Auðvita!

Verð að taka undir með þeim Sjálfstæðismönnum og Vg í Skagafirði. Auðvita eiga allar rafmagnslínur að fara í jörð. Sérstaklega þegar er verið að leggja línur til stóriðju. Og stóriðjan á þá að borga það bara. Finnst að það eigi að setja þetta í lög. Og þá sérstaklega þegar þessar línur eru nálægt byggð og/eða náttúruperlum.

Hafna úreltum hugmyndum um orkuflutninga

Til hvers eru varamenn í Reykjavík?

• Ég er að furða mig á þessu máli með Gísla Martein!
• Ég er alveg sleginn yfir yfirlýsingum nýs Borgarstjóra um að þetta sé hið besta mál
• Ég undrast þá yfirlýsingar þeirra að bogastjórnarfulltrúar séu að sinna sínum störfum nægjanlega með því að mæta á fundi 2x í mánuði.
• Ég undrast að þau vísi í einhver dæmi um þetta frá fyrri tíð og að þetta tíðkist almennt. En svo nefna þau bara Ingibjörgu Sólrúnu sem var frá i 4 mánuði. Gísli verður frá í heilt ár. Gísli hefur bara verið í borgarstjórn í 2 ár Ingibjörg í 12 eða 16 ár. Og er þá allt í lagi með þetta ef þau geta bent á aðra sem gera þetta. Er þetta þá spurning um að glæpurinn sé réttlættur með að aðrir hafi framið svipaðan glæp.
• Ég undrast að þau skildu gera hann að vara forseta borgastjórnar til að hækka hann um 108 þúsund á mánuði
• Ég undrast að menn fái 220 þusund fyrir að mæta á 2 fundi.
• Ég undrast að menn fái 108 þúsund fyrir að vera varaforsetar Borgarstjórn ef það er rétt að þeir geri þar ósköp lítið og að forsetanefndin hittist nokkrum sinnum á ári.
• Ég skil heldur ekki afhverju að maður heyrir oft um að fólk sé að koma inn í borgar-/sveitastjórnir sem vara menn ef að borgarfulltrúar geta sem best sinnt starfi sínum í gegnum tölvur og síma.
• Ég skil ekki af hverju verið er að kjósa 15 borgarfulltrúa ef að þetta er svo lítil vinna að menn geti bara sinnt þessu sem aukaverki með fullu námi í útlöndum.
• Ég skil þá ekki heldur af herju verið er að borga þeim svona há laun fyrir lítið sem ekkert.

Gísli Marteinn: Ákveðinn misskilningur í gangi

Var engin vinna í gangi þarna fyrir norðan?!

Er það ekki rétt skilið hjá mér að allar þessir þættir sem umhverfisráðherra úrskurðaði að skildu skoða saman, voru háðir umhverfismati? Ætla menn að segja mér að vinna við þau möt hafi ekki verð komin vel á veg? Og ætla menn að segja mér að þessi vinna skili sér ekki í sameiginlegt mat? Er þetta ekki bara að taka saman orkuöflun, raflínur og byggingu álbræðslunar og seta upplýsingarnar í samhengi?

Finnst mönnum bara allt í lagi að leyfa byggingu t.d. álbræðslu, eða virkja á Þeysareykjum og svo kemur í ljós að engin álbræðsla verður og þá þarf kannski að leggja línur þvers og krus til að selja orkunna. Eða að þeystareykir geta ekki skaffað þá orku sem reiknað er með og þá þarf kannski að virkja einhverja náttúruperlu þar sem að álbræðslan er byggð og vantar orku.

Var ekki einhver sem sagði " Í upphafi skildi endinn skoða"

Harma úrskurð umhverfisráðherra

Héldu menn að Ólafur færi þegjandi?

Þó að mér hafi nú ekki fundist mikið til Ólafs koma sér í lagi eftir að hann rauf Tjarnakvartetin og blinda ást hans á Reykjavíkurflugvelli, þá finnst mér bara alveg eðlilegt að maðurinn ætli sér að fara burt úr borgarstjórastóli með látum. Þar með að afhjúpa ýmsar fyrirætlanir nýs meirihluta. Þau voru jú búin að vara við að ýmsar aðgerðir í haust yrðu ekki vinsælar.

Þetta fólk þarna í x D hafði auðsjáanlega haldið að Ólafur labbaði bara burt og mundi ekki segja orð meir. Þetta sýnir að þau hugsa ekki málin til hlýtar

áður en þau framkvæma. Þau hafa ekki reynslu af stjórnun eða pólitískt nef. Þau hugsa bara að komast að völdum og halda sér þar, Þó þau viti að þau eru ekki að ráða við verkefnið.

 Mér finnst alveg furðulegt að öllum finnist það eðlilegt að kjörinn borgarfulltrúi ætli sér að sitja áfram í borgarstjórn þó hann flytji erlendis í 1 ár. Það hafa komið prófessorar og aðrir og minnt á að nú sé til símar, fjarfundabúnaður og tölvur. Eru þessir góðu menn að halda því fram að það sé í lagi að stjórna bara borginni frá útlöndum? Menn hafa nefnt Ingibjörgu Sólrúnu sem fór erlendis í 4 mánuði og sat í stjórninni á meðan. En það er kannski skiljanlegra þar sem hún hafði verið borgarstjóri í 9 ár þar á undan. En það afsakar ekki neitt. En ég tel að kjósendur eigi heimtingu á því að fólk sem ákveður að fara erlendis kalli inn varamenn. Finnst það svo sjálfssagt að manni hafði ekki dottið í hug að svona gæti gerst. Hvað er að því að kalla inn varamann. Þetta er ger á Alþingi og telst vera gott fyrir varamenn að fá reynslu sem kemur þeim til góða í farmtíðinni.

Svona þýðir bara að Reykjavík er að borga fyrir nám þeirra sem nýta sér þetta.

Fjöldauppsagnir ekki á döfinni hjá borginni

Já var það ekki! Fórnarkostnaður við krónuna um 15 milljarðar vegna gjaldeyrissjóða

Já var það ekki! Með því að halda úti eigin smá mynnt þá verðum við eiga gjaldeyrisvarasjóð sem gæti kostað okkur almenna skattgreiðendur  um 15 milljarða á ári og væri bara til þess að bankar gætu fengið hagstæð lán erlendis.

Hvenær ætla menn að vakna hefja upptöku  EVRU [Og vinna að inngöngu í ESB]

Evran ákjósanleg

Hvað er Matthías Johannessen að hugsa

Ég var að lesa dagbókarfærslur sem Mattías er að birta á heimasíðu sinni www.matthias.is . Það er einmitt verið að fjalla um þetta t.d. www.visir.is í dag.

Þar er hann að vitna í einkasamtöl sín við Svavar Gestsson og lesningin er alveg rosaleg:

Hjörleifur sagði við Agnesi þegar þau voru samferða heim til Íslands og sátu saman í flugvélinni að Ólafur Ragnar Grímsson væri einskonar fjölmiðlafíkill og nú væri hann í réttu embætti því hann gæti ráðið því sjálfur hvenær hann væri í fjölmiðlum og hvenær ekki.
Hann væri sem sagt einskonar dagskrárstjóri sjálfs sín!!
Svavar talar um forsetann í svipuðum dúr. Hann segir að Ólafur hafi verið slæmur í peningamálum þegar hann var formaður Alþýðubandalagsins. Þá hafi hann haft Einar Karl Haraldsson að hjálparkokki. Hann hafi komið sér upp Visa-gullkorti í nafni Alþýðubandalagsins og notað það óspart.

„ Þegar Margrét Frímannsdóttir tók við flokknum bárust henni reikningar eins og skæðadrífa og hún vissi ekki sitt rjúkandi ráð. Það var viðskilnaður Ólafs Ragnars. Þegar Margrét tók við af honum skuldaði Alþýðubandalagið 53 milljónir króna! segir Svavar. Ólafur Ragnar gerði þá samning við Landsbankann um að Alþýðubandalagið fengi 107 milljón króna lán og greiddi það með þeim 20 milljón króna árlegum afborgunum sem það fékk í blaðstyrki frá Alþingi ár hvert. Þar var tekið fram að Alþýðubandalagið greiddi þetta meðan Þjóðviljinn kæmi út, en hann dó drottni sínum einu og hálfu ári síðar, svo að Landsbankinn varð að afskrifa skuldina sem eftir var!
Svavar segist sjá eftir því í aðra röndina að hafa hætt á Þjóðviljanum. Hann er sannfærður um að blaðið hefði ekki lagt upp laupana, ef hann hefði haldið þar áfram. Um það skal ég ekkert segja, en tel það þó harla ósennilegt eins og komið var.
Svavar segir að Össur Skarphéðinsson, Óskar Vigfússon og Mörður Árnason hafi verið handbendi Ólafs Ragnars á Þjóðviljanum á sínum tíma. Ég held hann mundi gefa þeim öllum falleinkunn. Ólafur Ragnar er með falleinkunn, svo mikið er víst."

Og seinna segir Mattías:

„Þegar Svavar talaði um að hann væri undrandi á því hvað fjölmiðlar hefðu þyrmt Ólafi Ragnari þótt þeir hafi vitað undan og ofan af þessu ósiðlega fjármálabraski hans, sagði ég við hann, að ég hefði ekki fyrr heyrt orð af því sem hann hefði sagt. Ég hefði aftur á móti heyrt ávæning af því hvernig Ólafur hefði komið skuldum vegna forsetaframboðs síns inn í lánastofnanir, eða öllu heldur Landsbankann. Og ég minnti hann á það upphlaup sem varð fyrir forsetakosningarnar þegar Sigurður Helgason og fleiri birtu auglýsingar um pólitískt siðleysi Ólafs Ragnars á undanförnum áratugum. Þá hlupu menn upp til handa og fóta, ásökuðu Morgunblaðið fyrir að birta slíkt efni. Hringdu í okkur eins og úlfar og kröfðust afsökunar "

Og síðasta tilvinnun er svakaleg:

„Davíð hafði aftur á móti verulegar áhyggur af öðru máli. Hann sagði að það hefði komið 15 milljón króna reikningur í skrifstofu sendiherra Íslands í Washington sem fyrsta greiðsla fyrir læknismeðferð forsetafrúarinnar í Seattle. Enginn hefði minnzt á þetta einu orði og þeir Halldór Ásgrímsson vissu ekki hvernig með skyldi fara. Ef neitað yrði að greiða þá yrðu þeir úthrópaðir sem illmenni og yrðu að segja af sér, en ef greitt væri kæmi að sjálfsögðu að því að slíkar greiðslur þyrfti einnig að inna af hendi fyrir þá sjúklinga aðra, sem minna mega sín. Hann ætlar víst að láta Tryggingastofnunina kanna þetta mál til hlítar og ræða það síðan við forystumenn stjórnarandstöðunnar svo að hann sitji ekki uppi með hneykslismál að lokum.

Samfylking í þessu máli sé eina ráðið til að komast að einhverri niðurstöðu, svo óþægilegt sem þetta væri. Þetta er að sjálfsögðu á fárra vitorði eins og margt annað í stjórnsýslu okkar sem bezt er að hafa sem fæst orð um. En sendiherra Íslands í Washington, Jón Baldvin Hannibalsson, var víst fljótur að senda reikninginn heim til Reykjavíkur og vísa ákvörðunum frá sér til þeirra háu herra sem landinu stjórna."

Hvet fólk til að lesa þetta inn á www.matthias.is . Þarna er t.d. ljóst að allar ákvarðanir innan Sjálfstæðisflokksins fóru fram á skrifstofum Moggans.

Er ekki viss um að Svavar Gestsson og fleir séu Mattíasi neitt þakklátir fyrir þessi skrif og þarna þarf að kanna annara manna hliðar á þessu máli.

Er ekki kominn tími til að gefa Sjálfstæðisflokknum bara frí frá valdastólum

Hef í kjölfarið á atburðum síðustu daga verið að velta fyrir mér hvort að það sé ekki að koma tími til að sjálfstæðiflokknum verið komið í frí frá völdum hér á landi. Þá á ég bæði við Borgina og í landsmálum.

Í borginni hefur hann sýnt vanmátt sinn svo um munar. Aðilar t.d. nú að þeir hafi ekki haft nóg samráð við framsókn í fyrra samstarfi þeirra. Gunnar Smári segir að endurskoðun á stjórnkerfi Reykjavíkur sé löngu tímabær og hafi í raun verið síðast gerð í tíð Þórólfs sem Sjálfstæðismenn hröktu frá völdum. Sjálfstæðismenn virðast vera fastir í gæluverkefnum eins og að reyna að koma velferðarmálum til einkaaðila og ekki lofar byrjunin þar góðu sbr. samningin sem þeir eru að reyna að koma á varðandi búsetu og þjónustu við fíkla. Man líka eftir svona verkefnum eins og þegar allt í einu átti að koma á 5 ára bekkjum í grunnskólum sem síðan reyndist alvarlega vanhugsað. Þá má nefna málefnasamninginn sem þeir gerðu við Ólaf F sem m.a. hefur kostað Reykvíkinga mörg hundruð milljarða. Nú í dag þegar nýr meirihluti ætlar að einbeita sér að atvinnumálum, byrja þeir á að gera samning við fyrirtæki frá Eystrasaltsríkjunum um byggingu skóla sem hefði skaffað um 100 störf. Þá má nefna að borgarfulltrúi telur það allt í lagi að þiggja 280 þúsund króna laun á mánuði fyrir að mæta á 2 fundi en vera að öðrul eyti í námi erlendis.

Sjálfstæðisflokkurinn á landsvísu er búinn að vera við völd síðan 1991. Þannig að ef fólk telur að ástandið hér fari versnandi er það alfarið vegna þess hvernig flokkurinn hefur mótað stefnunna og útfærstu hér síðustu 17 ár. Það er ekki eins og þeir hafi verið varaðir við hér í byrjun aldarinnar að verkefni af stærðargráðu Kárahnjúka og Reyðarál væru kannski of stór fyrir hagkerfið hér og mundi leiða til þenslu og síðar verðbólgu. Það var ekki eins og þeir væru ekki varaðir við að selja alla bankanna til fárra aðila sem ekki höfðu vit á bankarekstri gæti leitt til vandræða. Það var ekki eins og það væri ekki varað við því að það gæti verið hættulegt að lækka bindiskyldu bankanna gæti verið hættulegt til framtíðar.

Í raun hefur stjórn fjármála verið lítil sem engin og sjálfstæðismenn fylgt þeirri skoðun sinni sem mótuð var af Hannesi Hólmsteini að markaðurinn sjálfur mundi sjá til þess að stilla sig af.

Það er verið að pressa á að selja útlendingum aðgang að orkuauðlindum okkar á brunaútsölu á meðan að orkan allstaðar í heiminum er að hækka. Og þar fara sjálfstæðismenn fremstir.

Nú eru hugmyndir um ýmsa einkavæðingu líka hjá ríkinu í velferðar- og heilbrigðisþjónustu. Sem fólk hlýtur að átta sig á að til lengdar veldur því að við borgum mun hærri þjónustugjöld. Þó að lítið breytist í upphafi þá þekkjum við hvernig það verður. Ríkið semur við aðila um þjónustu, kostnaður hans eykst, ríkið er í aðhaldi, því verur viðkomandi leyft að hækka hlut sjúklings í formi hækkaðra komu/þjónustugjalda.

Væri ekki rétt að prófa í næstu kosningum hvort við gætum ekki átt:

Nokkur góð ár án Sjálfstæðisflokksins.

Við þurfu jú ekkert að hafa áhyggjur af hækjunni þeirra Framsókn hún deyr út.

Fólk uppsker eins og það sáir!

Þarf að halda því til haga næstu 16 mánuði hvernig Sjálfstæðisflokkurinn hefur hagað sér þetta kjörtímabil. Hann hefur skipt um skoðun á nær öllum málum bara til ná völdum og eins eftir því hvernig vindar blása. Hann tekst ekki á við vandamál nema að fólk sé búið að mótmæla ástandi og umræða komin í fjölmiðla. Þá hlaupa þau til og koma með tímabundnar lausnir svona til að þagga niður umræðuna í bili.

Fylgjast þarf með því hvað framsókn er að fá fyrir að gerast hækja Sjálstæðismanna. Hvað embætti og hvaða gæðingar komast að jötunni hjá Reykjavík

26,2% segjast styðja nýjan meirihluta

Svo að Óskar fór bara í samstarf við D- listann

Held að Óskar ætti nú bara að fara slappa af. Nú í dag er að koma í ljós að hin arfa vitlausu kaup á Laugavegi 4 og 6 voru ekki á vegum Ólafs heldur var það Vilhjálmur óð í þetta til að leysa Þorgerði Katrínu við að úrskurða um friðun.

Með þessu arfavitlausa fólki sem skipta D listann ætlar Óskar að starfa. Held að það verð helsta markmið þessa samstarfs að mylja undir verktaka sem og að afhenda þeim eignir borgarinnar til afnota eða eignar. T.d. er ljóst að þau ætla að aðstoða einstaklinga/fjarfesta með því að nota fé OR í fjárfestingar erlendis.

Verði honum að góðu!

Samfylkingin hafnaði nýjum Reykjavíkurlista

Furðuleg staða borgastjórnaflokks Framsóknar

Var að lesa eftirfarandi á www.eyjan.is  Þ.e að megnið af þeim sem voru framanlega á lista B-lista  2006 eru hætt.

Orðið á götunni er að óvenjulegt vandamál blasi við Framsóknarflokknum í Reykjavík ef Marsibil Sæmundardóttir, varaborgarfulltrúi stendur við yfirlýsingar sínar í Fréttablaðinu í morgun um að styðja ekki nýja meirihlutasamstarfið við Sjálfstæðisflokkinn. Hvorki fleiri né færri en fjórir af efstu sjö frambjóðendum B-listans við síðustu borgarstjórnarkosningar eru þá farnir fyrir borð - og er þá ekki tekin með í reikninginn sú staðreynd að Anna Kristinsdóttir afþakkaði sæti á listanum.

Marsibil Sæmundardóttir er nú fyrsti varamaður Óskars Bergssonar. Hún lenti í 4. sæti prófkjörs framsóknarmanna fyrir kosningarnar 2006. Óskar, sem nú er oddviti listans, lenti þar í þriðja sæti á eftir Birni Inga Hrafnssyni og Önnu Kristinsdóttur. Þau tvö eru ekki lengur starfandi - Anna sætti sig eins og fyrr sagði ekki við úrslit prófkjörsins en Björn Ingi sagði af sér í byrjun þessa árs eins og allir þekkja.

Í fimmta sæti prófkjörsins hafnaði Ásrún Kristinsdóttir, hönnuður. Hún skipaði svo fjórða sæti framboðslistans - þ.e. næsta sæti á eftir Marsibil. Orðið á götunni er að Ásrún sé nú búin að segja sig úr flokknum. Það hafi hún gert vegna óánægju með að hafa ekki fengið að takast á við nægilega mörg verkefni fyrir Reykjavíkurborg meðan Björn Ingi Hrafnsson var oddviti.

Í fimmta sæti framboðslistans var Steinarr Björnsson, læknir, en hann er fluttur úr landi og stundar nú nám í Svíþjóð.

Orðið á götunni er að það séu þess vegna horfur á því að frambjóðendurnir í 2. og 6. og 7. sæti B-listans verji vígið í nýja samstarfinu við Sjálfstæðisflokkinn. Sjötta sætið skipaði Helena Ólafsdóttir, knattspyrnukona og þjálfari KR, en þar á eftir er Gerður Hauksdóttir, mágkona formannsins Guðna Ágústssonar, en hún skipaði 7. sætið á B-listanum 2006.