Æ hvað mér leiðist svona upphrópanir!

Hvað á Höskuldur við með þessu:

Ef við tökum þetta að okkur erum við að dæma þjóðina til fátæktar þegar til framtíðar er litið, að mínu mati

Það væri gaman að vita hvað Höskuldur á við „dæma þjóðina til fátæktar". Er hann að halda því fram að fólk verði hér eins og í Afríku. Að við verðum upp á matargjafir frá Sameiniðuþjóðunum komin? Er hann að kannski að meina að við höfum ekki efni á að kaupa okkur nýja Range Rover? Er er ekki rétt að lífskjör gætu orðið hér eins og voru kannski um 1995. Við komumst vel af þá. Fórum kannski ekki eins oft til útlanda, keypum minna af hjólhýsum og sumarbústöðum.

Síðan væri gott að bæði Hagfræðistofnun gerði sér grein fyrir að fólksflótti verður nú kannski takmarkaður því það er kreppa í öðrum löndum.

Samningurinn dæmir okkur til fátæktar

Athugasemdir

[Lilja Líndal Sigurðardóttir, 4.8.2009 kl. 20:19]

Réttlætir það þitt mat að það að við getum ekki keypt eins marga Range Rovera og áður,, ???  Spyr sá sem ekki veit, það eina sem ég veit er að ég þurfti í fyrsta skipti á ævi minni að sækja um matargjöf fyrir síðustu jól,, ég sé ekki fram á að geta framfleytt fjölskyldunni og borga þau álög og skatta og auka útgjöld í heilbrigðisþjónustu sem eru nú þegar hafin og munu bara hækka næstu árin. Mín afkoma er svört hvar sem er, en þó skárri þar sem að það er heilbrigðiskerfi sem virkar og maður þarf ekki að borga hálfan handlegg til að þora að fara til læknis eins og staðan er hjá mér og fleirum núna í dag,, hugsa að ég skuldi LSH mest af öllum í kringum mig,, og takk fyrir Range Roverinn í góðærinu......

[Lilja Líndal Sigurðardóttir, 4.8.2009 kl. 20:22]

Afsakaðu hvað þetta hljómaði biturt, en það er bara mikil reiði í manni eins og staðan er búin að vera hjá öllum ,,,, Bestu kveðjur, Lilja.

[Magnús Helgi Björgvinsson, 4.8.2009 kl. 20:53]

Lilja ég er alls ekki að gera lítið úr vandamálum sem fólk lendir í. Ég hef líka verið í þeirri stöðu að vera frekar illa staddur og geta illa framfleitt mér og um leið að vera helgarpabbi með dóttur mína eldri. Ég lenti í því missa 2 íbúðir og sita uppi með skuldir. Það var upp úr 1990. Ég náði reyndar að vinna mig út úr því sem og að kaupmáttur jókst verulega. Þannig er ég nú að ala upp yngri dóttur mína og með því að snýða mér stakk eftir vexti er ég komin út úr verstu skuldunum. Og hef hamingjusamur búið í Búsetaíbúðum í 15 ár.

Ég treysti á það á meðan þessi stjórn er við völd verið ekki farið í að auka verulega þjónustugjöld. Og þeir sem minna mega sína vegna heilsu eða atvinnuleysis verði áfram í forgangi.

Ég starfa við að aðstoða fólk með fötlun og veit að staða þeirra hefur síðustu ár batnað þó nokkuð. Og stafsfólk sem starfar hjá mér hefur fengið leiðréttingar nú síðustu ár. En fólk hefur samt um 180 þúsund í byrjunarlaun. Og hefur þraukað mörg á þessum launum. Þannig að það er hægt að komast af þó það sé erfitt.

  En þetta er ekki það sem Höskuldur var að tala um! Hann var að tala um almenna fátækt. Og ég bara neita að trúa því. Ég veit þetta verður erfitt um tíma en við vorum jú með ríkustu löndum í heimi. Og lífsstandardinn var hér mjög hár. Ekki hjá öllum ég veit það en mörgum.  Og lífsgæðakapphláupið var svakalegt. Horfðu á öll nýju íbúðahverfin, alla nýlegu bílana, sumarbústaðina og svo framvegis. Fólk hikaði ekki við að kaupa sjónavarp fyrir 300 þúsund krónur eða meira.

En ítreka að þetta verður erfitt og það er stjórnvalda að verja þá sem verst standa.

[Guðrún (IP-tala skráð) 7.8.2009 kl. 08:46]

Það verið að tala um almenna fátækt, Afríka góð samlíking. 

Þar er óðaverðbólga, skuldir langt umfram þjóðaframleiðslu, ónýtur gjaldmiðill, innflutningur takmarkast við engan, nema hjálp frá Unisef.

Fólk sem fór til útlanda , keyptu sér sjónvarp voru væntanlega þeir sem áttuðu sig tímalega á því að hætta að borga til glæpastofnana eins og eyða peningnum skynsamlega í sjálft sig.  Skuldirnar við glæpastofnanair / banka  taka hvort sem er ekki enda.. það gera peningar almennings.