Ég er bara að velta fyrir mér!

Nú var ég að hlusta á Geir sem segir að engar ákvarðanir hafi verið teknar enn varðandi IMF. Hann sagði að enn væri verið að skoða málið en ljóst væri að ekki yrði um neyðaraðstoð að ræða heldur samstarf og lán. En eins og venjulega er verið að skoða málið. Gerir Geir sér grein fyrir að menn segja að á meðan við erum að hugsamáli tapast á hverjum degi upphæðir sem svara til allra framlaga til Menntamála á ársgrundvelli. Auk þess sem að orðspor okkar hrapar áfram. Hversu lengi ætla menn að skoða þetta? Á þetta að vera eins og með ESB málið að þetta verður bara dregið og dregið.

Þetta segir manni að það er bullandi ágreiningur innan stjórnarinnar. Eins að sennilega eru sérfræðingar IMF að leggja áherslu á að við göngum í ESB

Geir undrast kjaftasögur sem eru komnar á kreik hér. Við hverju býst hann þegar að öll upplýsingagjöf er í rúst sem og að hann og aðrir virðast halda að þjóðinni komi þetta bara ekkert við. Það séu þeir sem leysi þetta og svo sættum við okkur bara við niðurstöðuna.

Engin niðurstaða enn

Við viljum vita hvar við stöndum

Ég verð en og aftur að kvarta yfir því hversu litla áherslu stjórnvöld leggja í að upplýsa okkur! Við fáum þetta í örlitlum skömmtum og helst ekki neitt.

• Fólk vill fá að vita hversu háar skuldir við útlönd eru?
• Hversu háar skuldir eru á IceSave?
• Af hverju var ekki gengið harðar að Landsbanka að stofna dótturfélag um IceSave í útlöndum?
• Af hverju voru stjórnvöld svona eftirlátssöm við Landsbankann sem sannanlega var að nota innlán frá erlendum einstaklingum, fyrirtækjum og stofnunum til að lána í áhættu hér á landi eða íslenskum fyrirtækjum í vafasömum fjárfestingum erlendis?
• Af hverju er reiknað í dag með því að þessar lán til fjárfestinga erlendis innheimtist ekki?
• Hversu mikið er reiknað með að við sem þjóð þurfum að borga?
• Af hverju er ekki þegar búið að semja við alþjóðagjaldeyrissjóðin? Er það eins og kom fram í Silfrinu vegna þess að Davíð vill það ekki? Ef svo er af hverju er maðurinn ekki settur af? Hann er nú búinn að stjórna hér ásamt félögum í seðlabankanum í nokkur ár og hefur ekki tekist neitt af markmiðum hans. Hann/þeir afnámu bindiskyldu héldu vöxtum háum sem jók hér áhættufjárfestingar, stóðu sem stjórnmálamaður að þessari nýju peningastefnu og af nám hér nær öll höft á fjármálageirann.
• Af hverju er ekki nú þegar farið að vinna almennilega að því að skýra mál okkar fyrir almenningi erlendis?
• Af hverju er ekki þegar farið að vinna að því að kynna okkur nýja framtíðarsýn/áætlanir?
  • Hvað þarf að hækka skatta mikið? Kom reyndar í ljós að Ísland er með mjög hátt skatthlutfall sem hefur hækkað ógurlega síðustu 10 ár og nálgast nú með öllum sköttum sem við greiðum að vera um 50%
  • Hvað verður um krónuna? Er hægt að bjarga henni og hvernig?
  • Hvað um hugsanlega inngöngu í ESB? Er verið að stefna að því?
  • Af hverju er ekki búið að kalla til her erlendra sérfræðinga til að skýra ástandið og framtíðarhorfur með okkar sérfræðingum.
  • Af hverju er ekki Ríkissjónvarpið virkjað og með daglegum þáttum farið í saumana á þessu málum öllum þannig að við vitum hvar við stöndum?
  • Af hverju er gjaldeyrisþurrð hér þegar að Seðlabanki og fleiri sögðu að við hefðum gjaldeyrisforða í minnst 9 mánuði þó að engar erlendar tekjur eða lán kæmu hingað til lands?

 Ég tek undir þau orð Einars Márs í Silfrinu að það á ekki að tala niður til okkar núna. Ég held að stjórnmálamenn þó þeir þykist vita allt þá er nú kerfi sem þeir hafa unnið að hrynja í andlitið á þeim og þeir vita ekkert hvað á að gera!

Af hverju er viðbrögð við náttúruhamförum miklu skilvirkari en viðbrögð sem við fáum nú? Af hverju er þær viðbragaðsáætlanir ekki nýttar til að halda utan um almenning og halda honum upplýstum. Þetta eru jú hamfarir

Ekki hlutverk FME að selja Kaupþing

Kannski er þeir að hanna skömmtunarseðla

Kannski er þeir að hanna skömmtunarkortin líka. Því það er ljóst að krónan er orðin eins eitur augum annarra ríkja. Því er ljóst að viðskipti okkar við útlönd hljóta að verða eins og í gamladaga þegar við þurftum að taka á móti ýmsum varningi í skiptum fyrir það sem við fluttum út. Þannig kost t.d. Rússajeppinn til Íslands.

Því sé ég fyrir mér að næst verði það skömmtunarmiðar sem við fáum í stað króna og notum í búðum. Nú þegar þurfum við aftur að framvísa farseðlum til að fá gjaldeyri og svo er hámark sem hægt er að fá.

Þetta er að verða hér eins og rétt eftir stríð.

Og ekki breytist ástandið fyrr en heimurinn veit að við ætlum að gera eitthvað annað en að redda ástandinu nú. Við þurfum að hafa framtíðarsýn sem sýnir umheiminum að við sjáum út úr þessu. Við verðum að koma okkur í samstarf við Evrópu um hag okkar og mynt

Ráðherrar funda um stöðuna

Þetta er kjörið tilefni

Var að skoða upptökur sem ég átti í tölvunni hjá mér og fann þetta úr Kastljósi

Íhugar að fara í mál

Ætli svona fréttir séu kannski undirbúningur að samningum um raforkuverð

Kannski er þetta bara allt eðlilegt en maður fer að velta fyrir sér ef að þessum nýju álverum verður sem allar líkur eru á, hvort að þessi krísa verður til þess að við gerum samninga um allt of lágt orkuverð til langs tíma. Nú eru þingmenn og aðrir búnir að lýsa því yfir að umhverfismat sé bara sparðatíningur og við getum fórnað öllu fyrir stóriðju. Þó að sumir bendi á að það mundi kosta okkur óhagstæðan vöruskiptajöfnuð nú, skuldaaukningu á röngum tíma. Þetta heyra menn náttúrulega erlendis og túlka þetta þannig að við séum á hnjánum og tilbúin að nærri gefa orkuna ef þeir halda áfram að byggja álver. Ekki góð samningsstaða sem við erum komin í vegna gaspurs í landsbyggðaþingmönnum okkar.

Fylgjast náið með niðursveiflu

Held að þetta séu nú aðeins meira en 500 manns

Finnst að lögreglan eða blöðin verði nú að vanda sig betur. Helda að þetta séu einhverjar þúsundir

Mótmæla Davíð Oddssyni

Ætli það sé nær lagi að bankarnir felltu sig sjálfir?

Bankar sem:

• Skuldsetja sig svona rosalega
• Bankar sem lána ótæpilega í verkefni sem aðrir eru tregir til
• Bankar sem reyna að leysa úr lausafé vanda með því að fara út um allan heim að taka við innlánum. Í stað þess að selja eigur t.d. síðasta vetur
• Bankar sem borga stjórnendum hærri laun og bónusa en þeir þurftu því að það var engin eftirsókn eftir þessum stjórnendum
• Bankar sem að uppistöðu lánuðu eigendum og vinum í skuldsett fyrirtæki sem vart mátti blása á til að þau færu í greiðslu þrot.

Held að þeir geti ekki kennt seðlabönkum annarra landa um. Kannski Seðlabankanum hér en ekki öðrum.

Þeir felldu bankana

Ég tek unidir með Almannatengslafélaginu

Þetta er náttúrulega búið að vera til skammar hvernig við höfum talað okkar málum erlendis og sérstaklega í þeim löndum sem voru í viðskiptum við bankana. Það er orðið svaklegt þegar að íslendingar eru orðnir fyrir aðsúgi erlendis vegna þjóðernis. Það hefur verið furðulegt að menn taki sér vikur í ráðuneytunum að undirbúa kynningu á okkar málstað!

Félag almanntengla ætti kannski að athuga nafn félagsins þetta er full langt að mínu mati "Almannatengslafélags Íslands "

Vilja betri upplýsingagjöf

Talandi um líferyri!!!

Væri nú ekki ráð þegar næsti þingfundur verður að þingmenn þjóðarinnar tækju sig nú saman í rassgatinu og drulluðust til að afnema sér eftirlaunalögin um sjálfa sig. Þeir geta ekki ætlast til að þjóðin taki á sig skerðingar án þess að þeir geri þetta strax!!!!!!!!!!!

Andskotist þið nú til að gera eitthvað af viti. Þið hafið ekki staðið ykkur í því að verja hagsmuni almennings hingað til. Nú er tíminn til að byrja!!!!!

Skaði lífeyrisþega ekki ljós

Þetta er nú ömurlegar staðreyndir

En fólk hefði nú kannski átt að átta sig á því að þessir sjóðir voru orðnir vafasamur pappír. Þessir sjóðir byggðu sína ávöxtun á því að lána skuldsettum fyrirtækjum, hlutabréfum og svo að einhverjum hluta í öruggari fjárfestingum.

Það er spurning hvort að þetta sé glæpsamlegt hvernig staðið var að því að plata fólk til að flytja sparnað yfir í þessa sjóði.

En nú er að koma í ljós að bankarnir voru að nota þessa sjóði til að fjármagna og endurfjármagna lán til fyrirtækja í eigu eigenda sinna í allt of stóru mæli. Eins vekur furðu að bankarnir virðast hafa farið hamförum í að nálgast sparnað almennings hér og annarsstaðar til að nota áfram í lán til barskara og sérstaklega eftir að fór að harðna á lánamarkaði erlendis. Maður hefði jú haldið að þessir peningar ættu að vera einhversstaðar í formi lána og þar af leiðandi eitthvað sem ætti að geta innheimst en bankarnir virðast ekki hafa verið vandir að veðum gagnvart þessum "vinum sínum". Sem er í raun furðulegt ef við miðum við hversu strangir þeir hafa verið nú síðustu ár gagnvart almenningi.

„Það er búið að þurrausa sjóðinn“