Hvað laun hefur stjórnarformaður Landsvirkjunar?

Getur einhver frætt mig á því hvort að stjórnarformaður Landsvirkjunar er starfandi stjórnarformaður eða hvort að hann fær bara laun fyrir stjórnarfundi?  Og ef þetta er fullt starf hvað Landsvirkjun hefur að gera við bæði starfandi forstjóra og stjórnarformann? Og getur einhver sagt mér hversu mikil laun stjórnarformaður Landsvirkjunar hefur?

Frétt af mbl.is

  Páll Magnússon stjórnarformaður Landsvirkjunar
Innlent | mbl.is | 26.4.2007 | 15:08
Páll Magnússon, bæjarritari í Kópavogi, var í dag kjörinn stjórnarformaður Landsvirkjunar í dag og Valur Valsson, fyrrverandi bankastjóri, var kjörinn varaformaður. Jóhannes Geir Sigurgeirsson fór úr stjórn Landsvirkjunar á aðalfundi fyrirtækisins í dag. Sagði hann á fundinum að hann hefði getað hugsað sér að sitja í stjórninni í eitt ár í viðbót og fylgja Kárahnjúkaverkefninu eftir fram yfir gangsetningu virkjunarinnar síðar á þessu ári en af því hefði ekki orðið.

Páll Magnússon stjórnarformaður Landsvirkjunar

Þetta eru náttúrulega bara glæpamenn

Hér á Íslandi sættum við okkur ekki við að fyrirtæki brjóti lög og reglur og steli persónuupplýsingum um starfsmenn, haldi fram að læknar séu að ljúga og síðast en ekki síst að koma svona fram við verkafólk. Finnst jaðra við að við ættum að fara fram á að Landsvirkjun rifti samningum við þetta fyrirtæki og fái annað til að klára verkið.

Þetta rifjar upp sögur um framgöngu þessa fyrirtækis í Afríku og fleiri löndum þar sem mútur og ill meðferð á verkamönnum var tengt við Impreglio

Frétt af mbl.is

  Segja að einungis brot af 180 veikindatilfellum tengist mengun í göngunum
Innlent | mbl.is | 26.4.2007 | 17:51
Landsvirkjun segir að einungis brot af þeim 180 veikindatilfellum meðal starfsfólks við Káráhnjúkavirkjun, er nefnd hafi verið í tengslum við mengun í göngum undir Þrælahálsi, tengist loftmengurn í göngunum. Málið hafi verið rætt á fundi með Heilbrigðisstofnun Austurlands í dag, og þar hafi komið fram, að talan 180 taki til allra þeirra sem komu til heilsugæslunnar við Kárahnjúka 12.-22. apríl.

Segja að einungis brot af 180 veikindatilfellum tengist mengun í göngunum

Óskaplega var þetta óheppilegt.

Framsókn í algjöru klúðri í Reykjavíkurkjördæmunum báðum og svo lendir Jónína í þessu að félgar hennar á Alþingi fara að gera henni greiða. Alveg skvakalegt.

Frétt af mbl.is

  Nefndarmenn hafi tekið fram að þeim hafi verið ókunnugt um tengsl Jónínu og umsækjandans
Innlent | mbl.is | 26.4.2007 | 20:57
Jónína Bjartmarz umhverfisráðherra segir að þrír nefndarmenn í allsherjarnefnd Alþingis hafi látið þess getið að þeim hafi verið ókunnugt um tengsl Jónínu og suður-amerískrar konu sem nefndin samþykkti að veita íslenskan ríkisborgararétt þrátt fyrir að hún hefði aðeins dvalið á landinu í 15 mánuði á dvalarleyfi námsmanna.

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Á að reka bæjarfélög með dúndrandi hagnaði?

Hef verið að velta þessu fyrir mér síðan í gær þegar að bæjarfélagið mitt tilkynnti met hagnað. Er bæjarfélagið ekki í raun eitthvað batterí sem er komið á til að annast um hagsmuni og þarfir þeirra sem þar búa? Er þá ekki eðlilegt að þegar að vel árar þá séu gjöld í kjölfarið lækkuð? Er svona hagnað rétt að nota í byggingar á óperuhúsum eða öðrum áhugamálum þess sem stjórnar bænum?

Reyndar er þessi hagnður mest til kominn vegna sölu á lóðum og byggingarrétti þannig að svona tölur koma ekki reglulega inn en samt þegar bær hreykir sér af 4 milljarða hagnaði en leggur samt eins há gjöld á bæjarbúa eins og raunin er þá er spurning hver er að græða og blæða fyrir þennan hagnað.

Frétt af mbl.is

  4,3 milljarða afgangur af rekstri Kópavogsbæjar
Innlent | mbl.is | 25.4.2007 | 9:57
Um 4,3 milljarða króna afgangur varð af rekstri Kópavogsbæjar samkvæmt ársreikningi, sem tekinn var til fyrri umræðu á bæjarstjórnarfundi í gær. Er það rúmlega 1,9 milljaða betri niðurstaða en endurskoðuð fjárhagsáætlun gerði ráð fyrir.

4,3 milljarða afgangur af rekstri Kópavogsbæjar

Þetta kalla ég undirbúning að bónorði um áframhaldandi samstarf

Var að lesa viðtal vi Jón Sigurðsson á www.visir.is og þeir sem héldu að Framsókn væri alveg óbundin í þessu kosningum og vildi kannski prófa aðra möguleika ættu að kíkja á þetta:

Eruð þið með þessum málflutningi að boða það sem ykkar fyrsta kost að halda áfram samstarfi við Sjálfstæðisflokkinn að loknum kosningum, komi sú staða til greina?

„Við göngum óbundin til kosninga og gefum ekki fram skilaboð um annað. Samstarfið við Sjálfstæðis­flokkinn hefur gengið vel og að því leytinu til er ekki óeðlilegt að við lítum með opnum hug til áframhaldandi samstarfs. Ég tel að Framsóknarflokkurinn þurfi að fá skýr skilaboð um það frá kjósendum að eftir kröftum hans sé óskað í ríkisstjórn. Ótímabært er að vera með yfirlýsingar um óska ríkisstjórnarsamstarf núna því að ríkisstjórnin tekur á sig mynd út frá vilja fólksins, sem endurspeglast í kosningunum 12. maí."

Sjálfstæðismenn vilja komast í heilbrigðisráðuneytið, eins og Geir H. Haarde forsætisráðherra talaði um á landsfundi flokksins fyrir skemmstu. Ef áframhald verður á samstarfi, kemur til greina að gefa þetta umfangsmesta ráðuneyti stjórnsýslunnar eftir?

„Ég tek þessum hugmyndum ekki illa, en þetta eru hugmyndir og ekkert annað. Ég skil vel að sjálfstæðismenn vilji ná yfirráðum í ráðuneytum þar sem við erum, líkt og við viljum komast að í ráðuneytum þar sem þeir eru við völd. Það er sjálfsagt mál og eðlilegt að ræða um þessi mál. En verkaskipting er verkefni sem leysa þarf að kosningum loknum, og ég er ekki í nokkrum vafa um að það er hægt að gera í sátt og samlyndi."
                                                                                                      ( www.visir.is )

Þetta les ég sem dulbúin skilaboð til Sjálfstæðismanna um að Framsókn sé nærri því tilbúin að samþykkja allt sem þeir vilja ef þeir fá að vera áfram í stjórn.

Stöðugleiki er algjört aukaatriði - Spyrjið Framsókn sem vill ekkert handbremsustopp

Framsókn vill ekkert stopp og halda áfram með Stóriðjuframkvæmdir á meðan að Seðlabankinn horfir til þess að efti að álverið í Reyðarfirði og Kárhnjúkar eru komnir í gang þá verði hlé. EN svo er nú ekki það er jafnvel talað um að virkjunarfrakvæmdir verið hafnar þá og þegar þar sem að Álverið í Helguvík er komið á fullt. Sem og í Húsavík. Þennig að hér stefnir allt í skella í efnahagslífinu. Og Jón kemur til með að sitja og spila á fiðlu þegar hagkerfið okkar springur eins og Neró forðum

Frétt af mbl.is

  Brýnasta hagstjórnarverkefnið að ná stöðugleika í þjóðarbúskapnum
Innlent | mbl.is | 25.4.2007 | 17:06
Brýnasta verkefni hagstjórnar, að mati Seðlabankans, er að ná stöðugleika í þjóðarbúskapnum. Segir bankinn að lok stóriðjuframkvæmda muni draga sjálfkrafa úr ójafnvægi en hins vegar sé önnur aðlögun hægari en reiknað hafði verið með

Brýnasta hagstjórnarverkefnið að ná stöðugleika í þjóðarbúskapnum

Ég spyr hvað er það sem Páll Magnússon hefur í þetta embætti?

Hann hefur að mestu verið alinn upp á vegum Framsóknar í alskyns embættum eins og aðstoðarmaður ráðherra, bæjarritari í Kópavogi, varþingmaður.  Ekki það að ég sjái eftir Jóhannesi Geir sem fékk þetta þegar hann komst ekki á þing. Maðurinn var upprunalega bóndi. Afherju eru aflóga stjórnmálamenn settir í þetta mikilvæga fyrirtæki okkar? Jú  þetta er ömurleiki helmingaskiptareglu Framsóknar og Sjálfstæðismanna

Frétt af mbl.is

  Jóhannes Geir víkur úr stjórnarformennsku í Landsvirkjun
Innlent | mbl.is | 25.4.2007 | 18:34
Jóhannes Geir Sigurgeirsson mun láta af stjórnarformennsku í Landsvirkjun á aðalfundi fyrirtækisins á morgun, og Páll Magnússon, bæjarritari í Kópavogi og fyrrverandi aðstoðarmaður Valgerðar Sverrisdóttur, utanríkisráðherra, taka við, að þessu var greint var frá í fréttum Stöðvar 2 í kvöld.

Jóhannes Geir víkur úr stjórnarformennsku í Landsvirkjun

Þessi könnun hreint ágæt fyrir Samfylkingu

Frávikið frá síðustu könnun rétt rúmlega skekkjumörk og jafn margir þingmenn kjördæmakjörnir og áður. En Jón Sigurðsson formaður Framsóknar ekki inni skv. þessu. Það hlýtur að vera áfall og um leið ábending til annarra kjósenda í öðrum kjördæmum að hugsa sinn gang áður en þeir setja x við Framsókn sem og hina smáflokkana. Töpuð atkvæði þar

(www.visir.is )

VG bætir við sig í Reykjavík suður samkvæmt könnun

Hér á Íslandi væri löngu búið að setja lög á verkfallið

Hér á Íslandi eru flugfélög og önnur stór fyrirtæki vernduð fyrir svona aðgerðum og því væri búið að setja lög á þessar aðgerðir.

Frétt af mbl.is

  SAS aflýsir flugferðum fram að miðnætti
Erlent | mbl.is | 25.4.2007 | 11:19
Flugliðar SAS flugfélagsins hafa lagt niður vinnu sína frá því í gær og fram að miðnætti í nótt til að mótmæla slæmum aðbúnaði sínum og afleitu vinnuumhverfi. Næstum allt flug til og frá Kaupmannahöfn liggur niðri og ráðleggur SAS á heimasíðu sinni farþegum sem áttu bókað flug í dag, að sleppa því að koma á flughöfnina á

SAS aflýsir flugferðum fram að miðnætti

Ekki er þetta nú skýrir kostir í virkjunar-/verndunarmálum hjá Framsókn

Ég sé að þeir merkja nokkur svæði sem „Röskun óheimil" sem er jú ágætt. En ef maður skoðar þessi svæði sem þeir merkaja sem slík þá eru það þó nokkur sem engum manni mundi detta í huga að fá heimild fyrir eins og: Geysir, Markarfljót og Emstrur, Kerlingafjöll, Öskju, Hveravellir, Kverkfjöll og fleiri. En síðan koma valkostir sem þeir kalla „Alþingi ákveði nýtingu eða verndun að undangegnu mati" og „Mögulegt" Undir það fyrra er Norðlingaveita komin aftur. En ég er ekki alveg að fatta munin á mögulegt og Alþingi ákveði nýtingu eða verndun. Hefði nú talið að Alþingi ætti að fara yfir alla þessa kosti. Þýðir „Mögulegt" að þar megi bara byrja núna takk fyrir. Held að þetta sé nú ekki heppileg byrjun á að reyna að ná þjóðarsátt

Kortið í sæmilegri stærð má finna hér

 

Frétt af mbl.is

  Framsóknarflokkurinn kynnir sáttatillagu í virknanamálum
Innlent | mbl.is | 24.4.2007 | 22:22
Á opnum fundi sem Jón Sigurðsson, iðnaðar- og viðskiptaráðherra, og Jónína Bjartmarz, umhverfisráðherra, héldu í dag voru kynntar hugmyndir Framsóknaflokksins um sátt og nýtingu auðlinda landsins. Jón og Jónína kynntu kort þar sem merktir eru þeir staðir þar sem framsóknarmenn telja röskun óheimila, en þeirra á meðal eru Hveravellir, Kerlingarfjöll, Jökulsá á Fjöllum og Kverkfjöll.

Framsóknarflokkurinn kynnir sáttatillagu í virknanamálum