Skynsamleg og djörf yfirlýsing frá Norðmönnum

Norðmenn sýna en á ný nokkra djörfung í alþjóðastjórnmálum með því að viðurkenna nýja þjóðstjórn í Palestínu. Það er náttúrulega eina leiðin til að koma á friði á þessu svæði að reyna að hvetja með öllum ráðum til friðsamlegra samskipta. Og þó að  Hamas hafi verið tengt við ofbeldi þá ber að gefa þeim tækifæri þar sem að palestínubúar kusu þá til valda. Nú þegar náðst hefur friður milli stríðandi fylkinga í Palestínu er það rökrétt að þjóðir heims reyni að viðhalda því. Síðan verða að koma til frekari samningar við Ísrael þar sem Ísrael yfirgefur að mestu herteknu svæðin frá 1967 og SÞ tryggja frið á landamærunum.

www.ruv.is

Norðmenn viðurkenna samsteypustjórn Palestínumanna

Norðmenn viðurkenna nýja samsteypustjórn Palestínumanna og ætla að taka upp stjórnmálasamband við hana. Jonas Gahr Störe, utanríkisráðherra Noregs, lýsti þessu yfir síðdegis og sagði að myndun samsteypustjórnar Palestínumanna væri sögulegur atburður. Hefðu samningar ekki tekist milli fylkinga Palestínumanna væru enn átök á milli þeirra.

Norski utanríkisráðherrann sagði að það væri mikilvægt að nýja stjórnin næði tökum á öryggismálum á heimastjórnarsvæðunum og stöðvaði flugskeytaárásir á Ísrael. Hann hvatti alþjóðasamfélagið og Ísraelsstjórn til að hefja samstarf við nýju stjórnina og Ísraelsmenn að afhenda Palestínumönnum tolla og skatta sem þeir eiga inni hjá þeim. Ennfremur að veita Palestínumönnum aukið ferðafrelsi.

Norðmenn gerðu ráð fyrir að palestínska stjórnin virti gerða samninga við Ísrael, sneri baki við ofbeldi og viðurkenndi tilverurétt Ísraelsríkis.

Norðmenn viðurkenna nýja heimastjórn Palestínumanna

Glæsilegt hjá vinum okkar vestri.

Það er algengara en ekki að ég sé að svekkja mig út það sem Bandaríkjamenn eru að gera . En þessi aðgerð finnist mér hreint afbragð. Og er viss um að hún á eftir að hjálpa til við að snúa hag þessara fátæku ríkja við.

Frétt af mbl.is

  Ameríski þróunarbankinn fellir niður skuldir fátækra ríkja
Erlent | AP | 17.3.2007 | 11:28
Skuldir fimm fátækustu ríkjanna í Rómönsku-Ameríku við Ameríska þróunarbankann (IDB), verða felldar niður vegna áætlunar bankans um að minnka fátækt á svæðinu um helming fyrir árið 2015. Það eru lönfin Bólivía, Guyana, Haítí, Hondúras og Níkaragua sem fá felldar niður skuldir sem alls nema rúmlega 4 milljörðum Bandaríkjadala, eða sem svarar tæplega 300 milljörðum íslenskra króna.

Ameríski þróunarbankinn fellir niður skuldir fátækra ríkja

Það verður að laga samkeppnislög og það strax

Var að lesa Fréttablaðið í dag og rakst þar á frétt af því að málinu gegn olíuforstjórnunum hefur verið vísað frá. Í fréttinni segir m.a.

Dómsmál Máli ákæruvaldsins gegn Kristni Björnssyni, Geir Magnússyni og Einari Benediktssyni, forstjórum stóru olíufélaganna á árunum 1993 til 2001, hefur verið vísað frá dómi en Hæstiréttur staðfesti frávísunarúrskurð héraðsdóms frá 12. febrúar.

Dómur héraðsdóms byggði öðru fremur á því að ekki væri hægt að sækja einstaklinga til saka fyrir brot á samkeppnislögum. Meirihluti Hæstaréttar byggir niðurstöðuna á því að rannsókn samkeppniseftirlits, samkeppnisstofnunar og síðar lögreglu standist ekki lög. Sérstaklega er vitnað til þess að óskýrt hafi verið í samkeppnislögum hvernig meðferð opinberra mála skyldi háttað, ef grunur vaknaði um að brotið hefði verið gegn lögunum.

Skil ekki afhverju að löggjafarvaldið er ekki löngu búið að breyta samkeppnislögum. Þetta mál hefur jú legið í loftinu þ.e. að ekki sé hægt að sækja einstaklinga til saka fyrir samkeppnisbrot heldur eingöngu þau fyrirtæki sem þeir starfa hjá. Þetta gegnur náttúrulega ekki. Það eru jú þeir sem ákveða þessi brot eins og samráð sem eiga að vera ábyrgir.

Gjörið svo vel að laga þetta strax!

Frétt af mbl.is

  Ákæru á hendur forstjóra olíufélaga vísað frá
Innlent | mbl.is | 16.3.2007 | 15:55
Hæstiréttur hefur staðfest úrskurð Héraðsdóms Reykjavíkur um að vísa frá ákæru gegn þremur núverandi og fyrrverandi forstjórum olíufélaga. Samkvæmt upplýsingum frá Hæstarétti kváðu fimm dómarar upp dóminn og tveir þeirra skiluðu sératkvæði. Annar vildi staðfesta úrskurð héraðsdóms en á öðrum forsendum en hinn vildi fella úrskurðinn úr gildi og leggja fyrir héraðsdóm að taka ákæruna fyrir

Ákæru á hendur forstjóra olíufélaga vísað frá

Alveg ótrúlegt hvað þeir leggja mikla áherslu á þennan markð þá.

Ef að þetta er rétt að hagnaður þeirra sé innan við 3 milljarðar af viðskiptabankastarfsemi við einstaklinga og lítil fyrirtæki, þá finnst mér ótrúlegt hvað þeir leggja mikla vinnu í þetta. Hefði nú haldið að það væri þá betra að leggja peninga í fjárfestingar erlendis þar sem þeir ávaxta peninganna mun meira. Leyfi mér að efast um að þessar yfirlýsingar standist skoðun.

Frétt af mbl.is

  Um 3% af hagnaði Kaupþings vegna viðskiptabankastarfsemi hér á landi
Viðskipti | mbl.is | 16.3.2007 | 17:55
Af um 100 milljarða króna hagnaði Kaupþings á síðasta ári voru innan við 3 milljarðar, eða 3%, vegna viðskipta bankans við 75 þúsund einstaklinga og 15 þúsund lítil fyrirtæki hér á landi. Þetta kom fram í ræðu Sigurðar Einarssonar, stjórnarformanns Kaupþings, á aðalfundi bankans í dag. Sagðist Sigurður nefna þessar tölur til að svara ásökunum um að bankinn okraði á viðskiptavinum sínum með óeðlilega háum vöxtum og þjónustugjöldum.

Um 3% af hagnaði Kaupþings vegna viðskiptabankastarfsemi hér á landi

Hvað verður um Samúel Örn?

Það kom fram í fréttum að staða yfirmanns Íþróttardeildar yrði lögð niður. Samúel Örn er í framboði fyrir Framsókn í Kraganum en er þar í öðru sæti þannig að það er ekki líklegt að Þingstörf verði næsta starfið hans. Hvað verður þá um hann. Finnst reyndar furðulegt að ekki eigi að vera yfirmaður íþróttasviðs. Ætla að vona að það eigi ekki að leggja niður útstendingar frá íþróttaviðburðum.

Eins er staða Boga Ágústssonar löggð niður en ekkert kemur fram hvað hann hyggst gera.

Frétt af mbl.is

  Breytingar á skipulagi yfirstjórnar RÚV ohf.
Innlent | mbl.is | 16.3.2007 | 18:19
Stöður framkvæmdastjóra Sjónvarps og Útvarps verða lagðar niður um næstu mánaðamót þegar nýtt skipurit Ríkisútvarpsins ohf. tekur við. Þetta kom fram í fréttum Ríkisútvarpsins, en nýja skipuritið var kynnt í dag.

www.ruv.is

Einn yfirmaður verður með dagskrá beggja rása útvarpsins, Sigrún Stefánsdóttir. Þórhallur Gunnarsson, ritstjóri Kastljóssins, verður yfir dagskrá Sjónvarps, og Óðinn Jónsson og Elín Hirst verða áfram yfir fréttum Útvarps og Sjónvarps. Staða forstöðumanns fréttasviðs, sem Bogi Ágústsson gegnir, verður lögð niður. Svæðisstöðvar, Textavarp og vefur heyra í nýju skipuriti undir fréttastofu Útvarpsins og íþróttadeildin undir dagskrá Sjónvarps.

 

Breytingar á skipulagi yfirstjórnar RÚV ohf.

Eru Ísfirðingar áhugamenn um forleik?

Eru þeir kannski á móti undirbúningslausu kynlífi?  Get ekki séð að það geti verið nokkuð annað. Því að forleikur og kynlíf geta varla talist klám. Er þetta kannski skýringin á fólksfækkun á Vestfjörðum?

Get nú ekki alveg séð hverning þetta getur hvatt til ofbeldis meðal ungra drengja.

Frétt af mbl.is

  Auglýsingaspjald talið særa blygðunarkennd viðskiptavina
Innlent | Bæjarins besta | 16.3.2007 | 11:47
Veggspjald með áletruninni „Af hverju ekki kynlíf með Zero forleik“, sem auglýsir nýjan kóladrykk frá Coca Cola, var tekið niður í versluninni Samkaup á Ísafirði í gær, eftir að kvartað hafði verið undan að það særði blygðunarkennd viðskiptavina. Samkvæmt heimildum blaðsins Bæjarins besta sagði einn viðskiptavina meðal annars að slagorðið hvetti mögulega til ofbeldis meðal ungra drengja.

Auglýsingaspjald talið særa blygðunarkennd viðskiptavina

Auðvita er meirihluti fyrir þessu

Það er náttúrulega alveg út í hött að vera á móti því að ræða um hugsanlega aðild að ESB. Það gera sér væntanlega flestir grein fyrir því að með að ræða við ESB þá fáum við hugmynd um það sem okkur stæði til boða við inngöngu og einnig hvað kæmi ekki til greina. Síðan væri það okkar að taka umræðunna um hvort við vildum það og loks yrði þjóðaratkvæðagreiðsla um það.

En það er um að gera að kanna alla möguleika.

Frétt af mbl.is

  57,9% hlynnt aðildarviðræðum við Evrópusambandið samkvæmt könnun SI
Innlent | mbl.is | 16.3.2007 | 12:16
Samkvæmt nýrri könnun sem Capacent Gallup hefur unnið fyrir Samtök iðnaðarins eru 18,6% mjög hlynnt því að taka upp aðildarviðræður við Evrópusambandið. 39,3% eru frekar hlynnt aðildarviðræðum. 15,1% eru hvorki né hlynnt aðildarviðræðum. 15,1% svarenda eru frekar andvígir aðildarviðræðum og 12% eru mjög andvígir.

57,9% hlynnt aðildarviðræðum við Evrópusambandið samkvæmt könnun SI

Heiðmörk að verða vígvöllur verktaka

Það er alveg makalaust hér á landi hvað oft máltækið: "Sjaldan er ein báran stök" á vel við. Nú veltur vörubíll og fullt af olíu hellist niður.

Frétt af mbl.is

  Vörubíll valt í Heiðmörk; um 300 lítrar af dísilolíu láku úr tanki
Innlent | mbl.is | 16.3.2007 | 11:50
Vörubifreið með tengivagn á Vatnsendasvæðinu valt í Heiðmörk um klukkan 11 í dag. Að sögn lögreglu höfuðborgarsvæðisins láku um 300 lítrar af dísilolíu úr tanki vörubifreiðarinnar. Að sögn lögreglu er unnið að því að skafa upp jarðveginn þar sem olían lak. Ökumann vörubifreiðarinnar sakaði ekki.

Vörubíll valt í Heiðmörk; um 300 lítrar af dísilolíu láku úr tanki

Flestir vilja samstarf Vg og Samfylkingarinnar.

Þessi niðurstaða kemur ekki á óvart. Fólk er orðið þreytt á að allt hér snúist um fyrirtæki og hag þeirra. Framkvæmdarleysi varðandi lausnir í málaflokkum eins og málefnum aldraðra og öryrkja. málefnum efnaminna fólks hér á landi og í umhverfismálum er farið að brenna á fólki.

En furðulegt að aðalfréttin sem mbl.is les út úr þessu. Fréttin var líka upprunalega öðruvísi en tekin út aftur.

Fólk vill manneskjvænna samfélag.

  Flestir kjósa samstarf Samfylkingar og VG
Innlent | Morgunblaðið | 16.3.2007 | 5:30
 

Frétt af mbl.is

  Rúmlega 35% kjósenda Sjálfstæðisflokks vilja samstarf við VG
Innlent | mbl.is | 16.3.2007 | 11:41
Tveggja flokka ríkisstjórn Samfylkingar og Vinstrihreyfingarinnar græns framboðs (VG) er það stjórnarmynstur sem flestir landsmenn vilja fá eftir næstu alþingiskosningar ef marka má nýja skoðanakönnun sem Capacent Gallup vann fyrir Morgunblaðið og RÚV.

Rúmlega 35% kjósenda Sjálfstæðisflokks vilja samstarf við VG

Þetta kemur ekki á óvart

Fólk er orðið þreytt á að allt hér snúist um fyrirtæki og hag þeirra. Framkvæmdarleysi varðandi lausnir í málaflokkum eins og málefnum aldraðra og öryrkja. málefnum efnaminna fólks hér á landi og í umhverfismálum er farið að brenna á fólki.

Fólk vill manneskjvænna samfélag.

  Flestir kjósa samstarf Samfylkingar og VG
Innlent | Morgunblaðið | 16.3.2007 | 5:30
Rúm 28% svarenda í könnun Capacent Gallup sem gerð var fyrir Morgunblaðið og RÚV, segjast helst vilja að mynduð verði ríkisstjórn Samfylkingar og Vinstri grænna að loknum alþingiskosningum í vor.