Íslenskar konur hafa alltaf verið dálítið svag fyrir erlendum mönnum

Af www.visir.is

Vísir, 16. des. 2006 18:22

Ástarbréf íslenskra kvenna á safn

Ástarbréf íslenskra kvenna til eina skipverja franska rannsóknarskipsins Pourquois-pas sem komst lífs af þegar skipið strandaði út af Reykjanesi árið 1936, verða að öllum líkindum afhent Íslendingum með vorinu. Frændi skipverjans, sem nú er látinn, er staddur hér á landi

Olivier segir að eftir fráfall Jeans hafi komið í ljós ástarbréf frá íslenskum konum. Bréfin eru varðveitt af fjölskyldunni, en stefnt er að því að afhenda þau safni hér á landi í vor.

Ýmis leyndarmál einhverja langömmunar og/eða ömmunar gæti komð þarna í ljós.

Björn Bjarnason hættur að horfa á Silfur Egils

Af www.bjorn.is

" Þetta er reyndar hugtak sem Björn notar oft - „að láta ekki eiga inni hjá sér". Hvers konar pólitík er það annars? Eitthvað sem mun duga landi og þjóð eða kannski bara gamaldags þvergirðingur? Yrði maður ekki ruglaður ef maður ætlaði að svara fullum hálsi öllum sem er uppsigað við mann?“

Þegar ég las þetta, velti ég því fyrir mér, hvort ég notaði þetta „hugtak“ oft. Ég er ekki viss. Gagnrýni Egils er hins vegar í ætt við þá skoðun hans, að ég megi ekki nota orðið „andstæðingur“, af því að einhverjir, sem ég vísa til með þessu orði, kunni að hafa ánægju af að sjá sömu kvikmynd og höfðar til mín. Mér sýnist, að Egill sé ekki eins hrifinn af nýju Bond-myndinni og ég. Má ég þá kalla Egil andstæðing?

Egill hefur atvinnu af því að etja mönnum saman í sjónvarpi og kynda undir orðaskipti þeirra. Gerir hann það í þágu lands og þjóðar? Er hann kannski bara að ýta undir þvergirðingshátt í gömlum stíl? Skýringin á því, að ég er hættur að horfa á Silfur Egils er líklega sú, að ég vil ekki verða ruglaður.

Skötusuða senn bönnuð í fjölbýli?

Mikið verð ég glaður þá:

www.ruv.is

• » Fréttir
• » Frétt
Fyrst birt: 16.12.2006 12:55

Síðast uppfært: 16.12.2006 13:02

Skötusuða senn bönnuð í fjölbýli?

Mörgum finnst það að borða skötu á Þorláksmessu ómissandi þáttur í undirbúningi jólahátíðarinnar. Það eru hins vegar ekki allir sáttir við lyktina sem fylgir skötusuðunni.

Sigurður H. Guðjónsson, formaður Húseigendafélagsins, segir að félagið fái í desember margar fyrirspurnir um hvort leyfilegt sé að sjóða skötu í fjölbýlishúsum. Hann segir að það sé hins vegar ekki hægt að setja í húsreglur allsherjarbann við skötusuðu. Sigurður Helgi kveðst þess hins vegar fullviss að það styttist í að skötusuða verði bönnuð líkt og reykingar voru í sameignum fjölbýlishúsa. Skötulykt er þrálát og berst víða.

Fer Óskar ekki að nálgast að vera með meiðyrði og atvinnuróg gegn Degi og HR

Ömurlegur málfluttningur þessa manns. Hann er virkilega á því að sverta Háskólan í Reykjavík og saka Dag og HR um mútur og múturþægni. Finnst manninum það sér til málsbóta? Hann er skipaður í embætti eftirlitsmanns af manni sem hann er varabæjafulltrúi fyrir. Hann situr í nefndum og þyggur á 400 þúsund fyrir það en fær svo stöðu frá Faxaflóahöfnum sem Björn Ingi er stjórnarformaður fyrir upp á 6500 kr á tímann. Hann verður að gæta að því að hann var kosinn af borgarbúum til að framfylgja þeim stefnumálum sem hann boðaði. Hann var ekki kosin til að maka krókinn sjálfur.

Óskar Bergsson, varaborgarfulltrúi Framsóknarflokksins.
Fréttablaðið, 16. des. 2006 05:00 
Ekkert persónulegt
Borgarfulltrúinn Dagur B. Eggertsson hefur farið mikinn vegna tímabundins verkefnis sem ég hef verið ráðinn til hjá Faxaflóahöfnum. Í þeirri orrahríð hefur hann ítrekað tekið fram að það sé ekkert persónulegt gagnvart mér. Hins vegar tók hann uppá því að senda starfssamning minn við Höfnina á allar helstu fréttastofur landsins, áfram undir kjörorðinu, ekkert persónulegt. Gott og vel. Við Dagur eigum það sameiginlegt að stunda aðra vinnu samhliða störfum okkar í borgarstjórn. Hann réði sig til starfa hjá Háskólanum í Reykjavík eftir að hafa úthlutað skólanum stærstu lóð í sögu borgarinnar. Til þess að taka af allan vafa um að Dagur B. Eggertsson sitji örugglega við sama borð og aðrir stundarkennarar við HR þá verður hann að leggja spilin á borðið og birta heildarlaun sín opinberlega. Hann getur svo svarað því til sjálfur hvort það sé persónulegt eða ekki.

90 ára og aldurinn farinn að sjást!

Sendi flokkurinn virkilega frá sér afmælistilkynningunna með þessum upplýsingum:

Frétt af mbl.is

  Framsóknarflokkurinn 90 ára í dag; fylgið sjaldan minna
Innlent | mbl.is | 16.12.2006 | 12:54
Framsóknarflokkurinn er 90 ára í dag, og af því tilefni efnir hann til hátíðahalda um land allt. En fylgi flokksins og hlutfallslegur fjöldi þingmanna hans hefur sjaldan verið minna en nú, að því er fram kemur í upplýsingum frá flokknum

Framsóknarflokkurinn 90 ára í dag; fylgið sjaldan minna

Fátækt á Íslandi verður aldrei útrýmt ef menn með svona viðhorf fá að ráða áfram!

Eftirfarandi pistill er tekin af www.birgir.is sem er síða Birgis Ármannssonar:

Fátæktarumræða - endurtekið efni?

miðvikudagur 13. desember 2006

Veturinn 2002 til 2003 fór af stað mikil umræða um fátækt í landinu. Fréttatímar, umræðuþættir og síður dagblaðanna voru fullar af umfjöllun um mikla og vaxandi fátækt í landinu og mátti helst ætla að hér væri allt á heljarþröm. Það vekur athygli mína að síðustu þrjá eða fjóra daga hefur þessi umræða blossað upp að nýju í fjölmiðlum og má spyrja hvort það sé forsmekkurinn að því sem koma skal í vetur. Getur verið að þessi umræða gjósi alltaf upp í aðdraganda alþingiskosninga?

Ég velti því líka fyrir mér á hvaða forsendum umræður um þessi mál eru byggðar. Mælikvarðar á þróun hagkerfisins ættu ekki að gefa tilefni til fullyrðinga um aukna fátækt - þvert á móti. Kaupmáttur ráðstöfunartekna allra tekjuhópa (með tilliti til verðbólgu og eftir skatt að sjálfsögðu) hefur aukist jafnt og þétt á undanförnum árum, atvinnuleysi hefur verið í sögulegu lágmarki og framlög til opinberrar þjónustu af ýmsu tagi svo sem menntakerfis, heilbrigðiskerfis og velferðarkerfisins almennt hafa aldrei verið meiri. Gefa þessar staðreyndir tilefni til stórra fullyrðinga um vaxandi fátækt. Nei, svo sannarlega ekki. Sem betur fer hafa lífskjör Íslendinga batnað verulega á undanförnum árum, hagkerfið hefur stækkað og atvinnulífið styrkst og það hefur skilað sér til almennings með ótvíræðum hætti. Þetta verður í hafa í huga ef umræður af þessu tagi eiga að vera vitrænar.

Birgir.

Menn sem hengja sig í meðaltöl og blanda saman hag fyrirtækja og fjármagnseigenda við umræðu um stöðu þeirra lægst launuðu, breyta þessu ástandi ekki.

Væri ekki nær að Bílastæðasjóður sannaði að bíllinn hefði verið í Reykjavík. Alveg makalaus frekja í þeim.

Af www.visir.is

Stöð 2, 16. des. 2006 09:50

Sek þar til sakleysi sannast

Kona í Vestamannaeyjum fékk tæplega fjögur þúsund króna stöðumælasekt, fyrir að leggja bíl sínum ólöglega í Reykjavík í síðasta mánuði. Það þykir svo sem ekki í frásögur færandi, nema vegna þess að bæði konan, og bíllinn hennar, voru í Vestmannaeyjum umræddan dag. Hún fékk þau svör hjá Bílastæðasjóði að hún yrði að borga sektina eða sanna fjarveru sína úr höfuðborginni og myndi úrskurðarnefnd þá taka ákvörðun um niðurfellingu sektarinnar. Þetta kom fram á suðurland.is

Nú verð ég aðeins að skjóta á minn flokk

Ég er svo hjartanlega sammála Jónasi Kristjánssyni sem segir á síðu sinni í dag:

16.12.2006
Samsekt Samfylkingar
Þrátt fyrir allt náttúruhjal Samfylkingarinnar stendur hún í stjórn Landsvirkjunar að ítrekuðum yfirlýsingum um nýja orkusölu til stóriðju og að áfram verði orkuverði haldið leyndu fyrir almenningi. Ég sé engan mun á stóriðjuflokknum Samfylkingunni og á stóriðjuflokkunum Sjálfstæðisflokki og Framsókn.

Ég hélt að Samfylkingin hefði verið að setja fram mikla stefnu í umhverfismálum sem hét „Fagra Ísland". En þetta má þá ekki vera bara orðin tóm. Og aðilar sem sitja fyrir hönd flokksins í hinum ýmsu stjórnum eins og í Landsvirkjun þeim ber að fara eftir þessum samþykktum flokksins því annars er þetta bara flokkur sem setur fögur fyrirheit á blað en er ekki tilbúinn að fylgja þeim þegar á hólminn er komið. það er ekki beint hægt að segja að þjóðin hafi verið spurð hvort að leggja eigi Þjórsá nokkurnveginn alveg í rör frá upptökum til sjávar. Sem og að þetta vekur aftur upp hugmyndir um framkvæmdir við Norðlingaöldu  Það er óþolandi að geta ekki treyst á viðbrögð flokksins.

 Og eins finnst mér ekki flokknum til sóma að taka þátt í þessu leynibruggi með raforkusölusamninga við stóryðju. VIð eigum rétt á að vita hvað við erum að fá fyrir orkuna. Ég held reyndar að verðið sem stóryðjan greiðir sé orðið svo langt frá því sem við greiðum að það þori enginn að sýna það. Ég held að það sé að nálgast það að við almennu notendur séum farinn að greiða niður rafmagn fyrir stóryðjunna. Annarsstaðar í heiminum eru þessi orkusamningar upp á borðum, því ekki hér.

Að minnstakost krefst ég þess að Samfylkinginn fylgi eftir samþykktum sýnum varðandi umhverfismál sem og að flokkurinn þaki ekki þátt í því að okkur séu leyndar upplýsingar sem við höfum rétt á.

Ísafold aðeins að skjóta á Pétur Gunnarsson

Gaman að þessu! Ísafold gerir nokkuð á að skjóta á menn og málefni á vef sínum. Nú er það Pétur Gunnarsson  

www.blad.is

blað.is - 15.12.2006

Verktaki bendir á Kastljós

Bloggarinn og tölvusérfræðingurinn Pétur Gunnarsson er glöggur með afbrigðum. Hann hefur ómaklega legið undir ásökunum að þiggja ölmusur frá Framsóknarflokknum sér til viðurværis. Það var Helgi Seljan, einn umsjónarmanna Kastljóss sem benti á nokkra gæðinga Framsóknar og dúsur þeirra. Meðal annars að Pétur Gunnarsson hefði nokkur hundruð þúsund á mánuði hjá Faxaflóahöfnum hvar hann er önnum kafinn við að koma skikk á heimasíðu. En Pétur lætur ekkert eiga hjá sér og skorar á Kastljósfólk að líta í eigin barm: ,

,,Og mér finnst ágætt að Kastljósið fjalli um  ráðningar í opinber fyrirtæki og stofnanir og vonandi verður framhald á. Kannski stæði þeim næst að fara yfir það hvort farið hafi verið að lögum, reglum og kjarasamningum um ráðningar umsjónarmanna í Kastljósið undanfarna mánuði," segir hann á heimasíðu sinni.

Þetta er skemmtileg siðferðileg pæling hjá Pétri og þá sérstaklega í því ljósi að einn bitlinga hans er varamennska í útvarpsráði. Það ættu því að vera hæg heimatökin hjá honum að krefjast fundar þar í stað þess að skora á starfsmennina að rannsaka sjálfa sig ...

Átti ekki að fara að reyna að ná fram slaka í hagkerfinu?

Er það ekki ríkið sem á þetta fyrirtæki Landsvirkjun? Þá hlýtur þetta að vera með vitund og vilja Jóns Sigurðssonar ráðherra orkumála.

Bendi á eftirfarandi kafla í frétt um sömu mál frá www.ruv.is. Sér í lagi rauðletraða kaflann. Um kosnaðinn næstu árinn.

Síðast uppfært: 15.12.2006 19:37

LV: Samþykkt að bjóða virkjanir í Neðri Þjórsá út

Jóhannes Geir Sigurgeirsson, stjórnarformaður Landsvirkjunar, segir að hönnun 3 virkjana í Neðri-Þjórsá verði boðin út nú þegar vegna stækkunar álversins í Straumsvík. Alcan og Landsvirkjun hafa samið um orkuverð. Álfheiður Ingadóttir VG, fulltrúi Reykvíkinga í stjórn Landsvirkjunar, vill að verðið verði gefið upp. Jóhannes segir það trúnaðarmál en arðsemi af verkefninu verði meiri en af Kárahnjúkavirkjun.

Greiningardeild KB-banka telur að virkjanir og stækkun álvers muni kosta 150 miljarða króna, frá næsta ári og til ársins 2010. Steinunn Valdís Óskarsdóttir Sf, lýsir stjórnarfundi Landsvirkjunar í morgun sem kennslustund í karlrembu og hroka.

Hugmyndin er að stækka álverið í Straumsvík úr 180.000 tonna ársframleiðslu í 460.000. Orkuveita Reykjavíkur og Alcan hafa þegar samið um 40% orkunnar fyrir stærra álver. Landsvirkjun ætlar að afla hinna 60%.

Forstjórar Alcan og Landsvirkjunar skrifuðu í dag undir samkomulag um raforkuverð. Jóhannes Geir Sigurgeirsson er sáttur við verðið en segir það trúnaðarmál. Jóhannes Geir segir að þótt málið sé langt komið þurfi enn að bíða ákvörðunar Hafnfirðinga, um stærra álver í Straumsvík, auk þess sem ekki hafi verið lokið við samninga við landeigendur við neðri þjórsá.

Orkunnar á að afla með Hvammsvirkjun, svo Holtavirkjun og loks Urriðafossvirkjun. Stjórn Landsvirkjunar hafi samþykkt á fundi í morgun, að hönnun virkjananna yrði boðin út. Álfheiður Ingadóttir gekk út af stjórnarfundinum í morgun, því hún sættir sig ekki við að raforkuverðið í þessum samningum sé ekki gefið upp.

Síðan er náttúrulega Þjórsá í kjölfarið gjör nýtt til virkjana og eins þá segir Álfheiður sbr. færslu hér á undan að til standi að fara í framkvæmdir við Norðlingafljót sem þó er alveg við Þjórsárver og átti að falla undir stækkað friðað svæði og þjóðgarð.

 

Alcan og Landsvirkjun framlengja viljayfirlýsingu