Held að skipulagsráð Reykjavíkur ætti nú að fara passa sig.

Hef nú í 20 til 30 ár fylgst með framkvæmd á aðalskipulagi í miðbæ Reykjavíkur. Og sannast sagna er þetta nú að verða brandari.

Síðan koma svona tillögur eins og göng undir Skólavörðuholtið. Vissulega nýtískulegar en þeim er bara sópað undir mottu og gert grín að þeim. Þessi maður t.d. hefur sennilega ekki oft þurft að leita að bílastæði við Landspítalinn í dag og ég efa að það verður enn verra við nýja spítalann.

Síðan er náttúrulega hvernig skipulagsráð hefur leyft byggingar hús í miðbænum sem eru gjörsamlega úr takt við annað í umhverfinu.

Get varla séð að nýi Spítalinn geti með nokkru móti komið í veg fyrir þessi göng ef þau henta.

Skipulagsmál Reykjavíkur eru náttúrulega orðin brandari og tíminn sem málin taka þar eru með ólíkindum.

Reyndar eru öfgarnar í hina áttina hjá okkur sem búum í Kópavogi. Þar eru skipulagsmálinn í höndum verktaka sem hafa þetta bara eins og þeim sýnist. Og varla til á landinu bær sem er eins ósamstæður og vanhugsaður eins og Kópavogur.

Holtsgöng út úr aðalskipulagi

Ótrúleg yfirlýsing Ólafs F

Mér bara blöskrar að þessi maður skuli vera borgarstjóri Reykjavíkur. Hann virkilega hélt því fram á fundinum að hann sem borgarstjóri hefði náttúrulega miklu meira vit á skipulagi en aðrir. Eftirfarandi er tekið af bloggi Oddnýjar borgarfulltrúa sem sat fundinn:

En borgarstjóri er kominn í krossferð. Hann gerði sér lítið fyrir á fundinum og dró upp kort af verðlaunatillögunni úr Vatnsmýrarsamkeppninni og fann henni allt til foráttu. Meðal þess sem hann fussaði og sveiaði yfir var að tillagan:

a) er úr takti við þarfir íslensks samfélags

b) stangast algjörlega á við umferðarskipulag á svæðinu

c) gerir ráð fyrir allt of stórri tjörn á þessu meinta verðmæta svæði (bíddu, viljum við ekki standa vörð um útivistarsvæði?)

d) setur skipulag á svæðinu í uppnám sökum þess hversu illa hún er hugsuð.

e) beinlínis truflaði framgang skipulags- og samgöngumála í miðbænum.

f) hefur ekkert gildi því hann sem borgarstjóri hefði auðvitað meira um það að segja hvernig uppbygging í 102 Reykjavík yrði - meira en e-ir verðlaunahafar í e-i samkeppni.

Mikið er ég fegin að borgarstjóri skuli hafa meira vit á skipulagsmálum og fagurfræði, uppbyggingu risavaxins svæðis og framtíðarþróun heillar borgar heldur en heimsfrægir skipulagsfræðingar og arkitektar. Við skulum bara henda þessum 136 tillögum sem bárust í keppnina - en halda kannski eftir þeim þremur sem gerðu ráð fyrir því að flugvöllurinn væri áfram í Vatnsmýrinni.

Það er bara eitt sem ég klóra mér í hausnum yfir - hvað segja borgarfulltrúarnir sem sátu í dómnefndinni ásamt þeim nafntoguðu arkitektum sem völdu tillögu Skotanna sem þá bestu?

Sjá http://oddny.eyjan.is/2008/05/krossfer-borgarstjra.html

Er maðurinn gjörsamlega að tapa sér? Maður bara spyr! Er hann virkilega á því að þar sem hann er borgarstjóri eigi hans persónulegu skoðanir að ráða. Hvað með Hönnu og Gísla Marteins sem voru í nefndinni sem valdi þessar tillögur?

Borgarstjóri gagnrýnir vinningstillöguna

Erum við að tala yfir okkur kreppu?

Var að pæla í því að síðustu ár og áratugi hefur kaupmáttur launa hækkað verulega. Af því leiðir hlýtur staðan hjá flestum að vera sú að þeir hafa mun hærri kaupmátt en var fyrir svona 10 árum. 

En nú í dag keppast fjölmiðlar við það að lýsa því að ástandið hér sé svakalegt. Er ástandið svakalegt? Ég heyrði um daginn að vanskil eru í sögulegu lágmarki. Fólk hefur á síðustu árum bæði stækkað við sig og byggt sér nýtt húsnæði og endurnýja hús sem aldrei fyrr. Var ekki bara nauðsynlegt og eðlilegt að þensla á byggingarmarkaði drægist saman. Það þarf jú fólk til að flytja inn í allt þetta nýja húsnæði. Og var ekki bara eðlilegt að það kæmi svona smá hlé á hækkunum á húsnæðisverði?

Það eru einhverjir erfiðleikar hjá bönkum en þeir eru allir að skila hagnaði ennþá. Nema SPRON! Hér áður fyrr þoldu fyrirtæki í nokkur ár að vera rekin með tapi. Minni á að DeCode hefur gengið í 10 ár með bullandi tapi.

Held kannski að fólk ætti nú að varast að fara á límingunum þó að það komi nokkur misseri sem verða erfið. Því að kaupmátturinn má fara töluvert niður ef við eigum að hafa það verra en var hér fyrir svona 7 árum.

Kaupmáttur rýrnar í tvö ár

Ég hef nú áður tjáð mig um þessa spákaupmennsku!- En ég verð að segja þetta aftur

Ég held að þetta sé mjög alvarleg þróun í heiminum. Þessi spákaupmennska er náttúrulega augljósustu í olíuverði hér á landi. Verðið ríkur upp nú þessa mánuði. Verðið hækkar t.d. við það að:

• Það koma sífellt fréttir um slæma birgðastöðu í Bandaríkjunum sem reynast svo ekki réttar
• Það er sífellt verið að tala um að Kína þurfi sífellt meira og meira eldsneyti
• Það kemur rok einhvers staðar og  verðið ríkur upp
• Það kemur gat á olíuleiðslu og verðið ríkur upp
• Það er sífellt verið að ala á hræðslu um að einhver sé að verða olíulaus.

En viti menn það hefur ekki verið mikið í fréttum að einhver þjóð  hafi raunverulega orðið olíulaus. T.d. hefur ekki borðið mikið á því í Bandaríkjunum.

En svo heyrir maður að þessi spákaupmenn séu að fylla alla laus tanka í heiminum og bíða með miklar birgðir til að setja á markað þegar þeir hafa talað upp verðið í nokkra mánuði eða ár.

Nú er þetta að verða eins með matvæli. Menn sitja á birgðum og halda þeim frá markaði og tala verðið upp. Framleiðslan er örugglega nóg fyrir alla en þessir spákaupmenn og braskarar eru að spila með líf einstaklinga og heilu þjóðanna og náttúrulega verða þær fátækustu verst fyrir barðinu á þessu. Held að þjóðir heims ættu að gera samninga um viðskipti framhjá þessum spákaupmönnum.

Segir matvælakreppuna mannréttindakreppu

Kannski ekkert skrítið!

Hef nú síðustu mánuði orðið var við að ritstjóri Morgunblaðsins fer hamförum i árásum á Ingibjörgu. Sem og hálfur bloggheimur. Fólk persónugerir hana fyrir öllu sem miður fer í heiminum:

• Bankakreppuna: Og samt eru allir bankar hér reknir með hagnaði enn!
• Ástandið í Kína: Ísland hefur fylgt eins og meirihluti Evrópu þeirri stefnu að Tíbet sé hluti Kína. EN nú er Ingibjörgu næstum kennt um ástandið þarna
• Of skuldsett heimili: Nú er Ingibjörgu kennt um að fólk streymdi í bankana síðustu ár og skuldsetti eignir sinar fyrir 100% af verðgildi þeirra til að kaupa jeppa fyrir 10 miljónir, sjónvörp fyrir 500 þúsund og svo framvegis.
• Ingibjörg er utanríkisráðherra og heyra samskipti við önnur lönd unir hennar svið. En fólk vill að hún sé að sinna öllu öðru en því. Eins og það séu ekki 11 aðrir ráðherrar í stjórninni

Ekki það að það eru ýmis atriði sem Samfylkingin hefði getað staðið sig betur í:

• Það er æpandi þögn varðandi eftirlaunamál Alþingismanna.
• Það er æpandi valdleysi Þórunnar varðandi umhverfismál
• Það er æpandi skortur á upplýsingum hvað ríkisstjórnin er að gerða varðandi efnahagsmál.

En það er skrýtið að þar sem að Sjálfstæðisflokkurinn er bæði með Forsætisráðuneytið sem og Fjármálaráðuneytið þá bitnar það ekkert á fylgi hans.

Fylgi við Samfylkingu og ríkisstjórn minnkar