Leita í fréttum mbl.is

Bloggfærslur mánaðarins, maí 2008

Kannski að Magnús Þór læri nú að gæta orða sinna.

Magnús Þór hefur farið mikinn m.a.  á Útvarpi Sögu vegna þeirra flóttamanna sem til stendur að bjóða hér hæli.

Nú er svo komið að meira að segja Gísli krati bæjarstjóri Akranes gengur í Sjálfstæðisflokkinn til að stuðla að því að F listinn fari frá stjórn á Akranesi.

Á einum degi hefur Magnús Þór klúðrað öllum árangri síns og F listans á Akranesi. Hann dettur út úr öllum nefndum og eina sem hann heldur er að hann verður varabæjarfulltrúi.

Þessi sífeldi hræðsluáróður gagnvart útlendingum þar sem illa er gerður greinarmunur nokkrum glæpamönnum og heilli þjóð, er bara eitthvað sem við viljum ekki hér.

Skil heldur ekki hættuna sem fylgir 10 einstæðum mæðrum og börnum þeirra!

Góð frétt um þetta á Skessuhorni


mbl.is Sjálfstæðismenn með hreinan meirihluta á Akranesi
Tilkynna um óviðeigandi tengingu við frétt

Könnun á vegum Capacent sýnir að borgarstjórn hefur um 31% fylgi.

Var að lesa þetta á www.eyjan.is 

Orðið á götunni er að Capacent hafi gert skoðanakönnun á fylgi flokkanna í Reykjavík í síðasta mánuði. Hún var gerð fyrir ónefndan stjórnmálaflokk og ekki birt með öðrum könnunum í Þjóðarpúlsinum.

En orðið á götunni er að niðurstaðan hafi orðið þessi: F-listi Ólafs F. Magnússonar, rúmt 1%. VG 19%, Sjálfstæðisflokkur 30%, Framsóknarflokkur 2%, Samfylking 47%.

Það eru nú ekki nema 2 möguleikar á hverjir vilja þegja þessa niðurstöðu í hel. Ja kannski eru það 3 sem ekki vilja umtal um hana.

EN þarna sést að með stjórn borgarinnar hefur fylgi um 31% borgarbúa.  Og fylgi við Ólaf komið  niður undir 1000 manns en ekki lengur 6527


mbl.is Ástandið veldur sjálfstæðismönnum áhyggjum
Tilkynna um óviðeigandi tengingu við frétt

Hryllilega vanhugsað!

Nú vill svo til að ég starfa sem forstöðuþroskaþjálfi á heimili fólks með fötlun. Og ég hef verið að velta þessum málum fyrir mér síðan að ég heyrði af þessu. Þetta á eftir að skapa þó nokkur vandamál. Þ.e. ef fólk er að kaupa tæki og húsbúnað í sameiginlegt rými.

  • Hvað verður gert ef einhver flytur burtu úr húsnæðinu. Verður þá að kaupa hans hlut í tækjum og húsbúnaði.
  • Margt fólk með fötlun lifir mjög aktívu lífi sem kosta þau umtalsvert. Þau eru í klúbbum, fara út að skemmta sér. Auk þess sem þau þurfa að greiða fyrir akstur með ferðaþjónustu, strætó og leigubíla. Þá greiða þau fólki sem veitir þeim þjónustu fyrir akstur ef þau fara saman eitthvað.
  • Þetta fólk hefur bara örorkubætur. Og af þeim greiða þau sinn hluta í heimilisrekstri oft um 50 þúsund, síðan borga þau leigu, greiða ferðaþjónustu kaup á snyrtivörum, fatnaði öll húsgögn og annað í sín einrými/íbúðir.
  • Þau borga fyrir ferðalög, skemmtanir og allt sem tilfellur hjá þeim.
  • Þau eru kannski með um 120 þúsund á mánuði.

Til er framkvæmdarsjóður fatlaðra sem hingað til hefur staðið straum af innkaupum á tækjum og húsbúnaði í sameiginlegt rými. Og það vekur furðu mína að hann skuli hætta því.

Nú í dag er þessi sjóður ekki notaður eins mikið til að byggja ný búsetuúrræði heldur hefur Öryrkjabandalagið byggt mest á síðustu árum sem ríkið og íbúar greiða þeim leigu fyrir. En ég væri ekki sáttur ef ég leigði og þyrfti sjálfur að greiða fyrir húsbúnað sem að ég ætti ekki einn og gæti sennilega ekki tekið með mér ef ég ákvæði að flytja.

Ég held að þessi kostnaður sé ekki slíkur á ári að ríkið hafi verið að fara á hliðina yfir því.

Hinsvegar er ég fylgjandi þeirri hugmynd að í stað sérstakra búsetuúrræða fyrir fólk með fatlanir þá fái þau að leigja eða kaupa sér húsnæði þar sem þau vilja og fái þjónustu við hæfi hvers og eins til að búa sjálfstætt. Í dag ráða þau ekki nægjanlega hvar þau búa eða með hverjum. 


mbl.is Fötluðum á sambýli gert að borga heimilistækin
Tilkynna um óviðeigandi tengingu við frétt

Tibet vs. Palestína

Hef verið að velta fyrir mér viðbrögðunum við óeirðunum í Tibet og þeirri samúðarbylgju sem hefur sprottið upp í kjölfar þeirra. Því vissulega voru þetta óeirðir. Eftirfarandi las ég á Vísindavef HÍ:

Nokkrum vikum eftir mótmælin tók þó að bera á stöku tilraunum til að skoða aðrar hliðar málsins. Dregið hefur verið í efa réttmæti þess að ráðast að Kínverjum fyrir að taka hart á trylltum hópum manna sem ryðjast inn í verslanir, drepa starfsmenn þeirra og brenna svo verslanirnar. Slíkt myndi hvergi vera liðið á Vesturlöndum. Ýmsir vestrænir sérfræðingar í málefnum Tíbet halda því einnig fram að þótt vissulega megi ýmislegt betur fara í atvinnu- og menntamálum hafi miklar framfarir átt sér stað í Tíbet á undanförnum árum og að lífskjör séu í raun betri en í ýmsum öðrum héruðum í vesturhluta Kína sem ekki hefur tekist að nýta sér sem skyldi gífurlegar efnahagsbreytingar landsins á síðastliðnum 30 árum. Hið sama gildir um Tíbet en kínversk yfirvöld hafa varið verulegu fjármagni í að byggja upp innviði Tíbet og gera héraðið aðlaðandi fyrir fjárfesta til að bæta efnahagsástand þess. Þessi þróun hefur valdið talsverðri misskiptingu borga og sveitar í Tíbet, rétt eins og annars staðar í Kína, en áköfustu mótmælendur í mars voru einmitt ungir uppflosnaðir bændur.

Undir þetta get ég tekið. Minni á viðbrögðin hér við mótmælum vörúbílstjóra.

Eins fanst mér þetta athyglisvert í þessu sama svari á vísindavefnum:

Andmælendur segja að með efnahagsþróuninni stefni kínversk stjórnvöld að „menningarlegu þjóðarmorði“ (eins og Dalai Lama hefur orðað það) en það virðist að minnsta kosti stórlega ýkt. Aðfluttum Kínverjum hefur fjölgað lítillega á undanförnum árum en nánast allir taka sér bólfestu í Lhasa og flestir þeirra staldra stutt við, enda þykir Kínverjum ekki eftirsóknarvert að búa í Tíbet. Líklegra er að stjórnvöld séu að reyna að „kaupa frið“ af Tíbetum með því að bæta lífskjör á svæðinu.

Og að síðustu þetta úr þessu svari:

Auk þess vísa miðlarnir almennt til „hernáms“ Kínverja í Tíbet árið 1950 en lítið hefur verið reynt að varpa ljósi á fyrri atburði sem skipta miklu fyrir söguskoðun Kínverja, til dæmis þegar Bretar þvinguðu kínverska forsetann til að láta Tíbet af hendi árið 1912 án þess að ráðfæra sig við þingið. Þessi einhliða umfjöllun hefur vakið reiði kínversks almennings. Kínverjar jafnt utan sem innan Kína hafa ásakað Vesturlandabúa um ósanngirni, að virða að vettugi þann árangur sem náðst hefur á undanförnum áratugum og jafnvel að vinna gagngert gegn umbótum í Kína. Fjölmiðlafárið hefur því öðru fremur haft þau áhrif að fylkja kínverskum almenningi að baki stjórnvöldum.

En hvað hefur þetta með fyrirsögnina á bloggfærslunni að gera. Jú það er einmitt þessi viðbrögð sem þessar óeirðir í Tíbet hafa fengið. Nú dóu þarna kannski innan við 20 til kannski 150. Þetta er náttúrulega ömurlegt og ekki Kínverjum til að hreykja sér af. Það voru reyndar einhver hluti þessara látnu drepnir af þessum óeirðarseggjum. Og því ekki alfarið við Kínverja að sakast.

En í Palestínu er þetta hlægilegur fjöldi í samanburði við alla þá sem hafa verið drepnir af Ísraelsmönnum. Ég tala ekki um þær milljónir sem búa í útlegð. Þessi þjóð hafði búið í Palestínu  í a.m.k. þúsund ár m.a. undir stjónr Tyrkja  en var síðan eftir síðari heimstyrjöld skikkuð til að láta af hendi hálft landið til gyðinga sem streymdu þangað. Og af því að arabar virtu ekki þessa gjörð á sínum tíma hefur Palestína ekki verið til formlega síðan þá. Ísrael hefur beitt öllum sínum ráðum til að koma í veg fyrir að samningar náist um að Palestína verði að formlegu landi. Og ef við eru að tala um kúgun þá held ég að búa við aðstæður eins og Palestína gerir í dag jafnist nú á við það sem er að gerast í Kína.

En það sem vekur furðu mína er að fólk sem réttlætir stöðugt þá kúgun sem Palestínumenn mega sæta ríkur nú um allan heim í fjölmiðla og reynir að stöðva hlaup með Ólympíueldinn. Eins og að Ólympíueldurinn komi þessu máli eitthvað við.

Ég held að allir séu sammála að með auknum samskiptum milli Kína og umheimsins hafa réttindi Kínverja smátt og smátt verið að aukast. Atburðir eins og urðu á torgi hins himneska friðar gerast varla aftur.

Átti Kínastjórn bara að horfa á skríl sem var að kveikja í húsum og myrða fólk. Minni á að öll stærri lönd hafa óeirðarsveitir lögreglu sem bregðast við með þeirri hörku sem þarf. Og síðan kemur að hernum hjá flestum. Þetta höfum séð víðar.

Ég er á því að það eina sem stuðli að mannréttindum, frelsi og framförum séu samskipti milli fólks, þjóða og ólíkra kynþátta. Og þeim mun meiri samskipti á réttlætisgrunni þá verði þeim mun minni líkur á að fólk, þjóðir séu beitta órétti. Þótt það taki tíma.

Ég var lesa

Og svo er þetta gott svar varðandi Palestínu

 


Veit einhver hvort eftirfarandi sé rétt?

Heyrði í Útvarpi  Sögu í dag samtal Sigurðar G og Guðmundar Ólafs. Þar kom fram hjá þeim að skv. því sem þeir hefðu heyrt hefði fyrirtæki í Lúxemborg og Noregi í eigu Glitnis verið tekin eignarnámi upp í skuldir án þess að Glitnir hefði borðið við neinum vörnum.

Finnst þetta ótrúlegar fréttir og skil ekki að þetta hefi ekki verið rætt hér ef rétt er.


mbl.is Mikil lækkun á hlutabréfaverði
Tilkynna um óviðeigandi tengingu við frétt

Sundum er eins og Landsvirkjun sé ekki okkar eign!

Manni finnst sundum eins og það hafi í öllum látunum við þessar virkjanir og æðibunuganginn í mönnum innan Landsvirkjunar að það hafi gleymst að það er þjóðin sem á þetta fyrirtæki. Það er með öllu ömurlegt þegar að fyrirtækið er að gera lítið úr hópi fólks sem hefur aðrar skoðanir en stjórn og starfsmenn Landsvirkjunar.

Finnst að menn verði að gera sér grein fyrir að þjóðin á þetta fyrirtæki og því ber að fara eftir vilja þjóðarinnar. Og það á við að valta ekki yfir fólk þarna í Flóahreppi. Ef það hefur aðra skoðun þá verður Landsvirkjun bara að sætta sig við það. Eins finnst mér furðulegt að fyrirtæki eins og Landsvirkjun og Orkuveitan geti gert samninga um risa orkusölur til álvera og annarrar stóriðju án þess að það sé borið upp í Alþingi (eða Borgarstjórn hjá OR) sem eru jú í raun löglegir fulltrúar eigenda. Ekki stjórnir fyrirtækjana sem eru skipaðar af meirihlutanum en það eru kjörnir fulltrúar sem hljóta að eiga að taka þessa ábyrgð.


mbl.is Landsvirkjun gagnrýnir fræðaþing um Urriðafossvirkjun
Tilkynna um óviðeigandi tengingu við frétt

Bíddu er í lagi með þessa menn?

Átta mig ekki alveg á þessari setningu:

Við teljum því að Seðlabankinn muni hækka vexti á næsta fundi sínum til að veita verðbólguvæntingum trausta kjölfestu og varna enn frekari hækkun verðlags

Hvernig í ósköpunum ætti aukin vaxtahækkun að koma í veg fyrir hækkun verðlags. Þessir spámenn hljóta að sjá að aukin vaxtahækkun hlýtur að fara út í verðlagið. Mér finnst það svo augljóst. En hún gæti aftur dregið úr þennslu t.d. á fasteignamarkaði. En það eru nú ekki allir íslendingar að kaupa og selja nú um stundir.

Eins finnst mér þetta vera eins og út í bláinn og óskhyggja:

Spáum við að stýrivextir verði 14,75% í lok þessa árs. Við reiknum með að vextir verði lækkaðir hratt á næsta ári eftir því sem dregur úr verðbólguþrýstingi og hjól efnahagslífsins fara að snúast að nýju, að verðbólgumarkmið bankans náist um mitt árið og að vextir standi í 8% í árslok 2009. Áður spáðum við að vextir yrðu 14,5% í lok þessa árs og 8% í lok þess næsta."

Þeir hafa ekki hugmynd um þetta!

Eins held ég að þetta séu vafasamar spár:

Við spáum því að gengisvísitalan standi nærri vísitölugildinu 135 í árslok, Bandaríkjadalur í tæpum 67 krónum og evran í 105 krónum. Í árslok 2009 spáum við að gengisvísitalan verði í grennd við 126, dollarinn ríflega 62 krónur og evran nærri 98 krónum," samkvæmt Morgunkorni Glitins þar sem ný gengis- og stýrivaxtaspá er birt.

Það hefur sýnt sig að á síðustu misserum að greiningardeildir bankana hafa gjörsamlega verið út á þekju í sínum spám. Vekur upp spurningar aðstöðu þeirra sem eru að spá fyrir bankana. Haf þeir nægan mannskap og  tækifæri á að afla sér gagna og vinna úr þeim? Eða sletta þeir þessu bara fram? 


mbl.is Glitnir spáir frekari stýrivaxtahækkun
Tilkynna um óviðeigandi tengingu við frétt

Framsókn á band með okkur sem viljum hefja aðildarviðræður við ESB

Held að Framsókn hljóti að gera sér grein fyrir að með þessu tillögum sínum eru þeir í raun að fara þess á leit að verða þátttakendur í þvi sem óhjákvæmilega er í vændum. Það er að Ísland fari að setja sér markmið fyrir aðildaviðræður við ESB. Og ég tel að það hljóti að vera innan örfárra missera sem að þær hljóti að fara í gang. Ég persónulega er viss um að þessar viðræður eiga eftir að ganga fljót fyrir sig og við fáum viðurkenda sérstöðu okkar varðandi sjávarútveg og landbúnað.

Með því að skoða eftirfarandi mynd má sjá að þjóðir í Evrópu sem ekki eru búnar að ganga í ESB eða eru að sækjast eftir því eru fáar. Þjóðir merktar bláu eru nú þegar í ESB og grænt merkir að þær eiga umsókn um inngöngu

EU_MAPjan2007
En á http://is.wikipedia.org/wiki/Evr%C3%B3pusambandi%C3%B0 má sjá fínar upplýsingar um ESB

mbl.is Þjóðaratkvæði um aðildarviðræður
Tilkynna um óviðeigandi tengingu við frétt

« Fyrri síða | Næsta síða »

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband