Björn Bjarnason að ögra Útvarpi Sögu.

Nú tvo daga í röð er Björn Bjarnason með föst skot á Útvarp Sögu:

Í gær sagðir hann á bloggi sínu:

 Margrét hefur einnig sagt, að hún hafi um nokkurra vikna skeið búið við stöðugt níð á útvarpi Sögu. Þessari útvarpsstöð hefur raunar verið líkt við nútíma níðsstöng, því að engu er líkara en þráðurinn í sendingum hennar byggist á stöðugu níði.

Í dag bætir hann um betur og segir:

 Eftir stendur valdahópur í kringum þá Guðjón Arnar Kristjánsson formann og Magnús Þór Hafsteinsson varaformann auk félaga úr Nýju afli undir forystu Jóns Magnússonar hrl. en með þeim hafa neikvæð viðhorf í garð útlendinga tekið að setja svip sinn á stefnu flokksins. Útvarp Saga er málgagn Nýs afls og þess sem eftir stendur af Frjálslynda flokknum, enda kalla menn stöðina nú níðstöng nútímans.

Hlustaði á Útvap Sögu í dag og Arnþrúður var ekki par hess með þessi ummæli hans í gær. Það verður gaman að heyra í henni á morgun.

Athugasemdir

[Óskar Helgi Helgason (IP-tala skráð) 30.1.2007 kl. 02:04]

Sælir, Magnús Helgi og Þrymur !R

Reyndar segir Þrymur það,  sem segja þarf, í þessu máli. Ég verð að viðurkenna piltar; að ég skil ekki alls kostar hvað er að brjótast í rit vini mínum, Birni Bjarnasyni, þessi dægrin. Var að brjótast í mér, nú á liðnu hausti, að hvetja Björn, til endurreisnar gamla Íhaldsflokksins, á þjóðlegum grunni sínum. Hvernig í ósköpunum hefðu þeir Jón Þorláksson og hans arftakar átt að geta séð fyrir, þá gamli Frjálslyndi flokkurinn og Íhaldsflokkurinn, voru sameinaðir í Sjálfstæðisflokkinn, að upp risu, á síðasta fjórðungi 20. aldarinnar; þeir skálkar; Davíð Oddsson og Geir H. Haarde ?

Hvað þá, að Jón og þeir heiðursmenn aðrir sæju fyrir þá skelfilegu einka- og alþjóðavæðingu, sem lamið hefir á okkar þjóð, að undanförnu ? Vona, að Björn og aðrir þeir, sem innan vébanda Sjálfstæðisflokksins eru, og Íslendingar vilja kallast; losni úr viðjum frjálshyggju- og einkavæðingar hroða þeim, sem leikið hefir Sjálfstæðismenn svo grátt, að undanförnu !

Með beztu kveðjum, úr Sunnlendinga fjórðungi /

Óskar Helgi Helgason, frá Gamla Hrauni og Hvítárvöllum    

[Bragi Einarsson, 30.1.2007 kl. 08:33]

Talandi um Útvarp Sögu og hina "frjálsu" umræðu þar, mig minnir að til hafi verið stöð sem kallaði sig Talstöðina og þar innanborðs var bullustokkur, sem var með níð daglega undir nafninu Hrafnaþing!