Hinn frægi álitsgjafi Ólafur Arnarson hefur skrýtið sjónarhorn á þessar handtökur.

Ólafur Arnarson hagfræðingur sem skrifar á pressan.is og mætir reglulega í Ísland í Bítið á Bylgjunni sér þetta mál með handtökurnar út frá annarri hlið en flestir. Hann skrifar grein þar sem hann bendir reyndar fyrst á að Hreiðar er skyldur konu sinni en heimfærir þetta síðan upp á að Sérstakur saksóknari sé með fjölmiðla sirkus.

Mikilvægt er að dómstólar taki af fullri hörku og sanngirni á þeim, sem mögulega hafa brotið af sér í aðdraganda bankahruns. Ég hef fulla trú á því, að íslenskir dómstólar muni dæma þá, sem sekir hafa gerst um afbrot í aðdraganda bankahruns, hvort sem þeir voru í bönkunum, að Seðlabankanum meðtöldum, eða stjórnkerfinu. Ég fordæmi hins vegar málflutning saksóknara í fjölmiðlum og leikþætti til að þóknast umræðu í samfélaginu.

Hann segir aðeins fyrr:

Sérstakur saksóknari gaf í kvöld í skyn, að Hreiðar Már hefði ekki verið samvinnuþýður við yfirheyrslur og jafnframt boðaði hann frekari handtökur og lýsti áhyggjum sínum yfir því að menn myndu reyna að forðast handtökur. Saksóknarinn lét þess hins vegar ógetið, að Hreiðar Már hefur oftar en einu sinni orðið við beiðni um að koma til að vera við yfirheyrslur hér á landi þrátt fyrir að hann sé búsettur erlendis. Ekki bendir það til þess að hann sé ósamvinnuþýður við embætti sérstaks saksóknara.

Sem sagt að sérstakur saksóknari er bara að nota Hreiðar til að slá sér á brjóst. Og lýgur upp á hann að hann sér ósamvinnuþýður.

Svo mæli Ólafur Arnarson sem hefur verið allra manna duglegastur að mæta sem álitsgjafi um hreinlega alla hluti síðust misseri óháð því hvort að hann hafi nokkar þekkingu á því hvað hann er að tala um. Og manni finnst hart að hann sé að vega að aðferðum sérstaks saksóknara sem hann hefur ekki nokkra þekkingu á þar sem svona mál hafa aldrei verið rannsökuð hér. Fæ ekki betur séð en að málflutningur sérstaks saksóknara sé í samræmi við það sem maður sér erlendis í svipuðum málum.

Hann

Skýrslutökum lokið

Margir hefðu nú getað sparað öll þessi stóru orðu um að hér yrði engin látin sæta ábyrgð og ekkert sé verið að gera.

Hér á landi hafa menn farið hamförum um að allir stórlaxarnir yrðu látnir sleppa og það væru bara þessir venjulegu Jón og Gunna sem þyrftu að brosa og borga. En viti menn kerfið er að virka. Sérstakur saksóknari er að vinna sína vinnu vel skv. öllum þeim sem kynna sér vinnu hans og starfsmanna embættisins. En hann fer rétt að hlutunum og aflar sér gagna og rannsakar svo að málin eyðileggist ekki.

Skattrannsóknarstjóri er farinn að frysta eigur manna og er á kafi í rannsóknum á meintum brotum.

En bloggarar röfla um að ekkert sé að gerast og það eigi fyrir löngu að vera búið að gera þetta og gera hitt. En ég t.d. horfði á mynd um Enron málið og það tók 3 til 5 ár að kæra og dæma í þeim málum. Og þar höfðu menn þó nær ótakmarkaðan mannafla til að rannsaka þau mál. En við erum lítið land en með öflugt lið í þessum málum sem er að vinna vinnuna sína. Og enn á að bæta við á næstunni.

Held að fólk ætti kannski að snúa sér að einhverju jákvæðara.  Og láta sérfræðingana um að klár þessi mál sem og önnur.

Hreiðar Már í skýrslutöku

Og auðvita byrja bloggarar að kvarta

Alveg makalaust að alltaf þegar reynt er að fara í eitthvað átak hér nú síðustu misseri þá byrja bloggarar að kvarta.

Menn horfa í þessar 350 milljónir og gleyma að ferðaþjónustan leggur til annað eins. En aðallega gleyma menn að verið er að reyna að snúa til baka þróun sem gæti leitt til þess að þjóðarbúið tapaði 30 milljörðum í gjaldeyri vegna fækkunar ferðamanna. Kannski erum við að tala um 1000 eða fleiri störf. Væri fólk meira tilbúið að borga þetta sem atvinnuleysisbætur? Eins þá eru þó einkaaðilar og fleiri að leggja sömu upphæð til. Og það myndu þau ekki gera ef ekki væri komin einhver áætlun um hvernig því fé verður varið.

Ef þetta heppnast vel er verið að verja störf og fjárfestingu sem og að jafnvel fleiri fengju störf og þar af leiðandi færri atvinnulausir.

Reynið nú einu sinni að hugsa áður en þið bloggið.

700 milljónir króna í markaðsátak

Jæja Steingrímur þakkar fyrir krónuna!

Eitthvað held ég að hefðin nú gerst í Grikklandi ef að launin þar hefðu lækkað um 40 til 50% á nokkrum dögum eins og gerðist hér. Eins og áður er það náttúrulega þægilegt að þurfa ekki að tilkynna 40% lækkun launa heldur láta krónuna og verðbólgu um það. Minni á að skuldir okkar við útlönd væru líka um 40% lægri í krónum ef að krónan hefði ekki fallið. Eins eru líkur á að við værum bara á allt öðrum stað ef við værum með evru. Þá hefðu t.d. ekki hundruð eða þúsundir milljarða verið notaðir í stöðutöku gegn krónunni. Það væru hér lægri vextir og hingað hefðu ekki streymt  útlendinga að kaupa krónubréf og jöklabréf til að græða á vöxtum. Við værum ekki með gjaldeyrislánin í sömu vandræðum.

Já krónan hefur virkað fínt til að lækka kaupgetu snögglega.  Og haldið hér stöðugri verðbólgu síðustu 40 árin.

Steingrímur þakkar fyrir krónuna

Alþingismenn hugmyndir að vinnuplani!

Nú væri ágætt að alþingismenn færu að vakna. Setja sér markmið í starfi sínu framundan bæði fyrir sig sjálfa, flokkana og þingið í heild. Ef við lítum á verkefni þeirra nú þá eru þau helst eftirfarandi.

• Ákveða nú að sumarleyfi þeirra verði aðeins eins og hjá venjulegum fyrirtækjum og stofnunum þ.e. 5 til 6 vikur.
• Allir þeir sem hafa hugmyndir sem koma okkur almennilega af stað í átt til betra Íslands móti þær tillögur almennilega. Þannig að þær séu almennilega útfærðar og framkvæmanlega. Helst studdar áliti sérfræðinga.
  • Síðan verða þeir að vinna þeim fylgi innan sinna raða eða almennt á Alþingi.
  • Það gengur ekki að vera með einhverjar hálf karaðar hugmyndir sem síðan eru óframkvæmanlegar.
  • Síðan verða þeir að kynna þetta fyrir þjóðinni og afla þeim fylgi. Dugar ekki að vera alltaf að tala um að þetta og hitt sé ekkert mál. Við verðum að fá álit sérfræðinga á kostum og göllum
• Allir þingmenn verða að setja niður hvað þeir vilja gera varðandi hrunið og þá þátttakendur sem bera ábyrgð. Þarf að setja t.d. lög til að hegna stjórnmálamönnum og embættismönnum eins og Þorvaldur Gylfason stakk upp á í Silfrinu?
• Alþingi þarf í sumar að vinna að heildstæðri áætlun varðandi öll svið endurreisnar og hvernig hún verður unnin.
  • Koma sér saman um niðurskurð sem þarf að verða.
  • Þá skatta sem þarf að innheimta
  • Stór framkvæmdir sem þarf að koma af stað.
•  Þannig að eftir sumarið liggi fyrir samþykkt áætlun sem meirihluti Alþingis samþykkir að standa að án undantekninga. Þ.e. engir "Kettir" í þeirri áætlun.
• Þessa áætlun þarf að kynna fyrir fólki og hvernig það getur búist við að staðan verði á hverjum tíma.
• Það þarf að ganga frá óafgreiddum málum eins og Icesave til að útiloka að það raski þessum áætlunum.
• Þingmenn sem hugsanlega koma til með að trufla þetta ferli með fyrri gjörðum og viðhorfi almennings þurfa að stíga til hliðar nú. A.m.k. tímabundið.
• Það þýðir ekkert að benda á áhrifaleysi Alþingis ef að þingmenn gera ekkert í því að kynna tillögur sínar vel útfærðar og vinna þeim stuðning í samfélaginu.

Þjóðin þarf að vera vel upplýst um hvað er verið að gera. Legg til að upplýsingafulltrúar ráðuneytis komi t.d. vikulega í sér þátt þar sem þeir kynna vinnu ráðuneyta, hvað sé í vændum og hverju sé að búast vð. Ekki endilega með fréttamönnum heldur bara kynningar. Það er þannig með allar stofnanir og fyrirtæki að þau taka felst á erfiðleikum með því að taka vinnu sína til endurskoðunar, móta nýja stefnu og kynna hana rækilega fyrir starfsmönnum og viðskiptavinum. Og síðan með því að sýna árangur. Það þarf að peppa upp embættismenn og starfsfólk og hvetja þá til að koma með rótækar hugmyndir að lausnum.

Við erum náttúrulega bundin að einhverju leiti vegna lána okkar og samningi við AGS en fullt sem hægt er að hrinda af stað þess fyrir utan. Sýnum umheiminum að við séum sveigjanleg og snögg að finna lausnir. Það var jú einmitt sem við sögðum öllum fyrir hrun.

Og niðurrifs og mótmælaliðið gerði þá best í að styðja við góða hluti í stað þess að einblína á það neikvæða. Þessi andskotans neikvæðni er allt að drepa.

Aðstoðar Black ekki óskað sem sakir standa

Ég á bara ekki orð! Lesið þetta!

Ég er ekki að tala um þessi rúðubrot endilega en þetta sem ég las á blogginu hjá Heiðu B Heiðars:

HEIMSÓKN TIL SIÐSPILLTRA STJÓRNMÁLAMANNA

Skessulegt raus

Þangað til í kvöld hef ég ekki tekið þátt í mótmælastöðum við heimili fólks. Ástæðan er ekki sú að ég hafi verið á móti því en ég hef ekkert verið sérlega áfjáð í að taka þátt í slíku.
En ég fór með í kvöld. Fyrir því eru nokkrar ástæður, td viðtalið við Steinunni Valdísi í Fréttablaðinu í dag, gífurleg siðblinda allra þeirra sem málið varðar og ekki síst að mér finnst þessar mótmælastöður hafa verið friðsamlegar og koma skilaboðunum ákaflega vel til skila..... og svo er ég bara einfaldlega komin með ógeð á þaulsetnum vafasömum pólitíkusum. Algjört ógeð

Fyrra stopp kvöldsins var hjá Steinunni Valdísi. Vinkonur hennar úr Samfylkingunni voru víst búnar að melda sig til varnar Steinunni klukkan átta...... þannig að við mættum klukkan sjö og fórum rétt fyrir átta.
Ég held að Steinunn Valdís hafi ekki verið heima. Enda er það algjört aukaatriði... hún fréttir alveg pottþétt af okkur þannig að tilgangnum er náð

 Síðan var farið heim til Guðlaugs „tuttuguogfimmmilljónamanns“ Þórðarsonar.

Ég byrjaði á því að dingla bjöllunni og spyrja eftir honum. Vildi fá hann út að spjalla við okkur.  Til dyra kom agalega sæt lítil stelpa...ca 7 ára eða svo. Ég spurði hvort GÞ væri heima og hún sagði já... hljóp svo inn og kallaði á hann. En eftir smá stund kom litla sæta stelpan til baka og sagði „ég var búin að gleyma því að hann er ekki heima“
Ég ætla ekki að ganga svo langt að fullyrða að barnið hafi verið látið ljúga.......... og þó, ég ætla að ganga svo langt. Ég er alveg handviss um það.

Við stóðum dágóða stund fyrir utan og spjölluðum. Ég skrifaði síðan lítið bréf til Guðlaugar „tuttuguogfimmmilljónir“

Sæll Guðlaugur
Við komum við til að fá að spjalla við þig um tuttugu og fimm milljónir
En þú varst sagður að heiman – En það er allt í lagi. Við komum aftur
Kveðja, Fólk

Guðlaug Þór hef ég aldrei verið hrifin af og það væri hreinsun af því að hann færi frá en þetta er ömurlegt og algjörlega óþolandi hvernig manneskjan notar og talar um 7 ára gamalt barn.

Er það þetta fólk sem við viljum að taki að sér siðbótina hér á landi?

Kærðir fyrir rúðubrot

Furðulegur málflutningur á 1. maí

Hlustaði á ræður af Austuvelli í dag. Fannst málflutningur sumra furðulegur eins og hluti ræðu Elínar Bjargar formanns BSRB. M.a. talaði hún um útrásavíkinga sem skömmtuðu sér tíföld verkamannalaun. Ég fór nú að velta fyrir mér hvað er hún með margföld lágmarkslaun verkamanna hjá BSRB í lægstu launuðu stöfum þar?

Eins finnst mér að verkalýðsforingi eigi að tala varlega um eignarupptökur. Hún veit mæta vel að eignarréttur er varinn í Stjórnarskrá og því er ekki bara hægt að gera einhverjar eignir upptækar nema að sannað sé að til þeirra hafi verið stofnað á ólöglega hátt.

Einar Már Guðmundsson sem er orðinn svona einhver byltingarforingi talað um að þjóðin eigi ekki að bíða eftir því að fólk segi af sér heldur eigi að setja það af. Finnst þetta líka bara svona klisja. Hverja á að setja af? Ef að allir sem tóku þátt í hruninu eiga að fara frá, þá verður líka að telja þá með sem gerðu ekkert eða lítið til að koma í veg fyrir það.

• Þá eru það allir Alþingismenn sem voru á þingi fyrir október 2008 og allir sem hafa verið síðan og eru ekki búnir að redda skuldum heimilanna. t.d. með að beita málþófi á Alþingi til að koma sínum lausnum í gegn.
• Allir embættismenn sem ekki vöruðu almennilega við stöðu Íslands fyrir hrun og hafa ekki komið með lausnir síðan
• Allir bankamenn sem starfað hafa í bönkum fyrir og eftir hrun og eru ekki búnir að bjarga heimilum.
• Allir eigendur fyrirtækja sem voru að taka þenjast út langt umfram það sem markaður var fyrir. T.d. byggingarverktakar. Og allt gert með lánum.
• Allir verkalýðsleiðtogar sem hafa ekki fylgst með og komið í veg fyrir að lífeyrissjóðirnir okkar væru á kafi í þessu útrásar braski.
• Allir þeir sem tóku erlend lán þrátt fyrir að ýmsir væru í mörg ár búnir að vara við erlendum lánum til langs tíma vegna óvissu um sveiflur krónunnar.
• Allir þeir sem notuð lánabrjálæði bankana til að taka neyslulán. Til að fjármagna t.d. að endurnýja allt heima hjá sér þó það sem fyrir var væri í lagi.
• Öll þjóðin sem nýtti sér öll gylliboð bankana án þess að kynna sér málin sjálft.
• Og ekki má gleyma öllum álitsgjöfum t.d. frá háskólum landsins. T.d. eins og þeir sem í dag hafa lagt út frá könnun á fylgi flokka í Reykjavík og á þeirri könnun hafa þeir getað fullyrt um hvað kjósendur eru að hugsa og hvað verði um stjórnmálaflokka í framtíðinni. Alveg furðulegur vísdómur út frá einni könnun. Hvað þá þeir sérfræðingar sem sögðu okkur frá hvað íslendingar væru snjallir fjármálamenn hér fyrir hrun. Og allir sem hafa lært hjá þeim hljóta að þurfa að fara frá því að þeir voru jú gerendur í þessu hruni.

Þetta eru bara nokkrir hópar sem þurfa að athuga með sinn gang.

Finnst það furðuleg röksemdarfærsla að ætla að henda öllum frá áður en leikreglum er breytt. Því að það kostar náttúrulega nýtt fólk sem kemur inn í sama gamla umhverfið og breytir þar engu strax því að við vitum að nýtt fólk er með hugmyndir sem oft reynast óraunhæfar.

Síðan er orðið ljóst að þessir menn eiga ekki möguleika á að biðjast afsökunar því að fólk sem áður heimtaðir þær er ekki tilbúið til að hlusta á þær.

Held að fólk ætti nú frekar að huga að framtíðinni og hemja reiðina. Það eru allar líkur á að flestir aðalleikararnir eigi eftir að fara fyrir dóm. Við erum með stórt embætti sérstaks saksóknara sem vinnur að því að fara yfir öll þeirra mál.

Þessi reiði hér er ekki að skila okkur nokkru. Ef að öll orkan sem fer í þessa reiði væri t.d. nýtt í eitthvað uppbyggilegt, væru hér á hverjum degi að koma lausnir til að skila okkur áfram og koma okkur út úr þessari kreppu! En nokkrir þingmenn sem hraktir verða frá embætti og nokkrar brotnar rúður í Intrum og Landsbanka skila engu!

Það var verið að líkja Rannsóknarnefnd Alþingis við Sannleiks og sáttanefndunum í Suður Afríku! En það er ljóst að þar var verið að fjalla um mun alvarlegra mál en hér gerðist. Kynþátta aðskilnað og ógurlega meðferð. Suður Afríkubúar höfðu siðferði til að ganga þannig frá málum að menn gátu þar viðurkennt mistök sín og misgerðir. Því að þau lögðu áherslu á að komast að því sem gerst hafði og þar með að koma í veg fyrir að það gerðist aftur. Fólk hlaut ekki refsingar því að það voru svo margir sem gert höfðu eitthvað af sér. En hér er fámennur hópur sem heldur hér uppi reiðinni og vegna þeirra er í raun líkur á að góðum hlutum seinki því allir eru á kafi í viðbrögðum við þessum málflutningi.

Bendi fólki á afsökunarbeiðni Tómasar Stuðmanns í Fréttablaðinu í dag þar sem hann tekur nettan snúning á afsökunum og umræðunni í dag þar segir hann m.a.

Kæru landar, það verkefni sem bíður okkar er afgerandi samþætting dómgreindarleysisuppgjörs og axlasigs vegna ábyrgðarleysisskorts nú á þessum ögurstundartímum í sögu hinnar íslenzku þjóðar. Minn hlutur í þeirri samþættingaraðgerðaráætlun er afsökunarbeiðnisumleitan sem sett er fram í hjartasorgarfælni og hugarvílsástandisleysu.

Og svo bloggið hans Bubba um Múgsefjun og stjórnleysi. Þar segir hann m.a.

Það mun aldrei verða sátt í samfélagi okkar ef fólk lítur á að fyrirgefa sé að tapa. Þeir einu sem tapa eru þeir reiðu. Hornsteinn kristinnar er fyrirgefningin.

Hvað er svona hræðilegt við að fyrirgefa? Svörin eru oftast þannig að fólk segir að menn meini ekkert með að biðja afsökunar, hann eða hún meini það ekki.  Fólk vill öðruvísi afsökunarbeiðni og ef hún er ekki eins og þau vilja hafa hanq, þá bölva menn viðkomandi. Sumt fólk þrífst á reiðinni. Vill ekki sleppa. Verði þeim að góðu. Kæri lesandi, ef þér líður þannig þá er það bara þannig.  

Að fyrirgefa er að trúa að viðkomandi sem biður afsökunar meini það, alveg sama hvað þér finnst í þinni réttlátu reiði. Að fyrirgefa er ekki business. Margir sem biðjast afsökunar nota afsökunarbeiðni sem skiptimynt í mannlegum samskiptum. Þeir sem slíkt gera þeim verður erfiður dauðinn. En að fyrirgefa - án skilyrða er leiðin til batans.

 

Styðja upptöku eigna auðmanna