Hvað getur þetta gengið lengi?

Maður verður nú bara hugsi. deCODE hefur verið rekið með dúndrandi tapi nú frá stofnun. Ég veit að það var reyknað með því að það gæti varað í nokkur ár og mundi síðan verða dúndrandi hagnaður þegar þeir næðu að uppgvötva erfðavísa sem væri hægt að meðhöndla við ákveðnum sjúkdómum og síðar að framleiða lyf við þessu. En svona gífurlegt tap hlýtur að vera farið að saxa illilega á eigið fé fyrirtækisins. Tapið er nær tvöfallt meira en allar tekjur þeirra 2006.

Frétt af mbl.is

  Tap deCODE eykst milli ára
Viðskipti | mbl.is | 6.3.2007 | 23:56
Tap á rekstri deCODE, móðurfélags Íslenskrar erfðagreiningar, nam 85,5 milljónum dala á síðasta ári, jafnvirði rúmlega 5,8 milljarða króna, samanborið við 62,8 milljóna dala tap árið 2005. Tekjur félagsins námu 40,5 milljónum dala, jafnvirði 2,8 milljarða króna, samanborið við 44 milljóna dala tekur árið 2005.

Tap deCODE eykst milli ára

Frábær grein og viðvörun vegna Krónubréfa og annarra skuldabréfaútgáfu erlendara aðila

Var að lesa yfir langa og mjög fróðlega fræslu hjá Ívari Pálssyni um þá hættu sem steðjar að íslensku efnahagslífi á næstunni vegna þessara svokölluðu Krónubréfa og fleiri slíkra.

Færsla hjá honum byrjar svona:

 Fall Íslands
400 milljarðar brátt á móti krónunni.

Það gefur auga leið, að 400 milljarða skuldabréfaútgáfa erlendra banka í íslensku krónunni er ekki sú traustsyfirlýsing sem hún lítur út fyrir að vera, heldur misneyting á litlu hagkerfi sem sér sig tilneytt til þess að hækka vexti endalaust þar til fáir þora að taka áhættu með þann gjaldmiðil lengur.  Ástæða þess að erlendir aðilar misnota krónuna á þennan hátt er aðallega sú, að þannig er hægt fá ofurháa skammtímavexti.  En það vita allir að þessu linnir öllu allt í einu einn daginn, enda eru framvirkir samningar á móti þessarri svokölluðu traustsyfirlýsingu, sem hægt er að snúa við í einni svipan.

Hvet fólk til að lesa greinina í heild því hún er mjög athyglisverð.

Bandaríkin ættu kannski að líta sér nær.

Er ekki að koma í ljós að Bandaríkin eru með fangelsi út um allan heim þar sem þeir halda og pynda fanga án dóms og lag og nokkurra mannréttinda. Nægir að nefna Guantanamo. Þar hafa þeir haldið mönnum án ákæru og dóms um árabil. Þannig að þeir ættu kannski að einbeita sér að eigin gjörðum fyrst.

Frétt af mbl.is

  Svört skýrsla um mannréttindi
Erlent | AP | 6.3.2007 | 20:48
Mannréttindi eru fótumtroðin í Myanmar og síðast liðið ár hefur ástandið versnað samkvæmt nýrri skýrslu bandaríska utanríkisráðuneytisins sem birt var í dag. Þar eru Taíland og önnur lönd í Suðaustur-Asíu einnig gagnrýnd fyrir að misþyrma þegnum sínum.

Svört skýrsla um mannréttindi

Heiðmerkurljóð

 Fékk þetta í pósti um daginn og verð bara að deila þessu með fólki

Heiðmerkurljóð

Gunnar hefur holdin best
hulin vænni puru
Sagður elska ýtur mest
en ekki greni og furu

Kópavogi ríkur réð
með ráðslag allt til sóma
Undirhöku hnellna með
og heldur digurróma

Reykjavík er ríki eitt
sem ræflar einir byggja
og gera flestum lífið leitt
og landsmenn aðra hryggja

Dólgar réðu veitu vatns-
og vildu á henni græða
Þá mælti Gunnar mikið hvass:
"Vér munum eigi blæða"

Sendi ýtur allar skjótt
- ítem gröfur vænar -
upp í Heiðmörk undir nótt
og atti á hlíðar grænar

Það frétti peysu- lopa- lið
og lagsmenn kommónista
og upphóf skjótt að sínum sið
að senda kærulista

Engra griða Gunnar bað
- geystist skjótt í slaginn -
féndur alla í kútinn kvað
í Kastljósi um daginn

Skelfir Gunnar skógarmenn
sem skæður refsilogi
Sílspikaður situr enn
í sæmd í Kópavogi

 

Ekki eru þetta merkilegar fréttir

Ég hef t.d. áreiðanlegar heimildir fyrir því að allir sem tóku þátt í Örlygsstaðabardaga eru fallnir frá langt fyrir aldur fram.

Frétt af mbl.is

  Hermönnum sem börðust í fyrri heimsstyrjöldinni fækkar
Veröld/Fólk | AP | 5.3.2007 | 21:29
Frakkinn Jean Grelaud lést nýlega á dvalarheimili í Normandy, 108 ára að aldri og var jarðsettur í kyrrþey að ósk ættingja sinna.

Enn eru 36 á lífi sem tóku þátt í fyrri heimsstyrjöld

Bandaríkjamenn búnir að ná því sem þeir ætluðu!

Skv. því sem ég las inn á www.jonas.is þá eru Bandaríkjamenn örugglega tilbúnir að fara um leið og þeir hafa tryggt varnir fyrirtækja sinna sem fá aðgang að olíulindunum í Írak í 30 ár.

 

05.03.2007
Þeir náðu olíunni
Leppþingið í Írak hefur samþykkt að fela olíulindir landsins til þrjátíu ára í hendur bandarískra olíufyrirtækja. Þar með hafa Bandaríkin náð þeim árangri, sem í upphafi var stefnt að með því að fara í blóðugt stríð gegn saklausri þjóð. Þótt leppstjórnin verði síðar að fara og allar hennar gerðir marklausar gerðar, mun stjórn Bandaríkjanna hengja sig í þessa ákvörðun þingsins og heimta, að við hana verði staðið. En það er ekkert að marka lög, sem leppstjórnin koma gegnum þing undir þrýstingi frá þeim her, sem ver leppstjórnina fyrir almenningi í landinu.

Auknar líkur á að Íranar taki þátt í Íraksráðstefnu

Ekki fögur lýsing á dótturfyrirtæki Bakkavarar.

Var að lesa þetta inn á síðunni hans Egils Helgasonar.

Það hefur aldrei þótt fínt á Íslandi að vera vondur við fólk, hvað þá að græða peninga á því að vera vondur við fólk. Íslendingar hafa sem betur fer lengstum verið nokkrir jafnræðissinnar í sér. Þess vegna finnst manni skrítið að lesa fréttir af verksmiðju Bakkavarar, Katsouris Fresh Foods, á Englandi. Lýsingarnar eru eins og eitthvað frá tíma iðnbyltingarinnar. Starfsfólk missir útlimi í vélum. Óhreinlætið er slíkt að aðskotahlutir finnast í matvælunum - fyrir utan salmonellu. Starfsfólkið er flestallt útlendingar á sultarlaunum.

Þetta er varla útrásin sem Íslendingar eru stoltir af.

Blaðið hefur hérumbil eitt fjölmiðla á Íslandi verið að fjalla um þetta. Er ekki kominn tími til að aðrir fjölmiðlar taki við sér?

Í fréttatíma Stöðvar 2 var svo frétt um annað fyrirtæki af svipuðum toga Það heitir Lauffell og gerir út á að níðast á erlendum verkamönnum. Svonalagað er þjóðarskömm og á ekki að líðast.

Ég hafði ekki lesið þetta svo ég fór inn á síðu Blaðisins og las greinina þar. Þetta var ekki fögur lesning. Þar stendur m.a.

 

Þagga niður vandann

Paul Kenny, framkvæmdastjóri GMB, undrast mjög viðbrögð Bakkavarar vegna málsins, sem hann kallar móðgandi. Hann útilokar ekki frekari aðgerðir. „Saga Katsouris varðandi hreinlæti og öryggi er slæm, svo ekki sé meira sagt. Ég hefði haldið að Bakkavör hefði frekar verið ánægt með ábending ar okkar um alvarlega bresti þegar kemur að hreinlæti og öryggisreglum, áður en slíkt barst til fjölmiðla," seg ir Kenny í bréfi sem Blaðið hef ur undir höndum. „Framvegis neyðumst við til að sniðganga fyrir tækið þegar farið verður yfir aðrar athugasemdir.Við lýsum yfir áhyggjum okkar yfir augljósum tilraunum fyrirtækisins til að þagga niður vandann."

Svört skýrsla

Conroy leggur áherslu á að yfirstjórn Bakkavarar Group bregðist hratt við. Hún gagnrýnir jafnframt launastefnu fyrirtækisins. „Laun in sem fyrirtækið greiðir eru ekki góð. Þeir greiða eingöngu lágmarkslaun og hér er dýrt að lifa. Meiri hluti starfsmanna talar litla ensku og á við tungumála örðugleika að stríða," segir Conroy. „Við höf um verið að kljást við þennan vanda í nokkur ár. Gerð var ítarleg skoðun á starfseminni og virkilega svört skýrsla um aðbúnainn birt í kjölfarið. Engin viðbrögð hafa feng ist frá stjórnendunum Katsouris og því ákváðum  við að leita til eigendanna."

Á Siv að segja af sér?

Sigurður Kári sagð að honum þætti það eðlilegt miðað við alvarleika ummæla hennar. Nú keppast allir framsóknar menn með við að draga úr þessum ummælum og vilja meina að þetta hafi ekki verið það sem  hún sagði. Gaman að sjá hvernig þetta fer:

Vísir, 04. mar. 2007 12:41

Sigurður Kári vill að Siv segi af sér

Sigurður Kári Kristjánsson segir að Siv Friðleifsdóttir heilbrigðisráðherra eigi að segja af sér, hvort sem hún hafi meint eða ekki ummæli um að það varðaði stjórnarslitum ef Sjálfstæðismenn samþykktu ekki auðlindaákvæði í stjórnarskrá. „Mín skoðun er sú að í öllum alvöru ríkjum að ráðherra sem fer fram með þessum hætti að honum er nú varla sætt", sagði Sigurður.

Þá sagði Sigurður að hann teldi engar líkur á að slíku ákvæði yrði komið á á kjörtímabilinu. Þessi orð lét Sigurður falla í Silfri Egils. „Ætla menn að fara að breyta stjórnarskránni, hugsanlega umbylta núverandi fiskveiðistjórnunarkerfi og atvinnugreininni þegar það eru tíu dagar eftir af þinginu - ég get ekki ímyndað mér það", sagði Sigurður enn fremur.

Ég hef sagt það áður að þessi markaður er furðulegur.

Það bilar tölvukerfi og vísitalana fellur. Þetta eru nú ekki ábyggileg vísindi.

Frétt af mbl.is

  Bilun í tölvubúnaði flýtti falli Dow Jones-vísitölunnar
Tækni & vísindi | AP | 4.3.2007 | 16:25
Bilun í tölvubúnaði kom af stað skyndilegu falli á Dow Jones-vísitölunni á Wall Street um miðjan dag á þriðjudaginn, og gerði þar með illt verra á degi sem þegar var orðinn harla dökkur í hlutabréfaviðskiptum. Vísitalan féll um 200 stig svo að segja um leið og skipt var yfir á varatölvukerfi eftir að í ljós kom að megintölvur Dow Jones & Co. réðu ekki fyllilega við öll þau miklu viðskipti sem fram fóru.

Bilun í tölvubúnaði flýtti falli Dow Jones-vísitölunnar

Það er skrítið hvað framsókn vaknar alltaf rétt fyrir kosningar.

Þetta er nú ekki í fyrsta skipti sem flokkurinn vaknar svona rétt fyrir kosningar. Nú síðast man maður eftir borgarstjórnarkosningum þar sem með auglýsingaskrumi og loforðum tókst að pota Birni Inga inn.

Nú allt í einu eftir að hafa setið við stjórn allt þetta kjörtímabil ætlar framsókn að sýna fram á að þeir séu að berjast fyrir sameign þjóðarinnar á auðlyndum en hafa ekkert beitt sér fyrir því hingað til. Þetta er náttúrulega til að reyna að skrapa saman atkvæðum í sjávarplássum út um landið þar sem þeir eru að missa atkvæði.

Frétt af mbl.is

  Í lófa lagið að ná fram ákvæði um sameign
Innlent | Morgunblaðið | 4.3.2007 | 5:30
Össur Skarphéðinsson, sem er í stjórnarskrárnefnd fyrir hönd Samfylkingarinnar, segir að fulltrúa Framsóknarflokksins hefði verið í lófa lagið að ná fram ákvæði um sameign á sjávarauðlindinni í stjórnarskrárnefnd, en staðreyndin sé sú að hann hafi aldrei lyft fingri til þess í nefndinni.

Í lófa lagið að ná fram ákvæði um sameign