Þarf að breyta kosningalögum, stjórnarskrá?

Var að lesa grein eftir Svavar Garðarsson í Fréttablaðinu í dag. Greinin ber heitið: „Hugleiðing um ástundun pólitísks hórdóms" og er þörf hugleiðing um kosningar og það þegar að þingmenn yfirgefa flokkinn sem þeir eru kosnir inn á þing fyrir. Í greininni segir m.a.

Þegar þingmaður misstígur sig í þrepum eigin sannfæringar svo illa að hann treystir sér ekki lengur til að vinna af heilindum fyrir sína kjósendur – sem með atkvæði sínu lögðu allt traust sitt á skoðanir hans og stefnu, enda voru þær í fullu samræmi við þann flokk sem hann bauð sig fram til að vinna með – þá á hann eðlilega að boða til fundar með kjósendum sínum og gera þeim grein fyrir sínum andlega krankleika í þeirra garð og draga sig í hlé, fara í andlegt orlof frá þingstörfum á meðan það stæði yfir þá kæmi varamaður hans inn á þing tímabundið.

Síðar í greininni koma svo áhugaverðar spurningar sem vert er að velta fyrir sér:

Er kosning til alþingis þá bara bráðabirgða niðurstaða þar til einhver hinna sextíu og þriggja sem kjörinn var, bugast af siðblindu og kýs að hrækja framan í kjósendur sína og ganga í lið með þeim sem veikleikinn dregur þá til?

Jafnvel þó það væru skoðanalega andstæðingar þeirra sem kusu viðkomandi þingmann til starfsins.
Eru ekki gefin út kjörbréf til verðandi þingmanna á grundvelli atkvæðafjölda þess flokks sem þingmannsefnið bauð sig fram til að starfa fyrir?

Getur þingmaður starfað fyrir hvaða flokk sem er þegar inn á þing er komið, án staðfestingar kjörstjórnar um hvaðan fylgi hans og réttur til þingsetu sé fenginn?

Er ekki neitt sem heitir að innkalla kjörbréf til þingmanns sem starfar ekki samkvæmt þeim skyldum sem fólust í útgáfu þess til hans?
Er engin leið að ógilda vanhelgað kjörbréf með dómi?
Ef þingmaður sem hefur svikið kjósendur sína og flokk með því að ganga til liðs við annan flokk, forfallast og varamaður hans samkvæmt niðurstöðu kosninga á að koma inn á þing, fyrir hvaða flokk starfar sá varamaður í þessu tilviki; – er það bara hans frjálsi vilji?
Hvað ef sitjandi þingmaður sem svikið hefur kjósendur sína og flokk með inngöngu í annan flokk, deyr og ástæða þingsetu hans fyrir flokkinn var huglæg en ekki samkvæmt niðurstöðu kosninga og inn kemur varamaður hans – er það þá sá huglægi, þess flokks sem sá hinn látni þingmaður fór yfir til eða sá réttkjörni þess flokks sem þingmaðurinn fór frá?
Er kannski mögulegt að líta svo á að niðurstaða kosninga til Alþingis Íslendinga geti stundum verið skrípaleikur án skuldbindinga?
Þegar þingmaður ákveður að svíkja alla sína kjósendur, flokk og framtíðarsýn þá boðar hann í mesta lagi til blaðamannafundar, til að láta vita hvaða flokk hann starfi fyrir þar til næst, eða verði utan flokka og starfi ekki fyrir neinn.

Þetta eru þarfar spurningar. Flestum finnst það með öllu óþolandi þegar við kjósum einhvern flokk og síðan tekur þingmaður upp á að yfirgefa flokkinn á miðju kjörtímabili. Þar sem að þingmenn eru ekki kosnir beint hér á landi heldur sem sem hluti af lista þá er þetta með öllu ólíðandi og verður að breyta. Þessir þingmenn bera skyldu til að starfa fyrir þá sem kusu þá. Hvort sem þeir klúfa sig úr flokknum og starfa einir eða ganga í annann flokk þá hafa þeir í raun ekki lengur nokkuð atkvæði á bak við sig og eru ekki fulltrúar neinna kjósenda.

Greinin í heild er hér og mjög kjarnyrt

Örlítil seinni tíma viðbót til skýringar tekið úr svari mínu hér í athugasemd við þessa grein.

Ýkt dæmi væri t.d. að menn sem sæju að Framsókn kæmi ekki manni á þing byðu sig fram fyrir annan flokk t.d. Frjálslynda og svo þegar þeir kæmust á þing þá klyfu þeir sig úr flokknum og héldu áfram á þingi undir merkjum Framsóknar. Þá væri búið að svindla illilega á kjósendum.

Sogdæla fjármunanna

Verð að benda á frábæra grein um vaxtarokrið hér. Hún er skrifuð af Andrési Magnússyni sem er skv. upplýsingum greiðandi að íbúðarláni í Noregi.

Hann segir m.a. í Fréttablaðinu í dag:

„Ég var að hlusta á hagfræðing í útvarpinu um daginn. Hann sagði að húsnæðisverð væri orðið allt of hátt og að það mætti lækka það með því að hækka vexti. Einnig mætti lækna ýmsa aðra hagfræðilega skavanka á Íslandi með því að hækka vexti.

Hann virtist hafa steingleymt því að það eru manneskjur af holdi og blóði sem eru að greiða vextina, enda stendur ekkert um manneskjur af holdi og blóði í hagfræðibókunum og því í raun ósannað að þær séu til. Samt er ég alltaf að hitta ung og ástfangin pör sem hafa keypt sér íbúð og byrjað að búa saman, en hafa ekki ráðið við vextina og orðið að flytja aftur heim til pabba og mömmu og setja íbúðina í leigu. "

Síðar segir hann:

„Bregðum okkur aðeins á netið, við skulum skoða heimasíður nokkurra banka, nánar tiltekið lánareiknivélarnar þeirra. Láta mun nærri að íbúðarlán landsmanna nemi 1.000 milljörðum. Ef þessi tala (nokkur núll geymd) er slegin inn í reiknivél t.d. Landsbankans, með þeirri tölu í verðbólguþættinum sem bankinn ráðleggur, þá fæst út að landsmenn eru að borga fimmtánfalda þessa upphæð í vexti og kostnað á 40 árum. Með öðrum orðum, rúmlega fimmtán þúsund milljarða kostar landsmenn að fá þessa upphæð að láni. Ef við spáum nú lágri verðbólgu næstu 40 árin, t.d. 4,5%, þá þurfa landsmenn að greiða nærri því sexfalda lántökuupphæðina fyrir að hafa þessa upphæð að láni um hríð. Ef við förum nú inn á reiknivél Glitnis og tökum þessa upphæð að láni í erlendri mynt þá er kostnaðurinn svipaður og lántökuupphæðin.

Og það þrátt fyrir að Glitnir hefur haldið þeim þjóðlega sið að bjóða Íslendingum miklu hærri vexti í erlendri myntinni hér heima heldur en þeir bjóða á heimasíðum banka sinna erlendis. Af þessu sést að 40 ára íbúðarlán eru 6 til 15 sinnum dýrari á Íslandi heldur en í nágrannalöndum okkar."

Greinin í heild

Guð er góður?

Alveg finnst mér svona fréttir sem vatn á millu okkar sem trúum ekki!

• Hvernig að prestar og kirkjuleiðtogar haga sér, hvernig að trúarhreyfingar haga sér
• hvernig að ríkisstjórnir haga sér gagnvart öðrum kirkjudeildum 
• hvernig kirkjudeildir haga sér gegn stjórnvöldum.
• Og svo hvernig trúarbrögðum er beitt til að kúga fólk og ráðast á það.

Finnst þetta allt bera þess merki að trú sé sköpuð af mönnum til að vekja þá von að það taki eitthvað betra við þegar við verðum að ormafæðu og áburði.

Enda virðast allir sem komast til valda innan trúarbragða leitast við að maka krókinn. T.d. finnst mér það í engu samræmi við það sem ég las í Biblíunni forðum að prestar skuli vera í kjarabaráttu og þyggja vænar summur fyrir að framkvæma kirkjulegar athafnir.

Mér finnst alveg furðulegt að einstaklingar getir hver á eftir öðrum stofnað kirkjur og söfnuði um sína túlkun á bibliunni og mér finnst að ef þetta er Guðs orð þá sé hann allt of óskýr og láti allt of margt liggja á milli hluta sem og að hann leyfir sér að skipta nær algjörlega um skoðun fyrir 2000 árum. Var hann þá að gera mistök allann tíman sem Gamla textamenntið nær yfrir.

Forsetinn fyrirskipaði íkveikju til að kenna kirkjuleiðtogum lexíu

Gísli Tryggvason flottur. Gott aðhald hjá honum

Verð að segja það þó að Gísli sé framsóknarmaður þá hefur mér líkað vel hversu duglegur hann er í nýju embætti. Hann tjáir sig og ýtir við fyrirtækjum. Ég hef trú á honum og er feginn að hann fór ekki í framboð.

Frétt af mbl.is

  Talsmaður neytenda óskar skýringa hjá Icelandair og Iceland Express
Innlent | mbl.is | 28.12.2006 | 11:44
Talsmaður neytenda hefur sent bréf til flugfélaganna Icelandair og Iceland Express þar sem hann óskar eftir upplýsingum um tekjur félaganna af skattgreiðslum flugfarþega.

Talsmaður neytenda óskar skýringa hjá Icelandair og Iceland Express

Svikin loforð og gjöld hækka.

  Framsóknarflokkurinn lofaði gjaldfrjálsum leikskóla í kosingabaráttunni. Nú telur Björn Ingi þessar hækkanir nauðsynlegar.  Athyglisvert að sjá hverning Reykjavíkurborg fer með eldirborgara sína líka:

Hækkanir á eldri borgara

1. Gjaldskrá fyrir heimaþjónustu aldraðra hækkar um 8,8% (eina hækkunin sem dregin var til baka í umræðum um fjárhagsáætlun).

2. Gjaldskrá fyrir frístundastarf eldri borgara hækkar um 9,7%.

3. Gjaldskrá fyrir hádegis- og kvöldmat hækkar um 9,2-9,6%.

4. Kaffi, te, mjólk og drykkjarvörur hækka um 10%.

Hækkanir á barnafjölskyldur

5. Sundferðir fullorðinna hækka um 25% fyrir hvert skipti, 10 miða kort um 10% en árskort um 8,8%.

6. Gjaldskrá fyrir leikskóla hækkar um 8,8%.

7. Gjaldskrá fyrir frístundaheimili hækkar um 8,8% og hefur þá hækkað um 14,9% á árinu.

8. Gjaldskrá grunnnáms skólahljómsveita hækkar um 20%.

Hækkanir á sorphirðu og í stöðumæla í miðbænum

9. Gjaldskrá fyrir sorphirðu á að hækka um 22,8%.

10. Gjaldskrá í stöðumæla fyrir þriðju og fjórðu stund hækkar um 50-100%.

Allt getur maður látið fara í taugarnar á sér

Ég er alveg gáttaður á sjálfum mér en þetta fer svakalega í taugarnar á mér. Þ.e. að Íþróttafréttir lenda oft inn í dálknum um "FÓLK" hjá mbl.is. (eða í yfirlitinu sem birtist á blogginu)  Þetta er náttúrulega smáatriði en þegar maður fylgist með íþróttum fara þessar fréttir stundum framhjá manni.

Hann ætti að flytja sig til Íslands - Skattaparadís fjármála og eignamanna

Mér sýnist að Invar Kamprad eigandi IKEA borgi um 25% skatt af hagnaði sínum í Svíþjóð. Hér á landi þyrfti hann væntanlega aðeins að borga sem svarar 2,3 milljörðum sænskra króna en ekki 6 milljarða eins og þar. 

Kamprad talaði af sér í jólaboði

Þeir eiga væntanlega báðir eftir að dvelja nokkra mánuði upp í sveit.

Heyrði í Íslandi í bítið að þessir menn sem réðust að lögreglunni hefðu ekki komist í kast við lögin áður. Árástin hefði verði án allra fyrirvara og mig minnir að þessir menn hefðu ekki verið þeir sem lögreglan var upprunalega að tala við. Alveg makalaust að fullorðið fólk skuli láta svona. Nú veit ég að það er farið að taka harðar á svona árásum á lögreglu og þessvegna mega þeir búast við að eyða góðum parti af næsta ári eða árum í fangelsi.

Vísir, 28. des. 2006 07:04

Lögreglumenn slasaðir eftir árás

Tveir lögreglumenn meiddust og voru fluttir á Slysadeild, eftir að þeir urðu fyrir fólskulegri líkamsárás í vesturbæ Reykjavíkur um fjögurleytið í nótt. Þeir höfðu verið kallaðir að fjölbýlishúsi vegna hávaða af skoteldum, sem verið var að skjóta úr einni íbúðinni. Þegar þeir komu á vettvang réðust tveir menn skyndilega á lögreglulmennina, óviðbúna, og slógu annan þeirra í barkann.

Slík högg geta verið lífshættuleg og flokkast undir mjög grófa árás. Til harðra átaka kom uns lögreglumennirnir náðu að yfirbuga árásarmennina og kalla á liðsauka. Árásarmennirnir voru handteknir en lögreglumenirnir voru útskrifaðir af slysadeild, eftir að búið var að gera að sárum þeirra.

 www.ruv.is

Fyrst birt: 28.12.2006 08:02

Síðast uppfært: 28.12.2006 08:03

Ráðist á lögreglumenn í Rvk

Ráðist var á tvo lögreglumenn í Vesturbæ Reykjavíkur á fimmta tímanum í morgun. Þeir voru  kallaðir voru út vegna hávaða frá flugeldum. Árásarmennirnir voru tveir og taldir vera ölvaðir. Þeir voru báðir handteknir og bíða yfirheyrslu. Að sögn lögreglunnar í Reykjavík er  málið litið  alvarlegum augum.

 

Ráðist á lögreglumenn í Reykjavík í nótt

Getur einhver sagt mér hversvegna er nauðsynlegt að breyta Flugumferðastjórn (Flugmálastjórn) í hlutafélag?

Og eins afhverju það er svona illa undirbúið?

Fréttablaðið, 28. des. 2006 00:01

Biðlaunin kosta 200 milljónir

Íslenska ríkið er skyldugt til að greiða biðlaun helmingi þeirra flugumferðarstjóra, sem ekki ætla að starfa hjá Flugstoðum ohf. eftir áramót. Alls er um rúmlega 200 milljónir að ræða, sem þeir fá greiddar árið 2006, „fyrir að gera ekki neitt," segir Loftur Jóhannsson, formaður íslenskra flugumferðarstjóra.

„Ofan á þetta kemur síðan allt tap flugfélaganna [vegna óhagkvæmari flugleiða og tafa] og ég tala nú ekki um álitshnekki stjórnvalda og Flugstoða."

Félag íslenskra flugumferðarstjóra getur tryggt þeim flugumferðarstjórum, sem ekki eiga þennan biðlaunarétt, tekjur fyrstu tvo til þrjá mánuði ársins.

Loftur bendir á að flugumferðarsvæðið sem um ræðir sé gífurlega stórt. Þegar flugumferðarstjórar fóru í verkfall árið 2001, hafi allt flug lagst niður. „Þá voru 32 flugumferðarstjórar að störfum. Nú eru enn færri og miklu færri ef þú telur bara þá sem hafa réttindi. Auðvitað verður gífurleg röskun á flugi," segir Loftur, en hann telur að þeir sem geti muni fljúga utan íslenska svæðisins. Aðrir fljúgi ekki.

Þorgeir Pálsson, flugmálastjóri og verðandi forstjóri Flugstoða, segir að allt önnur staða hafi verið árið 2001, því þá hafi flugumferðarstjórar á Keflavíkurflugvelli einnig farið í verkfall. Að auki hafi svo viljað til að verkfallsdaginn var óvenju vont veður.

Eftir því sem næst verður komist verða 26 flugumferðarstjórar að störfum í janúar hjá Flugstoðum. Engar viðræður eru milli deiluaðila.