Jæja þá er á hreinu hvaðan velmegun okkar kemur. Hún er tekin að láni.

Það liggur nokkuð ljóst að hækkuðu fasteignaverði og dýrari bílum hefur almenningur mætt með auknum lántökum. Lántakan hefur aukist um 241 milljarð sem segir okkur að heildarlán heimilina hjá bönkum og skildum stofnunum er þá um 1100 milljarðar.

Úr fréttinni á mbl.is

Skuldir heimilanna jukust um 22%

Skuldir heimilanna við lánakerfið jukust um rúmlega 22% á síðasta ári. Þar af má rekja rúmlega tvo þriðju til skuldaaukningar við bankakerfið og tæplega þriðjung til skuldaaukningar við Íbúðalánasjóð og lífeyrissjóðina.

„Við gerum ráð fyrir að svipað verði upp á teningnum með heimili og fyrirtæki, þ.e. að næstu misseri muni draga úr skuldaaukningu heimilanna jafnframt því sem að við gerum ráð fyrir að hægja muni á neyslugleði landsmanna. Mikil aukning ráðstöfunartekna að undanförnu, bæði í gegnum hækkun raunlauna og skattalækkun gæti þó haldið uppi áframhaldandi neyslugleði frameftir ári en einnig er hugsanlegt að almenningur muni leitast við að minnka skammtímaskuldir sínar svo sem yfirdráttarlán og kreditkortalán sem eru afar kostnaðarsöm lán," að því er segir í Morgunkorni Glitnis.

Lán til heimila jukust um 241 milljarð á síðasta ári

Úps þetta er bara fyndið!

Fyrir þá sem eru hættir að lesa bloggið hans Steingríms Sævarrs eftir að hann flutti sig er hér einn góður frá honum

“Uppákoma” í Laugum

8. mars 2007 | Rita ummæli

Gestir í líkamsræktarstöðinni Laugum í Laugardal urðu vitni að óvæntri uppákomu nú fyrir skemmstu, uppákomu sem ekki áttu að vera vitni að.

Fyrir þá sem ekki þekkja til í Laugum þá er líkamsræktarstöðin byggð við sundlaugina í Laugardal og geta gestir brugðið sér milli ræktar og laugar eftir hentugleika.

Hlaupabrettin í Laugum skipta svo tugum og eru á annatíma þétt skipuð. Þau eru staðsett þannig að við blasir sundlaugin en litað gler gerir það að verkum að gestirnir í líkamsræktarstöðinni sjá sundlaugargestina en sundlaugargestirnir sjá ekki gestina á hlaupabrettunum.

Í fyrradag gerðist það svo að par á besta aldri sást rölta í rólegheitunum upp úr sundlauginni og hverfa í skjól, þ.e.a.s. í hvarf við sundlaugina. Parið sat um stund og gáði hvort það sæist frá sundlauginni og hófst svo handa við innileg atlot. Þau atlot enduðu svo með holdlegri sameiningu.

Það sem parið áttaði sig ekki, var að þó þau væru í skjóli frá sundlaugargestum, þá blöstu við þau völlum í líkamsræktarstöðinni.

Segja vitni að atburðinum að talsverð “stemmning” hafi myndast á hlaupabrettunum við þessa óvæntu “uppákomu”, meðal annars blístur og húrrahróp.

Parið lauk hins vegar við sitt í rólegheitum án þess að hafa hugmynd um að fjöldi áhorfenda hefði verið að atlotunum.

Ekki byrjar nýr meirihluti vel.

Árið 2005 hagnaðist Orkuveitan um 4,4 milljarða en tapar svo 1,8 milljarði fyrsta ár sem nýr meirihluti er við stjórn. Þetta er aðallega skrifað vegna þeirra sem eru að segja að þetta sé skuldahali R listans. Málið er náttúrulega að OR stendur í miklum framkvæmdum sem ekki eru farnar að skila tekjum á móti þeim lánum sem þurft hefur að taka. En um leið að benda á að nýr meirihluti sem hefur deilt óspart á fyrri meirihluta gegnum árin fyrir stjórn OR hefur nú haft 7 mánuði 2007 til að snúa þessu á betri veg en svona er útkoman.

Frétt af mbl.is

  Tap Orkuveitu Reykjavíkur 1.756 milljónir króna
Viðskipti | mbl.is | 8.3.2007 | 8:49
Orkuveita Reykjavíkur tapaði 1.756 milljónum króna á síðasta ári en árið 2005 nam hagnaður OR 4.358 milljónum króna. Hagnaður fyrir fjármagnsliði og skatta nam 3.963 milljónum króna samanborið við 3.304 milljónir króna árið 2005.

Tap Orkuveitu Reykjavíkur 1.756 milljónir króna

Ég held að fólk ætti nú ekki að fara á hliðina yfir þessari könnun

Mér finnst að fólk ætti að bíða rólegt eftir næstu könnun Moggans og Rúv því þessar kannanir Blaðsins eru út í hött. t.d. finnst manni óeðlilegt að Sjálfstæðisflokkurinn hoppi allt í einu upp í 43% og fleira. Held líka að könnun þar sem aðeins um 500 af 800 svara og þar af eru þriðjungur óákveðin  og 7% segjast ekki ætla að kjósa, sé ekki marktæk. Þannig að ég sem Samfylkingarmaður er ekkert stressaður yfir þessu.

Sjálfstæðisflokkurinn mælist með 42,8% fylgi, Framsóknarflokkurinn með 9% og Frjálslyndi flokkurinn með 6,1%. 800 tóku þátt í könnuninni þar sem skipting var hlutfallslega jöfn milli kynja og eftir kjördæmum. 31,3% voru óákveðin og 7% sögðust hlutlaus, þ.e. að þau ætluðu ekki að kjósa, skila auðu eða jafnvel kjósa flokka sem ekki eru í framboði til Alþingis.

Finnst alveg makalaust að blað sem vill láta taka sig alvarlega birti svona óvandaða könnun. Svona könnun getur aldrei mælt nema tilhneigingar en niðurstöður hljóta að vera +/- 6% að minnstakosti þannig að þeir hefðu kannski átt að gefa þetta upp svona:

Sjálfstæðisflokkurinn frá svona 36 til 42%

Samfylkingin frá 12 til 24%

Framsókn frá 5 til 15%

Frjálslyndir frá 1 til 11%

Vg frá 17 til 29%

Eins og sjá má er þetta vitt bil og með engu hægt að taka mark á þessu.

Svona voru niðurstöður Blaðsins fyrir mánuði eða 6 febrúar.

Vinstri-grænir með 23,6% en Samfylking 18,5%

Fyrrum framsóknarmaður um þetta mál: Leikrit!

Las eftirfarandi inn á www.kristinn.is

En niðurstaðan varð sem sé að málið skildi liggja og framsókn sætti sig við það. Þess vegna er þetta sjónarspil nú. Leikurinn er sá að fá almenning til þess að halda að framsókn hafi viljað efna loforðið en sjálfstæðismenn staðið gegn því. Einstakir leikarar hafa að vísu ofleikið sitt eins og Siv Friðleifsdóttir sem hótaði óvart stjórnarslitum og sú replikka í leikritinu hefur valdið óróa í báðum stjórnaflokkum.

Nú er verið að leita að leið út úr málinu. Það gengur ekki lengur að gera ekkert, sérstaklega eftir stjórnarslitahótunina. Spurningin er hvernig verður lendingin. Bandaríkjamenn segja gjarnan við álíka aðstæður: follow the money. Það mætti alveg eins segja finnið helstu fjárhagslegu hagsmunaaðilana.

Í þessu stóra og langvarandi deilumáli um forræði og yfirráð yfir fiskveiðiheimildunum hafa hagsmunaaðilarnir lengi verið mjög sýnilegir og beitt sér, kvótaeigendurnir. Áhrifamestu hópur þeirra er LÍÚ og hann hefur mikil ítök í báðum stjórnarflokkunum. LÍÚ réði niðurstöðu um sjávarútvegsstefnu Framsóknarflokksins á sínum tíma, árið 2001, þegar um þau mál var tekist. Síðan þá hefur LÍÚ lagt mikið kapp á að fá viðurkenndan einkaeignarrétt útgerðarmanna að veiðiheimildunum.

Það er mín sannfæring að útgerðarauðvaldið í báðum flokkum hafi náð að drepa auðlindaákvæði stjórnarsáttmálans og það sé mikil einföldun að kenna Sjálfstæðisflokknum einum um. Þegar rennur upp fyrir mönnum hvað verður mikill órói vegna þessara vanefnda, sérstaklega innan Framsóknarflokksins hefst sjónarspilið.

Mér finnst líklegast að stjórnarflokkarnir ætli sér að koma fram með tillögu að ákvæði í stjórnarskrána sem ekki kveður afdráttarlaust um eignarhald þjóðarinnar að auðlindinni og að auki þrengir möguleika Alþingis frá því sem nú er til þess að breyta kvótakerfinu eða afnema það. Með öðrum orðum nota sjónarspilið til þess að þjóna hagsmunum LÍÚ en undir öðru yfirskyni. Svo má benda á að á bak við kvótaeigendurna eru bankarnir.

Geir segir enga niðurstöðu komna í auðlindamálið

Var að lesa þetta á www.mannlif.is

Bæjarstjóri klagar fréttamann

7 mar. 2007

Hermt er að Halldór Halldórsson, bæjarstjóri Ísafjarðarbæjar, bíði þess í ofvæni að 1. apríl renni upp. Ástæðan mun vera sú að þá hættir Finnbogi Hermannsson, forstöðumaður Ríkisútvarpsins á Ísafirði, störfum og fer á eftirlaun. Gárungarnir fyrir vestan segja að bæjarstjórinn hafi fyrirskipað að flaggað verði á öllum opinberum byggingum á starfslokadaginn, fyrsta Finnbogalausa daginn vestra. Beinskeyttur og hreinskilinn fréttaflutningur Finnboga mun einatt hafa farið fyrir brjóst bæjarstjórans sem ku vera með einkar viðkvæma lund. Á dögunum mun honum hafa ofboðið þegar fréttamaður svæðisútvarpsins vogaði sér, í tilefni af lokum Marels á Ísafirði,að tala við vegfarendur um þetta áfall sem kostar byggðarlagið 20 störf. Afraksturinn birtist í sjónvarpsfréttum. Halldór bæjarstjóri hringdi í Valgerði Jóhannsdóttur, vakstjóra Sjónvarpsins, og klagaði Finnboga fyrir þau fráleitu efnistök að ræða við almúgann um þetta mál ... 

Bendi líka á umfjöllun á www.mannlif.is um Hawaiian Tropic bikiníkeppnina og eina af þeim sem tóku þátt í henni.

Eru þetta skynsamlegar ráðstafanir? Eða þurfa þeir að arðræna okkur vegna aukins kosnaðar erlendis?

Það er alveg augljóst að bankarnir eiga erfitt með allt þetta fé sem streymir til þeirra. Þeir verða að koma því út í ávöxtun og hverjir eru betri til þess en kaupóðir Íslendingar. Sama hversu dýrt húsnæðið er það er bara tekið 100% lán. Síðan er annað lán tekið til að rífa allar innréttingar út til að setja inn pólitískt réttar innréttingar eins og fólk hefur séð í blöðum eða Innlit útlit.  Svo er bara að ná sér í bíl á kaupleigu svo að maður sé á flottari bíl en Jón í næsta húsi. Utanlandsferðir kannski 2. Eina yfir sumarið og hina um Jólin. Allt tekið að láni og bankinn glaður því að annars sæti hann uppi með peninga sem ávöxtuðu sig lítið.

Önnur frétt í dag segir að að munur á því sem að fyrirtæki og bankar hagnast erlendis og því sem þeir fjárfesta þar er mjög óhagstæð. Eða ein og segir í fréttinni.

Sérstaka athygli veki hve stórt hlutverk halli á þáttatekjum hafi í þessu sambandi en það sé mismunur á fjármagnstekjum og fjármagnsgjöldum Íslendinga í útlöndum. Árið 2005 hafi fjármagnskostnaður Íslendinga erlendis verið um 37 milljörðum meiri en fjármagnstekjur en á síðasta ári hafði hins vegar þáttatekjuhallinn risið upp í 104 milljarða.

Kaupþing segir, að aukningin komi aðallega fram á síðari hluta ársins og skýrist að miklu leyti af hærri vaxtagjöldum vegna aukinnar skuldsetningar Íslendinga erlendis og hærri vöxtum á heimsmarkaði. Á móti þessum lið ætti hins vegar að koma arðsemi af fjárfestingum erlendis sem lánin fjármagni og megi sjá, að liðurinn tekjur af ávöxtun hlutafjár hafi einnig tekið kipp upp á við á síðustu fjórðungum sem og vaxtatekjur. Samt sem áður sé mismunur á tekjum og gjöldum rúmlega 100 milljarðar á liðnu ári.

Og því er nauðsynlegt fyrir bankana að halda að fólki lánum og hvetja á allann hátt fólk til að taka hærri lán verðtryggð með og með háum vöxtum því þá græða bankarnir á vöxtum og verðtryggingunni því þeirra lán eru ekki verðtryggð. Þetta verða þeir að gera til að geta vegið upp á móti auknum fjármagnskosnaði erlendis.  Og á endanum vaxa skuldirnar okkur yfir höfuð og bankarnir eignaast Ísland.

Kaupþing auglýsir ný íbúðalán á morgun

Alveg er þetta ömurlegt.

Afi barns er að gera barnabarni sínu þetta og gerir sér ekki einusinni grein fyrir því að hann sé að gera eitthvað rangt. Þetta er bara sorglegt.

En eitt vekur spurningu hjá mér óháð þessu máli. Þ.e. þegar börn fá greiddar bætur fyrir svona , afhverju foreldrum er greiddir þessir peningar. Ég veit að flestir náttúrulega gæta þessara peninga fyrir börnin sín, en ekki víst að allir geri það. Finnst jafnvel að slíkar bætur ættu að leggjast inn á sér reikning í umsjón fjárhaldsmanns sem tryggði að barnið nyti þeirra eða að ávaxta þá þar til barnið næði 18 ára aldri.

Frétt af mbl.is

  Dæmdur í fangelsi fyrir kynferðisbrot gegn barnabarni
Innlent | mbl.is | 7.3.2007 | 12:40
Héraðsdómur Norðurlands eystra hefur dæmt karlmann á áttræðisaldri í 15 mánaða fangelsi, þar af 12 mánuði skilorðsbundið, fyrir kynferðisbrot gegn sonardóttur sinni. Maðurinn var einnig dæmdur til að greiða foreldrum stúlkunnar, fyrir hennar hönd, 850 þúsund krónur í bætur auk sakarkostnaðar.

Dæmdur í fangelsi fyrir kynferðisbrot gegn barnabarni

Þetta er nú hræsni!

Mér finnst þetta nú alveg dæmigert.

Í frétttinni stendur:

Blaðið segir að í drögum af niðurstöðum nefndarstarfsins, sem stýrt er af Birni Bjarnasyni dómsmálaráðherra, komi fram að engar líkur séu á því að samist geti um milli Íslands og ESB, að 200 mílna efnhagslögsagan umhverfis Ísland verði í heild sinni viðurkennd sem sérstakt fiskveiðistjórnunarkerfi undir stjórn Íslendinga.

Það sé niðurstaða nefndarinnar að Íslendingar geti ekki framselt yfirráðin yfir þeim miklu auðæfum sem þar er að finna til Evrópusambandsins, án þess að hafa nokkra vissu fyrir hvaða reglum verði fylgt í sjávarútvegsmálum á komandi áratugum.

Umræða Sjálfstæðisflokks hefur síðustu vikur gengið út á að við gætum ekki sett í Stjórnarskrá ákvæði um sameign þjóðiarinar á fiskinum í hafinu og nokkrir aðilar á landinu eiga hana því nú. En svo eru þeir að setja þetta sem aðalatriði fyrir því að ekki sé hægt að ganga inn í ESB.

VG og Sjálfstæðisflokkur gegn ESB-aðild

Getur einhver skýrt þetta út fyrir mér?

Við vinnufélgarnir vorum að ræða um þessi Jöklabréf og Krónubréf. Við getum með engu móti skilið hversvegna að ríki og stór fyrirtæki erlendis eru að gefa út skuldabréf með 13,5% vöxtum í íslenskum krónum. Hver er hagur t.d. Austurríkis af þessum viðskiptum? Þeir eru að gefa út skuldabréf til 1-2 ára með 13,5% vöxtum í íslenskum krónum. Hver er þeirra hagnaður af þessu? Þegar þeir geta fengið lán annarstaðar á kannski 1% vöxtum. Við skiljum að menn séu sólgnir í kaupa þessi bréf því þetta er góð ávöxtun. En afhverju að taka lán með þessum vöxtum. Getur einhver skýrt þetta út fyrir mér? Hver er hvatin á bak við þessa útgáfu skuldabréfa?

Frétt af mbl.is

  Austurríska ríkið gaf út 25 milljarða jöklabréf
Viðskipti | mbl.is | 6.3.2007 | 17:09
Austurríska ríkið gaf í dag út 25 milljarða jöklabréf, þ.e. skuldabréf í íslenskum krónum. Landsbankinn er umsjónaraðili útgáfunnar og sölutryggir jafnframt bréfin. Fram kemur í Vegvísi Landsbankans, að útgáfan sé næst stærsta jöklabréfaútgáfa frá upphafi og þetta sé í fyrsta sinn sem Landsbankinn hafi umsjón með útgáfu jöklabréfa.
Lesa meira

Austurríska ríkið gaf út 25 milljarða jöklabréf