Klasasprengjur

Mér finnst þetta svo augljóst að það þurfi ekki að ræða það. Þessar skelfilegu vítissprengjur sem dreyfa sér um allt og drepa saklaust fólk í umvörpum. Þetta er eitt af því sem Bandaríkin neita að samþykkja. Eins og bann við jarðsprengjum. Þá eru bandaríkin farin að nota sprengjur sem innihalda geislavirk efni til að ráðast á byrgi. Það er óhugnalegt að öll helstu vítistól sem notuð eru í stríðum eru fundin upp í Bandaríkjunum.

Egeland vill banna klasasprengjur

Erum við að vaxa okkur yfir höfuð?

Haf verið að velta fyrir mér hvort að við séum að verða of stór miðað við mannfjölda. Eru fyrirtækin og framkvæmdir að verða stærri en 300 þúsund manna þjóð ræður við. Það eru um 10.000 erlendir ríkisborgarar i starfi hér og samt er ekkert atvinnuleysi og vantar en fólk. Er þetta holt fyrir þjóð sem er að rembast við að halda í þjóðareinkenni sín.

Er þá umfang okkar orðið of mikið? Erum við þá að græða eitthvað á þessu eða eru það bara fyrirtækin sem sem fá þarna starfsfólk á lægri launum en við látum bjóða okkur?

Nú þegar allir Íslendingar sem vilja eru í starfi sem og fjöldi erlendra starfsmanna. Verður þá ekki allur vöxtur hér bundinn því að við fáum útlendinga til að flytjast hingað til að vinna?

Spyr sá sem ekki veit

www.ruv.is

• » Fréttir
Fyrst birt: 06.11.2006 18:41
Síðast uppfært: 06.11.2006 21:07
Erlendum starfsmönnum fjölgar en atvinnuleysi minnkar
8.000 erlendir starfsmenn hafa komið hingað til lands frá 1. maí, 10.000 frá áramótum. Þrátt fyrir það hefur atvinnuleysi ekki aukist, það mælist nú minna en í byrjun árs.

Talsverð umræða hefur verið um stöðu útlendinga á vinnumarkaði hérlendis og því haldið fram að fjölgun útlendinga komi niður á þeim sem veikast standa á atvinnumarkaði.

Samkvæmt upplýsingum frá Vinnumálastofnun í dag eru um 12.000 erlendir starfsmenn á Íslandi. Þar af hafa um 8.000 komið hingað til lands eftir 1. maí, þegar lög um frjálsa för vinnuafls á Evrópska efnahagssvæðinu tóku gildi. EES borgarar þurfa ekki atvinnuleyfi til að starfa á Íslandi og mega starfa hér ótímabundið. Þeir eru þó að sjálfsögðu skattskyldir og eru þar af leiðandi skráðir, fá kennitölur og skattkort og starfa samkvæmt íslenskum lögum og kjarasamningum.

En við hvað starfar allt þetta fólk? Samkvæmt svari félagsmálaráðherra við fyrirspurn Valdimars Leós Friðrikssonar á Alþingi fyrir viku eru þeir sem hingað koma á vegum starfsmannaleiga aðallega verkamenn og iðnaðarmenn en einnig hjúkrunarfræðingar.

Fyrstu fjóra mánuði ársins voru langflest útgefin atvinnuleyfi vegna starfsmanna í byggingariðnaði, 2/3 allra útgefinna atvinnuleyfa á tímabilinu. 5% til 10% útgefinna leyfa voru vegna starfsmanna í fiskvinnslu, kjötiðn, verslun og þjónustu og ferðaþjónustu.

Þrátt fyrir þennan fjölda erlendra starfsmanna hefur atvinnuleysi ekki aukist. Frá 1. maí hefur það mælst 1% til 1,4% í hverjum mánuði. Á þessu ári hefur atvinnuleysi mælst hæst 1,6%, það var í janúar og febrúar, samkvæmt upplýsingum Vinnumálastofnunar.

Samkvæmt frétt á vef lögreglunnar sem birt var í dag eru engar vísbendingar um fjölgun brota þar sem erlendir ríkisborgarar eiga hlut að máli. Útlendingum sem kærðir eru fyrir hegningalagabrot hefur ekki fjölgað á þessu ári.

Um sjö þúsund útlendingar til starfa í ár

Bíddu er Bush eitthvað betri en Saddam?

Bíddu er þetta ekki bara alveg það sama og hann var að gera:

www.ruv.is

• » Fréttir

Fyrst birt: 06.11.2006 17:14

Síðast uppfært: 06.11.2006 21:09

Fanga sleppt eftir pyntingar

Palestínskum verkfræðingi með pakistanskt ríkisfang var sleppt í Ísrael í dag eftir að hafa í tvö og hálft ár setið í fangelsum Bandaríkjamanna og bandamanna þeirra án dóms og laga. Maðurinn var pyntaður. Hann heitir Marwan Jabur og var handtekinn i Pakistan árið 2004 þar sem hann bjó ásamt eiginkonu og þremur börnum

Eftir pyntingar í hálfan mánuð var hann sendur í fangelsi Bandaríkjamanna í Guantanamo á Kúbu þar sem hann sætti látlausum barsmíðum fangavarða segir hann og hávær tónlist var spiluð án afláts.

Þaðan fluttu Bandaríkjamenn hann í fangelsi í Jórdaníu og enn var hann fluttur í Kishon öryggisfangelsi ísraelsku leynilögreglunnar Shin Bet. Honum var sleppt í dag þar ekki tókst þrátt fyrir pyntingar og harðræði að tengja hann við hryðjuverk.

Á endanum ekki mjög kvennvænir kjósendur í Suðurkjördæmi.

Frétt af mbl.is

  Björgvin sigraði - Lúðvík náði öðru sæti
Innlent | mbl.is | 6.11.2006 | 22:06
Björgvin G. Sigurðsson hafði afgerandi sigur í prófkjöri Samfylkingarinnar á Suðurlandi, og Lúðvík Bergvinsson náði öðru sæti. Lokatölur voru birtar nú upp úr klukkan tíu í kvöld. Róbert Marshall varð í þriðja sæti.

Ragnheiður fyrsta konan á lista í 4 sæti. Ekki það að þeir fyrir ofan hana eru flottir frambjóðendur en það hefði nú verið sterkt að stilla upp konu ofar en í 4 sæti.

En ekki hægt að þræta fyrir að Róbert Marshall er sá náði athyglisverðasta árangrinum. AÐ koma inn í pólitík fyrir nokkrum mánuðum og ná 3 sæti er glæsilegt.

Björgvin sigraði - Lúðvík náði öðru sæti

Bíddu er eitthvað að? Er þetta frétt?

Er virkilega verið að verið að gera þetta að frétt:

ruv.is

Fyrst birt: 06.11.2006 17:28

Síðast uppfært: 06.11.2006 17:58

Ríkisstarfsmenn þungir á fóðrum

Kostnaður ríkisstofnana vegna matar, kaffis og meðlætis starfsmanna var um 65.000 krónur á mann á árinu 2005. Þetta kemur fram í skýrslu Ríkisendurskoðunar um ríkisreikning þess árs. Um er að ræða þær stofnanir, sem hafa mötuneyti en þær voru um helmingur þeirra ríkisstofnana sem Ríkisendurskoðun kannaði.

Hjá þeim stofnunum störfuðu um 80% þeirra starfsmanna sem lentu í úrtaki Ríkisendurskoðunar. Að meðaltali notuðu um 40% þeirra mötuneytið. Ríkisendurskoðun segir að almennt virðist greiðsla fæðispeninga vera heldur hagkvæmari en rekstur mötuneyta.

Bíddu ef menn skoða þetta betur þá gera þetta um 5.900 á mánuði miðað við 11 unna mánuði á ári. Og miðað við 21 vinnudag í meðal mánuði gerir þetta  um 280 krónur á hvern vinnudag. Það er ekki stór máltíð sem hægt er að kaupa fyrir það.

Var Geir ekki að segja að það væri að draga úr þennslunni?

Ekki allir sammála því:

ruv.is

• » Fréttir

Fyrst birt: 06.11.2006 18:07

Síðast uppfært: 06.11.2006 21:22

ASÍ: Stöðugleikinn úr sögunni

Langtímasamningar eru úr sögunni og Alþýðusamband Íslands verður að semja til skemmri tíma en áður, náist ekki jafnvægi í efnahagslífinu. Sambandið segir að áframhaldandi stóriðjuframkvæmdir þurrki út stöðugleikann.

Hagdeild Alþýðusambands Íslands segir í nýlegri hagspá að tiltölulega mjúk lending verði í efnahagslífinu að loknum núverandi stóriðjuframkvæmdir. Í spánni er ekki gert ráð fyrir áframhaldandi stóriðjuframkvæmdum en þar er jafnframt fjallað um áhrif þeirra.

Ólafur Darri Andrason, hagfræðingur ASÍ, segir að haldi stóriðjuframkvæmdir áfram strax og jafnvel til ársins 2015, verði hagvöxtur meiri en ef það yrði ekki gert. Hins vegar yrði verðbólga mun meiri, en án stóriðjuframkvæmda, tvisvar sinnum meiri en ella, stýrivextir yrðu tvöfalt hærri, gengið einnig og gengissveiflur meiri. Því þurfi að skapa skilyrði í hagkerfinu til þess að geta farið í framkvæmdirnar síðar.

Og samt er ekki hægt að reka hér sjúkrahús almennilega

• Landspítalinn er á hverju ári rekinn með halla og þarf að bjarga þar málum frá mánuði til mánaðar seinni hluta ársins.
• Öryrkjar gátu ekki fengið þær bætur sem þeir þó höfðu loforð frá ráðherra um.
• Framhaldsskólar geta ekki haldið uppi eðlilegri kennslu í verknáms og iðngreinum.
• Höfðuborgarbúar þurfa að bíða og bíða eftir samgöngubótum eins og Sundabraut og fleira.

En ríkissjóður er rekinn með 113 milljarða afgangi.

• Það er hægt að eyða af honum í að koma okkur í Öryggisráðið
• Það er hægt að eyða úr honum til að vinna á móti sporthvalaveiði nokkurra manna
• Það er hægt að eyð úr honum í sendiráð hér og þar.
• Það er hægt að eyða úr honum í kosningapot hér og þar um landið (jarðgöng og fleira)

Afkoma A-hluta ríkissjóðs jákvæð um tæpa 113 milljarða króna

Íslendingar minnst spilltir? Hver gefur upplýsingar um okkur eiginlega

Hverjir eru það sem gefa þssum samtökum upplýsingar. Haf þeir ekkert heyrt um helmingaskipareglur, einkavinavæðingu, gjafir á ríkisfyrirtækjum og svo framvegis  

NFS, 06. Nóvember 2006 10:36

Íslendingar minnst spilltir

Hér á landi er minnsta spilling í heimi, við deilum fyrsta sætinu á lista samtakanna Transparency International með Finnlandi og Nýja-Sjálandi. Haítí er spilltasta land í heimi en fast á hæla því landi koma Mjanmar (fyrrum Búrma) og Írak. Tæpur helmingur ríkja á listanum fá einkunn undir þremur á skalanum 1-10, sem þýðir greinileg spilling.

Samtökin segja sterk tengsl milli fátæktar og spillingar, spilling haldi stórum hluta af mannkyninu í fátæktargildru. Því segja samtökin að ganga verði harðar fram í að uppræta spillingu ef einhver árangur eigi að nást í baráttunni við fátækt í heiminum. Fátæk lönd í heiminum fá öll undir 5 í einkunn, þar á meðal eru öll nema tvö Afríkuríki.

Íslendingar voru á toppnum í fyrra líka. Þá voru Finnar og Nýsjálendingar í 2.-3. sæti og Danir í því fjórða, sem þeir halda á listanum í ár.

Nánari upplýsingar um listann og um samtökin er að finna á heimasíðu samtakanna Transparency International

Minnst spilling í íslensku stjórnkerfi að mati Transparency International

38.490 ára fangelsisdóms krafist

Er þetta brandari  

Frétt af mbl.is

  38.490 ára fangelsisdóms krafist vegna hryðjuverka
Erlent | mbl.is | 6.11.2006 | 11:29
Spænskir saksóknarar ætla að krefjast meira en 38.000 ára fangelsisdóms yfir þeim sem ákærðir hafa verið vegna hryðjuverkaárásanna í Madrid árið 2004 við réttarhöldin á næsta ári.

Veit ekki alveg hvað er mikið vit í þessu. Afhverju eru menn ekki að fara fram á þeir verði dæmdir í ævilangt fangesli. 38.490 ára fangelsisdómur gerir málið bara fáránlegt

38.490 ára fangelsisdóms krafist vegna hryðjuverka

Bandaríkjastjórn segir dauðadóminn góð tíðindi fyrir írösku þjóðina

Alveg er þetta makalaust. Hvenær ætla menn að læra að það er alls engin skynsemi í að dæma menn til dauða. Þetta á sérstaklega við um menn sem eru staðnir að illverkum. Er ekki meira vit í að dæma menn til lífstíðar fangavistar. Þeir eru þó þá á meðan þeir lifa minnisvarði um afleiðingar glæpa sinna.

Ég er hræddur um að með því að lífláta Saddam þá verði hann að píslarvotti fyrir öfgahópa múslima.

 En náttúrulega fagna Bandaríkin þessu. Þau eru í hópi nokkurra ríkja sem stunda aftökur en. En ekki hefur maður séð að það virki fyrir þá. Ekki dregur úr glæpum og ofbeldi þar.

Af ruv.is

Bandaríkjastjórn segir dauðadóminn góð tíðindi fyrir írösku þjóðina og sýni sjálfstæði dómstóla í Írak. Undir það taka leiðtogar Íraks og stjórn Írans og Bretlands. Íranstjórn segir að Saddam fái makleg málagjöld fyrir grimmd og glæpi en sakar vestræn ríki um að hafa selt honum vopn sem notuð voru í Íran, Kúveit og gegn íröskum almenning. Spánverjar minna á að Evrópusambandið er andvígt dauðarefsingum og undir það taka fleiri Evrópusambandsríki. Frakkar láta í ljós von um að dómurinn valdi ekki nýrri spennu í Írak.