Frábært að hún skildi fá að vera í friði hér

Mér hefur fundist að hér væri tilhneiging í blöðum, fjölmiðlum og fólki almennt að stunda hér ofsóknir gagnvart þekktu fólki sem kemur hingað í einkaerindum. Minni á þegar að Paul McCartney kom hingað á sínum tíma og var eltur af paparazzi Wanabe um allt. Vildi að þetta væri almennt hér á landi að við látum þetta fólk bara í friði nema að það vilji láta vita af sér. Við hvort sem er heyrum yfirleitt ferðasögur þeirra seinna í erlendum fjölmiðlum þegar þau eru tilbúin að tala um þetta.

Jodie Foster var í fríi á Íslandi

Og afhverju liggur þá svo á að gera þetta að hlutafélagi?

Hálf skrítið að daginn sem að Björn Ingi kemur fram ásamt Vilhjálmi og segir að það sé bráðnauðsynlegt fyrir Orkuveituna að verða að hlutafélgi, þá skuli vera tilkynnt um 8,2 milljarða hagnað á fyrstu 6 mánuðum þessa árs. Held að það sem ég hef sagt áður um þetta sé rétt og þessi frétt styðji það. Núverandi stjórnendur og fjárfestar bíða eftir því að geta platað þetta fyrirtæki úr höndum Reykvíkinga og stórhagnast á því. Það er eins og með Símann, bankana, væntanlega Ruv og fleiri fyrirtæki. Þau eru "Há effuð" og látin fjárfesta mikið þannig að hagnaður dregst saman og á því augnabliki eru þau seld á  undirvirði.

Sé enga ástæðu fyrir Borgina að breyta rekstri sem er að skila 8 milljarða hagnaði nema eitthvað búi undir.

8,2 milljarða króna hagnaður af rekstri Orkuveitunnar

Þessu hafa þeir stolið af okkur eins og hin olíufélögin!

Ekki nema von að N1 græði eins og þeir og önnur olíufélög eru dugleg við hækka eldsneyti þegar heimsmarkaðsverð hækkar en gleyma síðan öll að lækka það þega verð á heims-markaði lækkar eða krónan styrkist. Og við látum þá komast upp með að taka okkur í .......................

 

Hagnaður af rekstri N1

Jæja þá byrjar ballið!

Sjálfstæðismenn búnir að vera í rúmt ár við stjórnvölin í Reykjavík og nú á að hefjast handa við að einkavæða Orkuveituna. Þetta kjaftæði um að rekstrarformið henti ekki fyrirtækinu kaupi ég ekki. Þetta á jú að vera þjónustufyrirtæki við Reykvíkinga auk þess nágranasveitarfélög eru komin undir sama hatt.

Nú þegar er Orkuveitan farin að safna að sér eignum sem nýtast munu vel við einkavæðingu. Sbr. þegar bankarnir eignuðust skyndilega tryggingarfélög rétt fyrir einkavæðingu þeirra.

Við sjáum nú á RUV hverju hluthafavæðing skilar fyrir stjórnvöld. Þar keyrir Útvarpsstjóri á bíl og rekstrarleiga hans er yfir 200 þúsund og enginn getur sagt neitt því að valdið er komið frá kosnum fulltrúum.

Ég held að fólk ætti að fara að gera ráð fyrir öðrum kyndingarmöguleikum við hönnun húsa til að vera tilbúin þegar að einkavæðingin gengur í gegn. Þetta verður eins og hjá Símanum og fleirum að það verða bara hækkanir.

Stefnt að því að breyta OR í hlutafélag

Vinnumálastofnun vanmáttug!

Var í kvöld að hlusta á viðtöl bæði á stöð 2 og RUV við Gissur forstjóra vinnumálastofnunar. Fannst lýsingar hans á eftirliti þeirra helvíti rýrt. Það felst aðallega í því að bera saman lista frá ýmsum stofnunum við tilkynningar frá atvinnuveitendum og sjá hvort þar sé munur. Ég leyfi mér að halda að það eftirlit gagnist lítið. Hefði haldið að það væri nauðsynlegt að Vinnumálastofnun væri með eftirlitsmenn sem færu í óboðaðar heimsóknir á vinnusvæði og könnuðu hverjir væru þar við störf og hvort það stemmdi við listann. Eins þá finnst mér skrítinn þessi aðlögunartími sem þeir gáfu fyrirtækjum. Lögin tóku gildi síðasta vetur og þeir bara bíða rólegir til að fyrirtæki gætu aðlagað sig. Nú hefði maður haldið að fyrirtæki sem ráðast í að flytja hingað starfsfólk frá Austur Evrópu með þeirri fyrirhöfn sem felst í því gætu nú kynnt sér nokkrar reglur og lög.

Manni dettur nú helst í hug að þessi linka tengist því að ekki hafi mátt trufla fyrirtæki sem eru að vinna við Kárahnjúka. Og að það hafi ekki mátt þrengja að þeim þar sem þau standa tæpt vegna þessa að þau buðu lágt í verkin. Þannig að þeim hafi verið leyft að svindla á því að greiða af hluta starfsmanna til ríkis og sveitarfélaga og greiða undir lámarkstaxta.

Segir Vinnumálastofnun aldrei hafa beitt dagsektum

Þessu á að taka hart á!

Finnst að fyrirtæki sem ekki sjá um að erlendir starfsmenn séu löglega skráðir í landið eigi án frekari málalenginga umsvifalaust að vera svipt rétti til starfsemi tímabundið eða til lengri tíma.

Fyrirtæki nú hafa enga málsvörn þar sem að það hefur nú síðustu ár verið fjallað svo mikið um þetta að þeim á að vera þetta ljóst. Eina ástæðan fyrir þessu hlýtur að vera sú að fyrirtækin eru vísvitandi að svindla til að þurfa ekki að borga gjöld til ríkisins og verkalýðsfélaga vegna þessara starfsmanna. M.a. þá borga þessir menn engan skatt þar sem þeir eru ekki með íslenska kennitölu.

Til að stoppa þetta verður að taka upp harðar refsingar og berja inn í hausinn á þessum fyrirtækjum að til þess að þau fái að starfa þá sé eins gott að fara að lögum eða þá að starfsemi þeirra sé stöðvuð. Jafnvel til frambúðar.

Frétt af mbl.is

  Rútuslys: Grunur um að verkamenn séu ekki skráðir til starfa með löglegum hætti
Innlent | mbl.is | 27.8.2007 | 18:06
Grunur leikur á að flestir þeirra erlendu verkamannanna, sem lentu í rútuslysinu í Bessastaðafjalli í gær, séu ekki skráðir til starfa hér á landi með löglegum hætti. Þetta kom fram í kvöldfréttum Útvarpsins þar sem Gissur Pétursson, forstjóri Vinnumálastofnunar, staðfesti upplýsingarnar.

Rútuslys: Grunur um að verkamenn séu ekki skráðir til starfa með löglegum hætti

Hvað með útsvarið í Kópavogi?

Tek undir það sem aðrir hafa sagt við þessum fréttum. Ef að svona mikill hagnaður er af rekstri bæjarins þá er full ástæða til að skoða að lækka útsvarið. Ég er ekki sáttur við að góð staða Kópavogs verði notuð til að að byggja Óperuhús við Kópavogskirkju.  Ég get ekki séð að það sé hlutverk bæjarstjórnar að skila bænum með bullandi hagnaði. Vissulega gott að vera aðeins með borð fyrir báru´, en yfir 4 milljarðar hlýtur að vekja þá spurningu hvort ekki sé rétt að lækka útsvarið í Kópavogi sem er í dag alveg eins hátt og það má frekast verða.

Mynddiski með upplýsingum um ársreikning Kópavogsbæjar dreift í hús

Voru menn ekki að tala um erlendan fjárfesti í þessu sambandi.

Minnir að það hafi nú verið hér fyrr í vikunni verið að tala um að það væri fengur fyrir Straum Burðarás að fá erlendan sterkan fjárfesti í hluthafahópinn. Meira að segja forstjóri Straums - Burðaráss sagði þetta þegar gengið var eftir því af hverju fjárfestirinn væri ekki gefinn upp. Svo kemur í ljós að þetta er bara útibú frá Landsbankanum. Og á einum degi græddu þeir um 500 milljónir. Finnst engum þetta furðulegt.

Þegar nýr hluthafalisti í Straumi-Burðarási fjárfestingarbanka er borinn saman við lista frá 21. ágúst sl. kemur berlega í ljós að Landsbankinn í Lúxemborg er skráður fyrir þeim 5,31% hlut í bankanum sem mikið hefur verið fjallað um að undanförnu. Hinn 21. ágúst var hlutur Landsbankans í Lúxemborg í Straumi-Burðarási 19,11% en samkvæmt lista frá því í fyrradag er hluturinn orðinn 24,42%. Mismunurinn er einmitt 5,31.   www.mbl.is

Landsbankinn skráður fyrir hlutnum í Straumi

Olíuhreinsunastöð umhverfisvæn?

Var að horfa á fréttir í Sjónvarpinu í kvöld og sá þá myndir af svona olíuhreinsunarstöð, Ég verð nú að segja að ég persónulega vildi ekki hafa svona mannvirki nálægt mér og helst ekki hér á landi. Þessi mannvirki í sjálfu sér eru menngun.

Það þarf enginn að segja mér að af svona starfsemi sé ekki mikil mengun og mengunarhætta. 

 

Enn ein vandræði hjá Gunnari Birgissyni?

Var að lesa inn á www.mannlif.isslúður um hesthúsabyggðina frægu sem að Gunnar keypti af eigendum og verktökum fyrir ofurverð hér um árið. t.d. 110 fm hesthús á 35 milljónir. En nú segir Mannlíf frá eftirfarandi:

Enn vofa vandræði yfir Gunnari Birgissyni, bæjarstjóra í Kópavogi, sem gæti þurft að sæta lögsókn ef ekki tekst að semja um Gustslandið umdeilda. Bærinn keypti hesthúsalandið í Glaðheimum á sínum tíma uppsprengdu verði, meðal annars af eiginkonu bæjarstjórans. Landið var síðan selt með myljandi hagnaði fyrirtækinu Kaupangri undir verslunar- og þjónustuhúsnæði. Í kaupsamningi er kveðið á um að fyrstu lóðir verði tilbúnar frá hendi bæjarins þann 1. september næstkomandi. Heimildir herma að engar líkur séu á því að bærinn geti staðið við samningana og það geti orðið allt að árs dráttur á skilum. Það þýðir að eigendur gætu átt rétt á skaðabótum. Hermt er að þeir hafi þegar kannað stöðu sína í þeim efnum og bæjarstjórinn á því á hættu að þurfa að punga út háum fjárhæðum ...

Það er jú lítið farið að rífa þarna og ég hef heyrt að jafnvel sé talað um að fyrrum eigendur fái að vera þarna einn vetur í viðbót. Þetta stafaði m.a. af því að lóðir sem hestamenn áttu að fá upp á Heimsenda voru ekki tilbúnar í tíma. En þó að Mannlíf haldi þessu fram sem að  ofan greinir þá held ég að Gunnar noti jú tengsl sín inn í byggingar- og verktakaiðnaðinn til að sleppa einhvern veginn frá þessu