Leita í fréttum mbl.is

Bloggfærslur mánaðarins, maí 2010

Vg er kerfisbundið að eyða sjálfum sér.

Bendi fólki á frábæra færslu Gríms Atlasonar þar sem hann hittir naglann beint á höfuðið. Hann segir m.a.

VG er flokkur sem hefur logað í deilum síðustu misseri. Margir hafa misst trúna á starfhæfni flokksins enda virðist fólk meira og minna ósammála innbyrðis. Það væri kannski í lagi ef fólk deildi innbyrðis ef það leiddi síðan málin til lykta. Það er heilbrigt að deila en það er óheilbrigt að ræða aldrei við þann sem þú deilir á. Lilja Mósesdóttir og nokkrir félaga hennar virðast ekki rætt deilur sínar nema í gegnum fjölmiðla. Þess vegna lekur fylgið af VG – Magma var bömmer en fylgishrun í borginni tengist Magma lítið sem ekkert

Og síðar í færslunni segir  Grímur:

Hvers vegna ætti fólk að kjósa VG? Fyrir hvað stendur flokkurinn? Er flokkurinn þjóðernissinnaður íhaldsflokkur? Frjálslyndur félagshyggjuflokkur? Grænn umbótaflokkur eða eitthvað annað?  Það er of stórt gat í hugmyndafræðinni sem aftur ruglar fólk í ríminu. Það er ekki bara nóg að segja: Við erum hrein og bein og sváfum ekkert hjá fyrir hjónaband. Það dugar bara einu sinni – núna þarf flokkurinn að sýna hvað í hann er spunnið. Þjóðin verður að fá að sjá að þarf fari flokkur sem getur leyst úr sínum málum. 

Þvílík vonbrigði að horfa upp á þessa vitleysu!

Þarna segir Grímur akkúrat það sem ég hef verið að hugsa í dag við að lesa um upphlaup Lilju í dag og síðustu daga.


mbl.is Finna þarf fleira en niðurskurð
Tilkynna um óviðeigandi tengingu við frétt

Væri gott ef að einhver skýrði þetta betur út fyrir okkur!

Með því að skattleggja inneignir í séreignarsparnaði er væntanlega verið a taka um 37% af inneignum í þessum sjóðum. Og af því sem þar verður greitt inn. Þetta eru skattar sem hefðu komið síðar vegna úttekta úr þessum sjóðum. Hvernig komum við til með að bæta fyrir þær tekjur næstu áratugina sem þá koma ekki i þar sem þegar er búið að skattleggja þær. Verður þetta ekki til þess að fólk reynir að flytja séreignarsparnað á almenna reikninga þ.e. hætta að leggja fyrir því að þar bera þessir aurar bara 18% fjármagnstekjuskatt og mótframlagið verður nánast ekki neitt þar sem að 37% er tekið af þessu í tekjuskatt og útsvar.

Ef þetta er samt hægt þá væri það fínt en ég held að fólk verði nú fyrir áfalli þegar að ríkð tekur strax um 37% af öllu sem það hefur safnað í eeinu út. Og ef að þetta yrði t.d. til þess að ríkð þurfi næstu 10 árin að skera niður til að mæta minna skattfé sem hefur þegar verið greiddur þá er spurning hvort að betur sé heima setið en af stað farið. Kannski hægt að fara einhvern milliveg. En sé ekki hvernig að hægt sé að mjólka þetta án þess að þetta kerfi líði undir lok.


mbl.is Segir sig úr ríkisfjármálahópi
Tilkynna um óviðeigandi tengingu við frétt

Skil fólk ekki í Reykavík

Á maður að trúa þessu að fólk sem býr í Reykjavík sé tilbúið að kjósa flokk til valda sem upprunalega var stofnaður skv. oddvita hans sem leið til að skapa honum þægilega innivinnu með aðstoðarmann og til að geta gert vinum sínum greiða? Eða eru íbúar sem svara könnunum bara að grínast í okkur?

Er það virkilega að fólk bara svona án þess að hika er tilbúið að afhenda þessum flokki allt skattfé sitt og treysta að þau fari ekki með Reykjavík til andskotans? Maður hefði skilið þó að þessi flokkur hefði fengið óánægju fylgi kannski allt að 20% en þetta er hætt að vera fyndið. Enda má sjá að þau í nýju stefnuskrá sinni ætla að láta starfsmenn borgarinnar bara redda þessu sbr.

Hjá Reykjavíkurborg vinnur fullt af góðu og hæfu fólki. Við viljum leyfa því að sinna sinni vinnu án truflunar frá stjórnmálamönnum.

Maður spyr sig þá í framhaldi af hverju þá stjórnmálamenn yfir höfuð? Það er óvart þannig með allt að eftir höfðinu dansa limirnir. Og óvart er það þannig að það eru stjórnmálamenn sem leggja línurnar en síðan getur verið gagnkvæmt samstarf milli starfsmanna og stjórnmálamanna.

Ég skil ekki af hverju að Bestiflokkurinn færi allt þetta fylgi en síðan er Reykjavíkurlisti sem hefur afnám Reykjavíkurflugvallar á sinni stefnuskrá og hefur rökstutt að Reykjavík hagnast um milljarða á því um leið og borgin verður mun betri þar sem hún hættir að teyjast út um leið og miðbærinn verður mjög spennandi, en þeir fá ekkert fylgi.

 


mbl.is Besti flokkurinn með 8 fulltrúa?
Tilkynna um óviðeigandi tengingu við frétt

Skrautlegt útlit í Reykjavík

Var að lesa á www.dv.is eftirfarandi:

„Mér fannst baráttumálin vera góð en þegar maður getur ekki, samkvæmt eigin sannfæringu, unnið að þessu á réttan hátt þá finnst mér réttast að ég dragi mig í hlé,“ segir Bryndís Torfadóttir, sem skipar annað sætið á H-lista Ólafs F. Magnússonar fyrir komandi borgarstjórnarkosningar.

Þó svo að Bryndís skipi annað sæti listans ætlar hún sér ekki að starfa með honum í aðdraganda kosninganna eða af þeim afstöðnum. Bryndís tilkynnti félögum sínum á H-listanum þetta í tölvupósti í kvöld. Í bréfinu kemur einnig fram að dóttir hennar, Anna Kristina Rosenberg, ætli ekki heldur að starfa með listanum.

Samkvæmt lögum hefði Bryndís þurft að tilkynna þetta fyrir áttunda maí síðastliðinn en hún lét Ólaf F. Magnússon, oddvita listans í Reykjavík, vita þann tólfta þessa mánaðar. Í samtali við DV.is segist Bryndís hafa talið að það hefði dugað en í morgun, þegar fulltrúar H-listans komu saman í Ráðhúsinu til að fara yfir og staðfesta listann, kom það henni spánskt fyrir sjónir að nafn hennar var enn á listanum.

Svo las ég stefnumál besta flokksins:

Okkar stefnumál eru bestu stefnumálin…

 

1. Hjálpa heimilunum í landinu
Fjölskyldan er það besta í samfélaginu. Stjórnvöld þurfa að mæta þörfum og kröfum heimilana. Reisa þarf járnbenda skjaldborg um heimilin í landinu. Íslensk heimili eiga aðeins skilið það besta.

2. Bæta kjör þeirra sem minna mega sín
Við viljum allt það besta fyrir svoleiðis lið og bjóðum því ókeypis í strætó og sund þannig að maður geti ferðast um Reykjavík og verið hreinn þótt maður sé fátækur eða eitthvað að manni.

3. Stöðva spillingu
Við lofum að stöðva spillingu. Við munum gera það með því að stunda hana fyrir opnum tjöldum

4. Koma á jöfnuði
Allir eiga það besta skilið sama hverjir þeir eru og hvaðan þeir koma. Við munum gera best fyrir alla þannig að allir séu saman í besta liðinu.

5. Auka gegnsæi
Það er best að hafa allt uppá borðinu þannig að almenningur viti hvað er að gerast. Við segjumst styðja það.

6. Virkt lýðræði
Lýðræði er ágætt en virkt lýðræði er best. Þess vegna viljum við það.

7. Fella niður allar skuldir
Við hlustum á þjóðina og gerum eins og hún vill því þjóðin veit best hvað er sér fyrir bestu.

8. Ókeypis í strætó fyrir námsmenn og aumingja
Við getum boðið meira af ókeypis en allir aðrir flokkar því við ætlum ekki að standa við það. Við gætum haft þetta hvað sem er, til dæmis ókeypis flug fyrir konur eða ókeypis bílar fyrir fólk sem býr útá landi. Það skiptir ekki máli

9. Ókeypis tannlæknaþjónusta fyrir börn og aumingja
Þetta er eitthvað sem vantar og við viljum endilega taka þátt í að lofa því

10. Ókeypis í sund fyrir alla og frí handklæði
Þetta er eitthvað sem allir ættu að falla fyrir og er það kosningaloforð sem við erum stoltust af

11. Láta þá svara til saka sem bera ábyrgð á hruninu
Fannst við verða að hafa þetta með.

12. Algjört jafnrétti kynja
Við lofum algjöru jafnrétti vegna þess að það er best fyrir alla.

13. Hlusta meira á konur og gamalt fólk
Það er alltof lítið hlustað á þetta lið. Það er eins og öllum finnist það bara vera eitthvað að röfla. Við ætlum að breyta því.

Skemmtilegt eða hitt þó heldur hvernig þau nota orðið "aumingja" og svoleiðis. Og ef að við myndum trúa könnun mmr.is þá væru þetta fulltrúar með rétt tæpan helming borgarfulltrúa og skv. því væru líkur á því að þau yrðu í meirihluta næstu 4 árin til að leiða Reykjavík á meðan að beita þarf niðurskurði og hagræðingu. Þetta verður spennandi fyrir okkur sem búum í öðrum nágranasveitarfélögum að fylgjast með. Ef að 40% Reykvíkinga finnst þetta skynsamlegt þá verði þeim að góðu.

 


mbl.is „Ef ég fell í kosningunum segi ég bara verði ykkur að góðu"
Tilkynna um óviðeigandi tengingu við frétt

Ég vona að önnur könnun birtist fljótlega. Finnst niðurstöður mmr stundum dálítið furðulegar

Finnst að oft þá birtist niðurstöður frá MMR sem stangast verulega á við niðurstöður annarra kannana sem gerðar eru af öðrum fyrirtækjum á sama tíma.

Þannig er t.d. furðulegt að ef að 70% eru ánægð með störf Hönnu Birnu að flokkurinn bæti ekki verulega við sig.

Eins er furðulegur munur á könnunum sem gerðar eru með 10 daga millibili. Þ.e. könnun Fréttablaðsins og svo þessari könnun. Því að það hefur ekkert í raun gerst þar á milli.

Svo ég ætla að stinga upp á að fólk fari ekki á límingunum yfir þessuþ Ekki það að borgarstjórnarfundir í Reykjavík verða kannski mjög vinsælt útvarps og sjónvarpsefni ef að þetta verða niðurstöður kosningana.

SSmá viðbót. Las þetta á blogginu hans Dofra Hermannssonar:

Í lauslegri endursögn voru spurningarnar og samhengi þeirra á þessa leið:

  1. Viltu láta hækka skatta á almenning í Reykjavík?
  2. Telurðu að vinstri flokkarnir muni hækka skatta ef þeir komast til valda í borginni?
  3. Telurðu að Sjálfstæðisflokkurinn muni hækka skatta ef hann leiðir borgarstjórn eftir kosningar?
  4. Hvaða flokk ætlar þú að kjósa í borgarstjórnarkosningunum?
  5. Hversu ánægð eða óánægð ertu með störf Hönnu Birnu Kristjánsdóttur sem borgarstjóra?

Er alveg sama hvernig svona spurningar eru settar fram. Og svo hvaða ályktanir eru dregnar af þessum svörum? Þetta er náttúrulega mótandir spurningar.


mbl.is Besti flokkurinn stærstur í Reykjavík
Tilkynna um óviðeigandi tengingu við frétt

Æ,æ,æ Það sjá allir í gegnum þetta!

Það væri nú rétt að benda Gunnari Braga á það að Alþingi samþykkti að sækja um aðild að ESB! Það var allann tíma bent á að það væri töluverð vinna. Svona spurningar eru bara hluti af áróðursherferð Evrópuandstæðinga sem vilja að hætt verði við. ESB kemur að einhverjuleiti á móti þessum kostnaði. Það væri t.d. gaman að vita hversu miklum peningum er eytt í vegagerð í hans kjördæmi. Og bera kostnað per íbúa þar við vegagerð saman við kostnað ríkisns af vegagerð hér á höfuðborgarsvæðinu. Það er alltaf hægt að leika sér með svona tölur.

Verð að segja að Gunnar Bragi og Vigdíshauksdóttir eru held ég framsóknarflokknum ekki til framdráttar.

Það væri líka gaman að ráðuneytin sem hann spyr birti kostnaðinn við að svara spurningum hans.

Sé ekki að nein þjóð hafi farið á hausin yfir kostnaði við aðildaviðræður.

Og síðan væri gott að tekið yrði saman hvað Íslenskar fjölskyldur myndu fá til framtíðar með lækkun á matarkostnaði við afnám innflutningshafta og tolla. Eins varðandi lækkun vaxta og síðar hugsanlega stöðugri gjaldmiðli. En af því hefur hann ekki áhyggjur hann Gunnar.


mbl.is Spyr um kostnað við ESB umsókn
Tilkynna um óviðeigandi tengingu við frétt

En ef einhver hefði dáið þarna í Alþingishúsinu!

Svona til að byrja með af hverju var ekki hægt að sýna bara beint fá þessu á skjá einhverstaðar. Nema ef fólkið er komið þarna til að hafa áhrif á dóminn eða gera eitthvað uppistand.

Annars velt ég því fyrir mér hvað fólk hefði sýnt þessu mikin skilning ef að þingvörður hefði t.d. dáið í þessum áttökum eða þetta fólk t.d. kveikt í Alþingi þegar það hefði komið á pallana. Átti bara að taka séns á því.

Svona segir frá þessu í frétt á mbl. nú um daginn.

Í ákæruskjali er mótmælendum gefið að sök að hafa veist að sex þingvörðum og lögreglumanni með ofbeldi, hótun um ofbeldi og ofríki í þeim tilgangi að komast upp á þingpalla. Einn þingvarða slasaðist sýnu mest; hlaut tognun á hálsi, hálshrygg, brjóst- og lendhrygg og mar á brjóstkassa.

Segir í skriflegu svari Ástu Ragnheiðar sem birt er á vef Alþingis að þegar þingfundur hófst á Alþingi kl. 3 síðdegis mánudaginn 8. desember 2008 opnuðu þingverðir bakdyr Alþingishússins til þess að gestir, sem þess óskuðu og fylgdu almennum reglum, kæmust á þingpalla.

Þegar fyrstu pallagestir voru komnir í húsið kom hópur manna í kjölfarið og ruddi sér leið fram hjá þingvörðum, sumir með klúta fyrir andliti, og komst upp í stigagang Alþingishússins.

Sex þingverðir og lögreglumaður, sem var á vakt í þinghúsinu, lentu í átökum við hópinn þegar hann var stöðvaður. Ýmsir þeirra hlutu meiðsl í átökunum sem kunna að vera varanleg.
    

Strax í kjölfarið var farið nákvæmlega yfir myndbandsupptöku sem sýndi hvernig hópurinn þröngvaði sér inn í þinghúsið. Þá áttu aðallögfræðingur Alþingis og forstöðumaður rekstrar- og þjónustusviðs samtöl við þingverðina og lögreglumanninn um atvikið.

Myndbandsupptakan sýnir að þingvörður, sem átti að gæta inngangsins, var yfirbugaður til að tryggja að mannsöfnuðurinn kæmist óhindraður inn í húsið. Því mátti ætla að hann væri ekki kominn í friðsamlegum tilgangi.

Af samtölunum við þingverði og lögreglumanninn varð enn fremur ráðið að hópurinn skirrtist ekki við að beita líkamlegu valdi til að komast í tæri við þingmenn sem sátu í þingsalnum á fundi. Það var því mat aðallögfræðings Alþingis að rík ástæða væri til að málið yrði rannsakað af lögreglu með tilliti til þess hvort ákvæði almennra hegningarlaga, einkum 106. gr. þeirra, hefðu verið brotin. Þar sem ekki var ljóst hvort lögreglan mundi eiga frumkvæði að rannsókn málsins ákvað skrifstofustjóri Alþingis að óska eftir því bréflega fyrir hönd skrifstofu Alþingis og þeirra starfsmanna, sem í átökunum lentu, að málið yrði tekið til lögreglurannsóknar. Áður hafði málið verið borið undir starfsmennina sem hlut áttu að máli.e

P.s. finnst fólki að þetta sé samboðið okkur og kannski björt framtíð Íslands eins og látið var þarna í dag..

Dómþingið sjálft var stutt enda enginn vinnufriður í sal 101. Ekki aðeins voru ólæti fyrir utan salinn sem trufluðu heldur einnig inni í honum þar sem sakborningar höfðu sig sumir hverjir mikið frammi. Meðal annars jusu þeir svívirðingum yfir dómara málsins, Pétur Guðgeirsson, ákærendur og óeinkennisklæddu lögreglumennina.

Pétur lét svívirðingarnar lítið á sig fá. Bað sakborninga um að gefa hljóð en þegar það fékkst ekki var lítið annað að gera en slíta dómþingi. Lítið var gert að þessu sinni, og ekki ákveðin dagsetning á næstu fyrirtöku.

Þegar lætin voru hvað mest ýtti fólkið fyrir utan á hurð dómsalsins þannig að brestir heyrðust. Hlupu þá tveir sakborninga til og ætluðu að opna hurðina. Þegar lögregla tók fyrir það kom til stimpinga, en átök urðu ekki


mbl.is Mikill mannfjöldi í héraðsdómi
Tilkynna um óviðeigandi tengingu við frétt

Halló Skagafjörður!

Mér skilst að bændur séu um 4000 og sjómenn séu um 7 eða 8.000 minnir mig eða færri. Ekki get ég séð að það sé grundvöllur á að að reka sé ráðuneyti fyrir svo fámennar stéttir. Enda held ég að þar sem að hvorutveggja eru iðnaðarstörf þá sé þeim best komið í atvinnuvegaráðuneyti.

Þó ekki væri nema bara til að aðgerðir ráðuneyta yrðu markvissari og ekki á margra höndum.

En alveg dæmigert að þessu sé mótmælt frá Landsbyggðinni. Það má kannski minna fólk að í Reykjavík einni býr um 30% þjóðarinnar og á Höfuðborgarsvæðinu og Reykjanesi um 60 til 70% þjóðarinnar.

Held að það sé óþarfi að hafa 12 til 13 ráðuneyti fyrir 300 þúsundmanna þjóð.


mbl.is Breytingar á stjórnarráðinu mæta andstöðu
Tilkynna um óviðeigandi tengingu við frétt

Furðulegur málflutningur Sjálfstæðismanna!

Hef verið að lesa víða um bloggheima og heyrt m.a. á Sprengisandi menn vera að gagnrýna Steingrím fyrir orðs sem eftir honum voru höfð í fréttatímum vegn þessa máls. Þar hafa fjölmiðlar haft hver eftir öðrum og síðan sjálfstæðismenn út úm allt sem og Vigdís Hauksdóttir í þættinum Á Sprengisandi í morgun:

 að þær myndu vonandi sefa reiði almennings.

En Steingrímur er löngu búinn að leiðrétta þetta og það er ekki rétt eftir honum haft. Því hann var að svara fréttamanni sem sagði þetta í spurningunni:

 Í úrvinnslu einhverra fjölmiðla á orðaskiptum sem urðu á blaðamannafundi í gær að loknum ríkisstjórnarfundi hefur svo til tekist að spurning fréttamanns er orðin að mínum orðum. Þó málið sé ekki stórt, er það viðkvæmt og mikilvægt að réttum upplýsingum sé komið á framfæri. Á blaðamannafundinum spurði fréttamaður; hvort ég teldi að handtökur í tengslum við rannsókn sérstaks saksóknara sefuðu óánægju almennings. Þau orð komu ekki úr mínum munni enda væri með öllu óviðeignadi að líta svo á að aðgerðum sérstaks saksóknara væri ætlað að þjóna slíkum tilgangi. Enda var svar mitt að handtökurnar væru til marks um að aukinn þungi væri að færast í rannsókn mála hjá embættinu, verið væri að verja til þess miklum og auknum fjármunum og ósk um gæsluvarðhald væri væntanlega til marks um að málin teldust alvarleg. Af þessu getur almenningur ráðið að hugur fylgir máli bæði af hálfu stjórnvalda og þeirra sem með rannsóknina fara. Frelsissvipting er hins vegar alltaf alvörumál og einangrunarvist þungbær hverjum þeim sem hana verður að þola.

Steingrímur J. Sigfússon 

En fólk hlustar ekki á þetta heldur bullar áfram eins og það eigi lífið að leysa. Alþingismenn, Hannes Hólmsteinn, bloggarar á hægri kanntinum og fleiri.

 


mbl.is Yfirheyrslur í Kaupþingsmáli halda áfram
Tilkynna um óviðeigandi tengingu við frétt

Finnst nú að forsendur fyrir nýjum framboðum í Kópavogi séu takmarkaðar.

Nú hefur Sjálfstæðisflokkurinn verið við völd ásamt Framsókn síðan 1990 eða í 20 ár. Því finnst manni það hæpið að hægt sé að segja að aðrir flokkar eins og Samfylking og Vg hafi brugðist. Og eins þá er ég sífellt að verða afhuga því að persónukjör sé lausn ef að Persónukjör byggist ekki á flokkakerfi. Því við það þá geta einstaklingar myndað meirihluta eftir kosningar sem standa að málum allt örðuvísi en maður vildi. Þ.e. að það er ekki að mínu skapi að nokkrir einstaklingar sem kosnir eru í bæjarstjórn setjist síðan niður og móti sér stefnu. En persónukjör þar sem kjósandi raðar fólki á listum flokkana er allt í lagi.

En það sem gæti gerst við of mörg framboð er að hér í Kópavogi haldi Framsókn og Sjálfstæðismenn völdum þar sem óánægðir kjósendur dreifast milli hinna flokkana.


mbl.is Listi Kópavogsbúa býður sig fram
Tilkynna um óviðeigandi tengingu við frétt

« Fyrri síða | Næsta síða »

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband