Anskotans rugl

Frétt af mbl.is

Ég var reyndar búinn að heyra þetta áður. Hverskonar rugl er þetta. Halda menn að maður gleypi við öllu. Það er auðsjáanlega eitthvað að. Bendi á blogg Steingrims Sævarrs um þetta mál.

Frétt af mbl.is

  Nafni Avion Group breytt í HF Eimskipafélag Íslands
Viðskipti | mbl.is | 21.11.2006 | 11:27
Hluthafafundur Avion Group samþykkti í dag að breyta nafni félagsins í Hf Eimskipafélag Íslands. Breytingin tekur gildi þegar í stað og verður nafni félagsins breytt í Kauphöll Íslands á morgun.

Nú er það semsagt HF Eimskipafélagið sem rekur flugvélaflota og svo öll skipin. Hálf asnalegt að fljúga með flugvélum sem eru í eigu eimskipafélags. Ekki beint að nafnið vísi í nýjustu tækni og öryggi.

Nafni Avion Group breytt í HF Eimskipafélag Íslands

Furðuleg frétt

Var virkilega ekki búið að kanna hvort maðurinn væri heima?

Frétt af mbl.is

  Leitað að manni sem fannst síðar á heimili sínu
Innlent | mbl.is | 21.11.2006 | 12:09
Björgunarsveitir Slysavarnafélagsins Landsbjargar á höfuðborgarsvæðinu leituðu í morgun að karlmanni á áttræðisaldri en hann hafði síðast sést um klukkan 22 í gærkvöldi við bensínstöð á Ártúnsholti á bíl sínum. Þegar björgunarsveitir höfðu leitað á um aðra klukkustund kom maðurinn fram heill á húfi á heimili sínu.

Leitað að manni sem fannst síðar á heimili sínu

Afhverju er alltaf verið að tala um lestarslys í fjölmiðlum hér á landi?

Heldur fólk að svona frétt kæmi ef 6 manns hefði slasast í bílslysi í Hollandi? Er verið að reyna að gera fólk hrætt við að fara í lestir? Miðað við ekna kílómetra eru lestir líklegast öruggasti faramáti. En hér er ávallt getið um öll lestarslys þó að aðeins séu nokkrir slasaðir. Það deyja mun fleiri í bílslysum og við fáum ekki að heyra af hverju þeirra.

Frétt af mbl.is

  Að minnsta kosti fimm slasaðir eftir lestarslys í Hollandi
Erlent | AFP | 21.11.2006 | 11:04
Að minnsta kosti fimm manns slösuðust þegar farþegalest og flutningalest rákust saman nærri borginni Arnhem í austurhluta Hollands í morgun. Þrír hafa verið fluttir á sjúkrahús.

Að minnsta kosti fimm slasaðir eftir lestarslys í Hollandi

Sundabraut í salt

Jæja til að draga úr þennslunni borum við Héðinsgöng en frestum Sundabraut:

af visir.is

NFS, 21. nóv. 2006 10:46

Fjármunir af söluandvirði Símans fluttir milli ára

Fjármunum af söluandvirði Landssímans sem verja átti til gerðar Sundabrautar seinkar að hluta um eitt ár samkvæmt stjórnarfrumvarpi sem lagt hefur verið fram á Alþingi. Upphaflega var áætlað að verja einum og hálfum milljarði króna til verksins á næst ári og 2,5 milljörðum árið 2008 en samkvæmt frumvarpinu verður aðeins 100 milljónum króna varið til Sundabrautar á næsta ári og 3.900 milljónum króna árið 2008.

Eitt af mörgu sem ríkisstjórnin hefur á sinni ábyrgð

Nú er komin formleg skýring á því afhverju að Ísland nýtti sér ekki möguleikan á að fresta frjálsu flæði vinnuafls frá 9 ríkjunum sem gengu í ESB. Eins og margt annað þá var það sérstaklega hagsmunir atvinnurekanda sem réði þar:

af ruv.is

Fyrst birt: 20.11.2006 21:43

Síðast uppfært: 20.11.2006 21:45

Vinnumarkaðurinn þurfti útlendinga

Sæunn Stefánsdóttir

Sæunn Stefánsdóttir, alþingismaður og formaður, innflytjendaráðs,
segir að aðstæður á vinnumarkaði hafi kallað á að íslensk stjórnvöld nýttu ekki frest til að opna landið fyrir fólki frá nýju aðildarríkjum Evrópusambandsins.

Þetta var meðal þess sem kom fram á fundi sem samband ungra framsóknamanna hélt í kvöld um innflytjendamál. Innflytjendaráð segir stjórnvöld vinna að því að standa betur að móttöku nýrra Íslendinga

 

 

Hefði ekki verið sniðugt að undirbúa sig aðeins betur undir þetta. Og sér fólk ekki að þetta er m.a. gert til að hin almenni Íslenski launamaður fengi ekki of mikið af stækkandi kökunni. Það verður að tryggja að þeir sem ferðast um í einkaþotum og á 35 milljóna bílum þurfi ekki að slá af kröfum sínum til að geta keppt um vinnuafl með því að borga betur. Betra að flytja bara inn starfsfólk sem vinnur á strípuðum lámarkstöxtum.

Er þjóðin tilbúin að binda alla sína orku til frambúðar?

Á ruv.is fann ég eftirfarandi upplýsingar hafðar eftir orkumálastjóra:

Almennt er álitið að orkukostir Íslendinga nemi um 50 teravattstundum. Þá er bæði átt við nýtta og ónýtta virkjunarkosti og bæði vatnsafls- og jarðvarmavirkjanir. Þorkell Helgason orkumálastjóri segir að raforkunotkun álvera á Íslandi aukist úr 8,5 teravattsstund í um 17 teravattstundir árið 2008 þegar álver Alcoa á Reyðarfirði og stækkað álver Norðuráls á Grundartanga hafa hafið álframleiðslu. Árið 2015 gætu hins vegar 3 ný álver hafa bæst í hópinn: stækkað álver Alcan í Straumsvík, Álver Century Aluminium í Helguvík og nýtt álver Alcoa á Húsavík. Þorkell segir að þá væri raforkunotkun álveranna komin upp í um það bil 29 teravattstundir af þeim 50 sem talið er að þjóðin hafi til ráðstöfunar. Að óbreyttum forsendum er ekki talið að Hydro gæti hafið álframleiðslu hér á landi fyrr en eftir það. Áætla má að 100.000 tonna ársframleiðsla á ári kalli á 1,4 teravattsstund af raforku.

Með þessu 50 teravattstundum er átt við nær alla orku sem hægt er að virkja þar með Geysir og Gullfoss. Nú þegar og ef öll þessi álver sem þegar er búið að ræðaum og eru nefnd hér að ofan þá eru um 60% af allri orku sem við getum unnið í dag bundið í álverum. Og ef HYDRO kæmi líka með sínar ýtrustu óskir um 600.000 tonna álver þá væri um 80% af orku sem við eigum möguleika á að framleiða bundin í áli. Hvað ef að næsta kynslóð eða þarnæsta vill fara að framleiða eitthvað annað. Hvað ef fer að kólna á Íslandi og við þurfum meiri orku fyrir okkur. Hvað ef okkur býðst að framleiða eitthvað arðbærara eða t.d. vetni í stórum skömmtum. Hvað þá? Þarf þá kannski að fara að nota kol hér á Íslandi eða Kjarnorku. Höfum við leyfi til að ráðstafa öllum orkunýtingarmöguleikum sem eru til hér?

 

Ekki viss um að Tony Blair geti lofað slíku

Tony Blair var í dag í raun að lofa að Bretar yrðu í Afganistan í mannsaldur skv. þessu hér að neðan. Ekki viss um að hann hafi leyfi til að binda hendur Breta næstu 80 til 90 árin. Og ekki viss um að friður komist á meðan erlendur her er þarna. Helda að ráðlegging Pakistanska forsætisráðherra sé skynsamlegri en það er það að veita fjármagni frekar til þeirra héraða þar sem Talibanar eru sterkir til að vinna fólkið á band lýðræðislegri stjórnvöldum og draga um leið úr þjáningum íbúða Afganistan.

 

Fyrst birt: 20.11.2006 18:00

Síðast uppfært: 20.11.2006 20:33

Blair lofar Afgönum fullnaðarsigri á talibönum

Blair og Karzai í Afganistan

Tony Blair, forsætisráðherra Bretlands, segir að það kunni að taka mannsaldur að vinna sigur á talibönum í Afganistan. Breskar hersveitir verði í landinu þar til þær hafi lokið verki sínu þar. Bretar og aðrar þjóðir ætli að standa með afgönsku þjóðinni við að tryggja öryggi í landinu

Alveg er þetta dæmigert fyrir okkur Íslendinga

Við erum búinn að hafa umsjón með þessum húsum í tæpa 2 mánuði og strax búin að eyðileggja hluta þeirra.

Afhverju var ekki gengið frá því að húsin væru kynnt nægjanlega?

Afhverju var utanríkisráðuneytið ekki að fylgjast með eignunum? Eða afhverju var ekk búið að afhenda þær þessu félagi sem á að sjá um skipulag nýtingar þarna?

Það þarf engin að tala um galla því að það hefur í gegnum tíðinna komið svona frost áður hér og ekkert hefur heyrst um þvílíkt áður.

Það eru einhverjir starfsmenn ríkisins ekki að standa sig. (í ráðuneytunum)

Frétt af mbl.is

  Mikið tjón á byggingum á Keflavíkurflugvelli vegna vatnsskemmda
Innlent | mbl.is | 20.11.2006 | 17:07
Mikið tjón varð á íbúðarhúsum á gamla Varnarsvæðinu á Keflavíkurflugvelli þegar vatn rann um a.m.k. 16 íbúðarblokkir á svæðinu um helgina. Á fréttavef Víkurfrétta er haft eftir Birni Inga Knútssyni, flugvallarstjóra, að tjónið gæti jafnvel numið hundruðum milljóna króna.

Mikið tjón á byggingum á Keflavíkurflugvelli vegna vatnsskemmda

Hversu úrkynjuð erum við að verða

AÐ menn geti haft tekjur af svona. Það þýðir að við hin erum tilbúin að borga fyrir svona skemmtun. Þetta er svipað og allir þessir furðulegu raunveruleika þættir sem við liggjum límd við.

Frétt af mbl.is

  Blaine ætlar að snúast í snúði í tvo daga
Veröld/Fólk | mbl.is | 20.11.2006 | 12:38
Töframaðurinn David Blaine ætlar sér að hanga í 15 metra hæð yfir Times-torgi í New York í tvo daga, fastur inni í snúði sem mun snúast um átta hringi á mínútu. Snúðurinn (e. gyroscope) er tæki sem getur haldið óbreyttri stefnu og byggist á því lögmáli að hlutur sem snýst hratt um ás vinnur gegn öllum breytingum á stefnu snúningsássins

Blaine ætlar að snúast í snúði í tvo daga

Skil manninn vel

Ég held að Sturla hafi ekki staðið sig vel sem samgönguráðherra.

Frétt af mbl.is

  Aðstoðarmaður samgönguráðherra hættir störfum
Innlent | mbl.is | 20.11.2006 | 11:53
Bergþór Ólason, aðstoðarmaður samgönguráðherra, hefur látið af störfum í ráðuneytinu. Sagði hann í tilkynningu til samstarfsmanna, að hann ætli að leita á önnur mið.

Aðstoðarmaður samgönguráðherra hættir störfum