Listi Kópavogbúa ekki alveg raunveruleikatengdur!

Gæti verið að Y listinn stefni að því ljóst og leynt að slíta þessum viðræðum til að halda Sjálfstæðisflokknum og framsókn við völd áfram.

Ummæli og upphlaup þeirra í fjölmiðlum í kvöld benda til þess

Mér hefur verið bent á að 2 maður á lista Y- lista Guðmundur Freyr hafi gengið úr Framsókn fyrir nokkru og nú má lesa alveg óttalegt bull eftir Ásdísi Ólafsdóttur sem sagði sig úr Sjálfstæðisflokknum fyrir nokkrum árum vegna andstöðu við Gunnar Birgisson:

Hún lætur hafa eftir sér svona bull nú í kvöld á www.visir.is

Hún segir að kjósendur bæjarins hafi gefið ákveðin skilaboð í kosningunum. „Þau töpuðu meira fylgi en Sjálfstæðisflokkurinn og Framsókn til samans. Þannig það eru bara skilaboð frá kjósendum að þeir vilja þá ekki heldur."

Blessuð konan kann auðsjáanlega ekki að reikna því að Samfylkingin tapaði ekki nema innan við 3%. Og alltaf í kosningabaráttunni var Guðríður Arnardóttir kynnt sem bæjarstjóraefni.´

2002 fékk Samfylkingin 27,73%       Sjálfstæðisflokkurinn um 37%

2006 fékk Samfylkingin  31,13%     Sjálfstæðisflokkurinn um 44%

2010 fékk Samfylkingin 28%           Sjálfstæðisflokkurinn 30%

Svo ég held að ef fólk veit ekki hvað það er að tala um, þá eigi það að þegja. Það fer þeim best.

Skil ekki þennan leik þeirra í Y listanum nema að þau séu að vinna að því að koma Framsókn og Sjálfstæðismönnum að áfram í Kópavogi. Og þar með yrði hér bæjarstjórn sem væri með 50% atkvæða bæjarbúa að baki sér.

Miðað við að í þessu Lista Kópavogs eru fólk sem vill láta taka sig alvarlega þá eru þau búinn í kvöld að koma sér í þá stöðu að þau þurfa að sanna að þau séu stjórntæk.

Síðan væri gaman að vita hvernig bæjarstóri sem er ráðinn til að framfylgja stefnu flokka getur verið ópólitískur.

Listi Kópavogsbúa verður að meta það hvort að hann vill sömu stórn áfram í Kópavog eða breyta hér um. Hvort að þau geti fengið önnur markmið sín í gegn fyrir þetta með bæjarstjóran. Eða hvort þau vilji verða hækja framsóknar og Sjálfstæðisflokks.

Og umfram allt að vera ekki svona óð í að komast í fjölmiðla að þau klúðri öllu! Nú eru þau búin að koma málum þannig fyrir að það verður illmöglegt fyrir aðra semja við þau. Þau eru búin að lýsa andstöðu við Guðríði oddvita Samfylkingar og held að þau þurfi að halda krísu fund. Síðan annan þar sem þau skýra fyrir fólki hvar sé hægt að finna "Faglegan bæjarstóra" hvaða menntun er það t.d. Og á kannski að ráða einhvern aflóga Sjálfstæðis bæjarstjóra sem sagt hefur verið upp störfum nú eftir kosningar?

Samrýmist ekki stefnu listans

Athugasemdir

[Hreinn Sigurðsson, 2.6.2010 kl. 01:01]

Þetta er nú ljóta bullið hjá þér maður.  Kópavogslistinn boðaði það fyrir kosningar að hann vildi ekki pólitískann bæjarstjóra, Kópavogslistinn verður að vera samkvæmur sjálfum sér, en það er eðlilegt að þú skiljir ekki svoleiðis pólitík enda virðist þú vera hundtryggur samfylkingunni sama hvaða rugl kemur frá henni.  Og í anda hennar þá þykir þér það mikilvægara málefni að koma samfylkingarmanni í feita stöðu en að vinna að hagsmunum okkar Kópavogsbúa

[Magnús Helgi Björgvinsson, 2.6.2010 kl. 01:02]

Það væri kannski rétt hjá Samfylkingu, Næst besta flokksins og Vg að taka bara framsókn með í staðinn því þeir eru vanir að vera svona á kanntinum. Y lisinn getur þá bara verið minnihluta og makkað með Sjálfstæðismönnum

[Sigurður Helgason, 2.6.2010 kl. 01:21]

"Svo ég held að ef fólk veit ekki hvað það er að tala um, þá eigi það að þegja. Það fer þeim best."

hverju orði sannara, það ættu fleiri að taka það til sín ;)

[Landa (IP-tala skráð) 2.6.2010 kl. 01:28]

Ég er hlynnt samfylkingunni og vil gjarnan fá Guðríði sem bæjarstjóra. En svona er þetta, maður fær ekki endilega allt sem maður vill.

Finnst þú helst til gagnrýnislaus á Samfylkinguna Maggi, hún er ekki hafin yfir gagnrýni og það þarf alltaf að gera málamiðlanir!! Það eru breyttir tímar og krafan um breytingar á ekki bara að vera í orði. Faglegur, óflokksbundinn bæjarstjóri er ekki það versta sem getur gerst.

[Magnús Helgi Björgvinsson, 2.6.2010 kl. 01:31]

Takk Sigurður! En ég er ekki í samningaviðræðum um meirihluta í Kópavogi!

Bendi þér á að þau í Y - listanum eru nú ekki faglegri í þessu með bæjarstóran en svo að þetta er heft eftir oddvitanum:

Það voru margir uppi á borðinu og sumir líklegri en aðrir til að hreppa bæjarstjórastólinn.

Er þetta faglega að málum staðið að mæta bara með óskalista með mönnum sem þau halda að geti orðið bæjarstjórar. Er þetta góð stjórnsýsla? Og bæjarstjóri verður alltaf pólitískur því að hann þarf að vinna í því umhverfi. Hann getur verið utan flokkana. En á erfiðum tímum er oft nauðsynlegt að hann stafi í umboði kjósenda ekki bara fulltrúa í bæjarstjórn. Og svo er það líka spurning hvaða möguleikar aðrir eru í boði. Jú Framsókn, Y listi og Sjálfstæðisflokkur og Ármann Kr. vill örugglega verða bæjarstjóri.