Svo mælti Hannes Hafstein. Hann hefði ekki kosið Framsókn

Ég skal aldrei leggja minn skerf til að ala upp í Íslendingum þjóðernishrokann, montið yfir forfeðrunum og einangrunarheimskuna

Hannes Hafstein

Frosti er náttúrulega farinn að slaga upp í Vigdísi!

Frétt af RUV:

Aldrei stóð til að efna til þjóðaratkvæðagreiðslu um framhald aðildarviðræðna Íslands við Evrópusambandið. Þetta segir Frosti Sigurjónsson þingmaður Framsóknarflokksins. Forsætisráðherra talaði ítrekað um þjóðaratkvæðagreiðslu í aðdraganda kosninga og eftir að stjórn var mynduð.

„Ég held að það sé engin spurning að það þurfi að leyfa almenningi að koma að þessu,“ sagði Sigmundur Davíð Gunnlaugsson í Silfri Egils, 20. janúar árið 2013, fjórum mánuðum fyrir kosningar. 

Í Kastljósi Sjónvarps 11.febrúar 2013 var Sigmundur spurður hvort það stefndi ekki í þjóðaratkvæðagreiðslu. „Jújú. Miðað við þá stöðu sem er uppi í pólitíkinni. Fylgi flokka og svona. Það hlýtur að stefna í það,“ svaraði Sigmundur Davíð.

„Ég er alveg til í að hafa kosningu um þetta strax eftir kosningar. Ef það er það sem menn vilja og ná saman um það.,“ sagði Frosti Sigurjónsson, þá frambjóðandi til þings fyrir Framsóknarflokkinn, í Silfri Egils 10.febrúar 2013.

Frosti var þá spurður hvort framsóknarmenn vildu þjóðaratkvæðagreiðslu þá til að skera úr um áframhaldið. „Ef áhuginn myndi snúast við. Segjum að kannanir sýndu að þeir sem vilja ganga inn í Evrópusambandið séu meira en helmingur þjóðarinnar, þá ætti að gera þjóðaratkvæðagreiðslu,“ svaraði Frosti.

Frosti segir í dag að Framsóknarflokkurinn hafi sett fram loforð um þjóðaratkvæðagreiðslu til að tryggja að þjóðin yrði spurð ef ríkisstjórnarflokkur myndi vilja halda áfram aðildarviðræðum. Ekki til þess að spyrja hvort viðræðum skyldi hætt. „Sem sagt, hefðum við lent með flokki sem vildi halda áfram, þá myndum við standa á þessu loforði okkar.“

Þetta hefði getað átt við hefðu framsóknarmenn myndað ríkisstjórn með Samfylkingu. „Við hefðum nú væntanlega reynt að sannfæra Samfylkingu um að halda ekki lengra, þá hefðum við reynt að segja við þá: Eigum við ekki að leggja þetta fyrir þjóðina? Við hefðum farið þá leið já. Og um það snerist þessi orðræða um þjóðaratkvæði í raun? Algjörlega, já.“

Í stjórnarsáttmála ríkisstjórnarinnar segir að hlé verði gert á aðildarviðræðum við Evrópusambandið og þeim ekki haldið áfram nema að undangenginni þjóðaratkvæðagreiðslu. „Að sjálfsögðu kemur til þjóðaratkvæðagreiðslu. En menn hljóta við ákvörðun um tímasetningu slíks að taka inn í reikninginn aðstæður,“ sagði Sigmundur Davíð á Laugarvatni 22. maí 2013. „Við sögðum að við myndum aldrei ganga í Evrópusambandið nema að undangenginni kosningu. Og við ætlum ekkert að ganga í Evrópusambandið þannig að það þarf enga kosningu. Þetta er alveg lógískt,“ sagði Sigrún Magnúsdóttir, þingflokksformaður Framsóknarflokksins í þættinum Sunnudagsmorgni, 19. janúar 2014. 

Frosti metur það svo að það verði engin kosning. „Ég meina, þannig lögðum við upp. Ég meina, fólk verður að átta sig á að það var kosið síðastliðið vor.“

Sneru þá öll ummæli Framsóknarmanna um þjóðaratkvæðagreiðslu í aðdraganda kosninga einungis að þeim möguleika að flokkurinn myndi enda í ríkisstjórn með öðrum flokki sem styddi aðild að Evrópusambandinu? „Já, það er minn skilningur. Algjörlega,“ segir Frosti. „Og skilningur allra sem voru á þeim fundum þar sem þessi stefna var sett fram.“ Aðspurður hvort honum hafi þótt þessi skilningur ná að skila sér til kjósenda segist hann ekki geta dæmt um það. „Ég tók eftir því að þeir sem eru fylgjandi aðild, voru mjög áfram um það að reyna að misskilja þetta.“ Orðalagið hafi verið ákveðinn varnagli. 

Er nema von að maður mætir reglulega niður á Austurvöll

 

 

 

Atvikið með Katrínu Júlíusdóttur og Bjarna minnir mig á annað svipað!

Þingmenn eiga ekkert með að vera að trufla aðra þingmenn í ræðustól. Enda ber forseta að sjá til þess að fólk geti flutt mál sitt ótruflaðir og á að sjá til þess að menn geri ekki eins og Bjarni. En man fólk ekki eftir þessu:

 

 

Manni sýnist að Eygló sé ekki hrifin af þessu þó þetta sé samflokksmaður  hennar. 

 

Kallaði ráðherra „helvítis dóna“

-"Heimsksýn"-?

Framsóknarmaður?

Óska ríkisstjórninni til hamingju með að hafa vakið almenning!

Það má segja að flumbrugangur ríkisstjórnarinnar við mál síðustu vikna hafi vakið fólk af værum blundi.

Var að fara yfir það í huganum að nær engin mál sem þeir lögðu fram í stjórnarsáttmálanum eru kominn fram enn nema lækkun veiðigjalda og afnám gistináttaskatts. Þannig að ef að hagvöxtur er meiri núna en var fyrir ári þá byggir hann á gjörðum fyrri ríkisstjórna. Því þrátt fyrir fögur fyrirheit og þingályktunartillögur þá er ekkert enn komið til framkvæmda annað sem þeir hafa boðað. Hugsanlega kemur eitthvað í sumar en verður mun minna en þeir boðuðu varðandi verðtryggingu og skuldalækkanir. En sem sagt þeir hafa ekki lokið því.

En nú eru þeir búnir að vekja fólk og það er gott því það verður ýmislegt annað að verja en að aðildarviðræðum verði ekki slitið.

• Það þarf að verja að hér verði ekki einkavinum færðir bankarnir ef að ríkið kemst að samningum við kröfuhafa.
• Það þarf að verja að hér verði ekki einkavætt í stórum stíl í heilbrigðiskerfinu.
• Það verður að verja að Davíð Oddson verði ekki settur yfir Landsvirkjun eins og heyrst hefur.
• Það þarf að verja að það verði ekki helmingaskiptaregla um ráðningar í helstu stjórnsýslustofnanir hér. Eins og heyrst hefur.
• Það þarf að verja að ekki verði ákveðnum aðilum eins og bændum og útgerðamönnum verði hyglað á kostnað okkar enn frekar.

Nú er fólk komið með blóðbragð á tunguna og það verður stutt í næstu búsáhaldabyltingu ef að silfurskeiðastrákarnir halda eins og núna í þessari viku að fólk láti bjóða sér hvað sem er.
 

Mótmælunum á Austurvelli lokið

Svona hljómuðu mótmælin í dag 24 febrúar.

Hvernig verða þau næst?

Hættuleg fáviska!

Þetta er ein af áhrifameiri þingkonum okkar! Þökk sé kjósendum í Reykjavík

:"Þá vakti athygli að Vigdís hélt því fram í þættinum að Malta væri ekki sjálfstætt ríki, heldur sjálfstjórnarsvæði undir öðru ríki. Sagði hún að undanþágur sem Malta fékk í sínum aðildarsamningi líktust því að Vestmannaeyjar fengju sérstaka undanþágu í aðildarsamningi Íslands. Malta hlaut sjálfstæði frá Bretlandi árið 1964 og gerðist aðili að Sameinuðu þjóðunum það sama ár." (eyjan.is)

Að sjálfssögðu verður þjóðaratkvæðagreiðsla

Svona mæltist Sigmundi Davíð þegar hann kynnti okkur stjórnarsáttmálan. En úps af því að skýrslan var ekki dauðadómur yfir ESB og viðræðunum þá bara má ekki leyfa þjóðinni að ákveða framhaldið.

 

 

Hér kemur ekki neitt til með að breytast!

Nú er ríkisstjórnin í óða önn að vinna að því að koma upp sama sama skipulagi og sömu stöðu og var hér 2006.  Og það virðist vera að fólk bara sætti sig við það. Afurhaldsöflin hafa tekið hér völdin.

Fólki finnst þá að það sé allt í lagi að við lifum í landi þar sem hrun á kaupmætti verður reglulega

Fólki finnst þá í góðu lagi að vextir á lánum þess komi til með að sveiflast upp og niður um mörg % reglulega.

Fólki finnst í lagi að það geti ekki valið um vörur eftir gæðum og verðum því bannað er að flytja t.d. matvörur hingað til lands nema eitthvað lágmark í mörgum flokkum. 

Fólki finnst í lagi að við verðum að sækja um gjaldeyrir og sýna fram á í hvað við ætlum að nota hann og fáum ekki nema einhverja lágmarks upphæð. 

Fólki finnst í lagi að Íslendingar sem eiga gjaldeyrir erlendis eða hafa þaðan tekjur græði hér á tá og fingri með að fá að kaupa krónur með afslætti. 

Um 1970 þá voru framsýnir menn sem komu okkur í EFTA eftir hörmuleg ár hér eftir hrunið á Síldinni. 

Upp úr 1990 voru líka hér framsýnir menn sem komu okkur í EES. Í báðum þessum tilfellum voru hér menn froðufellandi og skrifuð lærðar greinar og héldur ræður um að hér myndi allt fyllast af erlendum skipum sem myndu veiða allan fiskinn. Hingða kæmu erlendir aðilar og keyptu upp öll fyrirtæki og jarði. Og engar undanþágur myndu halda.  Fólk getu metið hversu áreiðanlegir þessir menn voru í dag! Og þessir menn voru virkir í umræðunni nú um ESB og því miður ólíkt fyrri tímum var komið internet og og margir trúa öllu sem menn segja þar á þess að kynna sér málin.

Held að draumar fólks um að við eigum eftir að græða svo mikið af rafmagni á næstu árum séu ekki vísir. Landsvirkjun er rekin með tapi vegna lágs álverðs. 

Útgerðamenn eru rótlaus stétt og við vitum aldrei hvenær þeir fara héðan með hagnað sinn og fjárfesta honum erlendis.  Nú streyma þeir t.d. til Grænlands með hagnaðinn.

En það sem vantar aðallega er að við vitum hver við erum að stefna. Ekki bara að redda sér út úr hverjum skafli og byrja svo vitleysuna aftur. Þannig vinnur þessi ríkissstjórn. Þ.e. allt skorið niður í fjárlögum en svo farið í allskonar reddingar því þau voru ekki raunhæf.  Hallalaus fjárlög á ég eftir að sjá standast.   Og krónun á ég eftir að sjá stöðuga með lágum vöxtum. Ein stór t.d. framkvæmd rústar henni.  

En verði ykkur að góðu þið viljið engar breytingar kusuð flokka sem stoppuðu Stjórnarskrármálið, nátturvernd hafa þeir verið á móti. Nýjum gjalmiðli er þeir á móti. Sköttum á ríka eru þeir á móti.  Samskipum og samvinnu við aðra eru þeir á móti. Svo það hlýtur að vera gamla einkavina Ísland sem fólk sem kaus þessa flokka vill.