Svona andskotist nú til að klára þetta mál!

Hvernig má það vera að stjórnarandstaðan sem hefur alltaf talað fyrir því að það þurfi að semja aftur og ríkisstjórn sem vill koma þessu máli frá, geti ekki klárað þetta á skemmri tíma. Finnst að það skuli vera nú kominn mánuður frá því að þetta fólk fór að hittast og nú fyrst skuli menn vera að sættast um svo sjálfsögð mál eins og hverjir eigi að ráðleggja þeim með afbrigðum! Gera menn sér ekki grein fyrir því að hverri viku sem þetta mál dregst á langinn kostar okkur til framtíðar í verri kjörum og minnkandi líkum á fjárfestingum?

Halda menn að það sé freistandi fyrir menn og fyrirtæki að koma hingað og fjárfesta þegar að stjórnvöld og stjórnarandstaða eru upptekin í einhverjum leik sem aðallega snýst um hvernig hver og einn á að halda andlitinu eftir að málið er leyst? Menn flækja sig í hlutunum og snúast í hringi og ekkert kemst áfram á meðan.  Það sem skiptir máli er að halda áfram. Ekki láta eitthvað mál og nokkra milljarða tefja það að hér hefjist uppbygging aftur.

Kröfðust pólitískra sátta

Athugasemdir

[Hólmfríður Bjarnadóttir, 8.2.2010 kl. 23:35]

Sammála síðasta ræðumanni. En það er bara ein spurning, fá ekki bloggarar fráhvörf ef ICESAVE klárast einhvern tíman?

[Ingolf (IP-tala skráð) 9.2.2010 kl. 12:29]

Sammála þér Magnús Helgi, með minni hentusemi. Hólmfríður það verða ekki nein fráhvarfseinkenni, það kemur upp einhvert annað hneigsli að tala um það get ég lofa þér í annari eins spillingu og er á landinu, t.d. sakleysi útgerðarmanna með veðsetningu ófæddra fiska, en það er svo sem ekkert skrítið þegar að það er hægt að veðsetja 1 árs gömul börn á landinu og síðan þegar það gemur á daginn þá er bara að afskrifa það eins og allt annað. Svo það er að nóu að taka. Ekki allt búið þegar ICESAVE er komið í höfn, þó að það sé með þeim stærstu kanski, annars er ekki skírslan komin í dagsljósið.