Leyfum þeim að taka við. Í ljósi vilja þjóðarinnar.

Væri ekki rétt fyrir stjórnvöld þó þau séu kannski búin að sigla okkur í gegn um verstu öldurnar, að fara að vilja þjóðarinnar og segja bara af sér! Láta þá stjórnarandstöðuna um að ganga frá Icesave, gagnaverum og öllu því sem nú stendur til. Leyfa þjóðinni að njóta þess að hafa Framsókn og Sjálfstæðismenn hér aftur við völd með stuðningi Ögmundar, Lilju og Hreyfingarinnar. Það er það sem þjóðin er að biðja um. Þ.e. þjóðin er á móti öllu sem stjórnvöld er gera og því kannski rétt bara að víkja til hliðar. Enda er með öllu ómögulegt að vera með meirihluta sem saman stendur af mönnum sem í hverju málinu á fætur öðru eru ósammála stjórnvöldum. Þannig að öll stærri mál kosta allt of mikla baráttu.

Og í ljósi þess að fólk trúir ekki skýringum Steingríms og Jöhönnu um Icesave þá á fólk bara skilið að fá hér nýja stjórn. (69% á móti því að ALþingi samþykki ábyrgð)

Leyfum því þjóðinni að njóta snilli Sjálfstæðismanna og Framsóknar sem segja þetta ekkert mál að lenda Icesave og Bretar og Hollendingar eru auðveldir. Það sé ekkert mál að sleppa skatthækkunum því að það megi bara skerða skattatekjur framtíðarinnar til að redda okkur. Og eins eigi bara að létta álögu á fyrirtækjum því það skili okkur strax auknum sköttum vegna veltu. Og það sé auðvelt að skera niður hjá ríkinu.

Látum þá stjórna hérna næstu árin. Þjóðin er að biðja um þetta. Verði henni að góðu. Með kannski Bjarna Ben sem forsætisráðherra. Og Sigmund Davíð sem fjármálaráðherra.  Og svo gæti Þór Saari verið viðskipta og efnahagsráðherra. Prófum þetta! Sjáum hvað þeir geta gert öðru vísi.

Fólk ætti kannski að stinga upp á þessari hugmynd niður á Austuvelli á laugardaginn.

Hugmyndir að slagorðum fyrir fólk!

• Bjarna Ben að forsætisráðherra!
• Sigmundur í peningana
• Aftur í sama gamla farið
• Komum snillingum til valda
• Hreyfinguna til valda - til að koma hreyfingu á hlutina

Athugasemdir

[Marteinn Unnar Heiðarsson, 17.12.2009 kl. 20:37]

Örugglega betri kostur en er í dag því ekkert er að gerast fyrir fólkið í landinu og á sama tíma er hægt að eyða mörg hundruð miljónum í ESB bull....

[Árni Þór Guðmundsson (IP-tala skráð) 17.12.2009 kl. 20:50]

Ekkert sem þú taldir upp að ofan í þessari arfavitlausu grein hefur verið talað um á austurvelli.

Þú ættir kannski að stinga þér niður á austurvöll næsta laugardag ?

[Sigurgeir Jónsson, 17.12.2009 kl. 21:25]

Þú ert að átta þig Magnús.Þetta er rétt hjá þér.Fólk sem hefur ekki hugmynd um hvar það er statt né veit hvað það skuldar á ekki að koma nálægt stjórn landsins.Forgangslisti nýrrar stjórnar gæti verið:Úrsögn úr öllu hernaðarsamstarfi Nató.Úrsögn úr Senghen.Fækka sendiherrum í þrjá.Auka samstarf við Nörðmenn og Grænlendinga.Kalla heim viðræðunefndina við ESB.Endurskipuleggja allt skólastarf og fækka háskólum í tvo.Skipta landinu upp í fylki með fastsetningu á þingmannafjölda.Og númer eitt er að viðurkenna skuldavandann .Niður með óhæfa ríkisstjórn sem lýgur að sjálfri sér og þjóðinni.Og lýgur líka með þögninni.

[Sigurgeir Jónsson, 17.12.2009 kl. 21:29]

Og taka af óunnayfirvinnutíma og dagpeninga hjá ríkisstarfsmönnum og reyna að fækka þeim sem mest.Lifi byltingin.

[Gunnar Skúli Ármannsson, 17.12.2009 kl. 21:31]

Þú ert algjört met Magnús,

núna erum við loksins sammála,

það er enginn munur á kúk eða skít.

Amen

[Magnús Helgi Björgvinsson, 17.12.2009 kl. 22:16]

Ég stakk upp á því Árni að þessu yrði bætt við. Ég hef kýkt þangað niðureftir og hlustaði líka á að Ragnar sem talar næst sem segir að stjórnvöld geri ekkert. Þá hafa þarna líka verið menn að mótmæla Icesave. Því stakk ég upp á því að að menn bættu bara við þessum kafla um að stjórnin fari frá og nýjir taki við.  Það er ljóst að þjóðin hefur ekki trú á því að þessi stjórn sé að gera sitt besta fyrir þjóðina og ef að hún fellur á Icesave þá væri kannski best fyrir þau að vera á undan og segja af sér. Og þar með yrði Bjarna Ben væntanlega falið að mynda nýja stjórn.

Gunnar það er einmitt svona málflutningur eins og þinn sem mótar alla umræðu hér í bloggheimum. Þ.e. menn sem trúa því að það sé til fyrirmyndarheimur utopia. Þar sem allir fá allt sem þeir vilja.

Sigurgeir það átti að vera búið að taka úr óunna yfirvinnu. Ég hef aldrei fengið svoleiðis. Mín yfirvinna er öll unnnin og mæld og nánast ekki nein því að ég þyki svo dýr starfsmaður. Ég er jú eins og ég hef sagt þér með heil 350 þúsund í laun. Svo ég læt fólk sem er með miklu lægra kaup vinna yfirvinnuna. Best þegar ég get fengið fólkið sem er með 180 þúsund vinna hana. Því þau hafa lægsta yfirvinnukaupið.

[Sigurgeir Jónsson, 17.12.2009 kl. 23:09]

Þú hefðir fengið hrós hjá Maó formanni Magnús og átt það skilið.