Bíddu eigum við að rifja upp það sem Sjálfstæðis- og framsóknarflokkurinn sögðu fyrir kosningar!

Nú stendur til að loka skurðstofum í Vestmannaeyjum 1 október n.k.

Þetta er spaugilegt í ljósi yfirlýsinga frá bæði Framsókn og Sjálfstæðismönnum fyrir kosningar og á síðasta kjörtímabil um að alllt of langt væri gengið í sparnaði á sjúkrastofnunum út á landi sérstaklega. Og þessu yrði snarlega kippt í lag eftir kosningar. Enda væri það ekkert mál skildist manni. En úppps. Nú er þeir þegar búnir að skera tekjur niður um tugi milljarða og svara því með því að höggva í það sem þeir söguðu að alls ekki mætti gera. 

Það er ekkert að marka þetta fólk. 

Í tilkynningu sem Vestmannaeyjabær sendi frá sér segir að „illu heilli þarf stöðugt að vera að minna embættismenn og pólitíska fulltrúa ríkisvaldsins á staðreyndir þessara mála.  Fyrir kosningar virðist skilningurinn alger. Þeir sem leita eftir atkæðum geta þá ekki til þess hugsað að skerða þjónustu samfélagsins á þann máta að konur geti ekki fætt börn í næststærsta byggðarkjarna á landinu utan stórhöfuðborgarsvæðisins.  Skilningurinn á öryggi íbúa, eðli atvinnulífsins, hættunni sem fylgir sjómennsku og fleira er á sama hátt mikil fyrir kosningar.  Að loknum kosningum þarf hinsvegar að verja þessa sjálfsögðu þjónustu með kjafti og klóm.“

Og sv segir í þessari yfirlýsingu:

Bæjarráð gagnrýnir sérstaklega að jafn afdrifarík ákvörðun og þessi skuli tekin án samráðs við bæjaryfirvöld. Ákvörðunin kom eins og þruma úr heiðskíru lofti, ekkert hafði verið rætt við bæjaryfirvöld um málið. Af þessum sökum krefst bæjarráð þess að heilbrigðisráðherra fundi með bæjarstjórn hið fyrsta vegna þessa og jafnframt er þess krafist að ekkert verði aðhafst til undirbúnings fyrirhugaðri lokun fyrr en að loknum slíkum fundi,“ segir í tilkynningunni.

Held að Elliði hefði ekki átta að fagna svo mjög þegar hans flokkur komst til valda með Framsókn. 

„Eins og þruma úr heiðskíru lofti“

Er bara ekki að ná þessu sorry!

Sko nú er sagt að allir sem tóku lán fyrir hrun fái leiðréttingu á lánum sínum. Jú allt í lagi. En Sigmundur Davíð segir nú að þó fólk sé búið að selja þá fái það leiðréttingarnar samt. En það er ég ekki að skilja sér í lagi þegar hann segir fyrir viku að fólk fái ekki tékka í póstinum heldur verið höfuðstóll lána lækkaður. Nú ef þú ert búin að selja eign þína með lánum. Hvernig geta fyrri eigendur fengið leiðréttingu þegar þeir eiga hvorki eignina sem lánið er á né lánið sjalft? Nema þá með feitum tékka?

Eins sé ég ekki alveg ef ég kaupi nú íbúð með áhvílandi láni og það er settur fyrirvari um að sá sem ég kaupi á njóti leiðréttingarinnar. Nú verð ég þá kannski að borga nokkrar milljónir daginn sem lánin á eigninni lækka. Eða sækja um hærri lán á eignina sem því nemur? 

Eins vantar sárlega að vita hvort að lækkanir lána koma til með að miðast við verðbólgu umfram þessa venjulegu þ.e. umfram 4 til 5% verðbólgu og eins hvort að 110% leiðrétting kemur líka til frádráttar. Ef við erum að tala þá um 10 til 15% leiðréttingu munar færst heimili lítið um þetta. 15% leiðrétting á 20 milljóna höfuðstól eru jú um 3 milljónir sem gera lækkun á mánaðargreiðslum upp á um 18 þúsund. Það eru um 13 sígarettupakkar á mánuði.  Það segir  lítið fyrir fjölskyldur sem standa illa. 

Sorry enn á ný á ég erfitt með að sjá að þetta verði eitthvað sem skiptir máli ef þetta verður svona. Nema náttúrulega fyrir þá sem eru með mun hærri lán kannski 40 til 60 milljónir. 

Óþarfir fyrirvarar í kaupsamningum