Yfirlýsing um aðildarviðræður inn í pakkanum

Þessi kafli úr fréttinni er það jákvæðasta sem maður hefur heyrt lengi. Og nú skora ég á Samfylkinguna að standa fast á þessu.

Samkvæmt heimildum Morgunblaðsins er mikill áhugi á því innan Samfylkingarinnar að yfirlýsing um að Íslendingar stefni á aðildarviðræður við ESB fylgi þeim aðgerðum í efnahags- og peningamálum sem ríkisstjórnin hefur í undirbúningi.

Það er stuðningur við þetta frá flestum aðilum sem koma að þessu máli.

Aðeins í örugga höfn

Athugasemdir

[Valsól (IP-tala skráð) 4.10.2008 kl. 07:57]

Já nema Sjálftökuflokknum sem getur ekki hugsað sér að missa tækifæri á að hygla vinum sínum.

[Björn (IP-tala skráð) 4.10.2008 kl. 08:00]

Ísland er aðili að EES.  Í gegnum EES fær Ísland allar reglur um bankakerfið beint frá ESB.  Það er sem sagt ESB að kenna hvernig komið er fyrir regluverki íslenskra banka.  Ef það væri eitthvað smá vit í þessum bankareglum hefði þessi staða ekki getað komið upp.  Þú ert kannski einn af þessum sem heldur að Davíði og Ingibjörgu Sólrúnu dreymi svona lagavitleysu í rúminu heima hjá sér?

[Magnús Helgi Björgvinsson, 4.10.2008 kl. 09:42]

Við höfum ekki tekið upp reglur ESB í bankamálum. Hér eru íslensk lög um bankakerfið. Enda eru reglur allt öðruvísi t.d. á Spáni.

[Guðbjörn Guðbjörnsson, 4.10.2008 kl. 10:05]

Auðvitað ættu lífeyrissjóðirnir að skilyrða sína þátttöku sína á þennan hátt.

Um það er hins vegar því miður ekki samstaða. ASÍ er reyndar hlynnt ESB aðild en BSRB, BHM, KÍ og fleiri samtök því miður ekki.

Vandamálið er að Sjálfstæðisflokkurinn (ég er flokksbundinn og virkur félagi í þeim stjórnmálaflokki) er á móti aðild, þrátt fyrir að 60% kjósenda hafi í síðustu könnun Gallup lýst yfir áhuga á aðildarviðræðum. Sú tala er sennilega í 70-80% í dag.

Ég á von á að á næsta landsfundi flokksins verði þessar stefnu breytt. Vandamálið er að við höfum ekki tíma þar til næsta haust.

[Tjásan (IP-tala skráð) 4.10.2008 kl. 10:56]

Ég hef nú aldrei skilið þessar aðildarviðræður, það að við fáum inngöngu í ESB þýðir ekki að við fáum inngöngu inní myntbandalag ESB sem er annar hlutur, þar að auki er það mjög ólíklegt þar sem að við uppfyllum ekki einusinni skilyrðin sem þarf til þess að komast inn í myntbandalagið Ég vildi óska að fólk myndi nú átta sig á þessu og hætta þessari leiðinda evrópusambandsumræðu sem svo margir virðast vera að tilbiðja án þess að hafa hugmynd um hvað það þýðir. Lönd innan ESB eru meirað segja farin að vilja komast aftur út úr því, og hvenær hækkaði verðlagið á spáni? júbb við tilkomu evrunnar...en ohjæja

Vegna þess að Ísland er í EES þýðir það ekki að við tökum upp allar ESB reglur heldur sorterum við úr þær reglur sem henta okkur best. Ég þekki reyndar ekki reglurnar sem bankakerfin fara eftir en ég vil benda á að það er ekki hægt að setja samasem merki á milli allra reglna sem ESB setur og reglna sem settar eru í EES samninginn og gilda um okkur, annars gætum við alveg eins verið í ESB nú þegar, sem betur fer stöndum við utan ESB og höfum meira val um hvaða reglur við tökum upp innan ESB.
Mér finnst þó líklegt að bankakerfið sé með mjög svipað regluverk en við erum lítið eyríki með lítið hagkerfi og því þurfum við að vera með öðruvísi áherslur en þau stóru.

Sjálfstæðisflokkurinn (sem ég er einnig flokksbundin í) er þó á þessu sviði með heilasellurnar á réttum stað og ég vona og bið að hann haldi áfram að vera á móti því enda er það eina vitið því ESB þýðir EKKI innganga að myntbandalaginu.

[Magnús Helgi Björgvinsson, 4.10.2008 kl. 11:00]

Það kom í ljós í gær þegar rætt var um þessi mál að gæti tekið okkur innan við ár að ganga í ESB. Eftir að við erum komin þar inn er einhverjar reglur sem tryggja að á meðan við erum að ná því að stilla okkur af til að við verðum gjaldgeng í myntsamstarf þá tekur seðlabanki ESB að sér samvinnu við Seðalabanka okkar við að verja krónuna þangað til að við erum komin inn í myntsamstarfið.