Glæsilegt

Klofnar Frjálslyndi flokkurinn?

Svona landsfundur þar sem fólk gat bara mætt og skráð sig í flokkinn jafnvel þar til að kosningar áttur að fara fram finnst mér nú lykta illilega. Þá finnst mér skrítið að skv. fréttum voru á annað þúsund gestir þarna en samt eru ekki nema 687 atkvæð greidd.

EN nú verður gaman að fylgjast með framhaldinu.

Og hvort mikið verður að gera á skrifstofunni næstu daga við að taka við úrsögnum þeirra sem skráðu sig í dag.

Magnús Þór kjörinn varaformaður Frjálslynda flokksins

Magnús Þór varaformaður

 Gaman að vita hvað skeður næst

Vísir, 27. jan. 2007 17:23

Magnús Þór varaformaður Frjálslyndra

Magnús Þór Hafsteinsson sigraði í varaformannskjöri Frjálslynda flokksins í dag. Atkvæðin féllu þannig að Magnús fékk 369 atkvæði, eða 54% þeirra en Margrét Sverrisdóttir fékk 314 atkvæði, eða 46%. Heildaratkvæðafjöldi var 686 atkvæði og voru þrjú ógild.

Nærri sjö hundruð manns tóku því þátt í varaformannskjöri flokksins í dag. Mikil örtröð skapaðist á Hótel Loftleiðum þegar mannfjöldinn mætti og skráði sig í flokkinn. Fólk fékk að skrá sig allt til klukkan korter í þrjú en klukkan þrjú átti að byrja að kjósa. Dagskrá landsfundarins riðlaðist því töluvert.

Kosningareglur anskoti rúmar

Ekki traustvekjandi hluti í fréttinni:

Frétt af mbl.is

Kosning í önnur embætti er nú hafin. Magnús Þór Hafsteinsson og Margrét Sverrisdóttir bjóða sig fram í embætti varaformanns. Ráða má það af orðum fundarstjóra þar sem kosningin hefur verið úrskýr, að reglur séu nokkuð rúmar. Þannig hefur fólk, sem þurfti að fara snemma af fundinum, m.a. fengið að skilja atkvæðaseðla sína eftir þótt kosningin væri ekki formlega hafin.

Guðjón Arnar kjörinn formaður Frjálslynda flokksins með lófataki

Bara allir kjósendurnir mættir

Fann þetta á visir.is

Vísir, 27. jan. 2007 15:51

Öngþveiti á landsfundi Frjálslyndra

Töluvert öngþveiti ríkir á landsfundi Frjálslynda flokksins sem nú stendur yfir á Hótel Loftleiðum en um eitt þúsund manns eru á fundinum. Kosningu í embætti formanns er lokið og en úrslit liggja ekki fyrir. Guðjón er einn í framboði og reikna má því með að hann verði sjálfkjörinn formaður flokksins.

Á fundinum er meðal annars kosið í varaformannsembætti flokksins og búist er við því að mjótt verði á munum en Margrét Sverrisdóttir og Magnús Þór Hafsteinsson bítast um embættið.

Frétt af mbl.is

  Mikill mannfjöldi á landsfundi Frjálslynda flokksins
Innlent | mbl.is | 27.1.2007 | 15:16
Ekki er enn hafin kosning á landsfundi Frjálslynda flokksins á Hótel Loftleiðum en samkvæmt dagskrá átti formannskjör að hefjast klukkan þrjú og. Myndast hafa langar raðir þar sem fólk sækir sér kjörgögn en ekki er ljóst hvenær kosningin hefst. Magnús Reynir Guðmundsson, framkvæmdastjóri flokksins, sagði að um 1000 manns væru í húsinu.

Mikill mannfjöldi á landsfundi Frjálslynda flokksins

Ómar lætur Frjálslynda og Guðjón Arnar heyra það!

Var að lesa bloggið hans Ómars Ragnarssonar og þar lætur hann Frjálslynda heyra það!

Hann segir m.a.

Stóriðjusinnar á Íslandi hafa kallað sig hófsemdarfólk en þá sem hafa viljað staldra við öfgamenn. Nú kynnir formaður Frjálsynda flokksins "hóflega" stóriðju og álverastefnu flokksins. Með því vill hann í raun skipa sér með stjórnarflokkunum í þessu máli sem hafa alltaf pakkað stóriðjustefnunni inn í snakk um hófsemd, skynsemi og virðingu fyrir náttúrunni. 

Og svo

Guðjón Arnar, það er ekkert "hóflegt" til við framtíðarsýn þína. Hún felst í því að fórna einu af sjö undrum veraldar, íslenskri náttúru, mesta verðmæti sem Íslensku þjóðinni hefur verið falið að varðveita fyrir mannkyn allt og milljónir óborna Íslendinga, - fórna þessu verðmæti sem dýrmætara en sjálf handritin fyrir galna virkjanafíkn sem byggist á hæpnum og staðbundnum skammgróðasjónarmiðum

Og svo heldu hann áfram að skamma þá. Lesa bloggið

Smalað til varaformannskjörs

Sko loksins!

Ég hef beðið eftir því að Samfylkingin tæki af skarið og setti þessi mál í umræðunna.

„Við höfum sett tvö stór mál á dagskrá á þessum vetri. Í fyrsta lagi lækkun matvælaverðs og í öðru lagi evruna og málefni ESB sem leið til að ná niður okurvöxtum og alltof háu verðlagi á Íslandi. Það liggur fyrir í skoðanakönnunum að upp undir helmingur þjóðarinnar er fylgjandi aðild að Evrópusambandinu og upptöku evrunnar,” sagði Ingibjörg Sólrún.

Tel nauðsynlegt að við tökum umræðu um þessi mál.

Frétt af mbl.is

  Ingibjörg Sólrún segist ekki taka þátt í þagnarbandalagi um Evrópumál
Innlent | mbl.is | 27.1.2007 | 14:43
Á aðalfundi Samfylkingarfélagsins í Reykjavík í dag flutti Ingibjörg Sólrún Gísladóttir formaður Samfylkingarinnar ræðu þar sem hún ræddi m.a. sérstöðu Samfylkingarinnar, efnahagsmál, stóriðjumál, málefni eldri borgara og misnotkun ríkisstjórnarinnar á valdi sínu og vísaði með því í Baugsmálið og Byrgismálið. Hún sagði jafnframt að Samfylkingin tæki ekki þátt í þagnarbandalagi um Evrópumál.

Ingibjörg Sólrún segist ekki taka þátt í þagnarbandalagi um Evrópumál

Egill Helgason um þessa Vestmanneyjaferju

Las þetta inn á Silfri Egils:

Ég er sérfræðingur í grískum ferjum. Það er varla sú ferja sem siglir um Eyjahafið gríska sem ég hef ekki ferðast á. Skipið Aqua Jewel sem Vestmannaeyingar eru að íhuga að festa kaup á er gamall kunningi sem ég hef margsinnis siglt á. Mig minnir að skipið hafi ekki verið neitt framúrskarandi þægilegt og af því fór það orð að það ætti til að velta mikið ef gerði vind - sem er mjög algengt í kringum Mykonos og Paros þar sem Aqua Jewel hefur aðallega siglt. Þar var skipið í samkeppni við fley frá miklu stærri skipafélögum og hefur líklega orðið undir á endanum. Nú les ég reyndar á vefnum að á því hafi verð gerðar einhverjar endurbætur og veltingurinn sé ekki svo slæmur.

Það gæti því orðið dálítið um sjóveiki á sundinu milli lands og Eyja.

Frétt af mbl.is

  Bæjarstjórn Vestmannaeyja vill leigja gríska ferju
Innlent | sudurland.is | 26.1.2007 | 18:09
Bæjarstjórn Vestmannaeyja samþykkti samhljóða á fundi sínum í gær gríska ferjan Aqua Jewel, sem ber allt að 200 bíla og 1000 farþega verði tekin á leigu í stað Herjólfs.

Bæjarstjórn Vestmannaeyja vill leigja gríska ferju

Nú eru liðin 6 ár frá innrásinni í Afganistan og hvenær kemst þar á friður

Nú þegar 6 ár eru liðin frá innrásinni í Afganistan finnst mér alveg furðulegt að ekki hafi tekist að koma á friði. Ég er að velta fyrir mér hvort NATÓ sé að beita réttu aðferðunum. Það að vera eltast við þessa Talibana um allt í stað þess að leggja höfðáherslu á uppbyggingu held ég að séu mistök. Ég held að hriðjuverkamenn missi tilgang sinn um leið og þeir missa stuðning fólks í landinu. Því væri uppbygging og aukin lífsgæði mun sterkara vopn heldur enn stöðugur hernaður sem bitnar jú á saklausum líka.

Þá hef ég lesið að einhverjir héraðsforingjar séu hver með sinn her og séu líklegir til að að ná til sín öllum efnahagsaðstoðum sem veitta eru á þeirra svæðum. Maður heyrir ekkert um að menn séu að einbeita sér að gera þá valdaminni.

Síðan er að koma upp svipuð vandamál í Írak

Hvað eru ekki 8 ár síðan Nató hóf innrásina í Kosovo og ekki búið að leysa úr þessu enn. Spurning hvort sé verði að nota réttar aðferðir? Eða hvort að helmingur heimsins  verður að lokum með herlið frá Nató eða SÞ til frambúðar í landinu til að  halda fríð.

NATO-ríki samþykkja að auka stuðning við Afganistan

Opinber sauðfjárbúskapur

Haf verið að lesa þennan nýja sauðfjársamning. Og þar er margt sem stingur í augun.

Til að byrja með er alveg ótrúlegt að við þurfum að greiða hverjum bónda sem svarar um 175 þúsnd að meðaltali á mánuði og samt erum við að borga svo hátt verð fyrir kindakjötið. 400 ærgildi gefa þá bónda um 2,5 milljónir.

Þá finnst mér skrýtið að það er ákvæið í samninginum sem hljóðar svo:

4.6 Búskaparlok

Bændur á lögbýlum með greiðslumark, sem eru orðnir 64 ára, eiga kost á að gera samning um búskaparlok. Í samningi skal kveða á um afléttingu ásetningskyldu, gegn rétti á óskertum beingreiðslum út gildistíma samnings þessa.

Afhverju eiga þessir bændur að fá greiðslur ef þeir hætta búskap fyrir 67 ára. Er þetta ekki spurning um jafnræðisreglu. Ættu þá hesta bændur að fá slíkt hið sama eða kúabændur. Eða bara verkamenn.

Þá finnst mér þetta eitthvað gruggugt þ.e. það sem ég breytti letri á.

4.7 Svæðisbundin stuðningur

Til þeirra aðila sem nú hljóta greiðslur til stuðnings sauðfjárræktar, á svæðum sem skilgreind hafa verið sérstaklega háð sauðfjárrækt, sbr. reglur landbúnaðarráðuneytisins nr. 552/2005, skal árlega verja fjárhæð, sbr. töflu í 4. gr. Stuðningurinn er háður því að viðkomandi sé skráður ábúandi með lögheimili á lögbýli sem rétt á til úthlutunar samkvæmt framangreindum reglum. Ekki er skilyrði að þeir sem stuðnings njóta stundi sauðfjárrækt. Réttur samkvæmt þessari grein skal vera óframseljanlegur og bundinn við lögbýli. Landbúnaðarráðuneytið setur nánari reglur um greiðslur samkvæmt þessari grein

Þurfa ekki að stunda sauðfjárrækt. Hversvegna á að styrkja einhverja sem ekki stunda sauðfjárrækt í þessum samningi um sauðfé.

Þá finnst mér skrítð að í þessum samning er ekki gerð nein krafa um að fólk hafi þetta að aðalstarfi. Þannig finnst mér að þegar fólk sinnir þessu bara í hjáverkum með öðrum störfum eigi svona miklir styrkir ekki við. Eða þá að þá að t.d. hrossabændur ættu að eiga rétt á svona styrkjum. Jafnvel þeir sem stunda alskyns ræktun í frístundum.

6.1 Um fjárhæðir

Allar fjárhæðir í samningi þessum skulu miðaðar við verðlag samkvæmt vísitölu neysluverðs 1. janúar 2007, sem var 266,2 stig, og taka breytingum mánaðarlega þaðan í frá samkvæmt vísitölu neysluverðs

Þetta finnst mér líka skrítið að upphæðir hækki eða fylgi neysluvístölu mánaðrlega. Ekki eru laun almennt látin hækka mánaðarlega

Síðan er náttúrulega æpandi hvað kjötverð hér er hátt og það eru engar kröfur sem ríkið hefur á móti þessum styrkjum um lægra verð. Lítið sem ekkert tekið á milliliðum og almennt litlar kröfur á móti þessum styrk.

Þá er í þessu samningi lítið sem hvetur bændur til að stýra framleiðslunni eftir markaði. Þannig eru þar greiðslur fyrir byrgðahald og þessháttar.

Ég held að þarna þurfi að taka til óspiltra málana og endurskipuleggja landbúnaðinn þannig að hann eigi möguleika á að verða sem mest sjálfbær eins og annar iðnaður.

Mér finnst líka þegar verið er að gera samninga við bændur verði að taka tillit til að jarðir hafa margfaldast í verði og algengt verð nú fyrir jarðir eru frá 60 og fer langt yfir 100 milljónir þannig að það er ekki eins og þetta sé eignalaust fólk.

<">Samningin má sjá hér

Nýr sauðfjársamningur undirritaður