Bloggið um klámbækling Smáralindar gæti haft afleiðingar fyrir bloggarann.

Var að lesa þetta á www.mannlif.is

Klámlektor í klandri

9 mar. 2007

Upphlaup það sem Guðbjörg Kolbeins, lektor í fjölmiðlafræði við Háskóla Íslands, stóð fyrir á bloggi sínu vegna ritlings Smáralindar kann að draga dilk á eftir sér. Lektorinn bloggaði með einstaklega ósmekklegum hætti um klámfengna forsíðu að fermingarstúlkan væri tilbúin til samfara. Jakob Bjarnar Grétarsson, blaðamaður á Fréttablaðinu, hefur fjallað með afgerandi hætti um málið og ræddi meðal annars við foreldra fermingarbarnsins sem íhuga málssókn á hendur lektornum. Málið allt svertir Háskóla Íslands og sérstaklega fjölmiðlasvið skólans sem reyndar var ekki hátt skrifað fyrir. Raddir eru uppi um að Guðbjörgu sé ekki sætt í starfi sínu eftir að hafa sýnt slíkan dómgreindarbrest. Þorbjörn Broddason, prófessor og yfirmaður Guðbjargar, var aðspurður í Fréttablaðinu loðinn í svörum varðandi afglöp undirmannsins ...

Athugasemdir

[Jenný Anna Baldursdóttir, 9.3.2007 kl. 12:37]

Þetta er hið sorglegasta mál og ég kemst ekki hjá því að hugsa til þessarar vesalings stúlku sem lendir þarna á milli skips og bryggju.

[Magnús Helgi Björgvinsson, 9.3.2007 kl. 12:52]

Alveg hjaranlega sammála. Og allt út af bloggi frá einhverjum sem vill lesa eitthvað út úr stellingum sem ljósmyndarinn valdi. Þessi lestur í stellingar er náttúrulega eitthvað sem verður að fara varlega í. Því að fullklædd manneskja sem beygir sig niður er náttúrulega ekki það sama og ber eða fáklædd manneskja. Og síðast en ekki síst þá eiga fræðimenn að gæta að því að: Aðgát skal höfð í nærveru sálar. Og skrif þeirra á bloggið geta haft áhrif.