Gunnar I Birgisson er dóni!!!!!!!!!!!!!!!!

Var að lesa Fréttablaðið áðan og rakst á grein um uppbyggingu á Glaðheimasvæðinu. Þar er verið að fjalla um áhyggjur Garðbæinga af umferðaraukningu og að Samfylkingin í Kópavogi telur að þau hafi verið leynd gögnum um athugsemdir Garðbæinga. En það er eftirfarndi klausa sem ég hnaut um og er höfð orðrétt eftir Gunnari I Birgissyni:

Gunnar I. Birgisson, bæjarstjóri í Kópavogi, segist vísa fullyrðingum Guðríðar um að gögnum hafi verið leynt algerlega á bug. "Til hvers ættum við að vera að því?" spyr bæjarstjórinn og bætir við: "Það mætti halda að hún væri að vinna fyrir Garðabæ en ekki Kópavog þessi manneskja. Hún verður að fara aftur í frumbernskuna og læra að segja satt áður en hún fer að taka þátt í pólitík."

Það er nokkuð ljóst að svona tala ekki menn um andstæðinga sína í pólitík nema að þeir séu séu hrokagikkir og jafnvel að þeir hafi eitthvað að fela.  Og ef einhverjir eru sem "þurfa að fara aftur í frumbernskuna" þá er það Gunnar og gæti þá lært mannasiði og virðinugu fyrir skoðunum annarra. Ef ég væri Guðríður þá mundi ég fara formlega fram á afsökun á þessum ummælum bæði frá Gunnari, Sjálfstæðisflokknum og forseta bæjarstjórnar sem er Ómar Stefánsson því Gunnar situr sem bæjarstjóri í umboði Framsóknar og Sjálfstæðisflokksins.

Ummæli vikunar

Fann eftirfarandi inn á www.morgunhaninn.is

Ummæli dagsins

17.janúar 2007 - kl. 11:51

"Björn krefst þess jafnvel að fjölmiðlar stundi sjálfsritskoðun til að tryggja að einungis sjónarmið hans fái að koma fram og átelur þá harðlega sem hlíta því ekki. Þannig telur hann "dapurlegt" að Morgunblaðið skuli leyfa skoðunum mínum að koma fram í ritdómi um bók. Við skulum þakka fyrir að Björn er dómsmálaráðherra í lýðræðisríki en ekki einræðisríki! ... Ég verð að viðurkenna að þessar ásakanir, sem eru settar fram með ofsa, valda mér nokkrum heilabrotum. Við verðum að hafa í huga að Björn er ekki einangraður öfgamaður og þaðan af síður er hann sjúklingur. Hann er dómsmálaráðherra landsins og ber sem slíkur ábyrgð á öryggismálum þjóðarinnar." (Jón Ólafsson prófessor við Háskólann á Bifröst svarar Birni Bjarnasyni í Morgunblaðinu 17. janúar um óttann og hættur á kaldastríðsárunum.)

Ja þarna fer gjöfult fólk

Það verður af þessu fólki tekið að það er göfult á peningana sína og þetta er til eftirbreytni.

En það sem maður undrast er það hverstu hratt fólk hefur efnast hér á landi. Það að fólk geti lagt 1000.000.000 krónur fyrir í velferðarsjóð er alveg gríðarlegt. Þetta er auður sem fólk hefur safnað nú á nokkrum árum. T.d. eru ekki nema svona 10-15 ár síðan að menn voru að velta fyrir sér hvort að Samskip færu á hausinn.

  Gefa einn milljarð króna í velgerðarsjóð
Innlent | mbl.is | 20.1.2007 | 10:30
Hjónin Ingibjörg Kristjánsdóttir landslagsarkitekt og Ólafur Ólafsson, stjórnarformaður Samskipa, hafa stofnað velgerðarsjóð og leggja honum til einn milljarð króna í stofnframlag. Tekjum sjóðsins, sem eru arður og vaxtatekjur af stofnfé, verður annars vegar varið til ýmissa verkefna í þróunarlöndum og hins vegar til að göfga mannlíf á Íslandi með því að styrkja verkefni á sviði menningar, mennta og lista í samræmi við samþykktir sjóðsins og ákvörðun sjóðsstjórnar hverju sinni. Ætla má að árlega verði til ráðstöfunar 100-150 milljónir króna.

Gefa einn milljarð króna í velgerðarsjóð

Útlendingar komnir í hóp þeirra fátæku hér á landi.

Var að lesa þessa frétt í Fréttablaðinu sem má sjá hér fyrir neðan. Þetta er náttúrulega ógurleg þróun. En ef við hugsum um þetta þá er þetta ekkert skrítið. Fólk er flutt hér til lands til að vinna allra verst borguðu störfin. Leiga hefur margfaldast hér á landi sem og annar kostnaður. Því er ljóst að þetta fólk hefur lítið milli handana. Auk þessa eiga þau oft fyrir fjölskyldu að sjá í heimalandi sínu.

Svo er það sú staðreynd að störfin sem þau lenda í eru ótrygg. Þau þekkja ekki réttindi sín og óvandaðir atvinnuveitendur nýta sér það.

Fréttablaðið, 20. jan. 2007 08:45
Þurfa að úthýsa útlendingum

Útlendingar eru orðnir áberandi meðal fátækra. Starfsmenn sem veita ókeypis máltíðir segja þá sífellt fjölmennari hóp og vitað er til þess að þurft hefur verið að vísa þeim frá Gistiskýlinu í Þingholtsstræti.
Heiðar Guðnason, forstöðumaður Samhjálpar, sem sér um Kaffistofuna á Hverfisgötu sem sér um heitar máltíðir til fátækra án endurgjalds segir að fjölgun innflytjenda sem þangað leita sér hjálpar sé greinileg og standi til að taka saman tölur um fjöldann. Hann segir fordóma gagnvart útlendingum sem búa við fátækt vera jafnvel enn meiri en þegar fátæktin snertir Íslendinga. Heiðar segir að sér þyki sérstaklega erfitt að heyra að útlendingum hafi verið vísað frá Gistiskýlinu í Þingholtsstræti sem ætlað er heimilislausum Reykvíkingum.

Og síðar í fréttinni

„Ég hef heyrt nokkur dæmi um slíkan húsnæðisvanda en veit ekki hversu víðtækt vandamálið er. Það hefur einnig komið upp sú staða að fólk virðist eiga miserfitt með að finna húsnæði eftir því af hvaða þjóðerni það er, en helst er það fólk frá Eystrasaltslöndunum sem á í erfiðleikum með það," segir Einar og minnir á að nauðsynlegt sé að samfélagið geri ráð fyrir þessum hópi nýrra og verðandi Íslendinga

Helstu talsmenn frjálshyggjunar á Íslandi eru á framfæri hins opinbera

Var að hlusta á Útvarp Sögu í morgun. Þar var verið að endurflytja spjall Sigurðar G Tómassonar og Guðmundur Ólafssonar.

Þar kom fram svona í framhjáhlaupi setning sem vakti athygli mína:

Allir helstu boðberar frjálshyggju á Íslandi eru á launum hins opinbera.

Ef fólk hugsar um þetta þá er þetta rétt

Hannes Hólmsteinn á launum í Háskólanum

Davíð Oddsson Borgarstjóri > Forsetisráðherra > Seðlabankastjóri. Nærri allann sín aldur á launum hjá borg og ríki.

Sigurður Kári > Bjarni Ármansson >Gísli Marteinn  > Guðlaugur Þór allir á launum hjá ríki og borg.

Kjartan Gunnarsson > Var stórnarformaður Landsbankans sem var ríkisbanki> var lika á launum hjá Sjálfstæðisflokki sem er styrktur af ríkinu eins og aðrir flokkar.

Og svona væri hægt að telja upp áfram.

Þetta er nú dálítið öfugsnúið finnst mér.

Margir að leita að videóinu með Guðmundi og Ólöfu

Var að skoða teljara sem ég er með á síðunni hjá mér og það kom mér á óvart hve margar heimsóknir voru í dag frá leitarvélum. Hér fyrir neðan er dæmi um smá tímabil. Þetta sýnir að það eru margir að eyða miklum tíma í að finna þetta. Náttúrulega sjúk þessi forvitni í okkur alltaf hreint.

	Num	Perc.	Search Engine Name	Search Term
	16	29.09%	Google	guðmundur í byrginu
	5	9.09%	Google	guðmundur í byrginu myndband
	4	7.27%	Google	guðmundur í byrginu video
	4	7.27%	Google	iron master byrgisins
	2	3.64%	Google	guðmundur byrginu video
	2	3.64%	Google	guðmundur video byrgið
	2	3.64%	Google	bdsm
	2	3.64%	Google	myndbandið með guðmundi
	2	3.64%	Google	guðmundur í byrginu
	1	1.82%	Google	myndbandið með guðmundi
	1	1.82%	Google	iron master,byrgið
	1	1.82%	Google	myndband byrginu
	1	1.82%	Google	hannes hólmsteinn blog fátækt
	1	1.82%	Google	guðmundur; myndband
	1	1.82%	Google	bdsm-myndbandið með guðmundi
	1	1.82%	Google	guðmundur jónsson video byrgið
	1	1.82%	Google	iron master guðmundur
	1	1.82%	Google	guðmundur byrginu
	1	1.82%	Google	master byrgisins
	1	1.82%	Google	byrgið guðmundur
	1	1.82%	Google	iron master
	1	1.82%	Google	video með guðmundi í byrginu
	1	1.82%	Google	myndband guðmundar í byrginu
	1	1.82%	Google	byrgið
	1	1.82%	Google	guðmundur byrginu myndband

 

Til útskýringar þá eru færslur sem eru með skrítum stöfum sennilega úr erlendum útgáfum af google. þ.e. ekki google.is

Það var búið að vara við þessu

Við höfum alltaf vitað að bretar og fleiri þjóðir eru alfarið á móti hvalveiðum. Við höfum heldur ekki sterk rök á bak við okkar málstað. Vísindarök okkar eru ekki sterk þar sem að á bak við þau eru aðeins yfirborðs rannsóknir nokkurra vísindamanna og þar af af bara einn sem er sérlærður í fræðum er snerta hvali. Það er náttúrulega til skammar hvað við höfum notað tímann illa frá því að bann við hvalveiðum komst á.

Það er hlegið að rökum eins og hvalir éti okkur út á Guð og gaddinn. Því skv. því ætti ekki að hafa verið nokkur fiskur hér við land um aldir. Síðan er sú staðreynd að veiða nokkra hvali hefur engin áhrif á stærð stofnisins við landið. Við þyrftum að drepa þá þúsundum saman til að hafa áhrif á stærð stofnsins. þ.e. ef miðað er við stofnstærðir hvala sem Hafrannsóknarstofnun segir okkur.

Og ekki eru þetta efnahagsleg rök þar sem við erum þjóð sem ekki erum háð þessum veiðum. Höfum komist vel af án hennar.

Þetta sýnir en á ný hverskonar flumbrugangur þetta var í Einar K Guðfinnssyni að leyfa Kristjáni Loftsyni að rjúka út til að ná í nokkra hvali sem fylla nú frystigeymslur einhversstaðar, þ.e. því sem ekki var hennt. Enginn vill kaupa þetta og þessar veiðar aðeins til að koma okkur í vandræði á heimssvísu.

Þetta væri mun skiljanlegra ef að hvalir væru stór hluti af neysluvenjum okkar en hann er það ekki.

Frétt af mbl.is

  Bretar hefja alþjóðlega herferð gegn hvalveiðum Íslendinga
Erlent | mbl.is | 19.1.2007 | 18:09
Bretar munu hefja alþjóðlega herferð gegn hvalveiðum Íslendinga um næstu mánaðamót. Tony Blair forsætisráðherra og Sir David Attenborough eru verndarar herferðarinnar en að henni stendur breska umhverfisráðuneytið. RUV skýrði frá því í kvöldfréttum sínum að Bretar hygðust fá aðrar þjóðir til liðs við sig og fá þjóðir á borð við Búlgaríu og Tyrkland til að ganga í Alþjóða hvalveiðiráðið til að vernda hvalastofnana.

Bretar hefja alþjóðlega herferð gegn hvalveiðum Íslendinga

Nokkrar athugasemdir við blog.is

Nú virðast standa yfir breytingar og aukin þjónusta við okkur sem nota blog.is. Það er nú gott og blessað en ég hef smá athugasemdir við þetta.

• Væri betra að bjóða okkur að taka upp nýja möguleika eða skýra út fyrir okkur strax hvernig á að taka þá út.
• Eins að taka ekki út möguleika eins og athugasemdir af línunni. Og svo verður maður að virkja þetta aftur
• Láta okkur vita þegar vinna stendur yfir við breytingar þannig að við séum ekki að æsa okkur að óþörfu.

Nú allt í einu duttu út allar athugasemdir. Ég gat sett þær í gang með því að fara inn í stillingar en sé á öðrum síðum er þetta ekki inn. Stjörnugjöf gat ég svo aftur tekið af með því að fara í stillingar. En það þarf að leita smá að þessum möguleika.

Annars þakka ég góða þjónustu og flott kerfi. Og breytingar sem verið er að gera eru flestar til bóta.

Hjálmar í þriðja sæti?

Var að lesa síðu Roberts Marshall og þar er að finna athyglisverða spá um niðurstöðu prófkjörs framsóknarmanna í Suðurkjördæmi:

„Þingflokksformaður felldur

Spái því að Bjarni Harðar hirði annað sætið af Hjálmari Árnasyni í prófkjöri framsóknar nú um helgina. Það eru stórtíðindi og upphafið að uppgjöri kjósenda Framsóknarflokksins við þingflokkinn að loknu kjörtímabilinu. Líklegt má telja að Hjálmar taki ekki sæti á listanum. Svona er mín spá:

1. Guðni

2. Bjarni

3. Hjálmar

4. EYgló"

Kópavogur - Byggja fyrst og reyna svo að redda hlutunum.

En á ný eru skipulagsmál að herja á Kópavog. Og eins að menn eru ekki að fara með rétt mál. Nú er það í sambandi við Gustsvæðið þar sem að Kópavogur sólundaði milljonum á milljónum ofan til a að bjarga fasteignabröskurum sem ætluðu að kaupa þarna upp hús en gáfust upp á miðri leið. Þá voru þeir farnir að borga meira fyrir hesthús heldur en einbýlishús í sömu stærð. Bendi á áæta yfirferð um þetta mál hér

Síðan núna er búið að endurskipuleggja þetta hverfi og selja landið með leyfi fyrir byggingarmagni sem auðsjáanlega á eftir að valda umferðarálagi langt yfir því sem er í lagi. Og svo kemur í ljós að Garðabær sem hefur gert verulegar athugasemdir við þetta skipulag. Sbr. frétt sem fylgir hér með. Bendi svo á en betri lýsingu á þessu máli  hér

Það hefur verið sagt um Kópavog að á meðan í öðrum sveitafélögum hafi verktakar mikil áhrif, þá sé Kópavogi stjórnað af verktökum. Það eru sífellt verið að kæra lóðaúthlutanir og Kópavogur að fá athugasemdir  fyrir það frá ráðuneyti. Og annað í stjórnunarstíl Kópavogs byggir mjög á því að Bæjarstjóri fær hugmynd og svo er það tilkynnt sem orðin hlutur þó að engir samningar eða leyfi séu fyrirliggjandi. Þetta hefur kostað okkur Kópavogsbúa m.a. að við stofnum vatnsveitu sem fyrsta verk verður að selja Garðabæ vatn á mun lægra verði en við sjálf fáum það á. Og þetta eru afleiðingar af því að í einhverju fýlukast seldi Kópavogur sinn hlut í orkuveitu Reykjavíkur fyrir margt löngu og borgar þar af leiðandi meira fyrir vatnið. Síðan hefur það verið lenska að byggja stórbyggingar eins og í kring um Smáralind og gefa leyfi fyrir en stærri byggingum og gleyma því hvernig á að leysa umferðarvandan.

Frétt af mbl.is

  Bæjarstjórn Kópavogs sökuð um blekkingar við afgreiðslu Glaðheimalandsins
Innlent | mbl.is | 19.1.2007 | 10:46
Samfylkingin í Kópavogi hefur sakað meirihlutann í bæjarstjórn um að hafa beitt blekkingum við afgreiðslu Glaðheimalandsins. Bent er á að athugasemdum sem bárust Gunnari I. Birgissyni, bæjarstjóra Kópavogs, frá Garðabæ hafi verið haldið leyndum fyrir fulltrúum minnihlutans. Þannig hafi aðal- og svæðisskipulag Glaðheimalandsins verið afgreitt í bæjarstjórn þann 14. nóvember þrátt fyrir að umræddar athugasemdir hafi borist þann 24. október.

Bæjarstjórn Kópavogs sökuð um blekkingar við afgreiðslu Glaðheimalandsins