Jón Baldvin les yfir stjórnarandstöðunni.

Það var frábært að horfa á Jón Baldvin í Silfri Egils. Hann þrumaði yfir stjórn og stjórnarandstöðu.

• Hann lagði áherslu á heilsstæða og markvissa stefnu sem miðaði að því að koma efnahagslífinu niður á það stig sem gerist í efnahagslífinu í kring um okkur
• Hann eins og aðrir lofaði greiningu Guðmundar Ólafssonar í 10 liðum um ástandið hér á okurlandi.
• Hann sagði að til að koma vöxtum og verðbólgu hér niður gæti komið sársaukafullur tími.
• Hann sagði eins og fleiri að krónan væri handónýt og hér væri í raun komin annar gjaldmiðill sem héti verðtryggingar króna.
• Hann sagði að ef Samfylkingin tæki sig ekki saman í andlitinu þá kæmi fram annað framboð þar sem færu saman umhverfissinnar og menn sem fylgja nýjum leiðum um framtíð Íslands eins og Ómar, Guðmundur Ólafsson, Andri, og Stefán Ólafsson gætu farið fram fyrir. Þetta væru menn sem töluðu af skynsemi og öfgalaust og kæmu lausnir á móti vandamálum Hann sagðist vera á móti því að flokkar væru sífellt að bregðast við umræðum í fjölmiðlum. Þeir þyrftu að vera með lausnir á þróun mála og standa fast á þeim.
• Hann sagði fyrst og fremst þyrfti að koma þessari stjórn frá þar sem að stefna þeirra hefði beðið skipbrot
• Hann sagði að alls ekki ætti að selja Landsvirkjun þar sem að einkaaðilar hefðu ekki sýnt að þeir létu okkur njóta þess að þeir hafi fengið bankanna gefins. (vaxtamunur upp á rúmlega 13%)
• Stöðva allar risaframkvæmdir eins og virkjanir og álver til að kæla niður hagkerfið.

Það sem er dálítið gaman er að Ingibjörg Sólrún kom inn á margt af þessu í gær. En ég er sammála honum um að Samfylkingin má ekki verða svona upphrópanna flokkur sem ríkur í fjölmiðla við hverja frétt. Heldur að koma fram með tillögur að lausnum og halda þeim á lofti.

Og fleira og fleira

Athugasemdir

[Kristján Pétursson, 28.1.2007 kl. 17:08]

Það geislar af Jóni Baldvin,hugmyndaríkur,stórgreindur hugsjónamaður sem alltaf er gaman að hlusta á.Ég held að það sé hárrétt hjá honum að Samfylkingin þarf að koma með tillögur að lausnum sérstaklega í efnahagsmálum og fylja þeim fast eftir,en vera ekki með ótímabærar umræður um mál,sem vikta létt í kosningaslagnum

[Þórir Kjartansson, 28.1.2007 kl. 23:14]

Já, Jón Baldvin hefur einstakt lag á að tala skýrt og og skorinort um kjarna hvers máls.  Vonandi hafa sem flestir horft á þennan þarfa pistil. Ekki síst þeir sem trúa í blindni á efnahagsóstjórnarflokkana sem nú halda um stjórnartaumana hér.

[Magnús Helgi Björgvinsson, 28.1.2007 kl. 23:23]

Þeir sem misstu af þættinum geta séð hann hér

[Björn Benedikt Guðnason, 29.1.2007 kl. 00:28]

Ég fékk alveg gæshúð þegar hann talaði um Stefán Ólafs, Ómar Ragnars, Andra Snæ og fleiri..... ef þessi færu saman gæti ég vel hugsað mér að breyta mínu atkvæði.

En já Jóni Baldvin hefur alltaf skemmtilega framkomu. En stjarna þáttarins fannst mér nú samt vera Þráinn Bertelsson. Myndgerir svo skemmtilega hlutina fyrir okkur einfalda fólkið.

[Magnús Helgi Björgvinsson, 29.1.2007 kl. 00:39]

Já frábær samlíking á landbúnaði og sjúklingi í öndunarvél (líknandi meðferð) Hann var alveg frábær. Sem og Jón og skammarræðan hans. Alveg sammála þér með þennan hugsanlega flokk ef að samfylkingin hisjar ekki upp um sig og fer að leggja áherslur á lausnir og framtíðarsýn.