Gætt að þvi hvað þú gerir maður!

Held að Einari og fleirum á Alþingi ættu nú heldur að halda sig á mottunni. Væri ekki vit hjá þeim að fá til sín sérfræðinga og kanna hvaða möguleika við eigum áður en við ögrum Bretum og Hollendingum aftur. M.a. hefur maður heyrt t.d.

• EES samningurinn hafi hangið á bláþræði. Komumst við af án hans?
• Engin þjóð í EES eða ESB hafi viljað stand með okkar málstað. Hvað gerum við þá?
• Bretar og Hollendingar hafi neitað að fara með þetta fyrir dóm. Og í milliríkjadeilum er ekki hægt að stefna örðulandi í svona deilum nema að bæði samþykki. Og hver verður staða okkar þá.

Og þá bendi ég þessum ágætu Alþingismönnum á að ef þeir skrifa ekki undir ríkisábyrgð á þessu láni þá eru þeir orðnir ábyrgir fyrir framtíð okkar. Ef hér kæmi upp efnahagsþvinganir frá Bretum og Hollendingum þá er engin þjóð sem stæði með okkur sem hefur einhver áhrif.

Þetta þurfa þingmenn að hugsa út í. Fáið færa sérfræðinga til að fara yfir þessi atriði vel með ykkur. Ef þeir segja að við eigum von á:

• Betri samningum. Sem maður hefur litla trú á. Held að Bretar sem fallast þarna á ákveðna málamiðlun sú tilbúnir að byrja aftur upp á nýtt. Og sérstaklega ekki nú þegar kosningar nálgast hjá þeim. Þá er einmitt tími fyrir Brown og co að sína mátt sinn og meginn og við yrðum "Falklandseyja" björgun þeirra.
• Þurfa ekkert að borga: sem mér finnst enn ótrúlegra.
• Að við getum fengið lægri vexti. Nú eru líkur á að Breska stjórnin þurfi að taka lán til að lána okkur. Mér skilst að þeir séu að fá lán á tæplega 4,5% vöxtum. Manni skilst að 1% álag sé með því allra minnsta sem gerist.

En ef að eitthvað af þessu er hægt að bæta þá endilega að drífa sig.

En að hafna samkomulaginu af því að menn halda kannski að hægt sé að fá eitthvað annað er algjört glapræði. Og þar með yrðu þeir þingmenn sem greiða atkvæði gegn þessu orðnir persónulega ábyrgir fyrir þeim ótíðindum sem þessu fylgdu.

„Fullkomin óvissa um Icesave-samninginn"

Heimsýn ætti nú kannski að segja okkur hvað framtíðarsýn hún hefur fyrir okkur!

Við vitum að þeir eru á móti aðild að ESB. Þeir koma líka með spurningar þar sem fólk þarf virkilega að hugsa sig um hveru þau eru að svara! Þetta á við um fyrri könnun þeirra líka.

• En hvaða framtíðarsýn boðar Heimsýn okkur?
• Hvað á að gera varðandi gjaldmiðil?
• Hvað á að gera varðandi laskaðan Seðlabanka?
• Hvað á að gera til að koma hér á efnahagslegu jafnvægi til framtíðar.
• Og hvernig við verðum virk í að móta framtíðina í Evrópu sem skiptir okkur jú máli verandi í miklu samstarfi við þau lönd.

 Væri ágætt að fara að heyra eitthvað um það. Er búinn að fá upp í háls af málflutningi þeirra um að ef við göngum í ESB missum við fullveldi okkar, vondir menn komi og steli orkunni okkar og fiskinum okkar og eyðileggji landbúnaðinn. Þeir hafa hingað til ekki getað nefnt mörg dæmi um það frá öðrum löndum. Nema skoðanir einhverja öfgamanna.

Meirihluti vill þjóðaratkvæði um aðildarumsókn

Vek athygli á dugnaði Talsmanna Neytenda

Það kom fram í fréttum að Talsmaður Neytenda er nú búinn að kynna hugmyndir sínar fyrir bönkum og fjármálafyrirtækjum sem þau hafa tekið vel í. En hugmyndin er á þann vega að bankar skipi gerðardóm sem taki höfuðstól lána til einstaklinga og afskrifi eftir einhverju kerfi. Þannig viðurkenni bankar væntanleg afföll á lánum sem verði hvort eð er. Þetta kerfi gengur út á að bankarnir geri þetta sjálfir án kostnaðar fyrir ríkið.

Og skv. því sem maður les á pressan.is eru bankar að skoða þetta. Það kom líka frétt á bylgjunni um að bankar hefðu tekið vel í þetta. En fréttin ekki komin inn á www.visir.is ennþá

Nærri 19 þúsund á vanskilaskrá

Gunnar bara skilur þetta ekki!

Gunnar talar um að dóttir hans eigi ekki að líða fyrir það að vera dóttir hans. Fyrir utan að greiðslur eru vafasamar þá er bara með öllu óeðlilegt að fyrirtæki dóttur bæjarstjóra og áður forseta bæjarstórnar sé að fá verk án útboðs.

Það er bara því miður að ættingjar verða að líða fyrir tengsl við bæjarstjóra. Öll viðskipti verða háð gagnrýni. En Gunnar lítur held ég á Kópavog sem verktakafyrirtæki sem hann sem bæjarstjóri getur farið með að vild. Og eðlilegt að hann ráðstafi bæjar málum eftir sínum duttlungum

En það voru athyglisverð viðbrögð Ómars Stefánssonar forseta bæjarstjórnar. Það er eins og hann sé að undirbúa stjórnar slit:

„Þetta eru ekki vinnubrögð sem við framsóknarmenn kærum okkur um að séu stunduð í Kópavogsbæ,“ segir Ómar.

og einnig

„Hvernig er með bókhaldið gagnvart öðrum fyrirtækjum? Er víða pottur brotinn eða er þetta bara um þetta eina fyrirtæki,“ spyr Ómar þegar hann er spurður út í það hvað þetta þýði fyrir bæjarstjórnarsamstarf Framsóknarflokksins og Sjálfstæðisflokksins í Kópavogi.

Ómar segir að boðað verði til fulltrúaráðsfundar eins fljótt og hægt er  og þar verði staðan rædd. Þá hefur hann ekki náð að ræða málið við Gunnar I. Birgisson, bæjarstjóra Kópavogs vegna málsins.

Sé ekki hvað ég hef gert rangt

Vá vanskil aukast um 0,04%

Held að fréttamenn ættu kannski að hringja í Íbúðarlánasjóð og fá betir upplýsigar en að lepja bara upp eitthvað úr fréttatilkynnigu þeirra. Þá t.d. hefðu þeir vitað að vanskil nú eru langt frá því að vera þau mestu. T.d. las ég frétt frá 2003 á www.ils.is þar sem segir að vanskil séu í sögulegu lámarki og þá eru þau 0,30% af heildarútlánum. Þannig að vanskil hafa þá væntanlega verið enn hærri árin þar á undan.

0,14% er það ekki um það bil 1500 til 2000 lán af öllum þeim fjölda sem skuldar íbúðalánasjóði.

Vanskil aukast hjá Íbúðalánasjóði

Þetta eru nú kannski svona aðeins ýktar fréttir.

Það er staðreynd að alltaf þegar hér hefur aðeins harnað á dalnum í atvnnumálum þá hafa Íslendingar leitað tímbundið í vinnu í Noregi. En þessi frétt hljómar eins og nú sé einhver ógurlegur fjöldi. Get ekki séð það. Hér eru tölur sem ég fann á www.hagstofa.is

Íslendingar streyma til Noregs

Var að skoða þessar tillögur og ég er bara sammála þeim að mestu

Var að skoða þessar tillögur Sjálfstæðismanna og verða að segja að í stórum þáttum eru þær held ég bara raunhæfar. Enda þegar maður les þær yfir þá eru þær í höfðuatriðum það sem stjórnin hefur veirð að stefna að. Engar óraunhæfar tillögur um flata lækkun lána eða neitt svoleiðis. Held að þetta sé flott útspil hjá þeim.

Held reyndar að þessi draumsýn þeirra um að hægt sé að stækka skattagrun í stað þess að hækka álögur skili ekki nógu.

Endurskoðun peningastefnunnar, athugun á framtíðarfyrirkomulagi gjaldeyrismála og upptöku annarrar myntar, þar með talið könnun á kostum og göllum aðildar að Myntbandalagi Evrópu, verði framkvæmd af utanaðkomandi sérfræðingum. Þessari vinnu verði lokið fyrir 1. október 2009.

Þetta held ég að sé bara sett inn til að tefja ESB umræðunna.

Annars fínar og raunhæfar tillögur.

Sjálfstæðisflokkurinn leggur fram efnahagstillögur

Ekki nokkur leið að fá Sigmund til að segja neitt um hvernig við ættum að leysa þetta mál.

Svona af því að Sigmundur er að rukka um svör og benda á aðrar leiðir þá væri nú ágætt að hann gæti svarað einföldum spurningum!

Í Kastljósi í kvöld var hann þráspurður um hvaða dómstóll ætti að taka þessa deilu okkar fyrir skv. Dómstólaleiðinni. Hann svaraði því aldrei. Honum var bent á að samningsaðilar hefðu neitað gerðardómi, neitað að málið færi fyrir breskan dóm. Nú og ekki fer þetta fyrir ESB dómstól. Hann svaraði bara út í hött eitthvað á þá leið að þetta ætti bara fara fyrir einhvern dómsstól. Síðan væri bara málið að fella heimild til ríkisábyrgðar og semja aftur! Hvað heldur hann að samningsaðilar okkar séu? Honum var bent á að allar aðrar þjóðir litu svo á að við ættum að standa við þessar skuldbindingar.

Hann talaði um ómögulega vexti Honum var bent á að skuldatryggingar álag okkar er milli 6 og 700 punktar. Sem þýðir um 7% vextir ofan á grunnvexti. En hann fer að tala um að við hefðum átt að senda fólk út um allt til að tala okkar máli. Framsókn var nú ekki hrifið af því að Ingibjörg og síðar Össur færu erlendis að tala okkar máli í haust. Talað um að þau ættu að vera hér og vinna! Það er líka spurning hvaða málstað við áttum að tala fyrir þegar að strax í upphafi lá fyrir að flest öll og síðar öll lönd Evrópu og fleiri voru sama sinnis og Bretar og Hollendingar.

Í kvöld sá maður Sigmund sem algjöran kjaftask. Og í dag sló ég upp Ólafi Elíassyni frá indefense hópnum  sem í dag virtist tala af mikilli þekkingu um hvað við hefðum átt að gera. Hélt að hann væri sérfræðingur í alþjóðasamningum eða lögum. EN skv google.is  er hann ekki sérfræðingur nei hann er listamaður - tónlistarmaður held ég.

Blekkingar, heimska og hótanir

Auðvita voru við kúguð til að til að skrifa undir.

Hvað héldu menn! Að við gætum unnið áróðursstríð við við Breta? Aðvið hefðum efni á að standa í ára eða áratugastríði við Breta Hollendinga og fleiri? Það hefði lítið tekið á þessar þjóðir þær höfðu allar aðrar þjóðir studdu þær og þetta eru ekki svo háar upphæðir fyrir þau. En málið var að ef við hefðum haft okkar fram þá hefði verið hætta á kerfisfræðilegu hruni víða um Evrópu. Svo við vorum kúguð. Og áróðursstríð hefði ekki dugað.

Við erum 300 þúsund manna þjóð svo við vorum dæmd til að verða kúguð til að hlýða. Og þetta er ekki hægt að bera saman við Þorskastríðin. Þau snérust um allt annað.

Og svo væri rétt að  Sigmundur reyndi að skoða hvað hefði kostað okkur að standa í nokkra ára málaferlum við Breta með allar eigur okkar í Bretlandi frosnar.

Og all flest ríki á sömuskoðun og Bretar og Hollendingar. Við áttum okkur ekki viðreisnar von. Ef að hér hefðu ekki allir bankar hrunið og þjóðin samstæð hefði verið grundvöllur fyrir baráttu en ég held að margir hefðu ekki veirð tilbúnir að leggja á sig þær fórnir sem þessu hefðu fylgt. Við hefðum upplifað að fá enga aðstoð frá IMF, Norðurlöndum, ESB þjóðum. Og því hefðum við orðið að harka hér um tíma (einhver ár) án þess að hafa aðgang að ýmsum vörum. Við hefðum væntanlega ekki komið bönkum í gang og gerð hefði verið lögfræði árás á okkur vegna

• Icesave
• Neyðarlaga
• Eins frá kröfuhöfum

Þannig að við hefðum sennilega misst bankana í stopp. Og það var það sem allir vöruðu okkur við að láta ekki gerast.

Hvert klúðrið hefur rekið annað

Fólk fljótt að gleyma!

Voru kröfu Breta og Hollendinga ekki í upphafi að í ljósi yfirlýsinga um ábyrgðir á innistæðum í Íslenskum bönkum að við ættum þar með að borga allar innistæður einstaklinga og fyrirtækja í IceSave. Mig minnir það. Eins hef ég  heyrt að fyrra samingsdrögin hafin verið upp á 6,7% og að ríkð tækji strax lán fyrir öllu draslinu.

Og hvað á fólk við með "þar til bærum dómstól"?

Væntanlega er fólk að tala  um breskan dómstól þar sem að reikningarnir voru í Bretlandi. Og þá má t.d. vísa í þessa gein varðandi stöðu okkar gegn hryðjuverkalögunum t.d.

Hins vegar veitir ensk löggjöf stjórnvöldum mikið svigrúm og væri mjög erfitt að fá ákvörðun breskra yfirvalda hnekkt fyrir breskum dómstól. Gildir þá einu hvort íslenska ríkið, eða aðrir sem hagsmuna eiga að gæta, höfða slíkt mál.

(úr skýrslu Lovells LLP, Sem leitað var til vegna hugsanlegrar málhöfðunar vegna kyrrsetningar eigna Landsbankans)

Margir skrá sig gegn Icesave