Kannski rétt að benda Bjarna Ben ruglukolli á eftirfarandi

• Utanríkismálanefnd sem að hann vill kalla saman gerir ekkert í vanda Evrunar og Evrópuríkja.
• Eins væri gott að benda honum á eftirfarandi af vef Egils Helgsonar:

Samfélagsrýnirinn og fjárfestirinn George Soros er í merkilegu viðtali við Der Spiegel.

Soros segir meðal annars að það sé engin leið að hætta að nota evruna nema með skelfilegum afleiðingum – skipbrot evrunnar gæti orsakað heimskreppu eins og þá sem hófst 1929. Evran sé veruleiki.

• Heldur Bjarni virkilega að við séum svo vitlaus að trúa því að nokkrar af öflugustu þjóðum heims sem eru með Evru myndu láta hana rúlla.
• Og er hann svo vitlaus að halda að Íslendingar myndu sleppa áfalla laust ef að Evran myndi hrynja? Og hverju værum við þá bættari að vera án Evrunar? Krónan myndi hrynja með henni því að annars myndi útflutningsfyrirtæki hrynja vegna tekjusamdráttar vegna lægra verðs.
• Nú þegar eru hugmyndir t.d. í Sviss að binda Svissneska frankan við Evru. Því að misgengi gjaldmiðla veldur þeim vandamálum þar sem að bankar þar eru að fyllast af fjármunum sem engin leið er að ávaxta. Og nýtast ekki í fjárfestingar.
• Af hverju ætti þessi tímabundni vandi Evrunar að stoppa viðræður okkar við ESB þegar við vitum að ef til samnings við ESB kemur verður það ekki fyrr en eftir 2 ár og staðan í Evrópu verður þá væntanlega allt önnur sem og að þá verður það þjóðarinnar að meta hvort að ávinningur af inngöngu í ESB sé ásættanlegur.

Finnst að Bjarni Ben fái að bulla gjörsamlega óheft í fjölmiðlum án þess að þurfa að skýra málið sitt almennilega.

T.d. þegar hann ræðst alltaf á ríkisstjórnna með að það þurfi að auka hér fjárfestingu, lækka skatta og fleira án þess að skýra fyrir fólki hvernig að ríkð eigi þá að fjármagna þjónustu við almenning, borga af lánum og fleira. Sem og að skýra hvar ríkði eigi þá að ná í aukið fé. Því að það er ljóst að í upphafi fær ríkið ekki mikið í auknar tekjur af verkefnum sem fara af stað. Til þess nægir að benda á Kárahnjúka og Reyðarál sem fóru held ég ekki að skila hér tekjuaukningu fyrr en á síðari stigum. M.a. deilt um tekjuskatt sem starfsmannaleigur borguðu ekki í ljósi þess að þetta voru erlendir starfsmenn. 

Sé ekki hvernig að ríki sem nánast var í greiðslufalli getur bara lækkað hér skatta og gjöld upp á von og óvon. Það er ekki hægt að taka svona áhættur með heilt þjóðríki. Væri líka gott fyrir Bjarna að lesa grein Waren Buffet þar sem segir:

„ og á meðan flestir Bandaríkjamenn berjast við að láta enda ná saman höldum við hinir ofurríku áfram að fá okkar stórfurðulegu skattaívilnanir."

Buffett lýkur greininni á þeim orðum að hann og vinir hans hafi verið dekraðir nægjanlega af vinum milljarðamæringa á þingi. Það sé kominn tími til fyrir stjórnvöld að ræða af fullri alvöru um að deila ábyrgðinni." (www.eyjan.is ) Síðan gæti Bjarni haldið ættarnót  í Engeyjarættinni og ákveðið að þeir borguðu hærri skatta.

Vilja ekki ræða efnahagsvanda evruríkja

Athugasemdir

[Vilhjálmur Stefánsson, 15.8.2011 kl. 21:10]

Bjarni Ben er að koma sér í mjúkinn hjá Flokksbræðrum sínum fyrir Landsfund, en hann gerir sér ekki grein fyrir því að Flokksmenn vilja hann burt...

[Anna Sigríður Guðmundsdóttir, 16.8.2011 kl. 00:51]

Magnús Helgi. Þú segir nokkuð?

Þessi gjaldmiðla-óstjórnunarmál heimsins snúast hvorki um Bjarna Benediktsson, evruna, né stjórnmálaflokka. Bjarni Benediktsson er ekki stærsta ógn Íslands, enda ekki illviljaður drengur sem persóna að mínu mati. Það er eðlilegt að Bjarni hafi áttað sig á því að ESB-gjaldmiðils-lausnin er komin út úr raunveruleika-kortinu. Það hafa staðreyndirnar sýnt að undanförnu.

Gjaldmiðla-málin snúast um lands-framleiðslu sem skapa gjaldmiðla hvers ríkis fyrir sig, og verðmæti landsframleiðslu hvers ríkis fyrir sig í heiminum.

Heimastjórnina verður hvert ríki fyrir sig að sjá um, og ekkert ríki sleppur í raun við að takast á við þá ábyrgð.

Heimsbanka-verðbréfa-braskararnir sjá markvisst um að rugla allar sannar staðreyndir um gjaldmiðla, með því að kenna gjaldmiðlum ríkja um óstjórn hvers ríkis, í boði okurvaxta-lokkunar-lána frá heimsstýrðum yfirmönnum seðlabankanna, til að réttlæta innistæðulaus verðbréfarán ræningjabanka. Ísland lenti einmitt í þannig kviksyndi haustið 2008, eftir langan blekkingar-aðdraganda-lokkunar-leik heimsbanka-mafíunnar.

Við erum búin að afneita Icesave, sem var skilgetið afkvæmi heims-bankamafíunnar, sem ég sé alltaf betur og betur, eftir því sem meira kemur í ljós af heimsbanka-svikunum, að var fáránlegt kúgunardæmi.

Eva Joly blessunin varaði okkur sem betur fer við því kviksyndi sem Icesave var. Takk fyrir þá leiðbeiningu, Eva Joly

Hvert ríki fyrir sig getur haft þjóðarauðs-jöfnunarsjóð, til að mæta sveiflum heims-svikabankanna. Þannig eiga þjóðir að nota sitt sjálfstæðis-frelsi til að mæta sveiflum, sem heims-bankamafíurnar skapa eftir ógeðþótta. Ísland er náttúruauðugasta ríki jarðarinnar, miðað við höfðatölu.

Svona sé ég þessar fjölmiðla-leiklistar-fréttir um gjaldmiðla, "pólitíska sökudólga" og gervi-stjórnmálaflokka heimsins.

Það er gott að lesa það sem Jóhannes Björn skrifar á: vald.org, til að minna sig á hvernig raunveruleikinn lítur út í heims-samhenginu.  

Íslendingum vantar sjálfstraust, trú og tryggð við eigin sýn, umfram trú á svikult flokka og bankakerfi og formenn.

M.b.kv.