Og allir saman nú: "Húrra húrra húrra!"

Þetta er nú nýr áfangi í baráttu okkar fyrir því að verða almennt í ruslflokki eins víða og við getum. Til hamingju Indefence og vinir ykkar í framsókn. Bendi á fyrri færslur mína síðan í í dag m.a. um herkostnað stjórnarandstöðu og indefence. Þar sem ég m.a. segi.

Óvissan um lyktir Icesave málsins hefur þannig seinkað efnahagsbatanum að minnsta kosti um hálft ár. Atvinnuleysi mun einnig aukast um tvö prósentustig og ná hámarki á næsta ári.

„En á bak við þessi tvö prósentustig erum við að tala um 3.500 manns þannig að þetta er verulega mikið áhyggjuefni og mikilvægt að allt sé gert til að koma í veg fyrir það að þessi spá gangi eftir," segir Ólafur Darri Andrason, hagfræðingur ASÍ.

"Og ef að síðan er lagt við þetta sú spá að hver mánuður hér í kyrrstöðu og seinkun á efnahagsbata kosti til lengri tíma um 75 milljarða á mánuði þá má segja að herkostnaður Indefence og stjórnarandstöðunnar sé búinn að kosta okkur um 420 milljarða til lengri tíma. Áætlaður kostnaður okkar eftir nýjustu tilboð Breta og Hollendinga er um 150 til 250 milljarðar . Var áður um 200 til 300 milljarðar. Þannig að það er hægt að segja raunverulegt tap okkar til lengri tíma á þessu kjaftæði og drætti á að ganga frá Icesave séu kannski  150 til 250 milljarðar í dag. Og svo bætist við fyrir hvern mánuð sem líður til viðbótar" Úr fyrri færslu

En ég veit að allir bloggarar hér fagna þessu og tala eins og við séum í einhverju stríði við Hollendinga og Breta. Ef það er rétt hjá þeim er þeim hollt að gera sér grein fyrir að stríð kostar og óvart erum við sem berum allan kostnaðinn hvernig sem Icesave fer. Það er á okkur sem allar tafir á endurreisn bitna á.

En bloggarar almennt sitja eins og sauðir og horfa í aurinn á meðan við eyðum krónum í stríð sem við vinnum aldrei. Og svo er talað um alla vondu útlendingana sem allir eru að ráðstafa á okkur sem gerðum ekkert af okkur nema að leyfa banka að stela fullt af innistæðum frá sumum viðskiptavinum Landsbankans.

Ísland á leið í ruslflokk

Athugasemdir

[Fannar frá Rifi, 26.2.2010 kl. 16:22]

þegar þú getur ekki borgað af þeim lánum sem þú ert með í dag, borgað það þá sig að þú takir fleiri og stærri lán? þú heldur nú varla að það borgi sig að taka lán til að borga upp lán? eða varstu með í að búa til FL og Sterling lánahringekjurnar og finnst slíkt vera dæmi um góð viðskipti?

[Einar Guðjónsson, 26.2.2010 kl. 16:38]

Við vorum alltaf í ruslflokki. Alltaf aftast í röðinni. Þetta er bara staðfesting á löngu orðnum hlut. Má segja að þetta geri Ísland meira gagnsætt og má því segja að það stefnumál ríkisstjórnarinnar hafi náð fram að ganga fyrir tilstilli Moodys.

[Magnús Helgi Björgvinsson, 26.2.2010 kl. 16:45]

Fannar kostnaður okkar af þessu Icesave fellur á okkur núna vegna versnandi kjara, kyrrstöðu og engri uppbyggingu. Icesave skv. nýjustu tilboðum til okkar kemur ekki til greiðslu fyrr en eftir 6 ár. Og ef við skoðum næsta ár og þarnæsta þá koma háar greiðslur á gjalddaga og af þeim þarf að borga. Það hækkar ekki skuldir okkar. Og allar áætlanir gerðu ráð fyrir að flest stærri lán væru greidd þegar við förum að borga af Icesave sem skv. Tryggva Þór eru um 60 milljarðar+ vextir   þegar eignri Landsbankans hafa komið upp í lánin. Og nú er okkur boðið vaxtalaust tímabil fyrir þetta og síðasta ár. Sem þýðir að við verðum væntanlega búin að greiða höfðustól niður í lok þessa árs niður um a.m.k. 1/3 og því leggjast vextir á aðeins um 60% af höfuðstólnum. Og sú upphæð greiðist hratt niður á næstu árum og því verða vextir ekki svo háir þegar við förum að borga. Enda vextir nú libor +2,75%.

Við þurfum að borga mörg hundruð milljarða á næsta og þar næsta ári af lánum m.a. sem Seðlabanki tók. Kannski Fannar að við opnum bara á að útlendingar geti keypt kvótann upp í þær greiðslur. Þá leysum við líka kvótadeilurnar í leiðinni.

[Magnús Helgi Björgvinsson, 26.2.2010 kl. 16:49]

Einar en þegar við erum komnir í ruslflokk hjá öllum matsfyrirtækjum þá þýðir það til lengri tíma að starfsmenn banka og fjármálafyrirtækja mega ekki lána okkur eða fjárfesta hér. Það verða bara einhverir últra áhættu fyrirtæki sem hugsanlega lána hér á okurvöxtum eða taka þátt í verkefnum með það að markmið að græða á okkur.

Held að fólk eigi ekki að taka þessu svona létt og segja að við höfum hvort sem er verið í ruslflokki. Við vorum það ekki formlega fyrr en nú nema hjá einu matsfyrirtæki.

Það verður t.d. varla virkja hér nema að ríkið noti gjaldeyrisvarasjóð okkar í það. Og þá eigum við ekki fyrir afborgunum á lánum á næsta og þar næsta ári.

[Hólmfríður Bjarnadóttir, 26.2.2010 kl. 17:03]

Sæll Magnús. Hverju orði sannara hjá þér og þarf ekki svo skarpa rökhugsun til að sá samhengið í málinu með þessum hætti.

Það er einmitt skortur á rökhugsun sem er að þjá okkur sem þjóð þessa dagana. Bæði í þessu málið og öðrum. Tilfinningaflóðið er látið streyma óheft og teknar ákvarðanir á þeim forsendum.

Við erum ekki að velja okkur maka eða neitt annað sem krefst tilfinningamats. Við verðum að beyta rökhugsun, fara út fyrir aðstæðurnar og horfa á þær utan frá.

Þannig og aðeins þannig er unnt að sjá forsendur mála af þessu tagi, við erum að tala um peninga.

[Rauða Ljónið, 26.2.2010 kl. 17:23]

Fyrirsögnin er röng hún á að vara svona, ríkisstjórnin á leið í ruslflokk.

[Jón Logi (IP-tala skráð) 26.2.2010 kl. 17:37]

Það er engin klár tala á hversu mikið eignasafni LB nær upp í kröfuna. Annars væru Hollendingar og Bretar ekkert að standa í prútti við okkur, því að ef þeir tryðu að þetta væri lítið eitt, þá tæki því ekki.

Sýna þeir því nú tennurnar, og reyna að koma því að borðinu að við lengjum í gálganum og lendum þá bara í undir-ruslflokki seinna meir.

 Kvótinn? Er hann ekki veðbundinn þvers og kruss inní kerfinu?

Og virkjanir....umdeildar, og innspýting þess þáttar (Orkusala+stóriðja) sem tekjurtil þjóðarinnar undir bæði sjávarútvegi og ferðaþjónustu....

 Berum við nú allan kostnaðinn af "stríðinu"? Sé það ekki, þar sem ekkert samkomulag er í gangi, þá verður farið eftir því (í besta falli) sem samþykkt var í sumar af Alþingi, en ekki NL & UK. Lækkun á lánshæfnismati og þvinganir rýra greiðslugetuna, og grefur þá undan viljanum til að borga neitt yfirleitt annað en það sem fullkomlega er manifestað í regluverkinu. Og þar er það þá dómstólaleiðin sem Bretar og Hollendingar vilja einhverra hluta vegna ekki fara.

[Sævar Einarsson, 26.2.2010 kl. 18:07]

Matsfyrirtækið Moody's er ruslmatsfyrirtæki sem enginn ætti að taka mark á, alveg fram á síðustu stundu(fyrir hrunið) gaf Moody's öllum bönkum topp einkunn, hvað segir það fólki um slík fyrirtæki ? það segir mér að það sé ekkert að marka þeirra mat á öðrum og ættu þeir að fara í sjálfsmat. Og síðan spyr ég, þurfa matsfyrirtæki ekki að sæta neinni ábyrgð gagnvart fjármagnseigendum ? þau kepptust við að meta allt í topp allt fram að hruni sem fjármagnseigendur kokgleyptu og fjárfestu eftir þeirra mati.

[Magnús Helgi Björgvinsson, 26.2.2010 kl. 18:16]

Menn telj nú auknar líkur á eiganrsafnir eigi eftir að standa undir öllum höfðstólnum. Það sem Bretar og Hollendingar setja fyrir sig er að þeir vilja ekki hafa óvissa stærð í í sínu bókhaldi. Telja eðlilegt að við höldum utan um þetta á meðan það er að borga sig.

Og hvaða dómstól sérð þú fyrir þér að vilji taka þetta mál.

Það fá engir lán til eins né neins hvorki lítil fyrirtæki sem þurfa lán erlendis vegna viðskipta né stærri sem vilja stækka við sig.  Það er allt í kyrrstöð þar sem að menn horfa á icesave. Og þetta kostar okkur gríðarleag núna. Alveg gríðalega! En það loka allir augunum fyrir því. Las þessa greiningu á www.pressan.is sem eru unnin upp úr hollensku blaði.

Leiðarahöfundur leitar skýringa á því hvers vegna Íslendingar vilja fara þessa leið og skrifar það hugsanlega á stjórnmálalegan viðvaningshátt eða gamaldags víkingastolt. Íslendingar reikni með því að þeir komist í betri samningsstöðu þegar heimurinn sjái að Hollendingar og Bretar hafi ekki náð að knésetja þá. Þá séu Íslendingar bálreiðir, ekki bara út í íslensku útrásarvíkingana, heldur einnig hollenska og breska stjórnmálamenn.

Held að land sem lætur áhugamannahóp stjórna sér varðandi alvarlegt mál eins og Icesave sé einmitt ekki nokkurri tengingu við raunveruleikan. Held að fólk ætti að átta sig á að við erum í samanburði við Breta og Hollendingar svona eins og fluga sem er að reyna að fella fíl. Ef við færum fyrir dóm þá mundi hver lögfræðingur okkar mæta her lögfræðinga Breta og Hollendinga og öll rök sem ég hef séð eins og að innistæðurtrygginarsjóður átti að tryggja allar innistæður upp að 20,800 evruim, jafnræðisreglu, neyðarlög, yfirlýsingar ríkisstjórna Íslands frá því í Okt 2008 segir mér að við berum ábyrgð á þessum innistæðum.

[Sleggjan og Hvellurinn, 26.2.2010 kl. 19:02]

Vel mælt.

Þessi bið er kostnaðarsöm. Kannski meiri en 75 milljarnar á mánuði. Kannski minna.

Svo betur fer eru ekki allir bloggarar að missa vitið í stríði við Breta og Hollendinga.

"sláumst í lið með Argentínu í stríði um Falklandseyjar og gefum ESB, U.K og Holland puttan í leiðinni"

Svona eru bloggin nú til dags.

[Björn (IP-tala skráð) 26.2.2010 kl. 22:46]

Það er kolrangt að þetta séu 75 milljarðar á mánuði!!! Þetta eru 75 milljarðar á sekúndu.

Það er líka kolrangt að 89% skil upp í forgangskröfur þrotabús Landsbankans skili sér upp í Icesave samninginn. Réttari tala er milli 170% - 180% því fyrir hvert 1% sem þrotabúið skilar þá ætla Bretar og Hollendingar að borga okkur annað 1% en ekki taka sjálfir 1%.

Þannig að við munum á endanum græða á þessu öllu saman ef við samþykkjum strax.

[Magnús Helgi Björgvinsson, 26.2.2010 kl. 23:11]

Björn! Ég er ekki að ná þessu! Sorry!

[Björn (IP-tala skráð) 27.2.2010 kl. 01:18]

Ég er ekki hissa á því, ég næ heldur ekki hvernig þú færð út að óleyst Icesave kosti 900 milljarða á ári! Sorry!

[Sigurður Þorsteinsson, 27.2.2010 kl. 06:11]

Maggi þú veist að þú ert í ruslflokki og það er Hólmfríður vinkona þín frá Hvammstanga líka.

[Magnús Helgi Björgvinsson, 27.2.2010 kl. 11:27]

Held að þú Sigurður ættir nú að beita þér frekar í að taka til hjá ykkur Sjálfstæðismönnum í Kópavogi. Ef eitthvað er rusl þá held ég að flestir séu sammála um að það sé X D í Kópavogi! Bendi á að frambjóðandi í prófkjör framsókns hefur lagt fram fyrirspurn til ráðuneytis sveitarstjórnar um hvort að Kópavogur sé á leiðinni í sömu mál og Álftanes. Eftir fjárfestingarfyllerí siðustu ára hér. M.a. í rándýrum íþróttamannvirkjum! Út á einhverja draumsýn um risavaxna Íþróttamenntskóla og Íþróttahótel og fleira.

[Magnús Helgi Björgvinsson, 27.2.2010 kl. 11:33]

Björn ég er ekki að fá þetta út. Og ég var ekki að tala um kostnað á ári. Ég er að vitna í grein eftir hagfræðing sem birtist í fréttablaðinu 29. jan þar skrifar Gunnlaugur H Jónsson. Hann segir þar m.a.

Að jafnaði vex íslenska hagkerfið um 3% á ári. Þjóðarframleiðslan er nú um 1.500 milljarðar kr. á ári. Að öðru jöfnu mætti því búast við því að þjóðarframleiðslan á næsta ári yrði 1.545 M.kr. ári síðar 1.591 M.kr. og svo framvegis eins og kemur fram í meðfylgjandi töflu og línuriti. Ef kyrrstaða ríkir þá er ekki vöxtur í þjóðarframleiðslu. Standi þessi kyrrstaða í eitt ár (12 mánuði) þá verður þjóðarframleiðsla næsta árs 45 M.kr. minni en vænta mætti við venjulegar aðstæður. Sama á við um öll árin sem á eftir fylgja. Þjóðarframleiðslan er á hverju ári 3% minni en hún hefði verið ef kyrrstaða hefði ekki ríkt í eitt ár. Reiknað til núvirðis nemur töpuð framtíðarþjóðarframleiðsla af kyrrstöðu í eitt ár 900 til 2.250 M.kr. eftir því með hvaða ávöxtun er reiknað (5% til 8%). Kostnaðurinn af kyrrstöðu nemur því að lágmarki 75 M.kr. á mánuði miðað við ofangreindar einfaldar forsendur.

Og hann segir líka þar:

Margir hafa bent á að lausn á Icesave-deilunni sé forsenda fyrir sátt við alþjóðasamfélagið. Það er beisk pilla að kyngja. Hafa verður þó í huga að það eina sem þarf til þess að ná samkomulagi í Icesave-deilunni er að skrifa upp á skuldabréf sem reiknað hefur verið að núvirði til 189 milljarða króna. Með öðrum orðum lausnin snýst um peninga. Hvað kostar að skrifa upp á skuldabréfið og hvað kostar að skrifa ekki upp á skuldabréfið. Sé sú tilgáta rétt að lausn á Icesave-deilunni sé forsenda fyrir því að rjúfa kyrrstöðuna og ná 3% hagvexti á ný þá er rökrétt ákvörðun auðveld. Hver mánuður sem líður án þess að eðlilegum 3% hagvexti sé náð kostar þjóðina 75 milljarða króna Icesave-skuldbréfið kostar minna en þriggja mánaða kyrrstaða. Náum sátt við alþjóðasamfélagið, eyðum óvissu, rjúfum kyrrstöðu og stuðlum að hagvexti, minnkandi atvinnuleysi og hærri launum.
Höfundur er rekstrarhagfræðingur.

[Björn (IP-tala skráð) 27.2.2010 kl. 22:31]

Og þú kyngir þessu bara svona gagnrýnislaust?

[Magnús Helgi Björgvinsson, 27.2.2010 kl. 23:46]

Ég er ekki að segja að hann hafi 100% rétt fyrir sér en þó meira heldur en menn eins og Sigmundur, Bjarni og fleiri sem aldrei hafa mér vitandi kannað þetta almennilega enda eru þeir kannski frekar smátt og smátt að grafa undan stjórninni frekar en að ómaka sig við sannleikan. Þeir ætla sér við tækifæri kannski í vor þegar þessi stjórnvöld eru búin með flestar óvinsælar aðgerðir að fella stjórnina og taka við. Jóhann Hauksson veltir því upp að framsókn sé búið að ná völdum á þingi með hópnum hring um Ögmund og segir:

Meirihlutinn er á bandi Sigmundar Davíðs í Icesavedeilunni: “Við borgum ekki – We will see you in Court.” Ég fer nærri um, að innan þingflokks Framsóknarflokksins eru þingmenn sem vilja ekki og ætla ekkert að semja við Hollendinga og Breta og telja öllu til fórnandi. Þökk sé þessum einkennilega nýja formanni flokksins, sem meira að segja sjálfstæðismenn treysta ekki lengur. En þar eru líka ábyrgari stjórnmálamenn sem láta lítið fyrir sér fara.

Og síðar segir hann:

Þessi órólega deild VG virðist ekki vita, að allt er þetta í þann veginn að eyðileggja stjórnarsamstarfið og hrekja Samfylkinguna upp í fang hrunflokksins, Sjálfstæðisflokksins. Framsóknarflokkurinn kemur hér hvergi við sögu enda nýtur Sigmundur Davíð ekki trausts innan þingflokks Sjálfstæðisflokksins þegar hér er komið sögu.

Þessi órólega deild innan VG  má vita eftirfarandi:
Þegar Sjálfstæðisflokkurinn er kominn aftur í ríkisstjórn samþykkir hann:

- Icesave samning á kortéri
- Stóriðjuáform og virkjanir í þágu atvinnuuppbyggingar
- Aðildarumsóknarferli ESB til enda.
- Einhverjar breytingar á kvótakerfinu

[runar (IP-tala skráð) 28.2.2010 kl. 14:55]

Hvernig er það með Álftanes ? Hverjir voru það sem tóku við stjórn árið 2006 ?

Ef ég man rétt þá voru D menn settir til hliðar og, gott ef ekki, tóku "vinstri" menn við stjórninni.

Ég veit ekki hver tók ákvörðun um sundlaugaruglið, en framkvæmdin byrjaði eftir 2006. 

Hver kann ekki með pening að fara ??

Koma svo fólk...ALLIR þessir flokkar eru handónýtir og spilltir inn að beini !!

Því fyrr sem við viðurkennum það og hættum að afsaka spillingu okkar flokks/manna með samskonar spillingu hinna flokkanna, því fyrr stöndum við í lappirnar að nýju.

Allir þessir flokkar hafa komið okkur í þessa stöðu þótt vissulega séu D menn líklegast verstir af öllum þessum glæpaflokkum.

[Magnús Helgi Björgvinsson, 28.2.2010 kl. 16:15]

Álftanes er nú ekki ríkið heldur sveitarfélag og um það gildir annað. En það er rétt að Álftaneslistinn tók þar við og hóf og hélt áfram með uppbyggingu sem var auðsjáanlega mjög hæpin og kostnaðarsöm. Sem og að þeir tóku fullt af erlendum lánum. Ég er hissa á þessu litla sveitarfélagi með ungt og tekjuhátt fólk sem hefði átt að skila nægum tekjum til að auka þjónustu smátt og smátt skildi fara út slíka offjárfestingar. Alveg eins og í Hafnarfirði þar sem Samfylkingin er jú í með meirirhluta.  En þetta segir ekkert til um vinstir eða hægri því að þessar fjárfestingar flestar eru dæmigerðar fyrir hægristefnu sem byggist á að skaffa einstaklingu og fyrirtækjum lóðir til að byggja og fjárfesta í.