Hvernig stendur á því að erlendir fjölmiðlar vita meira um hvað ríkisstjórn Íslands og co eru að gera?

Finnst þetta óviðunandi að fá fréttir af gangi mála hérlendis í gegnum erlenda fjölmiðla. Þetta er bara með öllu óþolandi. Sér í lagi það sem haft er eftir Geir Haarde.

Rætt við norræna seðlabanka

Athugasemdir

[Jón Ragnar Björnsson, 5.10.2008 kl. 00:01]

Einfalt!

Þeir erlendu eru bara klárir.

[Skúli (IP-tala skráð) 5.10.2008 kl. 00:05]

Þetta snýst auðvitað fyrst og fremst um að endurheimta traust erlendra aðila á íslenka efnahagnum. Þannig að allar svona fréttar gætu hjálpað til við það. En þá ætti alveg eins að vera hægt að veita íslenskum fjölmiðlum þessar upplýsingar líka fyrir fólkið í landinu hérna..

[Magnús Helgi Björgvinsson, 5.10.2008 kl. 00:16]

Geri mér grein fyrir því að það þarf að koma upplýsingum á framfæri en þegar að blaðamenn hér spyrja er svarða með leiðindum eins og það sé ekkert hægt að gefa upp. Og þegar þeir spyrja um tilgreind atriði þá koma engin svör en þau leka svo erlendra fjölmiðla. Það er bara ekki rétt að haga sér svona því það erum við íslendingar sem súpum seyðið af þessu aðgerðum.

[Gunnar Hrafn Jónsson (IP-tala skráð) 5.10.2008 kl. 00:38]

Magnús Helgi hitti naglann á höfuðið. Reyndar er þetta að vissu leiti spurning um sambönd erlendra fréttastofa utan Íslands, þar sem þær eru oft stærri og betur tengdar en hérlendar fréttastofur. Þetta viðtal við Geir eru öllu skrítnara en hafa ber í huga að Daily Telegraph eiga ekkert sérlega mikið undir því að hafa alltaf rétt eftir forsætisráðherra Íslands. Í það minnsta ekki ef miðað er við fjölmiðla hér á landi sem þurfa nauðsynlega að eiga regluleg samskipti við forsætisráðuneytið og svara fyrir hvern stafkrók sem eftir honum er hafður.

[Gunn (IP-tala skráð) 5.10.2008 kl. 07:04]

Öll erum við Íslendingar og það var að mínu mati boðskapur forseta Íslands og nú ríður á að við stöndum saman. Ögurstundin er runnin í íslenskum efnahag. Þetta kemur til með að hafa áhrif á okkur, börn og okkar barnabörn. Það er ljóst að Íslenska ríkið með Seðlabanka Íslands getur ekki bjargað fjármálalífi þjóðarinnar. Þeir standa núna í sporum Nóa sem veit að syndaflóðið er að skella á og þurfa að velja hverjum á að bjarga og hverjum á að kasta fyrir róða.

Allir eru bundir einhverjum með flokkpólítískum, fjárhagslegum, ættar eða vinatengslum. Mikilvægt að aðgerðirnar ná að sjá framtíðarhagsmuni þjóðarinnar og líti fram hjá einkahagsmunum. Margir verða illa brendir þar á meðal innflutningsfyrirtæki, stórskuldugir húseigendur og aðrir sem hafa farið offari síðustu árin.

Þessar aðgerðir þurfa að gerast núna um helgina. Ég er nú enginn aðdáandi Vinstri grænna en það sem formaðurinn þeirra sagði var "..að þegar skipið hriplekur og er að sökkva fer ekki áhöfnin að rífast um það hvers vegna það fór að leka þeir fara allir að ausa." Rifrildið er hægt að taka eftirá

Það koma til með að bíða tugþúsundir erlendra sparifjáreigenda á mánudaginn, eftir tæpa 1 sólarhring, við dyr "íslensku" bankanna erlendis og þeir vilja ekki íslenskar krónur. Fyrir kl. 06.00 á mánudaginn (Ísland er 2 tímum á eftir miðevróputímanum) þurfa þeir að hafa lausn á þessu.

Til að setja þetta í samhengi þá er norski seðlabankinn búinn að borga 71 miljarð Nkr i fyrradag og 57 miljarða Nkr í gær þetta gerir um 2500 miljarðar íslenskra króna sem eru og búast menn við að það verði ennþá hærri upphæðir lagðar til í næstu viku og það er í landi með mjög traust bankakerfi. Bankakerfi Noregs er hlutfallslega smátt miðað við stærð hagkerfisins. Hér eru menn menn að gæla við að flytja lífeyriseignir þjóðarinnar erlendis inn í hagkerfið sem eru um 500 miljarðar. Núna er eina von íslenska fjármálakerfisins núna er að fá geysilegan stuðning frá norrænu seðlabönkunum hugsanlega Evrópska seðlabankans væntanlega þurfa 3000 - 4000 íslenskir miljarðar til en Bandaríkjamenn hafa augljóslega sagt nei. það verði að mynda þjóðstjórn til að hindra að þessi sáraukafulla björgun gangi sem snurðulausust. Þeir þurfa væntanlega að skera hvalinn Kaupþing út úr íslensku fjármálalífi sem verður sársukafullt.

Öll útgerðarfyrirtæki landsins eru núna orðin tæknilega gjaldþrota, eigið fé og eignir í krónum meðan skuldir eru í erlendri mynt mikilvægast að styrkja þær og halda lífinu í gjaldeyrisskapandi atvinnugreinum og tryggja nauðsynja, þar á meðal olíuinnflutning. Veturinn er að skella á og tíminn er naumur.

Þetta verður okkar "legacy" í Evrópu. "Aularnir" frá eldfjallaeyjunni sem héldu þeir gætu eitthvað í "buisness".... Núna erum við stórskuldugir "aular" á lítilli eyju úti í Atlandshafi.

Stórnmálamennirnir voru í farþegasætinu og höfðu lítil áhrif og gátu og geta lítið annað gert en að bjarga leyfunum af því sem bjarga varð. Sök þeirra er sú að þeir höfðu of lítil afskipti og eftirlit af fjársýslunni og leyfðu þessu að þróast svona. Það hafa verið gerð stórfeld hagfræðileg mistök.

- Stór er einnig sök íslenskra fjölmiðlanna (sem sumir hafa verið í höndum þessara aðila) er að vera allt of lítið gagnrýnir og raun látið vera að birta mikilvægar fréttir og nánast verið málpípur þessara aðila.

- Allmenningur sjálfur ber einnig mikla sök á þvi hvernig komið er á fyrir þeim að setja sig í þessar ótrúlegu skuldir er algjört brjálaði og af þjóðernislegum barnaskap gleðjast yfir þessari vitleysu.

Stærst er ábyrgð fjármálamanna sem stóðu hér á bak við og hætt öllu til og sýnt of litla varfærni og komið sér og okkur í þessi þrot. Við getum náttúrulega kennt alþjóðafjármálakerfinu um að hrinda öllu þessu af stað men við vourm tekin með buxurnar á hælunum.

Væntanlega verður mikð þingað á fundarherbergjum um helgina, það verða fjöldagjaldþrot tilkynnt í næstu viku. Það er barnaskapur að kenna Seðlabankanum, Ríkisstjórninni um þennan atburð en væntanlega mun Geir taka á þessu pólitíska ábyrgð og segja af sér eftir skamman tíma. ...

[Gunn (IP-tala skráð) 5.10.2008 kl. 08:10]

Annars hefur verið reynt að segja okkur þetta í langan tíma.  Það kom skírsla frá Alþjóðabankanum - IMF í vor og  einnig margfræg grein professors Robert Wade við London School of Economics sem birtist í Financial Times sem bentu á það sem hefur gerst. Áróðursmaskínur fjármálastofnanna, takið eftir Richard Porter og Friðrik Már Baldursson vísuðu þessu á bug.  Nú er þessi umræddi Richard Porter einnig farinn að gagrýna Íslenska Seðlabankann fyrir að hrinda þessu af stað. Hmm, traustvekjandi?

Takið nú eftir þessari umræðu um Davíð.  Þetta er auðvitað ekki Davíð þetta er Seðlabanki Íslands og Ríkisstjórnin.  Mitt álit er að þeir hafa vitað þetta í talsverðan tíma og í raun vitað að þeir höfðu ekki fjárhagslega burði til að bjarga fjármálakerfinu.  Atburðir síðustu 3-4 vikna hafi flytt þessu ferli.  Leigupennar hagsmunnaaðila (bankanna og hluthafa þeirra) hafa hamrað á Seðlabankanum og hafa notað sér grunnhyggni almennings og stjórnmálamanna með að persónugera þetta.  Þeir urðu að gera þessar aðgerðir með Glitni sem er gjaldþrota, hvað sem hver segir.

Þetta er að lokum allt spurning um hver á að borga brúsann og hverjum á að bjarga. Um hvort eigi að fórna hagsmunum eiganda fjármálastofnanna eða framtíðarhagsmunum íslensku þjóðarinnar.
Seðlabanki og rikistjórn þurfa að hafa "pókerfés" þeir geta ekki svarða þessum ásökunum.  En ég vona að niðurstaðan verði sem best fyrir fólkið í landinu.  Erfiðir tímar eru framundan.

[Sigurður Þórðarson, 5.10.2008 kl. 09:13]

Ég heyrði einu sinni um svona fjölskyldu sem hélt að allt væri í stakasta lagi því  gíró- og innheimtuseðlarnir voru fjarlægðir af fíklinum.

[corvus corax, 5.10.2008 kl. 10:44]

Já, boðskapur forseta Íslands var sem sagt sá að við værum öll Íslendingar! Það er athyglisvert ...fyrir þá sem ekki höfðu tekið eftir því.