Gott framtak hjá Hafnarfirði

Önnur sveitarfélög og ríkið gætu tekið Hafnarfjörð sér til fyrirmyndar. Enda er ég mjög fylgjandi íbúalýðræði og þjóðarlýðræði. Á móti því að misvitrir fulltrúar fái að taka stærstu ákvarðanir fyrir sveitrarfélög og ríksins. Það ætti að vera auðveldara nú á tímum tækninnar að gera atkæðagreiðslur um stór mál að tiltölulega auðveldu ferli.

Er ekki hrifinn af því hvernig þingræðið er komið út í að framkvæmdarvaldið ákveður málin og svon er Þingið bara afgreiðslustofnun í skóli meirihluta.

Frétt af mbl.is

  Íbúakosning í Hafnarfirði 31. mars
Innlent | mbl.is | 24.1.2007 | 10:24
Allt útlit er fyrir að íbúakosning um deiliskipulag á Alcan-svæðinu í Hafnarfirði fari fram þann 31. mars næstkomandi en bæjarráðsfulltrúar Samfylkingarinnar lögðu fram tillögu um það í gær að atkvæðagreiðslan fari fram þann dag. Í tillögu þeirra er einnig lagt til að niðurstaða kosninganna verði bindandi og muni því ráða því hvort fyrirliggjandi deiliskipulagstillaga verði formlega sett í auglýsingu samkvæmt skipulags- og byggingalögum.

Af www.visir.is

 Tillögunni var frestað til næsta fundar bæjarráðs en í henni er bæjarráði jafnframt gert heimilt að styrkja samtök sem leita eftir fjárhagslegum stuðningi til að kynna sjónarmið er lúta að kosningunum.

Íbúakosning í Hafnarfirði 31. mars

Evran - Ef við bíðum of lengi með að ræða þetta þá höfum við ekkert um það að segja

Það er alltaf að koma betur og betur í ljós að við höfum afsalað okkur stórum hluta að ákvörðunum um efnahagslífið okkar til atvinnumarkaðarins. Nú eru stóru fjármálafyrirtækin komin hvert og eitt í þá stöðu að þau gætu farið að leika sér með gengi krónunar. Þau geta bæði fellt krónuna og eins styrkt hana á einum degi. Því er það mín skoðun að við þurfum að verða hluti af stærri mynnt og þá hugnast mér evran best. En helst vill ég að þessi málefni séu skoðuð af alvöru áður en það verður fjármálamarkðaurinn taki þessa ákvörðun fyrir okkur án þess að við höfum nokkuð um það að segja.

Þetta las ég á www.visir.is

Markaðurinn, 24. jan. 2007 06:15

Þingið áhrifalaust varðandi gengismál

Margar stefnumarkandi ákvarðanir í peningamálum þjóðarinnar hafa verið teknar án frumkvæðis eða skilnings stjórnmálamanna, að sögn Vilhjálms Bjarnasonar aðjúnkts við viðskipta- og hagfræðideild Háskóla Íslands.


Vilhjálmur velti upp spurningunni um hvort svo kynni einnig að fara í tengslum við umræðu um kosti og galla evrunnar sem gjaldmiðils hér í stað krónu í erindinu Þrautir þingsins, sem hann flutti í hádeginu í gær í málstofu viðskipta- og hagfræðideildar. Hann segist þó ekki ætla að spá neinu um hver þróunin verði, en segir merkilegt að sjá hvernig þingið hafi í gegnum tíðina yfirleitt staðið frammi fyrir orðnum hlutum þegar kæmi að ákvörðunum um gengi, verðtryggingu og vexti.

 

„Spurningin er kannski sú hvort fyrirtækin velji sér mynt hvert og eitt eins og heimild er fyrir í lögum um ársreikninga þar sem þau geti ekki búið við það að sveiflur í gengi krónunnar séu 10 til 15 prósent innan árs." Vilhjálmur bendir á að fyrirtæki færi mörg hver þegar bókhald sitt í erlendri mynt, að þrír fjórðu útlána bankanna séu það líka um leið og mikið af fjármálastjórn fyrirtækja fari í gjaldmiðlastýringu.

 

Og svo má nefna þetta úr ágætri samantekt Friðriks Þórs Guðmundssonar á viðtali Egils Helgasonar og Guðmundar Ólafssonar í Silfri Egils:

"1. (Útláns)vextir á Íslandi eru þeir mestu í heimi - mestu okurvextir "í sögu mannsandans".

2. Bankarnir eru böl - þeir eru frekir á fóðrum.

3. Krónan er mjög tæpur/hæpinn gjaldmiðill. Ástandið er óeðlilegt og krónan er viðskiptahindrun.

4. Íslensk fyrirtæki hafa vanist við að ríkið bjargi þeim (með gengisfellingum og slíku) - tími kominn til að "einkavæða einkareksturinn".

5. Verðlag á Íslandi er okur - við búum við hæsta verðlag í heimi. Landbúnaðarvörur veita "verðleiðsögn" - toga upp verðlag á annars óskyldum vörum"

 

Staðan í skoðanakönnun um hvaða flokk fólk ætlar að kjósa

Tók saman stöðu þingsæta eftir skoðanakönnun minni hér á síðunni þegar 1000 hafa kosið.

 

Hvaða flokk kýst þú?
	%	merkt við	Þingsæti skv könnun
Framsókn	11.6%	116	7
Sjálfstæðisflokkinn	32.0%	320	21
Samfylkingu	27.4%	274	17
Vinstri Græna	20.8%	208	13
Frjálslynda	8.2%	82	5
1000 hafa svarað	Samtals	1000	63

En ég miða reyndar við jafnt atkvæðavægi sem er ekki alveg rétt.

Finnst málflutningur Magnúsar Þórs ekki til fyrirmyndar

Hlustaði/horfði á Kastljós í kvöld þar sem hann var í umræðum á móti Margréti Sverrisdóttur. Það voru nokkur atriði sem slógu mig:

• Hann gat ekki fallist á það að ásjóna flokksins væri nokkuð einsleit. Þegar Margrét var að benda á að hann og Guðjón væru náttúrulega menn sem hafa barist gegn kvótakerfinu og fleira þá vantaði konur og þeirra mál og málflutning inn í framvarðasveit flokksins.
• Mér fannst það ekki merki um lýðræðishugsun þegar Magnús Þór fór að vísa í að honum og Guðjóni hafi ekki litist á þetta eða hitt. Talaði eins og þeir 2 og svo Sigurjón ættu að ráða málum í flokknunm af því að peningar kæmu inn í flokkinn frá ríkinu út af þeim
• Þá fannst mér ömurlegt þegar hann gerð lítið úr árangri Frjálslyndra í Reykjavík af því að Margrét hefði ekki komist þar inn og að flokkurinn hefði ekki náð að komast í meirihluta. Um leið og hann eignaði sér allan árangur af því að hafa komið manni inn á Akranesi.
• Þá fannst mér hann gera hreinlega á sig þegar hann fór að gera lítið úr Margrét fyrir árangur hennar í síðustu Alþingiskosningum. Jafnvel þó hún benti á að hún hefði fengið mun fleiri atkvæði en hann og það væri vægi atkvæða sem hefði ráðið því að hann komst inn á þing.

Mér finnst leiðinlegt að sjá að flokkur sem hefur verið svona duglegur í 3 ár sé að líða fyrir fýlu og frekju manna sem láta eins og þeir ráði þessum flokki einir. Þeir virðast vera búnir að gleyma að formenn flokka starfa í umboði flokksmanna og eiga að framfylgja vilja flokksmanna.

Annars ætti ég bara að vera feginn. Því að aldrei mun ég kjósa frjálslynda.

Margrét Sverrisdóttir býður sig ekki fram til formanns Frjálslyndra

Þar fýkur fylgi Frjálslyndra

Samkvæmt minni tilfinningu hefur fylgi frjálslyndra verið töluvert hjá þessum hópum. Þannig að nú held ég að næstu skoðanakannanir verið athyglisverðar.

Frétt af mbl.is

  Aldraðir og öryrkjar stofna til framboðs fyrir næstu Alþingiskosningar
Innlent | mbl.is | 23.1.2007 | 20:50
Fólk úr hópi aldraðra og öryrkja hafa sammælst um að stofna til framboðs fyrir næstu Alþingiskosningar, en aðalmarkmið framboðsins er að bæta kjör og aðbúnað eldra fólks og öryrkja auk þess að vinna að öðrum framfaramálum í íslensku þjóðfélagi.

Aldraðir og öryrkjar stofna til framboðs fyrir næstu Alþingiskosningar

Bara að benda á að ég var 15 mínútum á undan mbl.is með þetta inn á netið

Sjá hér

Mikill halli á rekstri Ríkisútvarpsins

Ekki glæsilegur rekstur á Rúv hjá Páli Magnússyni

Var óvart að hlusta á útvarp frá Alþingi áðan þar kom fram að menntamálaráðherra var að leggja fram svör við fyrirspurnum um fjárhagsstöðu Rúv.

Þar kemur m.a. fram að:

Áríð 2004 var Rúv rekið með 50 milljóna halla

Árið 2005 var hallinn 200 milljónir

Fyrstu 6 mánuði ársins 2006 var hallinn 450 milljónir sem bendir til að hallinn verði um 800 milljónir fyrir allt árið 2006.

Þetta styrkir mig í þeirri trú að fljótlega eftir ohf breytingunna verði farið að selja eignir Ruv t.d. rás 2 og síðan restinn.

Mér finnst líka þetta vera ótrúlegur halli á rekstri án þess okkur hafi verið sagt frá honum. Einhverjir ekki að standa sig þarna

Ekki líklegt að japanir kaupi hvalkjöt af Kristjáni

Eftirfarandi frétt er af www.visir.is og segir allt sem ég vill segja um þetta mál að svo komnu í dag

Vísir, 23. jan. 2007 12:17

Hvalkjöt í hundamat

Birgðir af illseljanlegu hvalkjöti hafa hlaðist upp í Japan og hafa aukist um tvö þúsund tonn á tveimur árum. Greenpeace telur að með þessu séu brostin öll rök fyrir hvalveiðum Íslendinga. Benda samtökin á að Japanar séu farnir að nota hvalkjöt í hundamat.

Náttúruverndarsamtökin Greenpeace hafa bent á að það sé tæpast röklegt að halda hvalveiðum áfram. Samtökin benda á mótmæli hvalaskoðunarfyrirtækja og mögulegan skaða sem hvalveiðar geta valdið þessari ferðaþjónustu. Þá hafi Bretar ákveðið að hefja baráttu gegn hvalveiðum þar sem Tony Blair forsætisráðherra hefur tekið málið í fóstur.
Ofan á þetta bætist að afar takmarkaður markaður er fyrir hvalkjöt. Í morgun bentu samtökin á opinberar tölur frá japönskum stjórnvöldum sem sýna að byrgðir af hvalkjöti hlaðast upp. Birgðirnar námu 2700 tonnum í lok árs 2004 en um síðustu áramót voru þær komnar í 4700 tonn. Nokkur hundruð tonn frá Íslandi muni einfaldlega leggjast ofan á þessar illseljanlegu birgðir.
Frode Pleym, talsmaður Greenpeace segir að það séu einfaldlega engin gild rök fyrir hvalveiðum. Japansmarkaður sé svo vonlaus að þar sé byrjað að selja hvalkjöt sem hundamat og í skólamötuneyti. Sala hvalaafurða skili því einungis smáaurum miðað við tapið af því að hefja hvalveiðar.

 

Eru þessi fyrirtæki ekki bara að flytja vandamálið annað?

Datt í hug þegar ég las þessa frétt um þessa forstjóra að þeir eru að pressa á Bush að setja lög og grípa til aðgerða til að draga úr losun gróðurhúsalofttegunda. Að þau eru flest að flytja starfsemin sína meira og meira frá Bandaríkjunum. Afhverja hvetja þau hann ekki til að skirfa undir Kyoto samkomulagið. Jú kannski af því að þau ná árangri í USA með því að reisa stóriðjurnar annarsstaðar.Eins og á Íslandi.

Frétt af mbl.is

  Forstjórar hvetja Bush til aðgerða í loftslagsmálum
Viðskipti | mbl.is | 23.1.2007 | 8:59
Forstjórar nokkurra bandarískra stórfyrirtækja hafa skrifað George W. Bush, Bandaríkjaforseta, bréf og hvetja forsetann til að grípa til aðgerða til að draga úr losun gróðurhúsalofttegunda í Bandaríkjunum. Það er kominn tími til að stjórnmálaleiðtogar landsins taki af skarið," sagði Jim Rogers, forstjóri Duke Energy, á blaðamannafundi í gærkvöldi. Álfyrirtækið Alcoa er eitt fyrirtækjanna níu.

Forstjórar hvetja Bush til aðgerða í loftslagsmálum

"Út í veður og vind"

Þetta býður náttúrulega upp á fullt af útúrsnúningum. Eins og að "þyrla upp molviðri yfir þessu" og "Fuku peningarnir út í veður og vind."

 En ef maður les fréttina þá verður manni bumbult. Það er þetta með mútur og makk sem þrífst innan þessara alþjóðastofnanna. Og að peningar geta keypt atkvæði fulltrúa þróunarríkjana. Sem leiðir til þess að ákvarðanir þessara stofnana mótast eftir vilja þeirra sem bera nóg fé í þessa fulltrúa.

Er það ekki það sem við förum að gera til að ná kosningu til Öryggisráðsins.

Frétt af mbl.is

  Milljónir franka horfnar úr sjóðum Alþjóðaveðurstofnunarinnar
Erlent | AFP | 22.1.2007 | 19:49
Milljónir svissneskra franka hafa horfið í fjársvikamáli sem tengist Alþjóðaveðurstofnuninni (WMO) að því er fram kemur í alþjóðlegri endurskoðunarskýrslu. Frá þessu greindu svissneskir fjölmiðlar í dag.

Milljónir franka horfnar úr sjóðum Alþjóðaveðurstofnunarinnar