Ólöf hefur bara ekki hugmynd um málið.

Bendi á að Hollendingar hafa einmitt sagt að þeir muni ekki hika við að innheimta vexti allann tímans sem málið tefst.

Og svo eins og lesa mál í dag þá þekkja Hollendingar og bretar ágætlega til EES samningsins líka. Menn hér láta eins og þeir þekkji hann ekki og hafi engan áhuga á honum. Þannig kemur fram í bréfi Hollenska fjármálaráðherrans að þeir skoði nú að beita grein 111 í EES samningi:

Í bréfi hollenska fjármálaráðherrans kemur fram að hollendingar íhugi í samstarfi við Breta að beita íslendinga efnahagslegum þvingunum til að knýja fram efndir í málinu. Er vísað í hundruðustu og elleftu grein EES samningsins í því samhengi sem fjallar meðal annars um hvernig leysa megi ágreining um túlkun samningsins. Aðilar geta gripið til þvingana náist ekki sátt um eina ákveðna túlkun. (www.pressan.is )

Hér haf menn nú almennt ekki fjallað um þennan möguleik. Þó hér hafi sjálfskipaðir sérfræðingar talað eins og þeir þekki til Evrópulaga og EES samningsins það vel að þeir geti farið með þetta eftir minni og túlkað þetta betur en nokkur annar.

Þurfum ekki að flýta dómsmáli

Forsetinn verður að passa sig á að segja rétt frá?

Nú segir hann skv. þessari frétt að

Bretar og Hollendingar fá á næstu mánuðum 7-9 milljarða bandaríkjadala úr þrotabúi Landsbankans.

Held að enginn hafi talað um að þetta verði á næstu mánuðum. Það hefur verið talað um nokkur ár. Þó vissulega séu stórar upphæðir strax á lausu. En að segja að þessar greiðslur komi á næstu mánuðum er nú bara held ég ekki rétt. Sbr. 500 milljarða dala  fjárfesting Rio Tinto sem hann talað um  í gær við Bloomberg. en reyndist vera 500 milljónir dala sem er nú dálítið minna. Og um stuðning við okkar málstað út um allan heim. Sem er nú ekki eins mikil og hann fullyrti.

Hæsta greiðsla í sögu Íslands

Það þurfti engin að segja okkur þetta!

Auðvita yrði erfitt fyrir okkur að ganga í ESB þar sem allar þjóðir ESB þurfa að samþykkja inngöngu okkar. Og ljóst að það myndu Breta og Hollendingar ekki gera með Icesave óleyst. En það hefur nú alltaf verið ljóst að aðildarviðræðum líkur ekki fyrr en í fyrsta lagi eftir 2 ár. Og þó það þurfi að bíða í 2 ár í viðbót eftir endanlegri lausn á Icesave þá gerir það ekkert til úr þessu.  Þá verður komið allt önnur viðhorf hjá íslensku þjóðinni. Það eru nú sennilega fáar þjóðir sem auðveldara er að selja ákveðnar skoðanir. Sér í lagi ef að eitthvað gott er látið hanga á spítunni. Sbr. Nei - sinna: Það á ekkert að borga Icesave. En nú sennlega borgar þrotabúðið allt.

ESB-aðild Íslands háð lausn Icesave-deilu

Ekki það að ég held að neinn eigi að leiðrétta fyrir Wall Street Journal!

En þetta er nú kannski ekki alveg það sem málið snýst um:

„Land ber aðeins ábyrgð á uppblásnu bankakerfi sínu upp að ákveðnu marki. Árið 2008 tóku ríkisstjórnir Breta og Hollendinga þá afstöðu, að það væri of áhættusamt fyrir eigin bankakerfi ef sparifjáreigendur í þessum löndum brenndu sig á íslenskum bönkum. Löndin höfðu rétt á því að taka þessa afstöðu, hvort sem hún var rétt eða röng. En það var of langt gengið að skilja Íslendinga eftir með reikninginn. Íslenskir kjósendur hafa í það minnsta tvívegis lýst þeirri skoðun," segir blaðið

Málið snýst náttúrulega ekkert um þetta. Þetta snýst um Innistæðutrygginar og að allar aðrar innistæður í Landsbankanum sem tilheyrðu einstaklingum voru óskertar og aðgengilegar. En látum það vera bara svona. Enginn að fara að skrifa þeim og leiðrétta þetta. Sem og að við sitjum náttúrulega alls ekki ein með reikninginn því Bretar og Hollendingar eru með sinn helming a.m.k. þar til að greitt hefur verið úr þrotabúinu.

Uppörvandi staðfesta

Verðum að ganga í ESB til að bjarga hinum dreifðu byggðum.

Bændum á Íslandi hefur á síðustu 10 árum fækkað um 26%. Kúabændum hefur fækkað um 37% og sauðfjárbændum um 22%. Þetta kom fram í svari Jóns Bjarnasonar sjávarútvegs- og landbúnaðarráðherra á Alþingi við spurningum frá Sigmundi Erni Rúnarssyni alþingismanni.

Og Sigmundur Ernir bætti við upplýsingum:

Sigmundur Ernir benti á að bændum hefði fækkað í Noregi um 19% á tímabilinu 2000 til 2010. Í Finnlandi næmi fækkunin 21%, en á Íslandi væri fækkunin 26%. 

Því er ljóst a hér eru bændur komnir niður í um 4000 eða færri og því væri nú nauðsyn að reyna að komast sem fyrst í ESB og taka upp breytt styrkjafyrirkomulag sem gengur út á búsetu styrki frekar en framleiðslustyrki. Þ.e. að stuðla að því að fólk vilji búa út um allt land frekar en að borga bændum fyrir hvern grip sem þeir framleiða. 

Bændum fækkaði um 26% á 10 árum

Maður gengur út frá því gefnu að þessir menn hljóti að vinna þetta áfram í sjálfboðalvinnu.

Brynjar Níelsson, Reimar Pétursson og Advice hópurinn hljóta að halda áfram og klára þetta mál, þar sem að þjóðin ákvað að fylgja þeirra leið og þeir telja hana hina einu réttu. Sigmundur Davíð getur þá líka verið tengilður þeirra við Alþingi stýrt vinnu þeirra.

 

Segjast Ungir jafnaðarmenn treysta á að Brynjar Níelsson, Reimar Pétursson og Advice hópurinn leggi fram sína krafta til að vinna án launa fyrir íslensku þjóðina í þessu máli „enda voru báðir þessir aðilar fullvissir um að slík ákvörðunartaka væri til hagsbóta fyrir Íslendinga og lagaleg staða Íslands byggði á styrkum stoðum. Það er von Ungra jafnaðarmanna að slíkar yfirlýsingar hafi ekki verið lagðar fram án ábyrgðar," segir í ályktuninni.  (www.mbl.is )

Vinni án launa

Forsetinn sagði að þeir væru nú eiginlega búnir að skipta um skoðun hjá ESA

Á blaðamannafundi á Bessastöðum svaraði Forsetinn blaða manni sem spurði um dóm ESA að þeir væru nú ekkert búnir að úrskurða eitt né neitt. Auk þess væru þeir búnir að draga í land frá þessu áliti sem þeir sendu í fyrra. 

Held að margt sem hann lætur falla í fjölmiðlum standist ekki skoðun ef menn kanna málið.

Ólafur Ragnar: Ég verð nú að fá að segja eitt við þig þar sem þú segir að Eftirlitsstofnun EFTA er ekki sammála. Það er búið að tala dálítið þannig, hér heima, eins og svo sé. En ég veit ekki betur en að Eftirlitsstofnun EFTA eigi eftir að gera málið upp við sig og að Eftirlitsstofnun EFTA bíði nú eftir að fá málflutning og röksemdir Íslendinga. Það væri nú skrýtið ef Eftirlitsstofnun EFTA færi að gefa út einhvern úrskurð áður en málflutningur annars aðilans er kominn fram. Ég vil bara biðja þig og aðra að hafa það í huga að Eftirlitsstofnun EFTA hefur bara ekkert sagt um málið sem mark er á takandi. Nema þá einhverjar einkaskoðanir manna sem þeir hlupu frá þegar þeim var bent á að það væri óeðlilegt. Svo liggur heldur ekkert fyrir að málið fari fyrir dómstólinn, en það á eftir að koma í ljós. (www.dv.is )

ESA býst við svari frá Íslandi

Jón Daníelsson

Það hefur nú verið tekði mark á honum þó ég hafi ekki verið sammála hugmyndum hans. Hann segir á BBC

„Ísland mun líklega horfa fram á að lánshæfismatið verður fært niður. Aðgangur að erlendu lánsfé mun þrengjast og dýpka enn á einangrun landsins. Líklegt er að íslensk fyrirtæki muni flytja höfuðstöðvar sínar úr landi,“  (Úr viðtengdri frétt á mbl.is )

Þetta ferli með fað fyrirtæki flytji höfðustöðvar sínar er nú hafið. Heyrði um daginn að Actavis sé á leið til Sviss. Og Össur er nærri alfarið í eigu útlendinga og er að reyna að losna úr kauphöllinni hér. Þarf að fjármagna sig í gengum dótturfyrirtæki erlendis. Svo hvað var Forsetinn að bulla.

Jón: Eykur á einangrun Íslands

Sammál Birni Val þetta var með ólíkindum

Hér er tilvitnun í frétt af www.eyjan.is þar sem haft er eftir  Uffe Ellemann-Jensení grein á vef Berlingske.:

Greinin ber heitið: „Íslenskir kjósendur: Stoppið heiminn, við ætlum ekki vera með…“

Uffe segir Íslendinga hafa komið sér í mjög erfiða pólitíska og fjárhagslega stöðu með atkvæðagreiðslunni.

„Íslendingar hafa nú sýnt fram á að þeir geta ekki gert alþjóðlega samninga – og þess vegna eru í vændum langvinn og dýr málaferli til að skera úr um deiluefnið. Það er lítill vafi á að Ísland tapar málinu – og það réttilega: Hvers vegna í ósköpunum ættu breskir og hollenskir skattgreiðendur að borga reikninginn fyrir þá íslensku?

Um leið er fulltrúalýðræðið á Íslandi farið veg allrar veraldar, þar sem tækifærissinni [d. populistisk] á forsetastóli hefur í tvígang brugðið fæti fyrir rétt kjörna ríkisstjórn og meiri hluta alþingis – og hingað til fengið til þess stuðning meiri hluta þjóðarinnar. En hvað er það sem íslenskir kjósendur vilja? Forsetaræði sem blæs á alþjóðalega samninga og reglur? Og hvert í veröldinni færir það Ísland?“

Uffe heldur áfram:

„Málið mun kveikja pólitískar umræður á Íslandi, ekki síst um hlutverk forsetans – en það er þeirra mál og við hin eigum ekki að blanda okkur í það. Við hljótum hins vegar að hafa áhuga á því hvort vænta megi þess að Ísland standi héðan í frá við alþjóðlega samninga og skuldbindingar.

Ísland hefur sótt um aðild að ESB og samningaviðræður hefjast brátt fyrir alvöru. Það er rétt að láta undan kröfum Íslendinga, sérstaklega í sjávarútvegsmálum – en ef útlit er fyrir að aðildarsamningur verði undir öllum kringumstæðum fellur í þjóðaratkvæðagreiðslu, þá er erfitt að veita slíkar tilslakanir. [...]

Allt gerir þetta Íslendingum erfiðara fyrir við koma sér út þeim efnahagslegu þrengingum sem fylgdu bankahruni, fjármálakreppu og náttúruhamförum. Ísland hefur meiri þörf fyrir ESB en ESB hefur fyrir Ísland – en það er staðreynd sem Íslendingar eiga erfitt með að skilja. Það er gagnslaust að segja skilið við samfélag þjóðanna, eins og íslenskir kjósendur hafa nú reynt að gera í annað sinn…“

En íslenska þjóðin kýs að trúa Sigmundi Davíð og Reimari Péturssyni frekar. En þetta eru náttúrulega ekki Financial Times eða Wasington Post sem forsetin les og segir að við njótum stuðnings um allan heim.

 

Forsetinn ruglar

Ólafur sagði líka:

Að hann væri nú búin að fara mörg fyrirtæki og tala við fullt af fólki og að hér væri allt á fullu. Erlendir fjárfestar streymdu hingað til að fjárfesta m.a. í bönkum. Skv. því sem ég heyrði er þetta miklu meira en í öðrum löndum. Og hér bara blómstraði allt. Og aðilar atvinnulífsins ættu bara að hætta að kvarta og tala ástandið niður.  Og fyrirtæki hér eins og Össur ( sorry þeir eru nú að reyna að komast héðan) Marel og einhver fleiri sem starfa nú aðallega erlendis.

Svo sagði hann líka að ESA væri nú bara ekkert búið að dæma eitt né neitt og að fulltrúar þeirra hefðu nú bara dregið það allt til baka.

Hann sagði að þrotabú Landbankans væri að greiða gríðar upphæðir og sennilega fengju Bretar og Hollendingar allt sitt. eða um 10 milljarða dollara. Svo hversvegna þá allt þetta stríð út af engu?

Síðan sagði hann að við nytum stuðning út um allan heim og nefndi Financial Times og Wasington Post. Sorry er það nú stuðningur um allan heim?

Aðallega var þetta fundur um: Sjáið hér er ég snillingurinn sem er "Íslands eina von" og gleymið alveg hvað þið voruð reið við mig fyrir 2 árum fyrir hvernig ég vann með þeim í útrásinni. Og talað um hina sér Íslensku náðargáfu í viðskiptum. Nú er ég hér að tala fyrir þessu aftur

Það getur orðið flókið að fara í mál