Þarf ekki að koma flýtimeðferð á þegar menn áfrýja svona málum

Það er náttúrulega sjálfssagt að menn sem eru óánægðir með dóm sinn geti áfrýjað dóminum. En þarf ekki að koma á einhverju ferli hér sem gengur út á að Hæstiréttur veiti slíkum málum forgang þannig að viðkomandi sé gert að sitja inni á meðan. Þannig gæti t.d. verið að mál fengi meðferð innan viku frá því að áfrýjum á sér stað. Og þetta verði látið gilda um alla ofbeldisglæpi. Eins að í öllum dómum í slíkum málum sé auk refsitíma skilda á sakborningi og ríki að viðkomandi þyggi sál-og/eða geðrænni meðferð. Það getur ekki með nokkru móti verið í lagi með menn sem beita aðra grófu ofbeldi. Og þessir menn koma yfirleitt út úr fangelsi innan nokkra mánaða/ára. Og þá væri gott að vita að eitthvað hefði verið unnið í að draga úr líkum á að þeir fremji þetta aftur.

www.ruv.is 

Fyrst birt: 08.12.2006 19:20

Síðast uppfært: 08.12.2006 20:10

Fórnarlamb raðnauðgara undrast íslenskt réttarfar

Það virðist vera regla að menn sem fremja kynferðisbrot, jafnvel mjög alvarleg, gangi lausir milli dómþinga segir hæstaréttarlögmaður. Karlmaður sem dæmdur var í 5 ára fangelsi í október fyrir ítrekaðar nauðganir og hrottafengnar líkamsárásir er grunaður um að hafa nauðgað konu um síðustu helgi. Hann áfrýjaði dómi héraðsdóms frá því í október og var því frjáls ferða sinna. Kona sem var fórnarlamb mannsins segist blöskra íslenskt réttarfar.

Hæstiréttur staðfesti í dag þriggja vikna gæsluvarðhaldsúrskurð yfir manninum en hann er að þessu sinni kærður fyrir nauðgun, misþyrmingar, hótanir og frelsissviptingu. Maðurinn er sakaður um að hafa beitt sambýliskonu sína alvarlegu ofbeldi.

Sami maður var í október dæmdur í fimm ára fangelsi fyrir ítrekaðar nauðganir og hrottalegar líkamsárásir gegn fyrrverandi unnustu sinni og annarri konu sem var sambýliskona hans á tímabili. Hann áfrýjaði dómi héraðsdóms til Hæstaréttar og var því frjáls ferða sinna. Önnur kvennanna sem hann var dæmdur fyrir að misþyrma sendi fréttastofu Sjónvarps bréf í dag. Þar gagnrýnir hún harðlega að maðurinn hafi látinn laus.

Finnst þetta líklegra en að Rússneska stjórnin eigi hlut. að málinu.

Ég held að Blair og Bush væri hollast að leysa þetta mál hið fyrsta. Því að þarna eru hriðjuverkamenn að fá hugmyndir að alvarlegum leiðum til að skaða.

Stöð 2, 08. des. 2006 20:00

Ætlaði að kúga auðjöfra

KGB maðurinn Alexander Litvinenko, sem myrtur var í síðasta mánuði, ætlaði að ljóstra upp um spillingarmál tengd valdamiklum auðjöfri sem mun tengjast ráðamönnum í Moskvu. Þetta fullyrti rússneskur doktorsnemi á blaðamannafundi í Lundúnum í dag.

Julia Svetlichnaja sagði frá fundum sínum með Litvinenko í blaðagrein í breska blaðinu Osberver á sunnudaginn. Á blaðamannafundi í Lundúnum í dag greindi hún nánar frá því sem þeim fór á milli. Hún tók viðtöl við hann sem til eru á bandi. Þar ræddi Litvinenko um fortíð sína sem liðsmaður KGB og síðar rússnesku öryggislögreglunnar.

Svetlichnaja átti einnig samtöl við Litvinenko sem voru ekki hljóðrituð að ósk hans. Þar mun hann hafa sagt frá áætlunum sínum um að kúga fé út úr rússneskum auðjöfrum. Hann hafði nefnt menn og fyrirtæki á nafn en hún gæti ekki upplýst um það af ótta við málssóknir. Hún gæti þó sagt að einn þeirra væri vel þekktur auðjöfur, með góð tengsl við ráðamenn í Kreml sem Litvinenko sagði gerspilltann. Litvinenko hafi ætlað að birta honum þau gögn sem hann hefði undir höndum og krefja hann um peninga.

Lögreglumenn frá Scotland Yard fengu ekki að yfirheyra Andrei Lugovoy, athafnamann og fyrrverandi njósnara, sem Litvinenko átti fund með daginn sem hann veiktist. Þess hefur verið beðið síðan á þriðjudaginn. Interfax fréttastofan greindi frá því í dag að Lugovoy, sem nú liggur á sjúrkahúsi í Moskvu, hefði orðið fyrir geislun. Dmitry Kovtun, athafnamaður, átti einnig fund með Lugovoy og Litvinenko sama dag. Kovtun liggur nú þungt haldinn á sama sjúkrahúsi og Lugovoy vegna eitrunar. Myndver sjónvarpsstöðvar í Moskvu, þar sem Lugovoy og Kovtun voru í viðtali tveimur dögum eftir dauða Litvinenkos, var rannskaða hátt og lágt í dag.

Af þessu öllu má ráða að málið verður allt hið reyfarakenndara með hverjum degi sem líður.

Nú eru það "Sundagöng" - Takk fyrir!

Þetta fer nú að minna á farsa þessi skipulags og hönnunarmál í Reykjavík. Nú tekur við að gera umhvefismat aftur fyrir þennan kost og síðan hönnun. Þetta dýrasti kosturinn upp á 16 milljarða. Var ekki hætt við hábrú vegna kostnaðar. Ætli eftir 2 ár þegar umhverfismat liggur fyrir og hönnun þá verður athugað að fara innri leiðina aftur.

Fyrst birt: 08.12.2006 16:01

Síðast uppfært: 08.12.2006 16:09

Sundabraut hugsanlega í göng

 Kort úr skýrslu um
Sundagöng

Reykjavíkurborg og Vegagerðinni þykir það fýsilegur kostur að Sundabrautin fari um jarðgöng. Samgönguráðherra hefur samþykkt að framkvæmdin fari í umhverfismat.

Gísli Marteinn Baldursson, formaður samráðshóps um Sundabraut, segir það benda til þess að ríkið vilji fjármagna þessa leið. Gert er ráð fyrir að framkvæmdin kosti um 16 miljarða króna.

Jarðgöng líklegasti valkosturinn á Sundabraut

Gjaldfrjáls grunnskóli?

Var að lesa frétt um bókun VG í Menntaráði í Reykjavík. En í frétt á www.visir.is stendur m.a.

Fréttablaðið, 08. des. 2006 01:00

Skólagangan kostar 900 þúsund krónur

„Ljóst er að gjaldfrelsi í grunnskólum borgarinnar var ekki eitt af stefnumálum fyrri meirihluta borgarstjórnar og er það ekki heldur nú," segir meirihluti menntaráðs Reykjavíkur.

Þetta viðhorf meirihlutans kom fram þegar menntaráð ræddi tillögu vinstri grænna um gjaldfrjálsan grunnskóla. „Tillagan er sett fram af stórhug og framsýni enda er verulegt umhugsunarefni að skólaganga reykvísks barns kostar nálægt 900 þúsund krónum, með skólamáltíðum og frístundaheimilum. Það er okkar skoðun að ekki beri að taka gjald af grunnþjónustu sem þessari heldur fjármagna hana úr sameiginlegum sjóðum," sagði Svandís Svavarsdóttir, fulltrúi Vinstri grænna, í bókun.

Nú bý ég í Kópavogi á barn í grunnskóla. Ég man fyrir 2 árum þegar að barnið lauk leikskóla að ég fór að reikna með því að hafa meira milli handana enda hætti ég þá að borga um 21 þúsund krónur í leikskólagjald fyrir 8 tímavistun.

Nú svo byrjar barnið í grunnskóla og um leið þá í dægradvöl eftir skóla. Þ.e. viðvera í skólanum til 4.

Síðan vildi ég að barnið fengi heitan mat í skólanum eins og það fékk í leikskóla. Ég reiknaði með að þetta kostaði eitthvað en þegar ég fór að borga fyrir þetta brá mér. Dægradvöl í 3 tíma á dag og matur í hádeginu kostaði milli 17 og 18 þúsund. Þetta er greiðsla fyrir þjonustu í 3 tíma á dag og mat. Mér reiknaðist um daginn til að ég borgi um 200 krónur fyrir hvern tíma í dægradvöl. Og síðan er maturinn um 200 kr á dag.

Ég hafði bara verið svo vitlaus að halda að þegar talað var um heilsdagsskóla þá væri ekki verið að tala um skóla frá 8 til 13.

Síðan bætast við þetta efniskaup og fleira. Þannig að ég held að 10 ár í grunnskóla í Kópavogi geri örugglega rúmlega 1. milljón.

Því finnst mér ekki vera hægt að tala um að grunnskólar hér séu gjaldfrjálsir. Því flestir foreldrar þurfa að nýta sér þessa viðbótarþjónustu.

Sturla búinn að finna gullnámu?

Sturla Böðvarsson samgönguráðherra lofar nú vegabótum hægri og vinstri. Það vekur furðu mína að nú allt í einu virðist allt í lagi að ráðast í allskonar framkvæmdir.

• Tvöfalda Suðurlandsveg
• Tvöfalda Vesturlandsveg upp í Borgarnes
• Jarðgöng í Héðinsfirði
• Og nú segir hann:
  Fréttablaðið, 07. des. 2006 03:30
  
  

  Ráðherra ætlar að flýta gerð jarðganga

  Flýta á gerð jarðganga milli Ísafjarðar og Bolungarvíkur sem allra mest og verður skýrsla starfshóps, sem unnið hefur að hugmyndum um samgönguúrbætur á Vestfjörðum, kynnt fyrir samgönguráðherra á næstu dögum. Þetta staðfesti Sturla Böðvarsson samgönguráðherra við Fréttablaðið í gærkvöld.
  
  Sturla segist vonast til þess að hægt verði að taka málið til umræðu innan ríkisstjórnarinnar fyrir áramót. „Skýrslan um samgönguúrbætur milli Ísafjarðar og Bolungarvíkur verður kynnt fyrir mér á næstu dögum en samkvæmt því sem þar kemur fram verður eindregið mælt með því að ráðist verði í gerð jarðganga sem fyrst, enda öryggisaðstæður við veginn um Óshlíð óviðunandi," segir Sturla en í skýrslunni verða lagðar til útfærslur sem metnar verða í samvinnu við heimamenn
• Hann segir að hönnunarferli sé byrjað á gatnamótum Kringlu- og Miklubrautar
• Hann talar um einhver önnur jarðgöng séu alveg á næstunni.
• Síðan er það náttúrulega Sundabraut.

Þessi verk samtals kosta varla undir 50 til 80 milljörðum (örugglega meira). Ég leyfi mér að fullyrða að eftir kosningar í maí verður farið að draga úr þessu og fresta. Þetta getur bara ekki allt komist til framkvæmda á næstu árum. Landið mundi ekki þola þessa auka þennslu með stóryðju framkvæmdum.

Þetta eru loforð án þess að meininginn sé að efna þau.

Sigurjón M. Egilsson ritstjóri á förum frá Blaðinu?

Var að lesa eftirfarandi á vef blaðsins Ísafold. Ætli þetta sé rétt hjá þeim?

Sigurjón Magnús Egilsson ritstjóri er á förum frá Blaðinu á næstu vikum. Hann var í Kaupmannahöfn um seinustu helgi og herma heimildir Ísafoldar að í þeirri för hafi hann ákveðið að hætta sem ritstjóri. Þetta vekur mikla undrun þar sem hann reif blaðið úr 30 prósentustiga lestri upp í 44 prósent og hefðu menn haldið að útgefendur Blaðsins myndu gera allkt til að halda honum. Sjálfur verst hann allra frétta af málinu sem og því hvort sá orðrómur sé réttur að hann sé að taka við DV sem jafnhliða verði að dagblaði á ný. Haft er eftir Sigurjóni að á öllum leiðum séu krossgötur ...

Ætli það sé búið að selja hvalkjötið?

Var að lesa og hlusta lauslega á viðtal við sjávarútvegsráðherra. Já lauslega því að ýmisar ákvarðanir hans og ræður í gegnum tíðina er bæði ekki mér að skapi og eins finnst mér hann fljótfær og mistækur

En semsagt í þættinum Morgunhananum á Útvarpi Sögu sagði ráðherra m.a.:

Sjávarútvegsráðherra vonsvikinn

07.desember 2006 - kl. 14:39

Einar K. Guðfinnsson, sjávarútvegsráðherra, lýsir vonbrigðum með þá ákvörðun bandarísku verslunarkeðjunnar Whole Foods Market að hætta markaðssetningu íslenskra matvæla vegna hvalveiða Íslendinga í atvinnuskyni. "Þessi ákvörðun er slæm vegna þess að við bundum og bindum miklar vonir við þessa verslunarkeðju... Ákvörðunin er ekki sú að hætta að selja íslenskar vörur... Við þurfum alltaf að meta okkar hagsmuni þegar á móti blæs. Þjóð sem nýtir auðlindir mun þurfa að standa af sér svona ágjöf."

Þetta eru nú dæmi um þegar rokið er eftir hugmyndum manna sem hafa hvalveiðar sem áhugamál og hugsa ekkert um afleiðingar.

Skilaði fíkniefnum á lögreglustöð og er sektaður fyrir!

Ritstjóri Kompás fékk ákæru og sekt fyrir að láta ungar tálbeitur kaupa fíkniefni til að sýna hversu auðvelt er að nálgast efnin fyrir unglinga.

Frétt af www.visir.is

07. des. 2006 18:55

Ritstjóri Kompáss sektaður

Lögreglustjórinn hefur sektað ritstjóra fréttaskýringaþáttarins Kompáss um fimmtíu og fjögur þúsund krónur fyrir vörslu fíkniefna.
Þetta voru fíkniefni sem Kompás lét kaupa til að sýna auðvelt aðgengi barna að þeim en þau voru síðan afhent lögreglu með formlegum hætti.

Í fréttaskýringarþáttunum Kompási á Stöð 2 í október og nóvember var dregin upp dökk mynd af því hversu auðvellt var fyrir ungmenni að nálgast fíkniefni. Ritstjórnin tók af því myndir þegar ungmenni á hennar vegum höfðu samband við fíkniefnasala og var viðskiptum komið á. Athygli vakti hversu skamman tíma það tók ungmennin að nálgast fíkniefnin þó svo að engin kynni væru á milli sölumannana og þeirra sem leituðu viðskipta.


Eftir að gerð þessa þáttar Kompáss lauk fór ritstjóri þáttarins, Jóhannes Kr. Kristjánsson á lögreglustöðina við Hverfisgötu og afhenti þar fíkniefnin til eyðingar. Var um að ræða eitt gramm af amfetamíni og tvö og hálft gramm af hassi. Var skýrsla tekin af ritstjóranum þar sem hann skýrði málavexti.

Sér til undrunar fékk Jóhannes Kr. svo nýverið sektargerð frá lögreglustjórnaembættinu á grundvelli kæru á hendur honum vegna brota á lögum um ávana og fíkniefni. Er hann kærður fyrir vörslu fíkniefna en boðið að ljúka málinu með sátt og greiðslu sektar uppá 54 þúsund krónur í ríkissjóð. Jafnframt er tekið fram að hann sættist þá á upptöku á hinum haldlögðu fíkniefnum. Greiði hann ekki sektina komi í staðinn fjögurra daga fangelsi. Afgreiðsla sektarinnar verði jafnframt skráð í sakaskrá.

Jóhannes Kr Kristjánsson segist ekki ætla að una þessu sektarboði og láta á það reyna hvort lögregluembættið ætli að höfða mál vegna þessa atviks. Ríkir almannahagsmunir hafi legið því til grundvallar að staðreyna þessi viðskipti og hafi það ótvírætt forvarnargildi að draga fram þennan ófagra sannleika. Jóhannes segir að lögmanni Blaðamannafélags Íslands verði falið að reka málið

Þetta er bara alls ekki lagi.

Maður sem auðsjáanlega er stórhættulegur og ég mundi halda ekki með réttu ráði. Getur bara áfríað dómi og labbað út. Þetta verður að laga. Sjá frásögn hér að neðan af www.visir.is

Vísir, 07. des. 2006 18:30

Grunaður um að hafa aftur nauðgað

Maður á sextugsaldri situr í gæsluvarðhaldi grunaður um að hafa nauðgað konu á föstudag. Í október var sami maður dæmdur í fimm ára fangelsi fyrir hrottfengið ofbeldi og nauðganir.

Maðurinn, sem er fimmtíu og fimm ára gamall, var úrskurðaður í gæsluvarðhald til tuttugasta desember næstkomandi en hann er grunaður um að hafa frelsissvipt og nauðgað konu sem hann hefur átt í sambandi við. Verknaðinn framdi hann á heimili konunnar í Reykjavík þar sem hann hélt henni fanginni. Samkvæmt heimildum fréttastofnu gekk maðurinn illilega í skrokk á konunni og nauðgaði henni oftar en einu sinni. Hún leitaði til neyðarmóttöku nauðgana og hefur kært.

 

Þann ellefta október var maðurinn dæmdur í fimm ára fangelsi í Hérðasdómi Reykjavíkur fyrir hrottalegar árásir á tvær konur og nauðgaði hann annari þeirra í þrígang. Hann áfrýjaði dómnum til Hæstaréttar og bíður þess að þar falli dómur.

Maðurinn réðst með ofbeldi á fyrrverandi sambýliskonu sína í þrígang í fyrrasumar. Í eitt skiptið hélt hann kodda fyrir andliti hennar þannig að hún átti erfitt með andadrátt. Hina konuna réðst hann á í febrúar á heimili sínu. Hann hélt henni fanginni í íbúðinni í marga klukkutíma þar sem hann beitti hana miklu ofbeldi og nauðgaði henni þrisvar. Að lokum náði konan að koma beiðni um hjálp til vina sinna í gengum sms skilaboð. Þegar lögreglumenn kom á staðinn náði konan að gefa þeim bendingar út um glugga en maðurinn ansaði ekki þegar dyrabjöllunni var hringt. Blóð var víða í íbúðinni og greinilegt að átök höfðu átt sér stað. Segir í dómi hérðasdóms að brot mannsins gagnvart konunum séu sérlega hrottafengin og að hann hafi farið fram gegn þeim í krafti líkamsburða sinna. Auk fangelsisdómsins var maðurinn dæmdur til að greiða konunum samtals 2 milljónir króna í miskabætur.

Ef dómur verður ekki fallinn í Hæstarétti þegar gæsluvarðhald yfir manninum rennur út má telja líklegt að lögregla krefjist áframhaldandi varðhalds.

Á fullum ráðuneytisstjóralaunum við að gera nánast ekki neitt

Alveg makalaust hverning þetta mál hefur þróast í gegnum árin. Maðurinn hefur verið á fullum launum við að gera ekki neitt. Síðan um 1996 held ég. Bara af því að Finnur Ingólfs og fleiri vildu heldur fá aðra til starfa. (Flokksgæðinga) Og við höfum þurft að borga þetta dýrum dómum og þurfum áfram að greiða. Ég er á því að hann á þetta skilið og miskabætur hefðu mátt vera hærri því með þessum gjörðum hefur verið mjög að honum vegið.

Frétt af mbl.is

  Ríkissjóður greiðir Birni Friðfinnssyni full laun og miskabætur
Innlent | mbl.is | 7.12.2006 | 11:42
Í dag lauk með réttarsátt dómsmáli sem Björn Friðfinnsson, fyrrverandi ráðuneytisstjóri í iðnaðar- og viðskiptaráðuneytinu höfðaði gegn íslenska ríkinu vegna þess að Björn fékk ekki aftur starf ráðuneytisstjóra eftir að hafa gegnt starfi framkvæmdastjóra Eftirlitsstofnunar EFTA í launalausu leyfi frá ráðuneytinu. Ríkissjóður fellst á að greiða Birni laun til sjötugs ásamt miskabótum að fjárhæð 2 milljónir króna.

Ríkissjóður greiðir Birni Friðfinnssyni full laun og miskabætur