Nú held ég að fjöldi manna á Suðurlandi sé að fara á límingunum!!!

Frétt af mbl.is

  Talningu atkvæða frestað til kl. 14 á morgun
Innlent | mbl.is | 5.11.2006 | 19:32
Yfirkjörstjórn Samfylkingarinnar í Suðurkjördæmi ákvað á fundi kl. 18:30 að fresta talningu atkvæða í prófkjöri Samfylkingarinnar í Suðurkjördæmi sem haldið var laugardaginn 4. nóvember

Fjöldi mannas búið að leggja nótt við dag í prófkjörsbaráttu. Og loks í dag þegar árangurinn átti að koma í ljós þá er ekki hægt að telja. Ég gæti trúað að það séu ýmsir sem séu að nálgast það stig að fá taugáfall af spennu við að bíða eftir því að sjá hvernig gekk

Talningu atkvæða frestað til kl. 14 á morgun

Markaðsvirði skráðra félaga á Aðallista Kauphallar Íslands nam 2.218

Frétt af mbl.is

  Markaðsvirði félaga í Kauphöll hefur aukist um 403 milljarða á árinu
Viðskipti | mbl.is | 3.11.2006 | 18:25
Markaðsvirði skráðra félaga á Aðallista Kauphallar Íslands nam 2.218 milljörðum króna í lok október sem er um 6 milljörðum lægra en það var í lok september. Aftur á móti hefur markaðsvirðið aukist um rúma 403 milljörðum króna frá áramótum og ef horft er 12 mánuði aftur í tímann þá hefur það aukist um tæplega 651 milljarð króna

Ég er nú svo vitlaus. En 2.218 milljarðar! Hvenær í ósköpunum geta þessi fyrirtæki skilað það miklum hagnaði að þau standi undir þessari fjárfestingu. Því að það hlýtur að vera það sem endanlega á að standa undir þessu.

Fyrirtæki eru kannski milljarðavirði á hlutabréfamarkaði en skila aldrei arði. Þannig að allt virði þeirra er að einhver kaupir bréf í þeim og selur öðrum á hærra verði. Þannig að hlutabréfamarkaður er í mínum augum oft viðskipti með papír sem á endanum er ekkert á bakvið.

Markaðsvirði félaga í Kauphöll hefur aukist um 403 milljarða á árinu

Því miður held ég að Magnús Þór Hafsteinsson mæli fyrir mun margra Íslendinga

Það er ekki bara í Silfri Egils sem maður heyrir þetta um að stemma eigi stigu við straumi útlendinga hingað.

Þetta er að stórum hluta komið til vegna þess að við erum ekki undirbúinn. Við leyfum fyrirtækjum að flytja inn starfsmenn í stríðum straumum án þess að standa almennilega vörð um réttindi þeirra og leyfum hálfgert þrælahald.

Við gerum lítið til að aðstoða fólk að blandast okkur.

Og nú er kominn hópur Íslendinga sem horfa á nýbúa sem vandamál. Og rasiskar skoðanir eru faranar að heyrast. Þetta er ekki gott

Við erum lítið ríkt  land og hefði því verið í auðvelt að vera betur undirbúin. Annars vísa ég hér í eldri færslu um sama mál.

Guðmundur Steingríms í baráttusæti ?

Það kemur skemmtilega á óvart hversu hátt Guðmundur Steingrímsson náði á lista Samfylkingarinnar.

2 konur í efstu 4 sætunum er líka sterkt en hefði kannski verið enn sterkara ef Þórunn hefði náð 1 sæti.

En nú reynir á Gunnar að yfirfæra árangur Samfylkingarinnar í Hafnafirði yfir á SV kjördæmi.

Gunnar sigraði í Suðvesturkjördæmi

Frambærilegur stjónmálamaður Valgerður Bjarnadóttir

Eftir að hafa lesið pistil Egils Helgasonar í dag þá leiddi hann mig á heimsíðu Valgerðar Bjarnadóttur. Og þar held ég að sé komið efni í fínann liðsmann fyrir Samfylkingunna. Hér að neðan eru nokkar tilvitnanir í http://valgerdurbjarnadottir.bloggar.is

• Viðhorf mitt til verkefnisins - þ.e. viðhorf mitt til stjórnmála, sem ég tel ekki atvinnugrein heldur hlutverk eða verkefni. Eftirlaunaósóminn sem ég kalla svo er til marks um hvernig stjórnmálamenn hafa misskilið hlutverk sitt, haldið að þeir séu stéttarfélag og skammtað sér eftirlaunakjör sem ekki eru einu sinni fjarskyld eftirlaunakjörum annars fólks í landinu.

• Algjört óþol fyrir misskiptingunni í landinu, sem orðið hefur til vegna stefnu ríkisstjórnarinnar í skattamálum sérstaklega. Til að eyða misskiptingunni þarf að breyta skattastefnunni.

Og á öðrum stað segir hún:

Ég býð mig fram í prófkjöri Samfylkingarinnar í Reykjavík sem fram fer laugardaginn 11. nóvember. Stjórnmál skipta máli. Stjórnmálamenn ákveða leikreglurnar í þjóðfélaginu sem við búum í.

Nú um stundir eru leikreglurnar þannig að þær leiða til misskiptingar sem ég sætti mig ekki við. Um leið og staðinn er vörður um markaðsþjóðfélagið sem hér varð til þegar EES samningurinn var gerður og við tókum upp viðskiptareglurnar sem gilda innan Evrópusambandsins, er okkur skylt að sjá til þess að þeim ójöfnuði sem fylgt hefur hagsældinni verði eytt.

Þau sem fara með völdin hér á landi, hafa gert það lengi. Löng valdaseta er vandmeðfarin og synd væri að segja að valdhafarnir hafi verið þeim vanda vaxnir. Á undanförnum árum hefur fólk á stundum veigrað sér við að láta skoðanir sínar í ljósi, af ótta við að þær þóknist ekki valdhöfunum. Það er óþolandi ástand. Þau sem fara með völdin hvort heldur er á þingi eða í ríkisstjórn verða á átta sig á því að þau eru starfsfólk fólksins í landinu ekki yfirboðaðar.

Lýst vel á hana! Held að hún veði bróðurbetrungur. En hún er eins og margir vita systir Björns Bjarnasonar.

Til hamingju með 5 sætið Kidda!

 Þó að ég kjósi alls ekki framsókn þá eru þau þarna búin að velja kröftuga konu í 5 sæti. Til hamingju Kidda!!! 

Frétt af mbl.is

  Kristbjörg Þórisdóttir í 5. sæti og Hlini Jóngeirsson í því 6.
Innlent | mbl.is | 4.11.2006 | 13:34
Sex manna framboðslisti framsóknarmanna í Suðvesturkjördæmi fyrir alþingiskosningar er nú ljós. Í 5. sæti lenti Kristbjög Þórisdóttir

Kristbjörg Þórisdóttir í 5. sæti og Hlini Jóngeirsson í því 6.

Nú er nauðsynlegt fyrir Samfylkinguna að fara að tala einum rómi

Hér fyrir neðan eru niðurstöður úr túlkun á þjóðarpúlsi Capacent sem ég fann á ruv.is. Þar sést að vaxandi fylgi er við Vinstri græna. Þetta er náttúrulega fólk sem er að flykkjast til þeirra vegna umhverfisstefnu þeirra. Samfylkingin minn flokkur talar aftur á móti út og suður um þessi mál. Kjósendur eiga ekki möguleika á að sjá hvar flokkurinn stendur í þessum málum. Það er sett fram einhver stefnuskrá en þingmenn tala bara út og suður of finnst þeir auðsjáanlega ekkert bundnir af þessu. Þetta verður að breytast og það strax!

Af ruv.is

Síðast uppfært: 04.11.2006 12:52

Könnun: Framsókn kemur hvorki að manni í Kraganum né Reykjavík

Vinstri grænir bættu við sig flestum þingmönnum ef kosið yrði til Alþingis nú samkvæmt nýjasta þjóðarpúlsi Capacent. Framsóknarflokkurinn tapaði flestum en Frjálslyndir kæmu ekki manni á þing.

Vinstri grænir bættu við sig 8 þingmönnum en Frjálslyndir næðu ekki manni á þing ef kosið yrði til Alþingis nú, samkvæmt nýjasta þjóðarpúlsi Capacent. Sjálfstæðisflokkurinn fengi 29 þingmenn en Framsóknarflokkurinn 5. Samfylkingin tapaði 4.

Samkvæmt könnuninni er fylgi Sjálfstæðisflokksins 42,9% á landsvísu, Samfylkingarinnar 25,1% og vinstri grænir fá 20,1% fylgi. Framsóknarflokkurinn fær 8,3% en Frjálslyndir 3,5%. Fréttastofa Útvarps fékk Ólaf Þ Harðarson, prófessor í stjórnmálafræði, til að reikna út skiptingu þingsæta eftir flokkum og kjördæmum, miðað við þessa könnun.

Hvernig væri nú að heimurinn tæki sig til og tæki völdin af báðum aðilum

Væri ekki réttast að alþjóðaher væri settur í að skilja þessar þjóðir að? Hann væri settur þarna á milli og færi ekki fyrr en að komið yrði á varanlegum friði.  Báðar þjóðir yrðu settar í viðskiptabann og Bandaríkin hættu að senda fé og stuðning til Ísraela. Þannig yrðu þeim séð fyrir nauðsynjum en fengju hvorug meira fyrr en þær settust að samningaborði, þar sem komið yrði á varanlegum frið.

Mér sýnist að Ísrael sé farið að líta á sig sem stórveldi sem líðist allt sem þeir gera gagnvart Palestínumönnum. Palestínumenn eru búnir að þróa með sér hatur á Ísraelum það ásamt því hvernig þeim er haldið í heljargreipum af Ísraelum elur á því hatri og börnin fara að meðtaka það með móðurmjólkinni og verður að markmið þeirra að koma höggi á Ísrael.

Þessar þjóðir semja aldrei frið hjáparlaust og þurfa mikin þrýsting frá alþjóðasamfélaginu til að friður sé hugsanlegur.

Abbas ítrekar ákall sitt til alþjóðasamfélagsins

Prófkjör Samfylkingarinnar í SV kjördæmi MInnislistinn minn:

Eftirfarandi listi er eins og ég ætla að raða á mínum atkvæðaseðli á morgun

1. Þórunn eða Gunnar get ekki alveg ákveðið mig (Finnst samt góð rök fyrir Þórunni að hún er sitjandi þingmaður og sterkt fyrir Samfylkingu að tefla konu fram sem oddvita í næst stærsta kjördæminu.

2 Katrín

3 Magnús Nordal/þórunn/Gunnar

4. Gunnar Axel

5 Anna Sigríður

6. Tryggvi Harðar

7 Guðmundur Steingríms

8. Er laust fyrir þann sem þarf að víkja ú eftir sætum þegar ég er endanlega búinn að ákveða mig.

 

Svona hafa vangaveltur mínar leitt mig áfram. SJá fyrri færslu um þetta mál

"Bandaríkin vilja taka við stjórn friðargæslu S.þ." /Þá fer að versna í því lagsmaður

Ég bara trúi því ekki að þeir nái þessu embætti. Af öllum þjóðum í heiminum eru  þeir líklegastir til að klúðra þessu starfi SÞ eða misbeita því  

NFS, 03. Nóvember 2006 19:19

Bandaríkin vilja taka við stjórn friðargæslu S.þ.

Bandaríkin vilja taka yfir stjórn friðargæslu Sameinuðu þjóðanna þegar Ban Ki-Moon tekur við embætti framkvæmdastjóra S.þ. um mánaðamótin. Fréttastofa Reuters hefur þetta eftir háttsettum bandarískum embættismanni sem ekki vill láta nafns síns getið. Frakkar stýra friðargæslunni eins og er.

Embættismaðurinn segir að Bandaríkin styðji kröfu sína með þeim rökum að þau leggi til rúman fjórðung fjármagns til friðargæslunnar. Bandaríkjamenn leggja hins vegar enga hermenn til friðargæsluliðsins, þar hafa Frakkar vinninginn. Franskir hermenn í Líbanon eru 1500 talsins og auk þess heldur franski herinn úti 4000 hermönnum í sérstöku friðargæsluverkefni á Fílabeinsströndinni. Bandaríkjamenn leggja friðargæslunni til 239 lögreglumenn í Kosovo og 48 lögreglumenn á Haiti.

 

Bandaríkjamenn studdu Ban Ki-Moon til embættis framkvæmdastjóra með ráðum og dáð. Nokkrir sendiherrar við Sameinuðu þjóðirnar hafa hins vegar lýst áhyggjum sínum af því að friðargæslan muni fyrir vikið litast um of af áherslum Bandaríkjamanna.