi flokka

Finnst þessi maður fyndinn!

http://gustafskulason.blog.is/blog/gustafskulason/

Hann heldur úti ógurlegum hræðsluáróðri og skítkasti frá Svíþjóð um ESB og svo einstaklinga hér á landi. Þeir eru fleiri bloggarar sem kjósa jú að búa í ESB en berjast þaðan fyrir því sem gerist á Íslandi. Þeir lýsa t.d. Svíþjóð eins og þar sé ekki þorandi að fara út úr húsi án þess að vera í lögreglufylgd en samt kjósa þeir að búa þar. 

En þessi er einna verstur í sinni baráttu og hræðsluáróði.

Sé að það væri ágætur kostur fyrir svona sæmilega eðlilega umræðu á Íslandi að flytja þessa öfgamenn og skítadreifara bara alla til Sviþjóð og loka svo á Internetsambandi við Svíþjóð.  Við höfum ekkert að gera við svona rök og umræðu.

Guðni kjörinn forseti Íslands

Norðmenn vara Breta við að ganga úr ESB !

Norski forsætisráðherran vara Breta við að þeir verði í sömu ömurlegu aðstöðu eins og Noregur ef þeir ganga úr ESB.

Af eyjan.is

Erna Solberg, forsætisráðherra Noregs, segir að Bretum muni ekki líka að standa utan við ESB ef þeir kjósa að yfirgefa Evrópusambandið. Hún segir að reynsla Norðmanna af EES-samningnum sé að Norðmenn standi áhrifalausir utan við ESB og neyðist til að samþykkja löggjöf sambandsins. Það sé því ekki vænlegur kostur fyrir Breta að standa utan ESB og ætla að njóta sömu stöðu og Noregur og önnur EES-ríki gera. Hún segir að Noregur sé eiginlega eins og þrýstihópur sem reyni að hafa áhrif eftir óbeinum leiðum í Brussel.

Norðmenn hafa, eins og Íslendingar, aðgang að nær öllum innri markaði ESB í gegnum ESB-samninginn. Á móti kemur að EES-ríkin verða að taka upp stóran hluta af löggjöf ESB án þess að hafa nokkur áhrif á stefnumótun eða samþykkt laganna. Einnig greiða EES-ríkin til ESB.

ESB hefur haft áhrif á ýmislegt í Noregi án þess að Norðmenn hafi haft nokkuð um það að segja, má þar nefna heilsufarsviðvaranir á sígarettupökkum og að Pólverjar eru orðnir stærsti minnihlutahópurinn í landinu. í umfjöllun Politico kemur fram að þetta hafi þó ekki orðið til þess að mikill áhugi sé að þriðju þjóðaratkvæðagreiðslunni um aðild að ESB en aðeins 18 prósent Norðmanna styðja hugmyndir um þjóðaratkvæðagreiðslu.

Í samtali við Politico sagði Erna Solberg að Norðmenn hafi lítinn áhuga á aðild að ESB eins og stendur því ESB glími við mörg vandamál og sé ekki mjög aðlaðandi kostur nú um stundir.

Í Bretlandi telja sumir að samband Noregs við ESB geti orðið fyrirmynd að framtíðarsambandi Bretlands við ESB en Norðmenn sjá margt neikvætt við samband á þeim grunni. Lítil sem engin áhrif í Brussel, taka ekki þátt í stefnumótun um varnarmál, verða að taka upp löggjöf ESB til að hafa aðgang að mörkuðum sambandsins.

Slíkt samband verður erfitt fyrir Bretland því þá mun Brussel ráða án þess að Bretar geti tekið þátt í ákvörðunarferlinu.

Norskir embættismenn sækja oft fundi sérfræðingahópa þar sem hugmyndir framkvæmdastjórnar ESB eru ræddar og útfærðar. Norskum ráðherrum er einnig stundum boðið til funda hjá ESB en það er aðeins þegar hagsmunir tengjast, eins og til dæmis í orkumálum. En Norðmenn hafa engan atkvæðarétt í öllu þessu ferli. (frétt af eyjan.is)

Solberg sagði að þessi staða Noregs neyði Noreg til að hegða sér eins og þrýstihópur í Brussel.

 

Verði að huga að framtíð ESB