Leita í fréttum mbl.is

Bloggfærslur mánaðarins, janúar 2007

Og hvenær skilar þetta sér til viðskiptavina þeirra?

Hér á Íslandi eru bankar með:

  • Hæsta vaxtamun á byggðu bóli 13%
  • Sparisjóðsbækur bera -2% raunávöxtun
  • Yfirdráttarvextir eru 25% sem er svipað og hjá okurlánurum í glæpaheiminum
  • Þjónustugjöld með þeim hæstu í heiminum

En bankarnir og eigendur þeirra geta haldið dýrindis veislur og flottar kynningar. Gert rándýrar auglýsingar en ekki boðið viðskiptavinum sínum betri kjör

Frétt af mbl.is

  Samanlagður hagnaður viðskiptabankanna 163,7 milljarðar
Viðskipti | mbl.is | 30.1.2007 | 7:39
Mynd 300009 Samanlagður hagnaður viðskiptabankanna þriggja: Glitnis, Kaupþings og Landsbankans, nam 163,7 milljörðum króna á síðasta ári. Er þetta aukning um 70,5 milljarða króna á milli ára en árið 2005 nam samanlagður hagnaður þeirra 93,2 milljörðum króna. Heildareignir bankanna þriggja eru 8.474 milljarðar króna.


mbl.is Samanlagður hagnaður viðskiptabankanna 163,7 milljarðar
Tilkynna um óviðeigandi tengingu við frétt

Björn Bjarnason að ögra Útvarpi Sögu.

Nú tvo daga í röð er Björn Bjarnason með föst skot á Útvarp Sögu:

Í gær sagðir hann á bloggi sínu:mainpage_01

 Margrét hefur einnig sagt, að hún hafi um nokkurra vikna skeið búið við stöðugt níð á útvarpi Sögu. Þessari útvarpsstöð hefur raunar verið líkt við nútíma níðsstöng, því að engu er líkara en þráðurinn í sendingum hennar byggist á stöðugu níði.

Í dag bætir hann um betur og segir:

 Eftir stendur valdahópur í kringum þá Guðjón Arnar Kristjánsson formann og Magnús Þór Hafsteinsson varaformann auk félaga úr Nýju afli undir forystu Jóns Magnússonar hrl. en með þeim hafa neikvæð viðhorf í garð útlendinga tekið að setja svip sinn á stefnu flokksins. Útvarp Saga er málgagn Nýs afls og þess sem eftir stendur af Frjálslynda flokknum, enda kalla menn stöðina nú níðstöng nútímans.

Hlustaði á Útvap Sögu í dag og Arnþrúður var ekki par hess með þessi ummæli hans í gær. Það verður gaman að heyra í henni á morgun.


Kaos eftir kosningar í vor?

Í framhaldi af öllum þessum fréttum nú síðustu vikur um framboð og hugasanleg framboð og nú brotthvarf Margrétar úr Frjálslyndum þá setur að mér ugg um að í vor verði hér fullt af atkvæðum sem falla dauð niður. Eða dugi ekki til að hér verði stafhæf ný stjórn á næsta kjörtímabili.

Í dag er útlit fyrir að eftirfarandi framboð verði:

  • Framsókn
  • Framtíðin
  • Aldraðir og öryrkjar 1
  • Aldraðir og öryrkjar 2
  • Frjálslyndir
  • Sjálfstæisflokkur
  • Samfylking
  • VG

Ef við reiknum með að þessi smærri framboð taki atkævði af hinum flokkunum verða fullt af atkvæðum sem detta dauð niður. Ef að allir þessi flokkar væru í framboð getum við sett upp dæmi um % skiptingu milli þeirra:

  • Framsókn - 8%
  • Framtíðarlandið - 12% 
  • Aldraðir og öryrkjar 1 - 2%
  • Aldraðir og öryrkjar 2 - 3%
  • Frjálslyndir - 6%
  • Sjálfstæisflokkur - 28%
  • Samfylking - 23%
  • VG - 18%

Þetta mundi þýða að engir 2 flokkar gætu myndað stjórn saman. Töluvert af atkvæðum væru dauð í flokkum sem fengju engan eða 1-2 þingmenn. Og líkur væru miklar  á ríkisstjórn sem byggð væri á svo miklum málamiðlunum að ekkert væri hægt að gera hér næstu árin.

Hvet fólk sem stendur fyrir ákveðin málefni að reyna að vinna þetta á annan hátt. Og þá stjórnmálaflokka sem fyrir eru að taka tillit til þessara málefna sem þessi fyrirhuguðu nýju framboð standa fyrir þannig að ekki komi til máttlausrar grautarstjórnar næsta kjörtímabil. Það mundi síður koma til ef að fólk findi málefnum sínum farveg í þeim flokkum sem fyrir eru.

 
mbl.is Stuðningsmenn Margrétar ætla að finna hugsjónum sínum nýjan farveg
Tilkynna um óviðeigandi tengingu við frétt

Alveg gat Guðjón sagt sér þetta sjálfur.

Ég held að það hafi nú of margt gengið á milli þessara fylkinga til að þarna kæmist á vinskapur aftur. Alveg ótrúlegar yfirlýsingar varaformans um Margréti og svo þessi innganga Nýs Afls með alskyns baktjaldamakki og loddara skap.  Þeir hljóta að hafa reiknað með þessu. Mér finnst að þessir þingmenn frjálslynd hafi afhjúpað sig sem sjálfumglaða menn sem eigna sér "árangur" frjálslynda sem er nú ekki í raun mikill. Það er ekki mæling á árangur að fá 11% í skoðunarkönnun þar sem vikmörk eru +/- 5%

Frétt af mbl.is

  Guðjón Arnar: Frekar leitt að Margrét skyldi taka þessa afstöðu
Innlent | mbl.is | 29.1.2007 | 20:54
Guðjón Arnar Kristjánsson. Guðjón Arnar Kristjánsson, formaður Frjálslynda flokksins, sagði í kvöld að sér þætti „frekar leitt að [Margrét] skyldi taka þessa afstöðu,“ er hann var inntur viðbragða við yfirlýsingu Margrétar Sverrisdóttur.


mbl.is Guðjón Arnar: Frekar leitt að Margrét skyldi taka þessa afstöðu
Tilkynna um óviðeigandi tengingu við frétt

Eldri Sjálfstæðismenn segja allt vera í fína hjá öldruðum.

Var að lesa ályktun frá félagi eldri sjálfstæðismanna:

Þar segir m.a.

25. janúar 2007

 

Samtök eldri sjálfstæðismanna álykta

Samtök eldri sjálfstæðismanna lýsa ánægju sinni með þá aðferð sem stjórnvöld hafa beitt á síðustu árum að hafa samráð við fulltrúa eldri borgara og samtök þeirra um úrbætur í málefnum sem standa hjarta þeirra næst.

Samtökin vekja athygli á því sem fram hefur komið hjá formanni Landssambands eldri borgara, að „kannaður hafi verið áhugi fyrir sérframboði aldraðra hjá formönnum 52 aðildarfélaga LEB“.  Þar kom fram neikvæð afstaða til sérframboðs.

Sjálfstæðisflokkurinn hefur verið, er og mun verða með sínu mikla kjörfylgi meðal landsmanna og sterkri stöðu á Alþingi Íslendinga, kröftugasta aflið til áframhaldandi bættra kjara eldri borgara þjóðarinnar.

Umbætur þær sem þegar hafa verið gerðar og framhald þeirra, eru ótvírætt vitni um heilshugar stuðning Sjálfstæðisflokksins við málefni aldraðra. 

Samtök eldri sjálfstæðismanna leggja áherslu á að næstu skref stjórnvalda á bættum kjörum og aðbúnaði eldri borgara beinist að eftirtöldum þáttum:

Síðan kemur langur listi yfir það má bæta. 

En mér er spurn afhverju eru þá eldriborgarar og öyrkjar þá að fara að bjóða fram og það meira segja 2 framboð. Nei ég helda að Eldri sjálfstæðismenn séu jafnmikið úr tenglsum við ástandið í dag og aðrir


Hellisheiði lögð undir virkjanir og háspennumannvirki

Var að lesa frétt um fyrirhugaðar línulagnir á Hellisheiði í kjölfar virkjana bæði við Þjórsá og svo á Hellisheiði. Það er ljóst að það verður ekki svipur hjá sjón að fara um Hellisheiði.

preview

Þessi mynd er að www.ruv.is en betri myndir er að finna á vef Landsnet. Þar er líka hægt að lesa eftirfarandi:

Forsendur framkvæmda
Landsnet hf hyggst styrkja raforkuflutningskerfið á Suðvesturlandi, frá Hellisheiði að Straumsvík, vegna hugsanlegrar stækkunar álversins í Straumsvík og áforma um virkjanir á Hellisheiði, þ.e. við Hverahlíð og á Bitru. Þessar framkvæmdir eru jafnframt áfangi í langtímauppbyggingu raforkuflutningskerfis á Suðvesturlandi, þ.m.t. 420 kV kerfis. Í þessu skyni verður ráðist í framkvæmdir við eftirtaldar háspennulínur:

  • Bitrulína 1, 245 kV (Bitra að Kolviðarhóli)
  • Hverahlíðarlína 1, 245 kV (Hverahlíð að Kolviðarhóli)
  • Kolviðarhólslína 1, 245 kV (Kolviðarhóll að Geithálsi)
  • Kolviðarhólslína 2, 245 kV (Kolviðarhóll að Sandskeiði, og breytingar við Helgafell og við Hafnarfjörð)
  • Búrfellslína 3, 420 kV (Sandskeið að Stórhöfða, Hrauntungum eða Straumsseli)
  • Hamraneslína 3, 245 kV (Stórhöfði, Hrauntungur eða Straumssel að Hamranesi)
  • Ísallína 3, 245 kV (Stórhöfði, Hrauntungur eða Straumssel að álveri Alcan)
  • Ísallína 4, 245 kV (Hamranes að álveri Alcan við Straumsvík)

Í þessu verkefni verða einnig metin umhverfisáhrif Bitrulínu 2 (245 kV) frá Bitruvirkjun að Hverahlíðarvirkjun, sem áformað er að reisa síðar ef virkjanir á Hellisheiði verða stækkaðar.

Síðar segir


Stefnt er að því að framkvæmdir við línurnar geti hafist vorið 2009 og að þeim verði lokið um mitt ár 2010. Framkvæmdatími Bitrulínu 2 hefur ekki verið ákveðinn.
Í tillögu að matsáætlun sem nú liggur fyrir er fyrirhugaðri framkvæmd, valkostum og framkvæmdasvæði lýst og fjallað um umfang og áherslur matsvinnunnar. Jafnframt er tilgreint hvaða gögn eru fyrir hendi sem nýtt verða við matið og hvaða gagnaöflun stendur yfir vegna mats á umhverfisáhrifum.

Þannig að þetta er bara að skella á. Er ekki viss um að fólk almennt sé sátt við að þessar línur liggi svona þvers og kruss um Hellisheið og svæin í kring. Hvet líka Hafnfirðinga til að skoða hversu nálægt bænum þessar línur liggja. Þær verða ekki bæjarpríði.


Jón Baldvin les yfir stjórnarandstöðunni.

Það var frábært að horfa á Jón Baldvin í Silfri Egils. Hann þrumaði yfir stjórn og stjórnarandstöðu.

  • Hann lagði áherslu á heilsstæða og markvissa stefnu sem miðaði að því að koma efnahagslífinu niður á það stig sem gerist í efnahagslífinu í kring um okkur
  • Hann eins og aðrir lofaði greiningu Guðmundar Ólafssonar í 10 liðum um ástandið hér á okurlandi.
  • Hann sagði að til að koma vöxtum og verðbólgu hér niður gæti komið sársaukafullur tími.
  • Hann sagði eins og fleiri að krónan væri handónýt og hér væri í raun komin annar gjaldmiðill sem héti verðtryggingar króna.
  • Hann sagði að ef Samfylkingin tæki sig ekki saman í andlitinu þá kæmi fram annað framboð þar sem færu saman umhverfissinnar og menn sem fylgja nýjum leiðum um framtíð Íslands eins og Ómar, Guðmundur Ólafsson, Andri, og Stefán Ólafsson gætu farið fram fyrir. Þetta væru menn sem töluðu af skynsemi og öfgalaust og kæmu lausnir á móti vandamálum Hann sagðist vera á móti því að flokkar væru sífellt að bregðast við umræðum í fjölmiðlum. Þeir þyrftu að vera með lausnir á þróun mála og standa fast á þeim.
  • Hann sagði fyrst og fremst þyrfti að koma þessari stjórn frá þar sem að stefna þeirra hefði beðið skipbrot
  • Hann sagði að alls ekki ætti að selja Landsvirkjun þar sem að einkaaðilar hefðu ekki sýnt að þeir létu okkur njóta þess að þeir hafi fengið bankanna gefins. (vaxtamunur upp á rúmlega 13%)
  • Stöðva allar risaframkvæmdir eins og virkjanir og álver til að kæla niður hagkerfið.

Það sem er dálítið gaman er að Ingibjörg Sólrún kom inn á margt af þessu í gær. En ég er sammála honum um að Samfylkingin má ekki verða svona upphrópanna flokkur sem ríkur í fjölmiðla við hverja frétt. Heldur að koma fram með tillögur að lausnum og halda þeim á lofti.

Og fleira og fleira


Margét ætlar að kæra framkvæmd kosninga í gær

Margrét Sverris er ekki hress með framkvæmd kosninga í Frjálslyndaflokknum og heldur fram að atkvæði hafi verið keyt. Þett kemur fram í frétt á www.ruv.is

FF: „Nýtt afl keypti atkvæði“

Liðsmenn Nýs afls keyptu atkvæði inn á landsþing Frjálslynda flokksins fyrir hundruð þúsunda króna segir Margrét Sverrisdóttir sem beið lægri hlut gegn Magnúsi Þór Hafsteinssyni í kjöri til varaformanns flokksins. Hún hefur ekki ákveðið hvort hún segi sig úr flokknum.

Margrét ætlar að hitta nánustu stuðningsmenn á morgun og þá verður staðan metin. Hún segist þurfa að ígrunda margt, til dæmis það hvort hún fái að vera framboði fyrir flokkinn í Reykjavíkurkjördæmi Suður. Margrét segir Frjálslynda flokkinn klofinn, Nýtt afl hafi tekið hann yfir.

Margrét segir að á nafnalistum sem stuðningsmenn Magnúsar Þórs hafi dreift áður en kjör í helstu embætti fór fram hafi helmingur nafnanna verið fólk úr Nýju afli. Sem dæmi um þetta nefnir Margrét að kona sem lengi hafi starfað fyrir Frjálslynda flokkinn hafi verið hafnað í kjöri til ritara. En kona sem hafi gengið í flokkinn fyrir viku hafi verið kosin.

Margrét segir ringulreið og glundroða hafa ríkt á landsþinginu í gær. Eftir að ljóst varð að hún hafði ekki náð kjöri til varaformanns gat hún ekki boðið sig fram til ritara. Þá hafi fólk enn verið að skrá sig í flokkinn og inn á þingið klukkan 17 en áður hafði verið ákveðið að loka húsinu klukkan 15 þegar atkvæðagreiðsla átti að hefjast. Margrét hyggst kæra framkvæmd kosninganna.


Vaxtaokrið hér á landi

Var að lesa pistil eftir Egil Helgason á Silfri Egils og þar er hann að vitna í Þorvald Gylfason varðandi vaxtamun hér á landi. En það var einmitt ein af ástæðum fyrir einkavæðinug banka hér á landi. Þ.e. að hagkvæmni í rekstri átti að leiða til þess að þörf bankanna fyrir vaxtamun átti að minnka en viti menn. Þetta línurit er sláandi.

vaxtamunur


Þetta heitir að svindla manneskju inn á listann.

Mér finnst að það sé verðið að gera grín að þeim sem tóku þátt í prófkjöri framsóknar þarna í Suðurkjördæmi.

Frétt af mbl.is

  Helga Sigrún Harðardóttir í 3. sæti hjá Framsóknarflokknum
Innlent | mbl.is | 27.1.2007 | 17:54
Helga Sigrún Harðardóttir, skrifstofustjóri í Reykjanesbæ, er í 3. sæti á framboðslista Framsóknarflokksins í Suðurkjördæmi. Þetta var ákveðið á kjördæmisþingi Framsóknarflokksins í Suðurkjördæmi sem haldið var í dag á Hótel Selfossi. Helga Sigrún, sem er skrifstofustjóri þingflokks Framsóknarflokksins, tók ekki þátt í prófkjöri flokksins um síðustu helgi


mbl.is Helga Sigrún Harðardóttir í 3. sæti hjá Framsóknarflokknum
Tilkynna um óviðeigandi tengingu við frétt

« Fyrri síða | Næsta síða »

Höfundur

Magnús Helgi Björgvinsson
Magnús Helgi Björgvinsson

Skoðanir Magga um menn og málefni í fréttunum. maggihb@gmail.com Athuga að þetta eru mínar skoðanir og þið megið bara hafa ykkar hentisemi, því ég er að nota mína.

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Twitter

Teljari

joomla visitor

Twitter

Tenging við twitter

Um bloggið

Vettvangur Magga

Innskráning

Ath. Vinsamlegast kveikið á Javascript til að hefja innskráningu.

Hafðu samband