Skilur einhver hvað þeir eiga við?

Eru þeir að velta fyrir sér hvort að þeir eigi að halda áfram eða hvað? Eða eru þeir að undirbúa sig fyrir samninga um orkuverð? Eða einhverjar aðrar ívilnanir. Þeir segjast vera að yfirfara áætlanir við nýtt álver í Helguvík. Eru þeir að fiska eftir því að fá að stækka það umfram það sem búið var að semja um?

Svona fréttir skil ég ekki.

„Við erum að leggja víðtækt mat á stöðu Helguvíkurverkefnisins," segir Logan Kruger, forstjóri Century, í tilkynningu frá félaginu. „Við erum viss um að álverið verður á heimsmælikvarða þegar litið er til byggingarkostnaðar og umhverfisþátta. Þá munu efnahagsumsvifin, sem fylgja verkefninu styrkja Ísland á þessum umbrotatímum. Eins og umhverfið er gerum við ekki nýja samninga og aukum ekki kostnað í verkefninu. Við teljum að það sé möguleiki á skynsamlegum framgangi með tímanum en við munum á yfirvegaðan hátt meta hagkvæmni allra þátta verkefnisins á næstunni."

Síðan fjallar fréttin um að hagnaður hafi verið hærri á fyrrihluta þessa árs en í fyrra en samt aðeins undir spám. 

Nei ég skil þetta ekki.

Fer yfir áform um Helguvík

Bara að IMF sé að leggja áherslu á að við göngum í ESB! Eða hvað er Össur að segja?

Eru þetta merki um að alþjóðagjaldeyrissjóðurinn leggi til að við sækjum um ESB og evru? Svona smá drausýn hjá manni. Eða hvernig á maður að túlka þetta sem Össur segir

Iðnaðaráðherra segir sjóðinn leggja til efnahagsaðgerðir sem séu í engu frábrugðnar því sem skynsamir íslenskir hagfræðingar vilji. Þeir séu til.

Eru ekki flestir hagfræðingar að leggja til að við göngum í ESB og tökum upp evru?

Veit að þetta er langsótt. En gæti skýrt tafir á að ganga frá málum

P.s. þetta er svo haft eftir honum á www.ruv.is

Það skiptir mestu máli að koma viðskiptum við útlönd í lag, segir Össur Skarphéðinsson iðnaðarráðherra; gera verði myntinni kleift að tifa áfram á sínum veiku fótum enn um sinn, sagði Össur.

Krónan tifar á mjóum fótum

Ætli þetta sé ekki ástæðan fyrir þessum töfum

Tekið af www.visir.is

Benti hann á að bæði ríkisstjórnin og Alþjóðagjaldeyrissjóðurinn þyrftu að fá samþykki fyrir aðgerðunum frá sínu baklandi. Hann var ekki reiðubúinn að ræða skilyrði sjóðsins en sagðist bjartsýnn á að niðurstaða fengist sem gæti hjálpað okkur að komast út úr þeim vanda sem við værum að glíma við.

Það er hann er að reyna að koma þessu í gegnum Sjálfstæðisflokkinn og gengur illa. 

Þetta er af www.dv.is  

Samkvæmt heimildum DV gætti andstöðu innan forystu Sjálfstæðisflokksins varðandi samstarf við IMF og lán frá sjóðnum. Úr þeirri andstöðu hefur dregið eftir því sem næst verður komist enda brýnt talið að endurreisa sem fyrst trúverðugleika gjaldeyrisviðskipta og íslenska fjármálakerfisins.

Bendi á umfjöllun Bloomberg um ástandið á Íslandi. - Ein ríksasta þjóð í heimi orðin að betlurum

Það má sjá endursögn á frétt Bloomberg á www.vb.is

Þar segir m.a.

Geir H. Haarde forsætisráðherra hefur meira en nokkur annar forsætisráðherra á Norðurlöndunum tekið upp hugmyndafræði Ronalds Reagan og Margaret Thatcher í efnahagsmálum.

Hugmyndafræði sem felur í sér sölu ríkiseigna, meira frelsi og útrás með skuldsetningu.

Þannig byrjar umfjöllum Bloomberg fréttastofunnar um efnahagsástandið og forsögu þess í dag en sérstaklega er fjallað um Geir H. Haarde, forsætisráðherra.

Þá kemur fram í umfjöllun að margir samlandar Geirs vilji að ríkisstjórnin,  undir forystu Sjálfstæðisflokksins, axli ábyrgð á því að hafa gert eitt ríkasta land heims að betlurum í samdrætti, eins og það er orðað í umfjöllun Bloomberg.

Áugaverð grein sjá hér

 

Vonandi niðurstaða fljótt

Ísland aðhlátursefni víða um heiminn

Það er gott að einhverjir sjái um að létta mönnum lundina í heiminum. En mikið vildi ég að það væru ekki við. Við höfum ekki enn formlega fengið að vita hvort að ríkisstjórnin biður IMF aðstoð þó allir sjái að það er væntanlega búið þar sem að stafsmenn IMF hafa verið hér í hálfan mánuð. Það veit engin hvað á gera, hvaða framtíðarsýn er verið að móta og í raun ekki neitt. En svo leka allskonar sögur sem Geir ber til baka en reynast svo réttar.

Og nú eru Japanir ekkert inn í þessu!

Japanar þekkja ekki til viðræðna IMF og Íslands

Sjálfsagt að tala við alla! En fer ekki að verða kominn tími á að taka ákvarðanir

Ingibjörg fær ekki að vera í veikindafríi

En svona til að rifja upp afhverju við erum í þessari stöðu núna er hægt að kíkja á þennan bút

 

 

Ingibjörg ræddi við Norðmenn og Frakka um aðstoð

Mér ofbýður stundum málflutningur Ögmundar

Formaður flokks hans var að birta bréf í Norskum blöðum þar sem hann biður um lán frá Noregi. Er Ögmundur að halda því fram að við þyrftum bara ekkert að borga það?

Sér Ögmundur sem er jú formaður stærstu launþegasamtaka ríkisins einhverjar aðrar leiðir? Er hann kannski að stinga upp á að við mætum þessu með sparnaði ríkisins og á hvaða starfsmönnum mundi það aðallega bitna?

Rangt að skuldbinda ófædd börn

Manni finnst þetta farið að verða þreytandi!

Nú talar Geir um að engar ákvarðanir hafi verið teknar um aðstoð frá IMF. Það hafi ekki verið óskað eftir aðstoð þeirra heyrðist mér. Beðið sé eftir endanlegu plaggi frá IMF og eftir það verði tekin ákvörðun. Bíddu eru menn ekki í lagi? Er hann að meina að við þurfum kannski ekki á þeirra aðstoð að halda? Eða er búið að semja við Seðlabanka um að lána okkur á grundvelli áætlunar IMF án þess að sjóðurinn komi að þeirri aðstoð sjálfur? Hversu lengi geta fyrirtæki í útflutningi lifað með að fá ekki greiðslur? Verðum við ekki að fá að vita eitthvað um þessi mál?

Maður er orðinn þreyttur á þessu að nær eina sem heyrist í stjórninni eru viðbrögð við sögum sem komast á kreik og þá eru svörin svo loðin að fólk er engu nær.

Ekkert liggur fyrir um aðstoð IMF

Af hverju koma alltaf fréttir af svona málum frá erlendum fjölmiðlum?

Þetta er ekki í fyrsta skipti sem svona fréttir koma erlendis frá. Hef bloggað um þetta áður. Eins þá ítreka ég það að það er með öllu óásættanlegt þegar verið er að skuldsetja okkur um fleiri milljónir á hvern einstakling að við séum ekkert upplýst um gang mála,

Óska eftir 6 milljörðum dala

En hvað getum við gert?

Það er nokkuð ljóst að Seðlabankanum verður að umbylta. Hvort sem það verða þeir sjálfir stjórn og stjórar sem segja af sér að við setum um það lög.

En með ríkisstjórn er annað mál. Hverjir eru kostir okkar ef stjórninni yrði slitið:

• Framsókn í stjórn: Halda menn að Guðni, Bjarni Harðar séu menn sem eru tilvaldir til að bjarga málum? Held varla. Skv. þessari grein Aliber eru vandamál okkar einmitt uppkomin í valdatíð xD og xB
• Vg: Þeir eru á móti alþjóðlegu samstarfi í hvaða mynd sem er! Steingrímur eða Ögmundur til að leiða okkur í gegnum breytingarnar? Allavega ekki með sjálfstæðisflokki því þá mundu þeir reyna að hanga á krónunni utan ESB og kosta okkur frekar sveiflur niður á við næstu misseri.
• Frjálslyndir: Halda menn að Grétar Mar eða Guðjón réðu betur við þetta ástand?

Það er sennilega þörf á kosningum fljótlega. Og endurnýjun þingmanna. Eins væri mögulegt að ráða teymi erlendra sérfræðinga til að annast um efnahagsmál fyrir okkur tímabundið. Þ.e. taka völdin að einhverju leyti af ráðherrum eða í samstarfi við þá.

En þessi grein Aliber og fyrri aðvaranir ættu kannski að kenna mönnum að hrokafull afstaða okkar til varnaðarorða erlendis frá er nú búin að valda því að við reyndum ekkert fyrr en allt of seint til að koma okkur út úr þessari stöðu.

 

Ágætt yfirlit yfir hvernig við höfum meðhöndlað viðvaranir erlendra sérfræðinga síðustu ár á Silfri Egils

Góð setning hjá honum Aliber þegar hann segir:

RÍKISSTJÓRN Íslands og seðlabanki eru engu hæfari sem stjórnendur nútíma hagkerfis en þau væru sem stjarnvísindamenn. Þau skildu ekki að uppsveifla íslenska hagkerfisins árin 2005 og 2006 byggðist á skuldasöfnun – lán voru tekin til þess að standa í skilum með önnur lán – og nú vita þau ekki hvernig unnt sé að ná jafnvægi aftur eftir að pappírsauðurinn er horfinn. Það er ólíklegt að nýir leiðtogar sem væru valdir af handahófi í símaskrá gætu valdið jafnmiklum efnahagslegum glundroða og núverandi stjórnvöld.

Stjórnvöld skilningslaus