Bíddu er Marsibill ekki bara sami varaborgarfulltrúi og áður. Hefur eitthvað breyst?

Maður verður nú að virða það við Marsibil Sæmundsdóttur að þora að taka afstöðu gegn vilja meirihluta flokksins í Reykjavík. En ég er ekki alveg að skilja hvað hún á við með því að vera á móti þessum meirihluta en komi til þess að hún þurfi að fara inn fyrir Óskar vegna forfalla þá ætli hún ekki að sprengja meirihlutann. Er hún þá ekki bara eins og hver annar varaborgarfulltrúi nema að hún ætlar ekki að starfa í nefndum?  Ég sé nú ekki betur

Hleypir spennu í sambandið

En á ný þessi Birtuvirkjun!!!!!!!!!!!!!

Muna menn ekki eftir þvi að Hvergerðingar lögðust eindregið gegn henni. Skipulagsstofnun hafnaði tillögum um hana m.a. með þessum orðum í niðurstöðu mats síns:

Það er niðurstaða Skipulagsstofnunar að bygging Bitruvirkjunar sé ekki ásættanleg vegna verulegra neikvæðra og óafturkræfra áhrifa á landslag, útivist og ferðaþjónustu. Um er að ræða lítt snortið, fjölsótt útivistarsvæði í nágrenni þéttbýlis/höfuðborgarsvæðisins og býr yfir stórbrotnu landslagi sem m.a. einkennist af fjölbreyttri hveravirkni. Fyrirhuguð Bitruvirkjun myndi breyta landslagsásýnd þessa lítt raskaða svæðis í ásýnd iðnaðarsvæðis.

Skipulagsstofnun telur ljóst að upplifun ferðamanna innan áhrifasvæðis Bitruvirkjunar myndi gerbreytast þegar horft er til umfangs fyrirhugaðra framkvæmda og þeirra ásýndarbreytinga sem þær hefðu í för með sér. Stofnunin telur að í ljósi þess yrði ferðaþjónusta og útivist eins og hún er stunduð í dag samkvæmt framlögðum gögnum ekki lengur möguleg innan áhrifasvæðis virkjunarinnar. Stofnunin telur að ráða megi bæði af umfjöllun í matsskýrslu sem og í umsögnum og athugasemdum að um verði að ræða mikil neikvæð, óafturkræf og varanleg áhrif á ferðaþjónustu og almenna útivist vegna breyttrar ásýndar svæðisins og verulegs ónæðis af völdum hávaða bæði á framkvæmda- og rekstartíma.

Stofnunin telur að ekki sé gerlegt að draga úr neikvæðum umhverfisáhrifum framkvæmdarinnar á framangreinda umhverfisþætti með mótvægisaðgerðum þannig að hún teljist ásættanleg.

Þá telur stofnunin ljóst að ef litið er til samlegðaráhrifa Bitruvirkjunar með núverandi virkjunum, háspennulínum og fyrirhugaðri virkjun við Hverahlíð á Hengilssvæðið í heild sinni, nái þessi áhrif á landslag, útivist og ferðaþjónustu til enn umfangsmeira svæðis og áhrifin verði að sama skapi umtalsvert meiri og neikvæðari. Skipulagsstofnun telur ljóst að með auknu raski á Hengilssvæðinu fari verndargildi lítt snortinna svæða þar vaxandi.

Varðandi áhrif Bitruvirkjunar á aðra umhverfisþætti þá liggur fyrir að mikil óvissa er um áhrif á jarðhitaauðlindina, áhrif á loftgæði ráðast alfarið af virkni hreinsibúnaðar fyrir brennisteinsvetni sem fyrirhugað er að koma upp og áhrif á grunnvatn ráðast af því að skiljuvatni verði veitt um fóðraðar niðurrennslisholur niður fyrir grunnvatnsborð.

Óvissa er um breytingar á yfirborðsvirkni á áhrifasvæði virkjunar á Bitru. Skipulagsstofnun telur að komi til aukinnar virkni geti það leitt til neikvæðra áhrifa á jarðmyndanir, örverulíf hvera, gróður og smádýralíf.

Framsóknarfélög styðja Óskar

Óperuhúsið enn og aftur

Var að kíkja á þessa mynd af óperuhúsinu. Það er nokkuð ljóst að byggingin er ekki neinu samræmi við drögin sem Gunnar kynnt fyrir síðustu kosningar. Þetta hús kemur til með að verða eins og því hafi veri troðið þarna í borgarholtið og kemur til með að skyggja á kirkjuna sem er helsta kennileyti Kópavogs og prýðir m.a. merki bæjarins. Skil ekki þessa meinloku að vilja endilega troða þessu húsi þarna. Kemur til með að þrengja að Gerðasafni, Bókasafni, Salnum og tónlistaskólanum. Um leið verður þarn umferðaöngþveiti þegar viðburðir verða í þessum húsum samtímis.

Eins þá velti ég fyrir mér hversu mörgum milljörðum Kópavogur ætlar að kosta í þetta. Mér skilst að bærinn hugsi dæmin sjaldan til enda. Þannig var ég nú að heyra að þeir sem reka Kórinn knattspyrnuhús séu komnir í vandræði með leiguna á þvi og séu komnir í skuld við bæinn.

Tillaga Arkþings hlutskörpust í Kópavogi

Marsibil Sæmundardóttir varamaður Óskars Bergssonar styður ekki meirihlutann

Sama vitleysan komin upp aftur.

Af www.visir.is

Marsibil Sæmundardóttir, varaborgarfulltrúi Framsóknarflokks, styður ekki meirihlutasamstarf við Sjálfstæðisflokkinn. Hún gerði Óskari Bergssyni borgarfulltrúa grein fyrir þessu í gærdag, áður en hann gekk til viðræðna við sjálfstæðismenn.

Marsibil ætlar að starfa áfram sem varaborgarfulltrúi, en segir að í ljósi stöðu sinnar sé óráðið hvort það verði fyrir Framsóknarflokkinn eða ekki. Fram kom í fjölmiðlum í gær að Óskar Bergsson reiknaði með samstarfi við hana.

Formennirnir voru kjölfestan

Allir að tala um að nú verð farið að vinna að Bitruvirkjun aftur - Er fólk orðið svona gleymið?

Skipulagsstofnun hafnaði byggingu Bitruvirkjunar. Hvergerðingar voru brjálaðir yfir því að fá þessa virkjun í næsta nágreni við sig. Í frétt á www.mbl.is frá þessu tíma segir m.a.

Innlent | mbl.is | 19.5.2008 | 14:23

Bygging Bitruvirkjunar óviðunandi

Skipulagsstofnunar að bygging Bitruvirkjunar sé ekki viðunandi vegna verulegra neikvæðra og óafturkræfra áhrifa á landslag, útivist og ferðaþjónustu. Segir í áliti Skipulagsstofnunar að fyrirhuguð Bitruvirkjun myndi breyta landslagsásýnd þessa lítt raskaða svæðis í ásýnd iðnaðarsvæðis.

Skipulagsstofnun segir, að um sé að ræða lítt snortið, fjölsótt útivistarsvæði í nágrenni þéttbýlis/höfuðborgarsvæðisins. Það búi yfir stórbrotnu landslagi, sem m.a. einkennist af fjölbreyttri hveravirkni. Fyrirhuguð Bitruvirkjun myndi breyta landslagsásýnd þessa lítt raskaða svæðis í ásýnd iðnaðarsvæðis. 

Orkuveita Reykjavíkur hefur áformað að reisa nýja jarðgufu/varmavirkjun á Bitrusvæðinu sem geti nægt til allt að 135 MW rafmagnsframleiðslu. Virkjunarsvæðið er að mestu í Sveitarfélaginu Ölfusi en að hluta innan Grímsness- og Grafningshrepps.

Um er að ræða ramkvæmdir sem samanstanda af mörgum framkvæmdaþáttum á um 285 hektara skilgreindu framkvæmdasvæði. Samkvæmt matsskýrslu eru markmið með fyrirhugaðri framkvæmd að mæta aukinni eftirspurn atvinnuvega eftir raforku. Áætlað var að hefja framkvæmdir á þessu ári og að raforkuframleiðsla hæfist árið 2011.

Álit Skipulagsstofnunar í heild 

Af hverju spurði engin Alfreð í Kastljósi og fleir sem talað hafa um þetta í dag, út í þetta mál. Þessari framkvæmd var hafnað af skipulagsstofnun.

 

Svandís segir ástandið í borginni snúið

Og hér er málefnasamningurinn sem þau höfðu áður

Ekki er þetta nú merkilegt plagg frá 2006 og ég sé ekki margt í þessu til að byggja á sem talist getur nýtt. Þessu átti nú að vera lokið eða hafið löngu áður en meirihlutinn D og B sprakk þarna:

HUGSUM STÓRT, HORFUM LANGT OG BYRJUM STRAX!

Málefnaáherslur nýs meirihluta í borgarstjórn Reykjavíkur

MÁLEFNI ELDRI BORGARA

Eftirfarandi verkefni hefjast strax:

• Undirbúningur að byggingu 300 nýrra leigu- og þjónustuíbúða á

kjörtímabilinu.

• Áætlun um bætta heimaþjónustu og fjölgun dagvistarrýma liggi fyrir í haust.

• Undirbúningur að umtalsverðri fjölgun hjúkrunarrýma á kjörtímabilinu.

• Samráðshópur um málefni eldri borgara tekur til starfa á næstu vikum.

FJÖLSKYLDUMÁL

Eftirfarandi verkefni hefjast strax:

• Lækkun gjalda á fyrsta skólastiginu – 25% lækkun leikskólagjalda 1.

september og eitt fjölskyldugjald. Gengið verði til viðræðna við ríkisvaldið um

mögulega þátttöku í fjármögnun á frekari lækkun leikskólagjalda.

• Leitað verði leiða til að brúa bilið frá því fæðingarorlofi lýkur og þar til

leikskólinn hefst.

• Gengið til samninga við dagforeldra um stuðning til að tryggja framboð

þjónustu.

• Undirbúningur að stofnun smábarnadeilda við minnst einn leikskóla í hverju

hverfi.

• Frístundakort til allra barna í framhaldi af viðræðum við íþróttafélög og

félagasamtök um tilhögun.

• Framkvæmdaáætlun um samræmingu skóla- og tómstundastarfs lögð fram í

haust.

• Viðræður við lögregluyfirvöld um aukið öryggi í borginni hefjast í sumar.

Útideild taki aftur til starfa og áhersla á forvarnir verði aukin.

• Áætlun um endurbætur á öllum skólalóðum liggur fyrir í haust.

• Grunnskólum í borginni og foreldrafélögum verði kynntir kostir þess að taka

upp skólafatnað til þess að efla samstöðu, draga úr einelti og mismunun vegna

efnahags.

• Gæsluvellir opnaðir að nýju í áföngum.

SKIPULAGS- OG SAMGÖNGUMÁL

Eftirfarandi verkefni hefjast strax:

• Aukið framboð fjölbreyttra lóða, sérstaklega sérbýlishúsalóða, strax á þessu

ári.

• Skipulag nýrra hverfa – Geldinganes, Úlfarsfell, Örfirisey, Vatnsmýri.

• Lóðauppboð afnumið sem almenn regla í nýbyggingarhverfum.

• Áætlun um uppbyggingu í miðborginni liggur fyrir í haust.

• Ákvörðun um framtíðarstaðsetningu innanlandsflugvallar tekin á

kjörtímabilinu.

• Ákvörðun um legu Sundabrautar tekin á þessu ári, hönnun og framkvæmdir

hefjast í kjölfarið.

• Framkvæmdum vegna mislægra gatnamóta Kringlumýrarbraut/Miklabraut

verði lokið á kjörtímabilinu.

UMHVERFISTENGD VERKEFNI

Eftirfarandi verkefni hefjast strax:

• Hreinsunar- og fegrunarátak í hverfum borgarinnar hefst í júlí.

• Aðgerðir til að fjölga tækifærum íbúa til útivistar í borginni hefjast strax í

sumar.

• Gerð verði tilraun til að efla almenningssamgöngur með ókeypis strætó fyrir

tiltekna hópa.

Sem sagt ný andlit sömu flokkar.

Hanna Birna borgarstjóri

Hvernig vissu þá allir í gær að sjálfstæðismenn væru að mynda meirihluta með framsókn

Fyrirgefið ég er bara ekki að kaupa það að þau hafi ekki verið búin að ræða saman áður! Það er skrýtið ef að maður heyrir fréttir í gær um þetta mál eins og það sé frágengið, en nú allt í einu eru þau bara að tala saman. Ætla menn að segja mér að Sjálfstæðisflokkurinn slíti samstarfinu við Ólaf láti borgina vera í limbói í dag bara svona upp á von og óvon. t.d. ef að þetta hefði nú verið rétt um Tjarnakvartettinn þá væru þau á leið í minnihluta.

Nei ég er ekki að kaupa þetta.

Hanna Birna og Óskar á fundi

Seinheppinn eins og vanalega hann Ólafur

Hann sleit samstarfi Tjarnakvartettsins eftir 100 daga. Bíður svo aftur að stíga til hliðar og hleypa Margréti að. Og svo til að kóróna vitleysuna er nú aftur komið á sama stjórn og byrjaði kjörtímabilið. Og nú byrjar væntanlega aftur undirbúningur að Bitruvirkjun og niðurrif húsa við Laugarveg. Allt það sem hann greyið barðist á móti.

Ekki þar fyrir að ég skil ekki Framsókn sem hefur upplifað bæði að geta ekki starfað með Sjálfstæðismönnum og slitu því samstarfi og svo komu Sjálfstæðismenn og rugluðu í Ólafi þannig að þá var 100 dagstjórnin fyrir bí og það bitnaði á framsókn eins og hinum. Og nú þá hleypur framsókn í samstarf við þessa gemlinga í Sjálfstæðisflokknum í borginni sem haga sér eins og smá börn og kunna alls ekki að stjórna. Þau hlaupa til að redda hverju málinu á fætur öðru fyrir horn en leysa engin vandamál.  [korpuskóli, brunarústir við Austurstræti, Laugarvegur á mörgum stöðum, málunarátak, strætó og fleira og fleira]

Ólafur vildi Tjarnarkvartett

Óskar strax staðinn að fyrst lyginni

Maðurinn sagði nú síðast í morgun að ekki hefðu verið neinar viðræður um myndum meirihluta Framsóknar og Sjálfstæðismanna! Og viti menn það eru ekki margar klst. liðnar síðan hann sagði þetta og maðurinn á leið í samstarf við Sjálfstæðisflokkinn.

Finnst þetta nú ekki lofa góðu fyrir Reykvíkinga. Held að framsókn fái nú frjálsar hendur að koma vinum sínum á jötuna hjá borginni.

Nýr meirihluti að fæðast

Nú er kannski við hæfi að nefna Slippreitinn.

Þegar að sjálfstæðismenn núna huga aftur að samstarfi við Óskar framsóknarmann er kannski rétt að rifja upp þegar að Björn Ingi réð hann til að hafa eftirlit með framkvæmdum við Slippreitinn. Þar átti hann að fá 450 þúsund fyrir 40 tíma vinnu á mánuði. Þetta fannst þeim báðum allt í lagi.

Því er spurning hvað Sjálfstæðismenn bjóða Óskari nú ef hann kemur til samstarfs?

Samstarfið á „endastað"