Ja ekki er ég hissa á ummælum ráðherra!

Jóhanna og Steingrímur eru bara að segja hlutina eins og þeir eru. Hvaða mark er takandi á atkvæðagreiðslu um samning/lög þegar meira að segja viðsemjendur eru búnir að bjóða okkur betri kjör núna og hafa staðið í samningum við okkur um betri kjör. Bretar og Hollendingar eru löngu búnir að átta sig á að þessi lög verða ekki samþykkt. Og því ekki neitt meira um þetta að segja.  Og ég skil ekki af hverju það á að skipta okkur kjósendur máli hvort það eru erlendir blaðamenn hér. Er lýðræði Indefence bara eitthvað tæki til að sýna útlendingum?

Kosningar um samning þar sem að allir vita að kemur aldrei óbreyttur til framkvæmda og svo um ástand sem engin veit hvert leiðir okkur eru ekki skýrir valkostir.

Og svo væri gott að benda Ólafi Elíassyni á að öll viðtöl við erlenda blaðamenn og flestar greinar erlendis  benda einmitt til þess að Indefence sé þá eitthvað farnir að ryðga í tungumálum þegar þeir skýra þetta fyrir erlendum blaðamönnum, því þeir halda að kosningarnar snúist um hvort að við ætlum að borga Icesave eða ekki. Og meira en helmingur Íslendinga telur að þeir séu að greiða atkvæði um það. Og það sem verra er að margir Íslendingar telja að með því að fella Icesave þá sé málið búið.

Bendi á hvernig einn íslendingur sem talar mikið við erlenda fréttamenn upplifir þetta.

Hópefli

Flækjustigið er orðið ansi hátt.

Hingað er kominn fjöldi erlendra fréttamanna að fylgjast með þjóðaratkvæðagreiðslunni.

Þeir standa allir í þeirri trú að Íslendingar séu að fara að greiða atkvæði um hvort þeir ætli að borga Icesave eða ekki borga Icesave.

Og það verða skilaboðin sem verða send út í heim.

Á kjörseðlinum stendur hins vegar eitthvað allt annað. Það er verið að greiða atkvæði um hvort lögin sem kallast Icesave 2 haldi gildi sínu,

En útlendu blaðamennirnir eru ekki til viðræðu um þetta. Þá væri fréttin ekki eins góð.

Í huga margra er þjóðaratkvæðagreiðslan farin að snúast upp í hópefli. Sýningu á samstöðu þjóðarinnar. Þá ríður á að fá sem flesta á kjörstað. Léleg þátttaka mun ekki senda sterk skilaboð út í heim.

Siflur Egils 

 

Furðar sig á ummælum ráðherra

Athugasemdir

[Magni (IP-tala skráð) 4.3.2010 kl. 21:54]

Atkvæðagreiðslan er alls ekki marklaus. Lögin sem kosið er um hafa tekið gildi þrátt fyrir synjun forseta. Ef niðurstaðan er já þá halda þau gildi sínu en falla úr gildi ef kosið er nei. Þetta er mjög skýrt. Ef menn eru svona vissir um að eitthvað betra sé á borðinu, þeim mun mikilvægara að segja þá allavega nei við þessum hörmungarsamning sem nú hefur lagagildi. Hvernig getur þetta verið markleysa?

[Sævar Guðbjörnsson, 4.3.2010 kl. 22:06]

yfir 30 erlendir fréttamenn virðist ekki finna að atkvæðagreiðslan er marklaus!

[Gunnar Th. Gunnarsson, 4.3.2010 kl. 22:39]

Augu fjölmiðlaheimsins beinast að Íslandi vegna þjóðaratkvæðagreiðslunnar. Einhverjir tækju slíkri athygli fegins hendi til að koma sjónarmiðum okkar áleiðis.

En Jóhanna og hennar meðreiðarsveinar..... neeeeei, þau nota tækifærið til að segja heiminum hvað andstaðan við þetta sé vitlaus.

Við eru víst bara fábjánar

[Ómar Bjarki Kristjánsson, 4.3.2010 kl. 22:39]

indefens ? Og hverjum er ekki sama hvað þeim strummpum finnst - en best væri auðvitað að þeir þegðu og hættu að skaða landið.

Auðvitað er þessi atkvæðagreiðsla marklaus varðandi lánasamningsmálið -en  kannski mikilvæg fyrir sjalla og framara sem ætla að nota hana til að böðlast til valda með hjálp útibúss síns indefens. 

[Helga Kristjánsdóttir, 5.3.2010 kl. 00:49]

 Alltaf sama sagan,SJallar og Frammarar,afhverju ekki í eitt skypti,þjóðin. 
      Fréttamönnum verður sagt eins og er,þjóðin tók aldrei neitt lán.
              
   

[Gunnar Th. Gunnarsson, 5.3.2010 kl. 02:26]

Nákvæmlega, Helga. Þetta er ótrúlegur málflutningur... óttalega "Lame"

[Magnús Helgi Björgvinsson, 5.3.2010 kl. 08:48]

Og víst tók þjóðin lán. Af hverju skulda heimilinn 1700 milljarða. Halda menn að þessir peningar hafi bara komið af himnum ofan. Þetta eru m.a. Icesave peningar sem notaðir voru bæði í framkvæmdir, lán og endurfjármögnun lána hjá Landsbankanum.

Enda er þetta ekki spurningin um þetta. Heldur að fólk geti treyst því að sparnaður þess sé varinn í bönkum. Og að bönkum er nauðsynlegt að fólk leggi peninga inn í bankana til að þeir geti lánað þá aftur.

Eins bendi ég að allar innistæður sem tryggðar voru í Innistæðutrygginarsjóð voru varðar af Íslenskum stjórnvöldum nema Icesave. En af Icesave var borgað í Íslenska tryggingarsjóðin eins og af öðurm innistæðum í Íslenskum bönkum. En af því að það eru útlendingar sem eiga þá þá finnst fólk það gildi eitthvað annað um þá.

[Björn Heiðdal, 5.3.2010 kl. 08:54]

Mætum á kjörstað og segjum Já við þessum vonda samningi.  Svo Steingrímur og Jóhanna getið snúið sér 100% að ESB umsókn.  Lengi lifi lýðræðið eða a.m.k. alvag þangað til við förum inn í ESB.