Fyrir þá sem kætast nú yfir löku gengi Samfylkingarinnar!

Það er margir þessa dagana sem gleðjast gríðarlega yfir slöku gengi Samfylkingarinnar. M.a. hér á blog.is. Gott og vel. Fyrir mér er ekkert höfuð atriði að Samfylkingin lifi eða hverfi svo lengi sem að Jafnaðarhugsjónin eigi sér einhvern farveg annan þá. Fólk skildi athuga að verkalýðishreyfingin og um leið jafnaðarmenn hafa staðið fyrir flestum þeim framförum í réttindum fólks og lífsgæðum sem fólk hefur öðlast síðustu 100 árin. Það er alveg sama hvar menn bera niður. Fólk getur bara byrjað á stöðunni eins og hún var upp úr aldamótunum 1900 og fram til dagsins í dag. Og enn er verk að vinna. Í raun eru flestir íslendingar jafnaðarmenn í raun en hafa látið telja sér trú um að aðrir flokkar og stefnur standi vörð um það líka en gleyma því að sérhagsmunalið okkar eins og stóreignamenn og handhafar auðlindana hafa þar gríðarleg ítök og koma til með að standa gegn öllum breytingum sem snerta stöðu þeirra eins og t.d. aukin völd til fólksins

Var að lesa grein eftir Valgerði Bjarnadóttur þar sem hún kemur einmitt inn á þau atriði sem enn þarf að laga.

Við eigum að vera óhrædd við að búa til samfélag þar sem öflugt atvinnulíf blómstrar. Það atvinnulíf á að borga starfsmönnum sínum kaup sem gerir þeim kleift að búa sér blómlegt líf.

Við eigum að vera óhrædd við að dreifa skattbyrðinni þannig að þeir fáu ríku greiði ríflega skatta. Þannig er hægt að létta skattbyrðinni á þeim sem minna hafa.

Við þurfum að sameinast um að arðurinn af þjóðarauðlindum renni til fólksins í landinu. Búið er að tala nógu lengi um það. Arðurinn af auðlindinni á að gera okkur kleift að standa undir öflugu velferðarkerfi .

Við þurfum nýja stjórnarskrá. Stjórnarskrá sem dregur úr pólitísku valdi stjórnmálaflokka og færir meira vald til fólksins. Stjórnarskrá sem tryggir jafnan atkvæðisrétt, tryggir aðskilnað framkvæmdavalds og löggjafarvalds og tryggir meira gagnsæi í öllum stjórnarháttum.

Sérhagsmunaöflin í landinu eru sterk, það er ekki nýr sannleikur. Sérhagsmunaöflin vilja, eðli málsins samkvæmt, engar kerfisbreytingar. Þau vilja óbreytta stjórnarskrá, óbreytta stjórn á auðlindunum og fyrst og síðast óbreytta stöðu sína. Stöðu sem þau hafa notað og vilja nota áfram til að deila og drottna.

Áskorunin er að brjóta sérhagsmunaöflin á bak aftur. Um það verkefni þarf breiða samstöðu ef við ætlum ekki að hjakka áfram í sama farinu. Við megum ekki láta stjórnmálaflokka, sem stofnanir, byrgja okkur sýn. Við verðum að hugsa stórt. Við verðum að horfa lengra en nemur okkar eigin sérhagsmunum og sameinast um það meginverkefni að brjóta sérhagmunaöfl á bak aftur og hugsa um almannahag.

Eins þá skammast hún í samfylkingarfólk fyrir umræðuna sem setur flokkinn og tilveru hans umfram hugsjón um jöfnuð sem er eimitt málið. Stjórnmálaflokkur er ekki fótbolta lið. Hann er hópur fólks með sameiginleg lífsgildi og framtíðarsýn. Flokknum má fórna ef það verður til þess að vinna stefnunni brautargengi.

Sýnist að Guðni Th. Davíð, Andri og allir hinir geti hætt við.

Sá könnun sem er í gangi nú á utvarpsaga.is sem sumir bloggarar /t.d. Jón Valur) vitna óspart í segja örugga mælingu, að allir nema Sturla Jónsson geta nú bara hætt við framboð sitt og tekið þessu rólega því Sturla er búinn að busta þetta.

Framboð Davíðs kom á óvart

Skyndirákvörðun Davíðs?

Hef bloggað um það fyrir mörgum dögum að þetta stæði til. Skylst að nú þegar sé búið að safna undirskriftum og um leið bendi ég á grein Hannesar Hólmsteins fyrir viku síðan. Þetta er alveg þaul skipulagt og var ákveðið fyrir löngu.

Davíð býður sig fram til forseta

Ætlaði vera jákvæður í kvöld og fara fyrir árangur ráðherra þessarar ríkisstjórnar

Kom mér á óvart að það er erfitt að finna málefni hjá sumum ráðherrum sem hægt er að hrósa fyrir:

Ragnheiður Elín: Hvaða stóru mál hefur hún komið í gegn? Ekki komnar neinar almennilegar áætlanir ti framkvæmda um móttöku ferðamanna og stefnir í algört neyðarástand á næstu misserum.

Sigurður Ingi: Hvaða stórum málum hefur hann komið í gegn sem Sjávarútvegs og Landsbúnaðarráðherra? Jú lækka veiðigjöldin, rústa Fiskistofu, mein gallaðan Búvörusamning og fleira

Eygló: Hún hefur jú talað um gríðarlega þröf á ýmsum breytingum varðandi húsnæðismál en mjög litið er komið til framkvæmda eftir 3 ár.

Gunnar Bragi: Man ekki eftir neinu sérstöku.

Illugi: Hann hefur jú reynt að standa vörð um RUV að einhverju leiti. Hann náði í gegn styttingu á menntaskólunum sem við eigum eftir að sjá hvernig virkar. Hann er að láta vinna skerðingar á námslánum og mörg mál í hens ráðuneyti sem eru ókláruð.

Kristján: Hefur jú náð að kreista smá auka pening í heilbrigðiskerfið en vinnur nú að því að hækka lækniskosnað meirihluta Íslendinga og eins á að opna á einkavæðingu i heilbrigðiskerfinu.

Ólöf Norðbdal hefur engum stórmálum komið í gegn þó ég kunni að mörguleit vel við hennar vinnu. Hún hefur jú stytt biðtíma hælisleitenda og fyrir það ber að þakka. Og er með ýmismál í gangi. En ekki hefur henni gengi að ná í fjármagn t.d. til að bæta vegakerfið til að taka á móti aukinni umferð ferðamanna um landið.

Sigrún hefur um margt staðið sig vel sem umhverfisráðherra ennþá en byrjaði reynar seint þar sem að ríkisstjórnin taldi ekki þörf á að hafa umhverfisráðuneyti.

Bjarn hefur um margt staðið sig ágætlega sem fjármálaráðherra en þó hefur hann unnið kerfisbundið að því að létta skattbirgði af þeim hæst launuðu en látið skattbirgðina í staðin vera lítið breytta á þeim sem lægst hafa launin. Og svo hræðist maður næstu framtíð m.a. hvernig verður farið með allar þær eignir sem ríkið á í dag en verða seldar á næstunni.

Svo hröklaðist Hanna Birna og Sigmundur frá.

 

Veit það ekki en mér finnst skolli margir ráðherra hafi í raun ekki ráðið við verkefni sín. Að minnsta kosti er árangur þeirra ekki mikill eftir 3 ár í stjórn

Menn skildu átta sig á að nú stendur barátta yfir um framtíð Íslands!

Nú um þessar mundir ætti fólki að vera ljóst að það sendur barátta yfir um framtíð Íslands. Í öðrum hópnum stendur hópur og flokkar sem hafa það æðsta markmið að verja ákvaðna valdastéttir og ættir sem hafa um áratugaskeið notið hér forréttinda og verið hjálpað til að brjóta undir sig flestar þær eignir og auðlindir sem þjóðin á. Þessi hópur ætlar ekki að sleppa þessu taki sem þeir hafa haft án baráttu. Menn muna lætin hér út af veiðigjöldum, auðlegðarsköttum og gegn öllum þeim breytingum sem gætu svipt þau auði sínum. Þeir hafa beitt brögðum t.d. til að reyna að eyðileggja vinnu við nýja stjórnarskrá, koma í veg fyrir réttlátara skattakerfi og eins til að koma í veg fyrir að hingað gæti borist samkeppni frá útlöndum sem gæti lækkað hagnað þeirra.

Ef ekki hefði komið til öflug andspyrna þá væru þeir komnir enn lengra í þessari vinnu sinni að mylja allt undir sig. Í raun er Austurvöllur og samfélagsmiðlar búnir að sanna ágæti sitt með því að hræða þá flokka sem sinna þeim frá því ráðast í miklu stærri og verri verk. Það væri örugglega búið að tryggja þessum hóp aðgang að kaupum á nýju bönkunum, auðvelda þeim að koma með fjármagnið sitt sem þeir hafa geymt erlendis og fá að kaupa hér banka og fyrirtæki á afslætti.

Þessi hópar halda uppi gríðarlegri hagsmunagæslu. M.a. hika þeir ekki við að kaupa heilu dagblöðin til að standa í baráttu sinni. Þeir beita ýmsum hræðsluáróðri og versta er að allt of stór hluti almennings kaupir þetta.  Fólk fattar ekki að þessi hópur stendur fyrir óbreyttu Íslandi og engum framförum því það henntar þeim ekki. Þeir fá að valsa með sínar krónur og eignir erlendis og taka erlend lán á meðan að við erum hér með okkar kjör og krónu sem getur jú fallið við minnsta hnerra frá útlöndum. Við fáum að vera með Íslenska vexti og verðtryggingu á okkar lánum á meðan. Reynar er allt rólegt í augnablikinu af því að við erum höftum! En það verður ekki endalaust því það hentar ekki þeim ríku.

M.a. held ég að þeir eigi eftir að beita sér rosalega bæði nú í vali á forseta landsins og svo næsta haust þegar kosið verður til Alþingis.

Það er ljóst að ef fólk vill réttlátara samfélag þá verða að verða hér breytingar. Breytingar eru undirstaða þróunar. Og án þeirra verðum við bara sama gamla Ísland þar sem nokkur þúsund manns ráða hér í raun öllu. Og fá stærstan hluta af kökunni á meðan við almenningur borgum fyrir það.

Algjörlega nýjar fréttir af forsetaframboðum!

Furðulegt að allir fjölmiðlar þegja um þetta sem og allir bloggarar hér á blog.is sem þykjast samt vera svo inn í öllum hlutum. En þá verð ég bara að taka að mér að opinbera hvað er verið að tala um:

Næsta sunnudag mun Davíð Oddsson tilkynna framboð sitt til forseta! Þetta eru fréttir sem ég hef úr nokkrum áttum.

Eins er að það liggur í loftinu að á næstu dögum eða vikum þá muni Ólafur Ragnar draga framboð sitt til baka.

Svona þar hafið þið það! Þetta er sögur sem ég tel nokkuð ábyggilegar. M.a. heyrt að Davíð sé búinn að safna undirskriftum. En þetta er þó bara sögur þar til að þær verða staðfestar.

Stolnar fjaðrir?

Skv. mínum heimildum eru þessar tölur byggðar á niðurstöðum úr skattframtölum fyrir árið 2014 með tekjum og skuldum  fyrir árið 2013 Að minnsta kosti eru heimildir frá Hagstofu sem þetta byggist á frá því tímabili. Finnst bara rétt að benda þetta.

P.s. búið að leiðrétta þetta:

Frétt um tekjujöfnuð á Íslandi sem birt var á síðu forsætisráðuneytisins í dag byggði á röngum forsendum. Þar sagði að nýjar tölur frá Eurostat, hagstofu Evrópusambandsins, sýni að ekkert Evrópuríki búi við jafnmikinn tekjujöfnuð og Ísland. „Samanburður Eurostat er byggður á upplýsingum um tekjur á árinu 2014,“sagði í frétt ráðuneytisins. Það er hins vegar ekki rétt, samkvæmt upplýsingum frá Hagstofunni. Tölurnar sem Eurostat notar byggja á Evrópsku lífskjararannsókninni og endurspegla tekjumælingar ársins á undan, það er upplýsingar fyrir árið 2013.

Á ríkisstjórnarfundi í morgun var liðurinn Meiri tekjujöfnuður á Íslandi en í öðrum Evrópuríkjum á dagskránni. Í kjölfarið, skömmu fyrir hádegi, var send út fréttatilkynning frá forsætisráðuneytinu sem var samhljóða fréttinni sem birt er á síðu ráðuneytisins.

Þingmenn stjórnarflokkanna hafa í dag dreift frétt forsætisráðuneytisins, eða fréttum fjölmiðla byggðum á henni,  af nokkrum móð. Meðal annars gerð Jón Gunnarsson, þingmaður Sjálfstæðisflokksins, það og einnig Eygló Harðardóttir, félags- og húsnæðismálaráðherra. Þorsteinn Sæmundsson, þingmaður Framsóknarflokksins, gerði slíkt hið sama og Karl Garðarsson, samflokksmaður hans, gerði fréttina að umtalsefni í þingræðu á Alþingi. Má greina á málflutningi þingmannanna að þeir telji að frammistaða sitjandi ríkisstjórnar eigi þarna mikinn hlut að máli.

Tilfellið er hins vegar að umræddar tölur taka til síðasta árs ríkisstjórnar Jóhönnu Sigurðardóttur. Lífskjarakönnunin er framkvæmd á vormánuðum hvert ár og tölurnar fyrir árið 2014 endurspegla tekjudreifingu fyrir árið 2013. Upplýsingar um lágtekjumörk og tekjudreifingu ársins 2014 liggja hins vegar ekki enn fyrir, samkvæmt upplýsingum sem Eyjan fékk frá Hagstofu Íslands. Eurostat hefur því engar slíkar tölur í höndunum.

Sigurður Már Jónsson, upplýsingafulltrúi ríkisstjórnarinnar, sagði í samtali við Eyjuna að um mistök hafi verið að ræða. Rétt sé að upplýsingarnar sem um ræði nái til tekna fyrir árið 2013 en ekki 2014. Til standi að senda út leiðréttingu vegna þessa nú á næstunni. eyjan.is

 

 

 

Tekjujöfnuður mestur á Íslandi

Uppgangur okkar ekki ríkisstjórninni að þakka!

Jón Daníelsson segir hér að það sé fyrst og fremst fordæmislaus fjölgun ferðamanna sem hafi hjálpað okkur!

Af hverju stofna menn félög á Tortóla?

Sko eins og sumir láta í fjölmiðlum og á netinu þá tala þeir eins og það sé bara ósköp eðlilegt að stofna félög á Tortóla. Svona svipað og stofna bankareikning í banka.  Það getur náttúrulega ekki verið.

• Ef svo væri þá mundu menn einmitt gera það stofna reikninga eða kaupa skuldabréf hér á lendi enda eru þau með miklu hærri vöxtum en almennt gerist í heiminum.
• Menn stofna náttúrulega til félaga á Tortóla til að græða á.
• Þeir stofna félag en flytja þangað enga peninga heldur fjárfesta þeim annarstaðar m.a. á Íslandi. Sbr fyrir hrun þegar þeir "lánuðu bönkunum peninga í gegnum þessi félög.
• Staðreyndin er að menn stofna fyrirtæki í Tortóla yfirleitt til að fela peninga. Eða til að græða á óstöðugleika krónunnar, eða hvorutveggja. Og þegar menn segjast borga hér skatta af þessu þá er það brandari. Ef menn væru ekki að fela þar arðinn sinn og upphæðir þá mundu þeir bara stofna reikninga í Noregi eða Bretlandi. Það er auðséð að menn eru að stofna þessi fyrirtæki í löndum þar sem reglur eru litlar sem engar og eftirlit lítið sem ekkert.

Svo nær allir sem hafa komið að stofnun fyrirtækja á Tortóla er að því til að þurfa ekki að borga skatta af þeim á Íslandi. Og bankarnir héldu þessu að fólki. Hér áður faldi fólk svona peninga í Sviss og færðu þá úr landi með því sem var kallað "hækkun í hafi".

Ég er ekki að segja að það þurfi að upplýsa um alla þessa aðila sem við vitum þó að eru einhver þúsund (bara 600 í þessum leka frá einni lögfræðiskrifstofu í Panama), en það á að tryggja að svona geti ekki gerst aftur?  Það er hægt að setja lög og reglur sem taka á því að menn komist ekki upp með þetta.

Svo er rétt að benda á að margir þessara aðila eru ekki einu sinni með lögheimili á Íslandi og borga því engan tekjuskatt og útsvar hér sjálfir. En búa samt hér og þyggja hér þjónustu sveitarfélaga. Held að allir stærstu fjárfestar svei mér þá hafi lögheimili utan landsins.  Þannig að menn þurfa ekki að taka Dorrit  sérstaklega fyrir (samt óheppilegt)

P.s. smá viðbót:

„Aflandsvæðingin hefur tvímælalaust haft mjög slæm áhrif. Það en nánast sama hvar drepið er niður fæti þá koma í ljós slæm áhrif. Auðvitað hafa menn fyrst og fremst horft á skattahliðina og þá staðreynd að svona félög eru í mjög mörgum tilfellum notuð til að komast hjá skattgreiðslum. Stundum beinlínis ólöglega en stundum með einhverjum flækjum sem standast nú ítrustu próf lögfræðinna þótt þau séu ekki siðleg. Það þýðir þá auðvitað bara að þeir sem eru með breiðustu bökin þeir eru þá ekki að borga sinn skerf við að halda samfélaginu uppi. Það er auðvitað afleitt. Þeir sem lenda í því að þurfa að borga, venjulegt launafólk sem getur ekki komið sínum tekjum undan skatti með svona trikkum finna auðvitað fyrir því.“ Sjá hér eða hlusta http://ruv.is/frett/aflandsvaeding-og-helsjukt-samfelag

Svona vinnubrögð ganga ekki og verður að stoppa!

Samkvæmt frétt RÚV verður félagið stofnað á næstu dögum, en þetta er gert á grundvelli laga um breytingu á lögum um Seðlabanka Íslands sem Alþingi samþykkti þann 17. mars síðastliðinn. 

Samkvæmt því lagafrumvarpi sem upphaflega var lagt fram átti Seðlabankinn að stofna félagið og skipa stjórn þess. Jafnframt var kveðið á um að stjórnsýslulög giltu ekki um ákvarðanir sem teknar væru af hálfu félagsins. Frumvarpið tók hins vegar breytingum í efnahags- og viðskiptanefnd. Í áliti nefndarmeirihlutans frá 29. febrúar kemur fram að „í samráði við fjármála- og efnahagsráðuneytið“ hafi „komið fram veigamikil rök fyrir því að félagið verði ekki á forræði Seðlabanka Íslands heldur heyri beint undir fjármála- og efnahagsráðuneytið sem fer með eignir ríkissjóðs“. Var Seðlabankinn sammála þessu. Þá var klausa um að félagið væri undanþegið stjórnsýslulögum fjarlægð úr frumvarpinu.

Ekki er að sjá að nefndarmenn hafi gert ráð fyrir að ráðherra yrði sjálfur stjórnarformaður félagsins. Í álitinu er raunar tekið fram að verkefni félagsins verði „leyst í hæfilegri fjarlægð frá ráðuneytinu en ráðherra skipi hins vegar í stjórn félagsins“. Þessi skilningur kom einnig fram þegar málið var rætt á þingfundi 2. mars síðastliðinn. „Eins og ég segi tel ég þetta þó miklu betri leið, það er að stofnað sé sérstakt félag sem ráðherra skipi stjórn, hann hafi ekki aðkomu að einstökum ákvörðunum en beri ábyrgð á að stofna félagið og skipa stjórnina,“ sagði Katrín Jakobsdóttir, formaður Vinstri grænna. 

RÚV greindi hins vegar frá því í gær að félagið taki til starfa á allra næstu dögum og fjármálaráðherra verði sjálfur stjórnarformaður þess. Birgittu Jónsdóttur, þingkonu Pírata, virðist brugðið. „Þetta líst mér engan vegin á og ljóst er að þær ónotatilfinningar sem ég hef haft og ekki getað alveg skilið hvaðan koma varðandi uppgjör og afnám hafta hafi formgerst og ljóst að þetta fyrirkomulag getur ekki gengið upp og má ekki gerast,“ skrifaði hún á Facebook í morgun. ( stundin.is )