Nú er nokkuð ljóst að sjálfstæðismenn verða vakandi yfir velferð Ólafs F

Það er nokkuð ljóst að ef Ólafur hnerrar á fundi verða sjálfstæðismenn hlaupandi um allan heim að ná í bestu lyf fyrir öllum hugsanlegum pestum.

Það verður gaman að sjá hvað þeir gera ef að koma upp erfið mál þegar Ólafur er í sumarfríi eða á annan hátt forfallaður.

Furðulegt að þeir hafi ekki verið búnir að finna lausn á þessu áður en þeir tilkynntu nýjan meirihluta.

Ekki viss um greind Vilhjálms eftir síðustu mánuði hans í borgarstjórn. Hefur sjálfsagt ekki verið búinn að hugsa út í þetta sbr. þegar hann samþykkti samninga REI án þess að hafa lesið það sem hann var að samþykkja.

Smá viðbót: Var að lesa þetta á vef viðskiptablaðsins

Innlent - 12:51 í dag
Þrír á borgarstjóralaunum
Þegar Ólafur F. Magnússon tekur við embætti borgarstjóra á fimmtudag verða samtals þrír borgarfulltrúar á borgarstjóralaunum. Dagur B. Eggertsson fer þá á biðlaun en á þeim kjörum er nú þegar Vilhjálmur Þ. Vilhjálmsson.

Kjör borgarstjóra taka mið af launum forsætisráðherra sem ákveðin eru af kjaradómi. Laun borgarstjóra eru með öðrum orðum um ein milljón og eitt hundrað og fimmtán þúsund krónur á mánuði.

Samkvæmt upplýsingum frá skrifstofu Ráðhúss Reykjavíkur á borgarstjóri rétt á biðlaunum í sex mánuði ef hann hefur setið í því embætti í eitt ár eða lengur. Hann á rétt á biðlaunum í þrjá mánuði ef hann hefur setið skemur en eitt ár.

Samkvæmt þessu átti Vilhjálmur rétt á biðlaunum í sex mánuði þegar hann vék úr borgarstjórastólnum í október síðastliðnum. Dagur á rétt á biðlaunum í þrjá mánuði.

Þess má geta að þegar borgarstjóri fer ekki úr borgarstjórn heldur verður aftur almennur borgarfulltrúi dragast borgarfulltrúalaunin frá borgarstjóralaununum. Hann fær því borgarfulltrúalaunin og síðan til viðbótar þá upphæð sem vantar upp á að hann nái borgarstjóralaununum.

Venjuleg borgarfulltrúalaun eru í kringum 450 þúsund krónur á mánuði.

Mótmæla nýjum meirihluta í borginni

Ekki þurfti mikið til að gleðja Ólaf!

Mér finnst nú ekki hægt hvað fólk talar lítið um þennan málefnasamning. Mér fannst hann barandari.

• Það á ekki að flytja Reykjavíkurflugvöll á tímabilinu. En það á að halda athugunum áfram. Það stóð ekkert til að flytja völlinn á þessu tímabili.
• Það á að reyna að halda í götumynd Laugarvegar eins og hægt er? Bíddu þetta segir ekki neitt því að við þetta eru sett orðin eins og hægt er.
• Það á að vera ókeypis í strætó fyrir unglinga og fullorðna. Það hefur svona fram að þessu.
• Mislæg gatnamót á Kringlumýrarbraut/Miklubraut og Sundabraut í göng. Þetta hefur nú verið í vinnslu
• Örva almenningssamgöngur: Sjálfstæðismenn hafa staðið fremst í flokki í að sauma að Strætó og hafnað frekari framlögum. Eins hafa þeir talað um að fólk ætti að hafa rétt á að einkabílar hefðu forgang.
• Leiguíbúðir 100 á ári. Mér skilst að það sé nú bara nokkuð venjuleg aukning.
• Hjúkrun og heimaaðstoð samþætt. Þetta hefur jú staðið til. Og er að einhverju leiti verkefni ríkisins sem hefur boðað aukna samþættingu.

Það er nú ekki margt sem þarf til að gleðja Ólaf. Hann endanlega útilokar að nokkur vilji vinna með honum í framtíðinni og gjörsamlega rústar ímynd sinni sem hugsjónamanns í pólitík. Nú vitum við að það er allt leyfilegt hjá honum fyrir vegtyllur

Smá viðbót fann þennan málefnalista svo í heild sinni og þetta segir ósköp lítið um hag hins almenna reykvíkings.

• Reykjavíkurflugvöllur verður sýndur í óbreyttri mynd á aðalskipulagi á meðan rannsóknir standa yfir vegna nýs flugvallarstæðis á höfuðborgarsvæðinu. Ekki verður tekin ákvörðun um flutning Reykjavíkurflugvallar á kjörtímabilinu.
• Leitað verður leiða til að varðveita 19. aldar götumynd Laugavegarins og  miðborgarinnar eins og kostur er.
• Framkvæmdir hefjist sem fyrst við mislæg gatnamót Miklubrautar og Kringlumýrarbrautar. 
• Staðarvali og annarri undirbúningsvinnu vegna lagningar Sundabreytar verði lokið sem fyrst svo framkvæmdir geti hafist.
• Áhersla verður lögð á að tryggja öryggi gangandi og hjólandi vegfarenda.
• Almenningssamgöngur verða efldar. Tilraun um frían aðgang fyrir ákveðna hópa verði haldið áfram. Fargjöld í strætisvagna verði felld niður hjá börnum og unglingum að 18 ára aldri sem og öldruðum og öryrkjum. Unnið verði að því að bæta leiðakerfið og þjónustu við farþega.
• Fjölgun hjúkrunarrýma og þjónustuíbúða fyrir aldraða.
• Efling og samþætting heimaþjónustu og heimahjúkrunar.
• Tekjumörk vegna niðurfellingar fasteignaskatta fyrir elli- og örorkulífeyrisþega verða hækkuð verulega.
• Fasteignaskattar á íbúðarhúsnæði verða lækkaðir á árinu.
• Félagslegum leiguíbúðum Reykjavíkurborgar verður fjölgað um 100 árlega 2008-2010 eða um samtals 300 á tímabilinu. 
• Framboð lóða fyrir fjölskyldur og atvinnurekstur verður tryggt.
• Þjónusta leikskóla og grunnskóla verður aukin og faglegt og fjárhagslegt sjálfstæði þeirra styrkt.
• Unnið verður að því að auka öryggi í miðborg Reykjavíkur í samvinnu við lögreglu, íbúa og rekstaraðila.
• Átak verður gert við merkingu og varðveislu sögufrægra staða í borginni.
• Lögð er áhersla á verndun óspilltrar náttúru og að dregið verði úr mengun í borginni þannig að tryggja megi íbúum vistvænt og öruggt umhverfi.
• Orkuveita Reykjavíkur og orkulindir þeirra verða áfram í eigu almennings.

 

 

Allt upp á borð varðandi REI

Ég á bara ekki orð

Nokkuð ljóst að í framsóknarflokknum eru sérfræðingar í að draga að sér og sínum fjármagn úr öllum áttum.

Þetta bætist við lætin hjá þeim eftir að þeir komust til valda í Hafnarstjórn við að koma öllum vildar vinum sínum í embætti eins og Óskar Bergs sem fékk um 400 þúsund á mánuði við að fylgjast með Slippfélagsreitnum í 40 tíma á mánuði þar til að fjölmiðlar komust í málið.

Síðan geta þeir ekki keypt föt á sig!

Síðan má nefna REI málið þar sem að Björn ætlaði að sitja í stjórn á háum launum

Maður fer bara að vona að þessi ósómi hverfi bara með öllu. Þetta lið er ekki á annað kjörtímabil setjandi.

Gagnrýnir fatapeninga framsóknarmanna

Og hvernig fengu þeir þessa tölu?

Af hverju spyr engin hvernig greiningardeildirnar fá út þessa tölu 7200 stig og 30% hækkun. Held að þetta séu nú hæpin vísindi. Ætla þessir menn að halda því fram að þeir hafi einhver haldbær rök fyrir þessari spá? Held að þeir geti ekki bent á neitt nema óskhyggju sína. Maður hefði skilið að þeir hefðu sagt að líkur væri á að vísatalan hlutabréfa hækkaði seinni hluta árs vegna þessa eða hins. En með því að nefna svona tölu finnst mér þeir klúðra málum. Minni á þessar greiningardeildir voru í október að spá því að hlutabréfavísitala ársins 2007 mundi hækka um 30% . Ekki beint hægt að segja þetta sé trúverðugt.

Spá 30% hækkun á hlutabréfum

Djöfull geta menn verið ruglaðir

Hver er tilgangur svona mann með því að neyta áfengis? Ef að menn geta ekki hamið sig undir áhrifum þá eiga menn bara ekki að neyta áfengis. Nú þarf hann væntanlega að borga nokkrar milljónir í skaðabætur. Skemmir eigur annarra sem eru örugglega alls óskyldir honum!

 GOTT á HANN!

Gekk berserksgang í Vesturbænum

Þetta lýsir viðskiptasiðferði hér á Íslandi

Var að hlusta á ruv áðan þar sem var verið að ræða um sátt sem kortafyrirtækin voru að gera um sektargreiðslur vegna samráðs kortafyrirtækjanna við að koma nýjum aðila út af markaði. Þetta lýsir viðskiptum hér vel. Við munum eftir hvernig tryggingafélög létu þegar að Skandia og síðar FÍB tryggingar reyndu að ná markaði hér með lægri verð. Hvernig olíufyrirtæki létu lika þegar Irwin oil ætlaði að koma á markað.

Það er náttúrulega með öllu ólíðandi að bankar og fjármálastofnanir fái að eiga saman fyrirtæki á fjármálamarkaði. Eins þetta apparat sem kallast Samtök banka og sparisjóða. Þetta eru náttúrulega vettvangur fyrir þessar stofnanir til að eiga samráð og kemur algjörlega í veg fyrir samráð. Þetta á einnig við um Reiknisstofnun bankana.

Það sárasta í þessu er að seðlabankinn á í einu af þessum fyrirtækjum sem staðin voru að samráði á kortaviðskipamarkaðnum.

Fréttin af ruv.is

Fyrst birt: 11.01.2008 10:03

Síðast uppfært: 11.01.2008 12:52

Kortafyrirtæki játa samráð

Greiðslukortafyrirtækin VISA og Mastercard hafa viðurkennt langvarandi og víðtækt ólögmætt samráð. Fyrirtækin tvö, auk Fjölgreiðslumiðlunar sem tók þátt í samráðinu að hluta, greiða ríflega 700 miljóna króna sekt samkvæmt sérstakri sátt sem þau hafa gert við Samkeppniseftirlitið.

Kortaþjónustan, keppinautur fyrirtækjanna, segist hafa orðið fyrir umtalsverðu fjárhagstjóni vegna samráðsins.

Í nóvember árið 2002 hóf danskt fyrirtæki PBS International samkeppni við Visa og Mastercard og bauð söluaðilum örari útborgun en íslensku fyrirtækin. Þetta töldu stjórnendur Greiðslumiðlunar (VISA) að gæti minnkað arðsemi fyrirtækisins og ákváðu að bola PBS út af markaðinum. Það yrði einnig viðvörun öðrum sem hyggðu á samkeppni. Þetta kemur fram á minnisblöðum og í tölvupóstum sem Samkeppnisstofnun lagði hald á.

VISA, sem hafði stöðu sinnar vegna upplýsingar um viðskiptavini PBS, bauð viðskiptavinunum sérstök kjör og tilboð, þá beitti VISA tæknilegum hindrunum til að gera viðskiptavinum PBS erfiðara um vik við sölu og beitti VISA Europe þrýstingi til að hindra starfsemi PBS hér á landi. Þá höfðu VISA og Mastercard með sér margvíslegt ólögmætt samráð til að koma í veg fyrir samkeppni frá PBS.

Fyrirtækin tvö áttu frumkvæði að samráðinu en Fjölgreiðslumiðlun tók þátt í því. Samráðið fólst m.a. í því að fyrirtækin skiptust á upplýsingum um markaðshlutdeild og verðlagningu. Sumarið 2006 gerði Samkeppniseftirlitið húsleit hjá Greiðslumiðlun og Kreditkortum vegna gruns um brot á samkeppnislögum. Í kjölfarið var gerð húsleit hjá Fjölgreiðslumiðlun í vor.

Í tilkynningu frá Samkeppniseftirlitinu kemur fram að fyrirtækin þrjú hafa gert sátt við Samkeppniseftirlitið og greiða ríkissjóði samanlagt 735 miljón króna í sekt. Sekt Greiðslumiðlunar, sem nú heitir Valitor, betur þekkt sem VISA, er 385 miljónir fyrir að hafa misnotað markaðsráðandi stöðu sína á árunum 2002 til 2006, Kreditkort, sem nú heitir Borgun, betur þekkt sem Mastercard, greiðir 185 miljónir og Fjölgreiðslumiðlun er sektuð um 165 miljónir króna.

Jóhannes Ingi Kolbeinsson, framkvæmdastjóri Kortaþjónustunnar, keppinautar fyrirtækjanna, segir í tilkynningu að fyrirtækið hafi orðið fyrir umtalsverðu fjárhagstjóni vegna samráðsins og muni höfða skaðabótamál á hendur fyrirtækjunum. Brotin snúa að svokallaðri færsluhirðingu, þjónustu við söluaðila sem til að mynda veitir honum heimild til að taka við greiðslum með greiðslukortum. Greiðslumiðlun var í markaðsráðandi stöðu á þeim markaði en Fjölgreiðslumiðlun er í sameiginlegri eigu viðskiptabankanna, sparisjóðanna, VISA, Mastercard og Seðlabanka Íslands.

Og þetta er örugglega grasserandi víða

 

Ekki nokkur leið að trúa þessum greiningardeildum

Þetta eru sömu greiningardeildir og spáðu því í október/nóvember enn að hlutabréf mundu hækka í lok ársins þannig að heildahækkun 2007 yrði a.m.k. 30%

Eins eru þetta hluti fjármálafyrirtækja sem hika ekki við að kaupa hluti í sjálfum sér til að að laga stöðu þeirra á markaði.

Það vantar tilfinnanlega hér á landi óháða greiningardeild með aðgang að nægum upplýsingum til geta gefið út óháð möt á aðstæðum.

Þetta eru menn sem ekkert hafa sagt síðustu misseri en að allt sé hér í lukkunnar velstandi en nú allt í einu segja þeir að hér sé lausafjárþrenning.

Þetta eru sömu menn og voru bönkunum til ráðgjafar þegar bankarnir hófu innreið sína á fasteignamarkaðinn og hleyptu hér öllu í bál og brand.

 Þessar sömu greiningardeildir samanstanda að mestu af ungu fólki sem voru börn eða ófædd þegar að síðast var hér óðaverðbólga.  Þetta eru líka ungt fólk sem hefur aðeins í unnið í efnahags umhverfi sem nær óslitið verið í vexti.

Nú sakna ég þjóðhagsstofnunar!

Spáir því að vextir lækki hraðar en áður var talið

Bankarnir fljótir að finna leiðir framhjá þessu

Las eftirfarandi á www.ruv.is

Guðjón Rúnarsson, framkvæmdastjóri samtaka fjármálafyrirtækja, segir að ekki hafi verið tekið saman hver kostnaður bankanna vegna breytinganna geti orðið og segist sjálfur ekki í aðstöðu til að meta nákvæmlega hver áhrifin verða.

Bankar munu áfram rukka seðilgjöld, en á öðru formi. Framvegis munu þeir væntanlega rukka þau fyrirtæki sem nýta sér innheimtuþjónustu banka og annarra fjármálafyrirtækja.

Í framhaldinu geta fyrirtækin annað hvort tekið kostnað við slíka innheimtuþjónustu á sig, jafnvel samið við bankana um magnafslátt, eða hækkað gjaldskrár sem nemur seðilgjöldum. Þá yrði ávinningur neytenda enginn.

Einnig heyrði ég hann tala um að fit kostnaður yrði áfram en nú yrði það bara skýrt í samningi sem fólk undirritar þegar það opnar reikning í banka. Það er því ljóst að ef þetta á að bíta eitthvað á bankana þarf að lögfesta þessar breytingar. Og þær þurfa að vera svo skýrar að ekki verði neinar holur til að detta í.

Að lokum get ég ekki stillt mig um að geta þess að Guðni Rúnarsson hefur þannig framkomu/nærveru að hann fer í taugarnar á mér og mér finnst hann alltaf koma þannig fram að hann sé að lýsa frati í neytendur og hagsmunir banka og fjármálafyrirtækja séu öllu æðri. Ég veit að hann er starfsmaður þeirra en samt ekki maður sem ég get trúað til neins nema að vera féfletta mig.

Seðilgjöld heyri sögunni til

Hvað halda menn að utanríkisráðherrar geri?

Ég er alveg gapandi á þessu röfli í hvert skipti sem Ingibjörg Sólrún fer úr landi í opinberar heimsóknir. Hvað eru menn að meina? Eiga íslendingar almennt að neita að eiga í opinberum samskiptum við önnur lönd? Ef land ætlar að eiga í alþjóðlegum samskiptum, þá er hluti af því að stunda svona gagnkvæm samskipti og þá er það oftast utanríkisráðherra sem sér um  þau. Það er ekki eins og Ísland sé stjórnlaust þegar ráðherra bregður sér af bæ. Man ekki eftir því líkum látum þó að Halldór hafi verið meira og minna erlendis þegar hann var utanríkisráðherra eða Davíð. Og ekki var Valgerður síður á ferðinni út. Eins má segja um Jón Baldvin enda er þetta verksvið utanríkisráðherra eins og nafnið segir. Við viljum vera í góðum tengslum við sem flestar þjóðir enda þjónar það hagsmunum okkar sem friðsemdar þjóð.

Ingibjörg Sólrún heldur til Egyptalands

Þetta er náttúrulega brandari!

Ef menn þurfa að fá aðstoð æðri máttarvalda til að finna út af hverju þeir hafa tapað á fjármálamarkaði þá eru þetta ekki úthugsaðar fjárfestingar hjá þeim. Er ekki orða tiltækið " að treysta á Guð og lukkuna."

Held að það sé nú hvergi skráð í Biblíuna að Guð sé fjármálaráðgjafi. Minnir endilega að hann hvetji fólk til að losa sig við helming auðæfa sinna til annarra. Og ef menn hafa tapað peningum eru náttúrulega einhverjir aðrir með þá núna.

Auðmenn leita til æðri máttarvalda