Það er bara ekkert að marka þessar kannanir Blaðsins

Samkvæmt þessari könnun er Sjálfstæðisflokkurinn með um 45% fylgi. Þetta þýðir að hann stefni í að ná meirihluta á Alþingi og getað stjórnað hér einn. En ég hef fjallað um það áður að það er eitthvað mikið að þessum könnunum hjá þeim.  Sjá hér  og hér Sjálfstæðisflokkurinn mælist með 5 til 10% meira fylgi hjá þeim en í öðrum könnunum.

Man eftir því að hafa lesið að einhver sem lenti í spurningunni hjá þeim var spurður hvort einhver annar væri þarna líka til að svara.

Finnst mjög vafasamt af blaði sem vill láta taka sig alvarlega að birta svona óvandaðar kannanir. Fólk verður líka að gera sér grein fyrir að Blaðinu leiðist ekki að geta sýnt fram á fylgi Sjalfstæðisflokksins.

Dregur úr fylgi VG samkvæmt könnun Blaðsins

Athugasemdir

[Geir (IP-tala skráð) 13.4.2007 kl. 09:46]

Já... núna á að kenna um ónákvæmum könnunum.  Þetta er nú bara raunveruleikinn.  Afhverju er það alltaf þannig að ef menn vilja kjósa til vinstri þá er lýðræðið að sigra en ef menn kjósa til hægri þá er um að ræða pólitískt ofbeldi.  Meirihluti þjóðarinnar er einfaldlega sátt við stjórnina eða stjórnarflokkana og þú sem Samfylkingarmaður ættir nú að vera að íhuga hvers vegna þið látið Ingibjörgu halda áfram að eyðileggja flokkinn og málefni hans.  Er það ekki mjög vafasamt af blaði sem vill láta taka sig alvarlega að birta fylgi Samfylkingarinnar?  Eru þau ekki líka reiknimistök?

[Magnús Helgi Björgvinsson, 13.4.2007 kl. 12:16]

Heyrðu Geir (Haarde?) Ég er að setja út á að þessar kannanir hjá þeim í Blaðinu eru í höfuðatriðum að sýna Sjáflstæðisflokk með 5 til 10% meira en aðrar kannanir. Og miðað við að kannanir eru skoðanamyndandi þá er rétt hjá blöðum að vanda til verka. Líka ef þú hugsar þetta þá voru 800 spurðir rúmlega 400 gáfu upp afstöðu sína. Þannig að þessi niðurstaða er byggð á svörum þeirra. Þetta er ekki mjög vísindalegt. Samfylkingin er að fá þarna svipað og annarstaðar.

[Kristján Pétursson, 13.4.2007 kl. 13:59]

Þessar skoðanir Blaðsins eru eintómt bull.Heldur nokkur að um 10% fylgi hafi skyndilega flutt sig frá VG yfir til íhaldsins.400 manns gáfu upp afstöðu sína,það er náttúrlega ekki marktækt.