Egill skammaður fyrir litlar sakir.

Egill Helgason leyfir sér að tengja þetta myndbrot sem Lára Hanna Einarsdóttir hefur sett á youtube og framsóknarkonur missa sig.  Ef ég hef tíma ætla ég nú að safna óviðurkvæmilegum ummælum sem Vigdís sjálf hefur um aðra. En það er síðar tíma verkefni. Þetta myndbrot er jú það sem Vigdís hefur sagt í ræðum sem hefur verið sjónvarpað þannig að ég skil ekki lætin í þeim.

 

 

Saka Egil um einelti

Athugasemdir

[Þorsteinn H. Gunnarsson, 8.10.2011 kl. 20:56]

Mér finnst nú allt í lagi að vera með svolítið skop svona til að létta fólki lífið hér í þessu landi og reyna þá að ,,gera það saman" eins og Vigdís segir, þó svo að grandvarar Framsóknarkonur vilji ekki ,,gera það" obinberlaga saman.

Vígdís má vel við una að komast í fréttir, þó svo henni skjöplist svolítið á tungunni, það getur komið fyrir alla og er bara til þess fallið að hafa gaman af.

[Erdogan (IP-tala skráð) 8.10.2011 kl. 21:11]

Þvílíkur auli!

[Marinó G. Njálsson, 8.10.2011 kl. 21:50]

Hér eru konur að skjóta karl í staðinn fyrir konu.  Það var Lára Hanna Einarsdóttir sem bjó til myndbandið eftir alveg einstaklega sneypulega ræðu Vigdísar. 

Miðað við þetta, þá má ekki benda stjórnmálamönnum á þegar þeim verður á í messunni, því þá er verið að leggja þá í einelti.  Ekki má herma mismæli eða lygar upp á stjórnmálamenn, af því að það er einelti.  En framsóknarkonur opnuðu þessar dyr og þær verða þá að þola það gegn um þær fer.

[Haraldur Hansson, 8.10.2011 kl. 23:14]

Þetta myndband er klippt saman Vigdísi til háðungar - og til háðungar eingöngu. Ekki til að herma neitt upp á hana eða krefja hana reikningsskila.

Þegar áberandi fréttaskýrandi eins og Egill setur þetta á vefinn, Vigdísi til háðungar, fær myndbandið meiri vigt og stappar hættulega nærri einelti.

Þótt Lára Hanna hafi sett myndina saman gerir það þátt Egils engu betri. Afsökun hans er hallærisleg eftir því.

[Magnús Helgi Björgvinsson, 8.10.2011 kl. 23:50]

Þetta eru eins og segir í myndbandinu Gullkorn. Það er náttúrulega óborganlegt að þingmaður telji að það sem hans mati sé stjórnleysi ríkisstjórnar sé upprunið í Anarkisma. Eins að hún skuli sletta fram málsháttum  eins og hún gerir þarna og segist viljandi hafa breytt þá mætti hún nú skýra þá út í ræðunni. Þetta veit hún væntanlega. Egill er þarna eins og svo oft áður að setja á netið eitthvað sem er að ganga milli fólks. Hann hefur jú birt ýmis ummæli fólks héðan og þaðan og tekið þeirra málflutning í gegn í háði. Enginn æst sig yfir því. Man fólk ekki eftir því þegar að Ásbjörn Óttarsson var dregin sundur og saman vegna ummæla hans um listamann sem ættu að fá sér almennilega vinnu. Og bókhaldskunnáttu hans. Árna Johnsen og ýmis ummæli og gerðir hans, Þorgerði Katrínu og vesenið með eignarhaldfélag þeirra hjóna, ýmislegt um Jóhönnu og Steingrím. Noregsferð Höskuldar og Sigmunds Davíðs og 2000 milljarðana sem þeir fundu þar. Og fleira og fleira. Og erfitt að segja að ein birting á myndbandi sem ég var a.m.k. búinn að sjá áður en Egill birti það, sé einelti er náttúrulega út í hött.

[Haraldur Hansson, 9.10.2011 kl. 00:21]

Jú, jú, auðvitað man maður þetta allt.

Það er ekki hægt að réttlæta fólskuverk með því að segja "það er búið að gera þetta oft áður".

Þessi dæmi þín eru ólík myndbandi Vigdísar. Þarna er verið að tala um efnislega gagnrýni. Um mál sem voru í umræðunni.

Einu mismælin sem ég man eftir að hæðst hafi verið að er þegar Sigurður Kári eignaði flokknum sínum kvótann í mismælum á landsfundi. Þetta myndband er sett saman og birt í þeim tilgangi einum að hæðast að Vigdísi. Sjáðu klippinguna og athugasemdir Láru Hönnu.

Tilgangurinn er að niðurlægja. Það er einelti.

Vigdís er fljótfær og stundum seinheppin. En það réttlætir ekki einelti. Myndbandið er Láru Hönnu ekki til framdráttar. Birting þess á Silfrinu er Agli til skammar.

Reyndu ekki að réttlæti þessa smekkleysu.

[Skúli (IP-tala skráð) 9.10.2011 kl. 02:05]

Er hægt að kalla þetta einelti?  Konan er alltaf kvartandi og segjandi misgáfulega hluti! 

[Ólafur Als, 9.10.2011 kl. 09:16]

Sammála þér, Haraldur. Reyndar merkilegt að hugsandi fólk skuli ekki taka undir mikilvægi þess að þáttastjórnandi á launum hjá skattgreiðendum - sem hefur það hlutverk að leiða hlutlausa stjórnmálaumræðu - taki ekki þátt í að gera grín að stjórnmálamönnum. Eina vörn hans væri e.t.v sú að gera grín að öllum stjórnmálamönnum - en ekki bara sumum ... ekki satt ?

[Viðar Friðgeirsson, 9.10.2011 kl. 12:51]

Að verja Vigdísi þessa finnst mér vont verkefni, en að reyna að verja nefndan Egil finnst mér enn verra verkefni og óvinnandi. Vil því hvorugt taka að mér, en tek þó undir með Haraldi og Ólafi Als. "Hlutlaus stjórnmálaumræða" er sennilega ekki til í hugarheimi sumra þáttasjórnenda á RÚV.