Afhverju hætta þeir þá ekki að tryggja?

Miðað við orð þeirra hér að ofan þá skil ég ekki afhverju þeir snúa sér ekki alfarið að fjárfestingum. Og leyfa erlendum tryggingarfélögum  eða innlendum sem geta boðið  okkur ódýrar tryggingar.

NFS, 23. nóv. 2006 18:43

Iðgjöld trygginga hækka um áramót

Íslandstrygging hækkaði iðgjöld sín í október um 6-8% og nú hafa Tryggingamiðstöðin og VÍS tilkynnt hækkun um áramótin. Hjá VÍS er hækkunin mest á bílrúðutryggingu, 20%, en annars frá 5-9%. Að meðaltali þýðir það um 10 þúsunda króna hækkun á ári á meðalbifreið. Hjá Tryggingamiðstöðinni er hækkun bifreiðatrygginga rúmlega 4%.

Ásgeir Baldursson framkvæmdastjóri VÍS segir að ástæðuna fyrir hækkuninni nú vera aukningu tjóna og gjöld vegna þeirra. Hann segir vátryggingareksturinn ekki standa undir sér og þótt hagnaður hafi verið af fjármálatekjum geti þær ekki endalaust greitt tap af vátryggingum.

Runólfur Ólafsson framkvæmdastjór Félags íslenskra bifreiðaeigenda segir fjárfestingartekjurnar myndaðar á grunni svokallaðs bótasjóðs en í honum er fé fyrir hugsanlegum kostnaði af tjónum. Í bótasjóði bílatrygginga liggi yfir tuttugu og sex milljarðar. Hagnaður af fjármamálastarfsemi vátryggingarfélaga árið tvö þúsund og fimm var rúmlega tuttugu og fjórir milljarðar.

Runólfur segir fjármálastarfsemi óaðskiljanlegan þátt í starfsemi vátryggingarfélags og viðbótarhækkanirnar nú langt yfir því sem eðlilegt getur talist.  

Þetta verður að laga hið fyrsta! Viðbótarlífeyrir fer nær allur til ríkisins.

Nú um árabil hefur ríkið hvatt fólk til að spara með svokölluðum viðbótarlífeyrissparnaði. Nú í dag er ástandið þannig að ef fólk býður með að taka hann út þar til það verður 67 ára þá koma umtalsverðar skerðingar á hann + að tekinn er fullur skattu af honum. Á námskeiðum fyrir fólk sem er að nálgast ellilífeyrisaldur er þeim ráðlagt að fara strax og taka þennan pening út því annars þá verði hann að engu. Þetta dæmi hér fyrir neðan er af ruv.is

Fyrst birt: 22.11.2006 17:57

Síðast uppfært: 22.11.2006 20:32

Lífeyrir: 400.000 verða 9.000

9.000 standa eftir af 400.000 króna lífeyrissparnaði konu sem hugðist nýta peningana eftir að hún varð öryrki. Afganginn tekur skatturinn og svo skerðir Tryggingastofnun lífeyrissgreiðslur, bæði konunnar og eiginmanns hennar.

Bára Pálmarsdóttir var greind öryrki fyrir ári síðan eftir að hún veiktist af krabbameini. Þegar hún og maðurinn hennar, sem er ellilífeyrisþegi, þurftu að ráðast í umfangsmiklar viðgerðir á húsinu sínu hugðust þau nýta sér viðbótarlífeyrissparnaðinn í stað þess að taka lán. Bára tók út tæpar 400.000 krónur. Skatturinn tók tæplega 147.000 af þeirri upphæð og síðan kom í ljós að Tryggingastofnun skerti bætur hennar og eiginmanns hennar, þannig að eftir stóðu 9.000 krónur

 

Nú er alveg augljóst að það eru að koma kosningavor!!!!

Ef maður skoðar eftirfarandi frétt sem tekin er af visir.is er augljóst að það er hafin kosningabarátta. Nú er öllu lofað sem hægt er. Byrjað er á því að fresta framkvæmdum í Reykjavík (Sundabraut)þar sem fylgi Sjálfstæðismanna er nokkuð tryggt. En framkvæmdum lofað um allt vestur og norðurland + smá á suðurland til að vega upp á móti Árna Johnsen:

NFS, 22. nóv. 2006 19:07

Ráðherra segir stórátak hafið í vegamálum

Stórátak er hafið í vegamálum og það mun sjást rækilega á næstu árum, segir samgönguráðherra. Hann boðar tvöföldun hringvegarins út frá Reykjavík, bæði norður til Akureyrar og austur að Markarfljóti, og næstu jarðgöng verði milli Arnarfjarðar og Dýrafjarðar og í Oddsskarði. Samtök verslunar og þjónustu kölluðu eftir stórfelldri uppbyggingu vegakerfisins á fundi í morgun þar sem ráðherrann var ræðumaður. Hann svaraði því í hádegisviðtalinu á Stöð 2 að stórátak væri þegar hafið með símapeningum. Það myndi sjást rækilega á næstu árum og nefndi sem dæmi að eftir tvö ár yrði unnt að aka milli Ísafjarðar og Reykjavíkur á bundnu slitlagi. Hann boðaði einnig tvöföldun þjóðvegarins frá Reykjavík norður til Akureyrar og austur að Markarfljóti og taldi unnt að ná stórum áföngum á næstu átta árum. Og þegar spurt var um næstu jarðgöng á eftir Héðinsfjarðargöngum nefndi ráðherrann göng milli Arnarfjarðar og Dýrafjarðar og ný göng undir Oddsskarð.

Skrítið hvaða fólk velst sem aðstoðarmenn ráðherra

Maður hefði einhvernveginn haldið að ráðherra réðu sér menn sem væru með einhverja þekkingu á þeim málaflokkur sem þeir hafa á sinni könnu:

af mbl.is

Kristrún Lind Birgisdóttir, aðstoðarskólastjóri Lindaskóla í Kópavogi, hefur verið ráðin aðstoðarmaður Sturlu Böðvarssonar samgönguráðherra. Kristrún hefur störf í ráðuneytinu eftir næstu helgi.

Kristrún lauk kennaraprófi frá Kennaraháskóla Íslands árið 1998 og framhaldsnámi frá KHÍ 2004. Hún hefur starfað sem kennari og skólastjóri, meðal annars við Grunnskóla Önundarfjarðar og víðar, við ráðgjöf og kennslu hjá Fræðslumiðstöð Vestfjarða og sem verkefnisstjóri hjá menntamálaráðuneytinu.

Samgönguráðherra ræður sér nýjan aðstoðarmann

Kópavogur sífellt að fá á sig dóma eða aðfinnslur fyrir lóðaúthlutanir

Það er varla sú lóðaúthlutun í Kópavogi sem að annað hvort er úrskurðuð ólögmæt af félagsmálaráuðneyti eða hjá dómstólum. Það að úthluta lóðum á ekki að fara eftir flokksskirteinum eða vinskap og greiðasemi.

Frétt af mbl.is

  Úthlutun á lóðum í Kópavogi dæmd ólögmæt
Innlent | mbl.is | 22.11.2006 | 11:27
Héraðsdómur Reykjaness hefur komist að þeirri niðurstöðu, að úthlutun bæjarstjórnar Kópavogs á byggingarrétti á tveimur lóðum við Kópavogsbakka í desember á síðasta ári hafi verið ólögmæt og ekki í samræmi við góða og gagnsæja stjórnsýsluhætti

Úthlutun á lóðum í Kópavogi dæmd ólögmæt

Hversvegna er einkavæðingin og samkeppnin ekki að skila okkur betra verði.

Var ekki söngurinn þegar Síminn var seldur að það mundi skila sér til okkar í lægra verði og betri þjónustu?

• Á Alþingi í dag kom fram að þjónusta Símans út á landi hefur dregist mikið saman og er sumstaðar komin á það stig að það jaðrar við að vera undir öryggismörkum
• GSM símgjöld hér eru mun hærri en annarsstaðar
• Einu gjöldin sem hafa staðið í stað eru heimasímar sem eru jú á undanhaldi og lítið notaðir

Gæti þetta verið vegna þess að samkeppnisyfirvöld og pósta og fjarskiptastofnun voru vanbúin til að takasta á við þetta?

Gæti þetta verið vegna þess að við Íslendingar erum svo ömurlegir neytendur sem láta bjóða sér hvað sem er og leyta ekki nóg þangað sem lægstu verðin eru?

Gæti þarna verið að símafyrirtækin séu með samkomulag (Þegjandi) milli sín um að reyna ekki að ná til sín nýjum viðskiptavinum með því að bjóða mun hagstæðari kjör?

Eini markaðurinn sem virkilega sýnir merki samkeppni eru internetveitur. Og þá eru það fyrirtæki eins og hive og btnet sem eru virkilega að bjóða magn og gæði fyrir mun lægra verð en stóru fyrirtækin. Reyndar held ég að btnet sé undirfyrirtæki Vodafone þannig að það er skrýtið að það geti boðið betur en stóra fyrirtækið.

Deilt um hvernig einkavæðing fjarskiptaþjónustu hafi tekist

Heldur Gísli að 100 milljónir dugi til að hanna Sundabraut

Þetta er bara kjaftæði. Það kostar mun meira  en 100 milljónir að undirbúa þessar framkvæmdir. Ég vona að fólk sé ekki að trúa þessu. Það sem er verið er að gera er að fresta framkvæmdum um 1 ár. Það var jú sagt að veita ætti 1,5 milljörðum  af Símapeningunum árið 2007  en  með þessu er verið er að seinka framkvæmdum í það minnsta 1 ár. Þannig að það verður ekki keyrt eftir Sundabraut fyrr en 2010 eða 2011. Þetta er m.a. af því að það er byrjað á Héðinsfjarðagöngum og allar hinar framkvæmdirnar eru bara í forgangi. Við hér á Höfuðborgarsvæðinu getum bara étið það sem úti frýs.

Sjá fyrri færslu um þetta mál Hér og hér

Frétt af mbl.is

  Sundabraut á áætlun og fé til þeirra nýtt árið 2008
Innlent | mbl.is | 21.11.2006 | 22:03
Gísli Marteinn Baldursson, formaður umhverfis- og samgöngunefndar Reykjavíkurborgar segir Sundabraut á áætlun. Geir H. Haarde forsætisráðherra hafi eingöngu rætt tilflutning á peningum sem fara eiga í framkvæmdirnar, það sé í samræmi við stefnu borgarinnar að fara ekki í framkvæmdir á næsta ári.

Voru þessi sömu menn ekki að tala um seinagang hjá Reykjavíkurlistanum og þetta væri ekkert mál að leysa þetta með legu brautarinar.

Sundabraut á áætlun og fé til þeirra nýtt árið 2008

Er Villa bara alveg sama? Eða er það flokkshollustan sem er að koma í ljós?

Þetta hlýtur að styrkja Reykvíkinga í  að vilja skipta um Ríkisstjórn. Það gengur ekki að sömu flokkar stjórni bæði ríki og borg. Því þar skapast augljóslega hagsmunaárekstrar þar sem Borgin verður að líða og bíða.

Frétt af mbl.is

  Frestun Sundabrautar ekki rædd á borgarstjórnarfundi
Innlent | mbl.is | 21.11.2006 | 21:21
Frestun Sundabrautar var ekki tekin á dagskrá á fundi borgarstjórnar í dag, en borgarfulltrúar Samfylkingarinnar lögðu til að borgarstjórn brygðist við frumvarpi forsætisráðherra um að fresta fjármögnun Sundabrautar

Frestun Sundabrautar ekki rædd á borgarstjórnarfundi

Hvurslags er þetta þarf að spyrja USA Navy hvort einhver fái að sjá hlerunar gögn

Þetta var alveg makalaus frétt á visir.is

NFS, 21. nóv. 2006 19:37

Bandaríski flotinn tekur ákvarðanir

Utanríkisráðuneytið þarf að spyrja bandaríska flotann áður en svar er gefið um það hvort heimila megi aðgang að gögnum um hleranir íslenskra stjórnvalda á tímum kalda stríðsins. Þetta kemur fram í gögnum frá úrskurðarnefnd um upplýsingamál.

Blaðamaður NFS bað um aðgang að ÖLLUM þeim gögnum sem flutt voru úr dómsmálaráðuneyti í Þjóðskjalasafn og fjölluðu um hleranir á tímum kalda stríðsins. Aðgangi var neitað og leitaði blaðamaður liðsinnis úrskurðarnefndarinnar. Hún þarf lögum samkvæmt að leita upplýsinga um alla þætti sem kunna að rökstyðja neitun um aðgang að opinberum gögnum. Koma til dæmis til álita þagnarskylduákvæði vegna öryggishagsmuna íslenska ríkisins. Þegar dómsmálaráðuneytið var spurt um þetta atriði vék það sér undan því og kastaði boltanum til utanríkisráðuneytisisns. Það ráðuneytið var þá krafið svara og fékk frest til 30. október. Fresturinn leið án þess að svar bærist. Þegar nefndin ítrekaði erindið kom skýring á töfinni þess efnis að vegna erindisins hefði þurft að leitað eftir upplýsingum frá Bandaríska flotanum. Þau svör hefðu enn ekki borist - en þeirra væri að vænta. Það skal endurtekið að utanríkisráðuneytið var spurt um núverandi öryggishagsmuni íslenska ríkisins - vegna hlerana á íslenskum þegnum fyrir áratugum. Bandaríski flotinn ætlar að svara undir lok þessarar viku.

Ætli þeir þurfi að spyrja okkur ef einhver Bandarísku blaðamaður vildi sjá gögn hjá þeim?

Ísraelsmenn hafa vondan málstað að verja!!!

visir.is

Fréttir »

NFS, 21. nóv. 2006 12:45
40% landnemabyggða Ísraela á einkalandi Palestínumanna Rúmlega 40% landnámsbyggða gyðinga í Palestínu eru á einkalandi Palestínumanna, sem oft hefur verið lýst ríkisland með vafasömum aðferðum. Þetta eru aðalatriðin í skýrslu mannréttindasamtakanna Peace now sem byggir á rannsókn þeirra á eignarhaldi landnemabyggðanna. Vesturbakki Jórdanar hefur aldrei verið innlimaður í Ísraelsríki heldur hefur verið flokkaður sem herfang. Samkvæmt alþjóðalögum ber Ísraelsríki í því tilviki að gæta þess að ekki sé gengið á eigur eða rétt þeirra sem búa á svæðinu, nefnilega Palestínumanna. Gögn frá Ísraelsstjórn sýna hins vegar að síðan árið 1967 hafa nokkrar ríkisstjórnir í röð stofnað nýjar landnemabyggðir eða heimilað að þær landnemabyggðir Ísraela sem fyrir voru stækki við sig, á landi sem er í einkaeigu palestínskra fjölskyldna eða annarra einkaaðila.

Skýrsluna má lesa í heild á síðu samtakanna Peace now.