Ætlum við að binda alla okkar orku í stóriðju nú á nokkrum árum.?Hvar eiga börnin okkar að fá orku fyrir sig

Af ruv.is:

Ísland er eitt af 15 löndum sem til greina koma. Þrír staðir eru í skoðun hér á landi, Eyjafjörður, Þorlákshöfn og Grundartangi. samkvæmt upplýsingum fréttastofu eru landkostir á Grundartanga taldir hvað bestir undir verksmiðju af þessu tagi, m.a. vegna þess að framleiðsluferlið þolir ekki jarðskjálfta. Framleiðslan byggist á efnagreiningarferli sem er mjög raforkufrekt og því hefur verið slegið fram að raforkuþörfin verði svipuð og hjá báðum stóriðjuverunum á Grundartanga samanlagt. Sömuleiðis er framleiðslan mjög plássfrek og því ljóst að umtalsvert landsvæði þyrfti undir verksmiðjuna. Ekki liggur fyrir hversu mannfrek framleiðslan verður en ljóst er þar er þörf fyrir fjölbreytt vinnuafl, jafnt ófaglærða sem fólk með mikla háskólamenntun.

Var að hlusta á orkumálastjóra um daginn. Hann sagði að þegar álverið á Reyðarfirði yrði komið í gang værum við búin að nota um 60 til 70% af þeirri orku sem hann taldi að hægt væri að virkja í nokkurri sátt. Þar var hann að tala um að 50 teravattsstundir held ég væru í þeim virkjunum. En hann sagði líka að aðrir teldu þetta minna.

Síðan þegar búið væri að virkja þar yrði að snúa sér að öðrum svæðum sem væru umdeildari.

Það er nokkuð ljóst að þegar við erum búinn að binda alla okkar orku í stóriðjum nú á nokkrum áratugum lendum við í vanræðum þegar okkur fjölgar og við þurfum að skapa ný störf og skaffa komandi kynslóðum orku. EN þá er hún óvart bara bundin í stóriðju.  Og ekkert uppá að hlaupa. Hvernig yrði það t.d ef við eftir 10 til 20 ár færum að framleiða vetni í miklu mæli til að nota umhverfisvæna orku. Yrðum við þá að virkja Dettifoss, Gullfoss eða Geysi????

Mjólkur einokun

NFS, 16. Október 2006 20:05

Framkvæmdastjóri Mjólku ætlar að kæra Landbúnaðarráðherra

Framkvæmdastjóri Mjólku ætlar að kæra Landbúnaðarráðherra fyrir brot á jafnræðisreglunni eftir ummæli sem hann lét falla í gær um að hann myndi ekki beita sér fyrir breytingu á búvörulögum.

Í ummælunum hafnaði ráðherra sjónarmiði Samkeppniseftirlitsins um að breyta búvörulögum, en úrskurður eftirlitsins var birtur fyrir helgi og sagði ekki eðlilegt að undanþiggja afurðarstöðvar í mjólkuriðnaði samkeppnislögum. Mjólka, ostahúsið í Hafnarfirði og Bíóbú eru ekki undanþegin lögunum

Án þess að ég hafi sérstakan áhuga á málefnum MJÓLKU þá er ég dálítið undrandi á ráðherra landbúnaðarmála og þó ekki. Hann er náttúrulega með bakland sitt í einu mesta mjólkurframleiðslu svæði landsins. En mér finnst það alveg út í hött að ríkð hafi samið við bændur og framleiðslufyrirtæki þeirra um að vera undanþegin samkeppnislögum. Þá kom mér það á óvart að heyra það í kvöld að með beingreiðslum til mjólkurbænda þá hafa þeir um 70 til 80 kr fyrir hvern líter sem er svipað og við borgum.

Þá finnst mér gleymast í þessari umræðu að bændur eru þegar farnir að hasla sér völl með mjólkurvörur í útlöndum. Því skil ég ekki hræðslu þeirra við breytingar. Ég hef heyrt að mjólkurkvóti sé orðinn mjög verðmætur og nú þegar séu fyrirtæki farin að kaupa upp kvóta og jarðir til að græða á greiðslum frá ríkinu.

Ég man eftir umræðu um að grænmetisræktun mundi leggjast hér af við lækkun á tollum en ég er enn að versla innlent grænmeti. Þannig held ég að mundir líka fara ef að samkeppni yrði almennt komð á í landbúnaði. Landbúnaður er náttúrulega bara iðnaður eins og hvað annað. Menn eru að vinna úr hráefni, vörur á markað og þeir sem standa sig best gagnvart neytendum komast best af.

Að skjóta sig í fótinn!!!!!!!!!!!

Svona getur þetta stundum farið (þó maður sé ekki rjúpnaskytta) þá skaut ég mig gjörsamlega í fótinn með síðustu bloggfærslu minni. En það gerir þetta bara skemmtilegra. Maður fær athugasemdir og lærir af þeim

Er Bakkafjörður ekki um 100 km frá Fjarðabyggð? (Nei það er víst aðeins lengra)

Innlent | mbl.is | 15.10.2006 | 21:40

Fólksflótti frá Bakkafirði

Á undanförnum mánuðum hefur ástandið í atvinnumálum á Bakkafirði verið með versta móti og þar af leiðandi hefur fólksflótti frá Bakkafirði verið mikill. Hátt í 40 manns hafa á síðustu misserum flutt frá Bakkafirði og sér ekki fyrir endann á því. Má að mestu rekja fólksflóttann til slæms atvinnuástands. Þetta kemur fram á vefnum bakkafjordur.is.

Hvað átti álverið á Reyðarfirði ekki að bjarga Austurlandi?  Sting upp á að Iðnaðarráðuneytið verið flutt til Bakkafjarðar.

Eins skilst mér að Vopnafjörður hafi ekki fundið fyrir áhrifum álvers. Sting upp á að Sjávarútvegsráðuneyti flytji þangað.

Svo má leika sér með nokkur jarðgöng svona þarna á milli!

.(Leiðrétt þeir eru víst 204 km milli Bakkafjarðar og Reyðarfjarðar. Og því kannski 150 á milli Bakkafjarðar og Fjarðabyggðar. Biðst afsökunar á því Gott þegar maður fær leiðréttingar svona fljótt. Svo ég breytti bara blogginu.  EN maður hefði haldið að eitthvað af þessum hundruðu milljörðum í virkjun hefðu skilað sér víðar á Austfjörðum).

Fólksflótti frá Bakkafirði

Áhrifamáttur bloggsins

Erlent | mbl.is | 15.10.2006 | 6:38

Bloggari varð sænskum ráðherra að falli

Sænskur bloggari átti stóran þátt í því að Maria Borelius neyddist til að segja af sér embætti viðskiptaráðherra í Svíþjóð í gær eftir að hafa aðeins setið í átta daga á ráðherrastóli. Bloggarinn birti m.a. upplýsingar um tekjur Borelius og eignir sem aðrir fjölmiðlar tóku síðan upp

Skildi einhverntímann svona gerast á Íslandi? Efast um það þar sem að hér þurfa ráðherra ekki að axla ábyrgð eins og annarsstaðar í vestrænum heimi. Enda er hér bananalýðveldi.

Er þetta ekki farið að gerast full oft? Seinagangur hjá löggunni!

Innlent | Morgunblaðið | 15.10.2006 | 05:30

Sleppt úr haldi vegna seinagangs

Hæstiréttur felldi á föstudag úr gildi úrskurð Héraðsdóms Reykjavíkur um gæsluvarðhaldsúrskurð yfir manni, sem grunaður er um að hafa skipulagt fíkniefnainnflutning, vegna seinagangs lögreglu.

Ég veit það er mikið að gera í þessum málum en skv. fréttinni þá voru þeir langt komnir með rannsóknina í ágúst.

Ekki kannski heppilegasta manneskjan til að stinga upp á þessu

Rakst á eftirfarandi inn á visir.is. Fannst ég verða að koma með smá athugasemd. Þarna talar alþingsimaðurinn Ásta Müller.  EN hún er ekki bara alþingismaður heldur er hún eigandi að stóru fyrirtækið Liðsinni ehf.  sem sérhæfir sig í að skaffa hjúkrunarfræðinga og aðra starfsmenn í lengri eða skemmri tíma inn á stofnanir og aðra þá staði sem þeirra er þörf. Semsagt starfsmannaleigu.

EN á vísir segir m.a.

Fréttablaðið, 14. Október 2006 06:30

Hluti af starfsemi spítalans fari annað

Skipulagsbreytingar innan Landspítala - háskólasjúkrahúss eru nauðsynlegar, segir Ásta Möller, varaformaður heilbrigðisnefndar Alþingis. Hún segist þeirrar skoðunar að ákveðnir þættir í núverandi starfsemi spítalans eigi ekki að vera innan veggja hans. Hægt sé að færa þessa þætti frá spítalanum gegn því að viðkomandi starfsmenn eða aðrir taki að sér rekstur þeirra.

Hvernig á maður að taka þetta öðruvísi en að hún sé með þessu að láta sig dreyma um að stækka eigið fyrirtæki. Getur þingmaður í þessari stöðu nokkurn tíma verið trúanlegur í málum eins og þessum.

Bíddu er þetta prófkjör??????

Innlent | mbl.is | 14.10.2006 | 19:28

Lokað prófkjör hjá framsókn í SV-kjördæmi

Framsóknarmenn í Suðvesturkjördæmi samþykktu í dag tillögu stjórnar kjördæmissambandsins að listi fyrir næstu Alþingiskosningar verði kosinn á tvöföldu kjördæmisþingi.

Ég hafði einhvernveginn aðrar hugmyndir um hvað prófkjör væri. Ég hélt að þetta væri bara að þeir ætla aðeins að leyfa innvígðum framsóknarmönnum sem fá/eru valdir- að mæta á kjördæmisþing  að velja frambjóðendur. Þannig að hin almenni flokksmaður fær væntanlega ekkert að segja um málið. Enda hentar það flokki vel sem er orðinn að mestu að valdasjúkri stofnun og atvinnumiðlun fyrir innvígða framsóknarmenn úr innsta kjarna. 

Listi framsóknar í SV-kjördæmi valinn á kjördæmaþingi

Hvalur 9 heldur til veiða eftir helgina

Fréttablaðið, 14. Október 2006 03:30

Hvalur 9 heldur til veiða eftir helgina

Hvalveiðiskipið Hvalur 9 mun halda til veiða í næstu viku samkvæmt heimildum Fréttablaðsins. Til stóð að skipið færi út um helgina en því var frestað tímabundið.

Er þetta ekki alveg dæmigert fyrir okkur. Ætlum við að leyfa Kristjáni Loftssyni að fara út að leika sér að  veiða hvali aftur. Það er alltaf talað um þessar veiðar eins og þær hafi verið gróðafyrirtæki fyrir alla Íslendinga á sínum tíma. EN fólk gleymir að það var aðeins veitt í nokkra mánuði á ári og það var aðalega Kristján Loftsson sem græddi á að selja hvalkjöt til Japans og hvalslýsi og fitu í snyrtivörur sem ekkert fyrirtæki mundi nota í þær vörur lengur.

Halda menn með því að læðast út með hvalveiðskipið þá fréttir heimurinn ekki af þessu og bregðist við. Bandaríkin og fleiri lönd gætu beytt okkur viðskiptaþvingunum í kjölfarið. Þá kæmust við kannski í flokk með Norður - Kóreru.

Og allt þetta fyrir nokkra hvalaskrokka sem fáir vilja nota. Mér persónulega finnst hvalkjöt vont og ég held að svo sé um marga.    Finnst því sniðugra til lengdar að gera frekar út á fólk sem vill skoða þessi dýr lifandi og í sjónum.             

Ég mundi nú vilja staðfestingu frá öðrum

Bandarískar vísindarannsóknir staðfesta kjarnorkutilraunir N-Kóreu
Erlent | mbl.is | 14.10.2006 | 9:44
Bráðabirgðaniðurstöður vísindarannsókna virðast staðfesta að Norður-Kórea hafi gert kjarnorkutilraun sl. mánudag líkt og N-Kóreumenn hafa haldið fram, en þetta segja bandarískir embættismenn

Ætli að þetta séu sömu vísindamenn og fundu út skv. gögnum væru fullt af gereyðingarvopnum í Írak.

Bandarískar vísindarannsóknir staðfesta kjarnorkutilraunir N-Kóreu