Bandaríkin og mannréttindi fara bara ekki saman

Var að lesa frétt um það að bandaríska varnarmálaráðuneytið hefur birt reglur um starfsemi dómstólanna sem eiga að dæma í málum fanganna í Guantanamo.

Í reglunum kemur m.a. fram: Við réttarhöldin megi styðjast við og nota óstaðfestan orðróm. Sem og að notast megi við upplýsingar sem fengnar eru með pyndingum. Eins má halda sönnunargögnum leyndum fyrir sakborningi.

Er þá hægt að kalla þetta réttarhöld? Væri ekki bara betra að lýsa því yfir að þeir ætli aldrei að sleppa þessu fólki hvort sem það er saklaust eða ekki?

Er ekki kominn tími til að Bandaríkin fari að taka til heima hjá sér og koma einhverjum til valda sem hafa snert af skynsemi og geta komið viti fyrir starfsmenn ráðuneyta þar.

Skoðanarkönnun Fréttablaðsins um fylgi flokkana

Það hafa verið skrifuðu ófá blogg um hversu illa samfylkingin kemur út úr þessari könnun. En ég hef mínar efasemdir um hversu marktæk þessi könnun er:

Fyrir það fyrsta þá eru ekki nema svona um 450 sem gefa upp afstöðu sína. Sem þýðir að það er rétt rúmlega helmingur aðspurðra. Um 42,7% gefa ekki upp afstöðu sína sem er alveg merkilega mikið.

Eins finnst mér merkilegt hversu lítið er gert úr því að Framsókn er orðin minnsti flokkur landsins. Framsókn hefur tapað um 60% af fylgi sínu miðað við þetta. Síðan bendi ég á að hér til hliðar er skoðunarkönnun hjá mér á síðunni og ég held að hún gefi mun réttari mynd af stöðunni í dag. Hún er þó byggð á 970 atkvæðum. Fréttablaðið hefði líka átt að gera meira úr því hversu margir eru óákveðnir. Og geta um það hvort að svarhlutfall sé 100% eða hvort þetta er byggt á þeim sem svöruðu.

Annars bendi ég á bloggið hennar Guðríðar Arnardóttur bæjarfulltrúa í Kópavogi og hvernig hún lítur á stöðu Samfylkingar skv. þessari skoðanakönnun

Og svo var ég að lesa bloggið hans Árna Rúnars Þorvaldssonar forseta bæjarstjórnar á Hornafirði. EN þar segir hann m.a.

Um fátt er meira rætt nú um mundir í bloggheimum sem og öðrum heimum en meint fylgisleysi Samfylkingarinnar. Ótrúlega margir spekúlantar finna sig knúna til þess að útskýra stöðu Samfylkingarinnar. Flestir spekinganna virðast vera sammála um að kenna megi formanni flokksins, Ingibjörgu Sólrúnu Gísladóttur um slakt gengi flokksins.

Sömu spekinga vil ég minna á það að eitt sinn var fylgi Samfylkingarinnar undir stjórn Össurar Skarphéðinssonar komið niður í 11% og raddir urðu háværar um að skipta þyrfti um forystu í flokknum. En í stað þess hlaupa á eftir skoðanakönnunum flykktu menn sér á bak við formanninn sinn og studdu hann með ráðum og dáð. Upp úr fylgislægðinni vann flokkurinn sig svo í síðustu kosningunum með eftirminnilegum hætti.

Þessar fréttir segja sitt um ástandið í Palestínu

 Alltaf þega heimurinn er farinn að halda að eitthvað sé að rofa til þarna þá koma upp svona mál hjá Ísraelsmönnum:

Frétt af mbl.is

  Solana brugðið yfir útbreiðslu byggða gyðinga á Vesturbakkanum
Erlent | mbl.is | 22.1.2007 | 8:58
Javier Solana, sem fer með utanríkismál innan framkvæmdastjórnar Evrópusambandsins, segist sleginn yfir því hversu mikil uppbygging hefur orðið í byggðum gyðinga á Vesturbakkanum að undanförnu. Þá hvetur hann Ísraela til að hætta stækkun og uppbyggingu þeirra og til að hætta byggingu aðskilnaðarmúrsins. Solana kveðst jafnframt vonast til þess að þessar framkvæmdir Ísraela muni ekki stand í vegi fyrir samkomulagi um stofnun sjálfstæðs ríkis Palestínumanna. Þetta kemur fram á fréttavef Ha’aretz.

Erlent | mbl.is | 22.1.2007 | 09:09

Ísraelsher uppvís að lygum

Ísraelsher hefur viðurkennt að 44 moldarvirki sem herinn hefur sagst hafa fjarlægt á Vesturbakkanum að undanförnu hafi ekki verið fjarlægð þar sem þau hafi ekki verið þar. Herinn lýsti því yfir á þriðjudag að 44 virki, sem hafi verið reist til að hindra umferð á milli þorpa Palestínumanna á Vesturbakkanum, hefðu verið fjarlægð. Þetta kemur fram á fréttavef Ha’aretz.

Með þessu kvaðst herinn hafa uppfyllt loforð Ehud Olmert, forsætisráðherra Ísraels, við Mahmoud Abbas, leiðtoga Palestínumanna, um að draga úr aðgerðum sem hindruðu ferðir Palestínumanna um Vesturbakkann.

Talsmaður hersins hefur nú staðfest að umrædd virki hafi annað hvort verið rifin áður en Olmert gaf Abbas umrætt loforð eða þá að Palestínumenn hafi rifið þau og herinn ákveðið að endurreisa þau ekki.

Áður höfðu starfsmenn Sameinuðu þjóðanna á Vesturbakkanum mótmælt staðhæfingum Ísraelshers um að virkin hefðu verið fjarlægð í kjölfar fundar Olmerts og Abbas í desember en Ísraelsher hefur reist um 400 slík virki á milli palestínskra þorpa á undanförnum árum.

Solana brugðið yfir útbreiðslu byggða gyðinga á Vesturbakkanum

Þörf á breyttum áherslum við ofbeldi.

Mér ofbýður gjörsamlega allt þetta ofbeldi sem kemur orðið upp nær daglega hér á landi. Ég held að það sé full þörf á því að breyta áherslum í lögum og dómum varðandi þetta.

• Mér finnst að  ofbeldi þar sem fólk er slegið með áhöldum, þar sem fólk er kýlt og sparkað í höfuð þess eigi oftar að vera skilgreint sem tilraun til manndráps, og dæmt eftir því.
• Mér finnst að það eigi ekki að líðast að menn sem beita aðra ofbeldi séu bara látinir ganga lausir og sagt að lögreglan viti hverjir þar voru.
• Mér finnst að ofbeldismenn eigi að vera dæmdir sem fyrst í fangelsi þar sem þessir menn eru gjarnan líklegir til að beita aðra ofbeldi áður en dómur gengur í fyrra máli.
• Mér finnst að samfélagið eigi að taka hart á öllu ofbeldi og þannig að fólk geri sér grein fyrir að afleyðingar ofbeldis sé nokkurra ára fangelsi.
• Ég veit að oft eru þetta handrukkanir en það afsakar ekki ofbeldi enda eru þar verið að rukka fyrir ólögleg viðskipti t.d. með eiturlyf.

Það er gjörsamlega óþolandi að hér sé ofbeldi orðið viðloðandi og fólk orðið hrætt að fara um að kvöldlagi.

Frétt af mbl.is

  Ráðist á sofandi mann
Innlent | mbl.is | 22.1.2007 | 12:51
Ráðist var á mann snemma í gærmorgun þar sem hann hafði lagst til svefns í húsi í Þorlákshöfn þar sem hann var gestkomandi. Manninum var hent út úr húsinu á nærfötunum og gengið í skrokk á honum en árásarmennirnir yfirgáfu manninn þar sem hann lá hreyfingarlaus á jörðinni.
Að sögn lögreglunnar á Selfossi stóð maðurinn upp, eftir að árásarmennirnir voru farnir, og fór inn nærliggjandi hús þar sem hann greindi frá því hvað fyrir hann hafði komið. Maðurinn var fluttur á heilsugæslustöðina á Selfossi þar sem í ljós kom að hann var með brotnar tennur.
Lögreglan segir málið í rannsókn en vitað sé hverjir árásarmennirnir eru.
Um kl. sjö á sunnudagsmorgun var ráðist á tvo menn þar sem þeir voru á ferð á bak við hús Kaupþing við Austurveg á Selfossi. Fjórir menn úr Reykjavík réðust að þeim með þeim afleiðingum að annar hlaut skurð og aðra minni háttar áverka í andliti. Málið er í rannsókn.

Vaxtaokur íslenskra banka, okurverð á matvælum og ónýt króna

Var að horfa á Silfur Egils í kvöld og viðtal hans við Guðmund Ólafsson hagfræðing. Þetta var skemmtilegt viðtal og skýringar Guðmundar þannig að maður skildi þær. Nokkur atrið sem ég man sérstaklega eftir:

• Vaxtaokrið: Guðmundur sýndi fram á að bankarnir hér á landi orkra alveg svakalega. Og vaxtamunur hér á landi er með því hæsta sem gerist. Þannig var munur á innlánsvöxtum og útlánsvöxtum að meðaltali um 8,5% sem er alveg svakalegt.
• Skattlagning ríkisins þar sýndi Guðmundur fram á hvernig að ríkð hefur með aðgerðum og aðgerðaleysi í raun og veru komið á þessari auknu stéttskiptingu hér á landi. Hann talaði um að þar sem að skattleysismörk hafa ekki fylgt vísitölu þá er ríkið sífellt að taka til sín hærri og hærri hluta í skatttekjur.
• Matarverð: Þar talaði hann um nokkra hluti eins og:
• Hvernig að fyrirtæki eins og Hagar og hvað þau heita hafa sífellt verið að auka álagningu sína. Og hvernig þau geta falið hagnað af smásölu með því að vera með sér félag um húseignir, annað fyrir innflutning og þriðja fyrir smásölu og fela svo hagnað af smásölu með því að færa hagnaðinn til með því að láta félagið um húseignir rukka verslunina um okur leigu. Þannig gætu þeir sýnt fram á tap á smásölunni.
• Eins ræddi hann um tolla og tollskráningu og sagið að í raun væru þar hundruð manna í vinnu við að tryggja okurverð til okkar.
• Þá ræddi hann líka um að smásalan væri að fá afslætti hjá byrgjum sem skiluðu sér ekkert til okkar neytenda.
• Um krónuna sagið hann: Að krónan væri svo veikur gjaldmiðill að hann væri nær sá eini í heiminum sem þyrfti hjálpartæki til að hægt væri að nota hann. Þ.e. verðtryggingu. Þá kæmi svo óstöðugur gjaldmiðill í veg fyrir að erlend fyrirtæki hefðu áhuga á að koma til landsins. Eins væri hann til trafala í viðskiptum erlendis, því að þar væru menn ekki alveg að fatta uppgjör og bókhald íslenskra fyrirtækja þar sem að þarf alltaf flóknar leiðréttingar vegna verðtryggingar.

Hann sagði að eina leiðin til að draga úr vaxtaokri og orki almennt hér væri að opna landið fyrir viðskiptum og taka upp annan gjaldmiðil. Ef fólk vildi ekki ganga í ESB þá yrði að leita annað.

Sjá samtalið þeirra Egils og Guðmundar

Bíddu Bjarni Ármannsson er þér farið að langa í Landsvirkjun?

Ég verð nú að segja að maður trúir þessu rétt mátulega þegar bankastjóri talar sem er nýbúinn að stofna með öðrum orkufyrirtæki eða fyrirtæki til að fjárfesta í orkugeiranum hér og erlendis.. Og fer svona tala um að það að einkavæða orkugeiran yrði til þess að betra skikk kæmist á málin. Eins finnst mér að bankastjóri sem helti sér út í íbúðarlánabrjálæðið fyrir nokkrum árum og hjálpaði þessari verðsprengju á húsnæði af stað sem og verðbólgu sé í slæmri stöðu að ráðleggja varðandi stóriðjuframkvæmdir þó það sé eins og hann segir rétt að bíða.

Af www.ruv.is  

Fyrst birt: 21.01.2007 14:04

Síðast uppfært: 21.01.2007 14:06

“Bíða með stóriðjuframkvæmdir”

Forstjóri Glitnis efast um að tímasetning fyrirhugaðra stóriðjuframkvæmda sé rétt vegna mikillar þenslu í hagkerfinu. Hann telur rétt að færa orkugeirann til einkaaðila.

Bjarni Ármannsson, forstjóri Glitnis, segir ljóst að hagkerfið þurfi að ganga í gegnum ákveðna aðlögun áður en hægt verði að fara út í miklar fjárfestingar í samfélaginu. Þetta sé eins og svo margt annað spurning um tímasetningar og hann telur tímabært að ræða það að færa orkugeirann meira í hendur einkaaðila.

Þannig verði ákvarðanir um fjárfestingar teknar afmarkað og sjálfstætt út frá þeirra forsendum og önnur sjónarmið blandist þar ekki inn í. Síðan sé það stjórnvalda og peningamálayfirvalda að vinna úr þeirri stöðu sem skapast.

Ahyglisverðar kosningar framundan á suðurlandi.

Nú er framundan annsi skrautleg kosningabarátta á Suðurlandi. Hvað ætla suðurnesjamenn að kjósa. Þeir eiga ekki marga fulltrúa í sætum sem líkleg eru til að verða þingsæti.´

• Með því að greiða Sjálfstæðismönnum atkvæði sitt þá hjálpa þeir Árna Johnsen inn á þing.
• Með því að kjósa Framsókn þá velja þeir 2 menn frá Árborg sem aðallega tala máli landbúnaðar og málefna dreifbýlis.
• Vg þar er Reyknesingur í 3 sæti en gjörsamlega óreynd í stjórnmálum (Heiða í Unun)
• Með því að sameinast um að kjósa Samfylkingu þá gæti náðst inn 4 maður þeirra sem er Guðný Hrund Karlsdóttir 35 ára viðskiptafræðingur, Reykjanesbæ
• Með því að kjósa Frjálslynda er verið að kjósa ? Flokk sem er samsafn af fólki sem ekki hefur fengið brautargengi í öðrum flokkum, Nýju afli, og flokk sem daðrar við að veiða atkvæði með hræðsluáróðri gegn útlendingum.

Frétt af mbl.is

  Frambjóðendur af Reykjanesi eiga erfitt uppdráttar að sögn Björns Inga Hrafnssonar
Innlent | mbl.is | 21.1.2007 | 21:32
Brotthvarf Hjálmars Árnasonar út úr stjórnmálum leiðir hugann að stöðu Reykjaness í hinu nýja Suðurkjördæmi. Frambjóðendur þaðan áttu erfitt uppdráttar í prófkjörum Samfylkingar og Sjálfstæðisflokks og hið sama gerist nú hjá Framsókn, enda þótt Hjálmar hafi óspart hvatt sveitunga sína til dáða.

Frambjóðendur af Reykjanesi eiga erfitt uppdráttar að sögn Björns Inga Hrafnssonar

Auðmenn koma til með að losna við RUV nefskattinn

Var að lesa frétt á visir.is að til að nýja frumvarpið um RUV gerir ráð fyrir að þeir sem hafa eingöngu tekjur í formi fjármagnstekna koma ekki til með að borga nefskattinn fyrirhugaða sem á að taka upp í tengslum við oHf væðingu RUV. Það er nú ekki hægt að láta þá borga of mikið. Þeir gætu flutt úr landi.

Fréttablaðið, 21. jan. 2007 05:15

Auðmenn borga ekki nefskatt

Fólk sem eingöngu hefur fjármagnstekjur verður undanþegið nefskattinum sem greiddur verður til Ríkisútvarpsins, samkvæmt frumvarpi menntamálaráðherra um RÚV ohf. Í því er aðeins gert ráð fyrir að greiðendur tekjuskatts borgi nefskattinn.
Um 2.200 manns töldu aðeins fram fjármagnstekjur samkvæmt skattskrám frá síðastliðnum ágústmánuði.
Jóhanna Sigurðardóttir Samfylkingunni benti á þetta í umræðum um Ríkisútvarpsfrumvarpið og hefur staðfestingu nefndasviðs Alþingis á þessum skilningi. „Mér finnst þetta skelfilega óréttlátt. Enn einu sinni er verið að ýta undir ójöfnuðinn í samfélaginu og hygla auðmönnum," segir Jóhanna og bendir á að hinir sömu 2.200 séu einnig undanþegnir greiðslum í Framkvæmdasjóð aldraðra sem nema um sex þúsund krónum á ári.
Miðað er við að nefskatturinn verði rúmar 14.500 krónur á ári. Samtals eru þetta því um 20 þúsund krónur á ári.
Skattleysismörk eru um 90 þúsund krónur og segir Jóhanna að þeir sem hafi örlítið hærri tekjur, til dæmis 95 þúsund á mánuði, þurfi að greiða RÚV-skattinn sem og í Framkvæmdasjóðinn af fullu. Í þessu felist fullkomið óréttlæti. „Fyrir þetta þarf Þorgerður Katrín Gunnarsdóttir menntamálaráðherra að svara áður en umræðum lýkur," segir Jóhanna.

Þetta eru arabískir furstar og milljarðamæringar í Rússlandi að gera líka

Ég veit að þau hjónakornin voru að gefa milljarð í velgjörðarsjóð, en ég verð að segja að fólk sem hefur efni á að kaupa skemmtikraft í afmælisveislu upp á tugi ef ekki hundruð milljónir borgar ekki nóga skatta. Þar sem að hann er í fjárfestingum borgar hann Ólafur bara 10% skatt. Ég heyrði að hann ætti eignir upp á um 100 milljarða. Og megnið af hans auðæfum væri komið frá því að hann fékk Búnaðrbankan gefins sem og Vís. Það er náttúrulega ljóst að einstaklingar og fyrirtæki sem hafa efni á svona bruðli borgar ekki nóg til samfélagsins.

Ég bara trúði þessu ekki fyrr en ég sá myndirnar af Elton John koma úr flugvélinni.

Eftirfarandi er af síðu Steingríms Sævarrs

Einfaldar staðreyndir.

Klukkan 19:00 - veisla ársins í húsnæði Samskipa þegar Ólafur Ólafsson, stjórnarformaður fyrirtækisins, heldur upp á 50 ára afmæli sitt, sem reyndar er ekki fyrr en næsta þriðjudag.

Það er leitun að flottari afmæli ef út í það er farið. Það byrjar með gjöf upp á 1.000.000.000 krónum til barna í Afríku að morgni.

Nokkrum klukkutímum síðar hefst glæsiveisla þar sem bestu innlendu og erlendu kokkar og matreiðslumenn bjóða upp á líklega það besta sem sést hefur á íslenskum borðum.

Elton John stígur á svið klukkan 21:00 og flytur afmælisbarninu nokkur lög.

Í kjölfarið. Stórsveit Reykjavíkur og Björgvin Halldórsson og Bubbi Morthens í fyrsta skipti saman á sviði og með þeim Kristín Stefánsdóttir.

Matur, Elton, Bó og Bubbi.

Frétt af mbl.is

  Elton John á Íslandi
Veröld/Fólk | mbl.is | 20.1.2007 | 18:49
Breski söngvarinn Elton John er staddur á Íslandi en hann mun syngja fyrir gesti í fimmtugsafmæli Ólafs Ólafssonar, stjórnarformanns Samskipa, í kvöld, samkvæmt fréttum Stöðvar 2. Ólafur Ólafsson vildi ekki staðfesta þetta í samtali við Fréttavef Morgunblaðsins nú síðdegis.

Elton John á Íslandi

Páll Vilhjálmsson er bara ekki alveg í lagi.

Ég var að lesa bloggið hans Páls Vilhjálmssonar um þessa frétt. Hann náttúrulega eins og aðrir hrósar þeim og ekkert með það því það gera  allir og ég líka. Frábært framtak hjá þeim.

En síðan gengur hann bæði fram af mér og í raun aftur úr mér með eftirfarandi klausu:

Bloggari býr í annari sveit, Seltjarnarnesi, og þar hafa ónefndir feðgar þann sið að sletta smápeningum hingað og þangað en gæta þess ávallt að fá auglýsingu á móti. Þar er ekkert heilagt. Í haust auglýsti safnaðarpresturinn verslun þeirra feðga í barnamessu.

Maðurinn er svo reiður út í Baug að hann getur ekki talað um neitt nema að tengja það Baugi. Ég veit ekki hversu velstæður hann er en 300 milljónir til Barnaspítala, kaup á alskyns tækjum til spítalns, styrkir til Fölskylduhjálpar og Mæðrastyrksnefndar og fleira og fleira eru bara engir smápeningar í mínum augum. Það er t.d.komið í ljós að Byrgið hefur fengið mat frá Baugi um áraraðir án þess að það væri auglýst.

Ég hef ekki heyrt að Hannes Smárason, Sigurður Einarsson og þeirra fyrirtæki hafi gefið stórar summur.

Maður verður bara veikur af því að lesa svona.