Jól!

Næsta húsnæðisbólan að skella á USA!

Var að sjá 60 minutes í dag og þar voru þeir að fjalla um að USA sé ekki komin á botninn. Nú þegar undirmálslánin hafa sett bankakerfið í heiminum á hausinn er næsta bylgja að skella á þeim. EN það eru lán sem báru litla vexti í upphafi til að hvetja fólk til að taka lán. Síðan áttu þau að græða á því að húsnæðisverðið mundi hækka áður enn vextir á láninu hækkaði. Og þessi lán eru að skella á fjármálamarkaðinn á næstu misserum. Og þar er um meiri fjármuni að ræða en í undirmálslánunum.

Sjá hér

 

 Og hér er seinnihlutinn.:

 

Hlusti sérstaklega á nálastungufræðinginn sem fór í fasteignabraskið. Þetta minnir nú mjög á Íslendinga.

Obama kynnir efnahagsaðgerðir

Held að menn séu nú að missa glóruna.

Kýkti kíkti inn á þessa síðu www.sorprit.com og verð að segja að þarna fer lið sem maður vildi síður að kæmust til valda hér á landi. Þetta pakk er þarna nafnlaust með hótanir og segist hafa fjársterkan aðila á bakvið sig. Þeir fela sig á bakvið blogspot síðu og eru algjörlega nafnlausir. Svo til að kóróna hlutina kunna þeir ekki Íslensku íslensku.

Þessi setning er t.d. algjör augnabrjótur:

Burt með DV - Sorprit með lygamörða í ritstjórastól á ekki rétt á sér á Nýja Íslandi

Og eins er þetta skrítið:

DV ritstjórarnir, feðgarnir Reynir Traustason og Jón Trausti hafa nú báðir verið staðnir að því að ljúga að þjóðinni. Þeir kunna ekki að skammast sín og hafa haldið áfram í leiðurum blaðsins.

Hvað eiga menn við með "Þeir kunna ekki að skammast sín og hafa haldið áfram í leiðurum blaðsins."

Finnst nú lágmark að menn sem hafa fyrir því að skrá síðuna á sér lén og senda út föx á alla auglýsendur, fari yfir það sem þeir láta frá sér.

Spurning hvort að þessir menn hafi hugsað um að þeir eru að vega að vinnu kannski 20 til 40 manns? Fólks sem ekkert hefur gert af sér?

Auglýsendum DV hótað með válista?

Ekki víst að það sé til góðs

Hafði birt þessa frétt áður sem ég las á visir.is og geri það hér aftur:

Tímaspursmál er hvenær Ekvador kastar fyrir róða Bandaríkjadal sem þjóðargjaldmiðli hefur Bloomberg fréttaveitan eftir Alberto Ramos, S-Ameríku-sérfræðingi Goldman Sachs bankans í New York í Bandaríkjunum.
Sérfræðingurinn dregur þessa ályktun af því að landið ætli ekki gera upp skuldir sínar vegna alþjóðlegrar skuldabréfaútgáfu upp á 3,9 milljarða dala og eigi nú í viðræðum við útgefendur um skuldaafslátt.

Alberto Ramos segir notkun Ekvador á dalnum sem gjaldeyri þýða að Rafael Correa, forseti landsins, hafi ekki tök á að veita peningum í hagkerfi landsins vegna þurrðar á alþjóðlegum lánsfjármörkuðum um leið og tekjur hafi hrunið af olíuútflutningi landsins. Hann segir forsetann andsnúinn dollaravæðingu landsins, sem átti sér stað árið 2000, og kunni að nota efnahagsástandið til að hverfa frá henni.

„Ég myndi ekki veðja á að dalurinn verði hér í notkun eftir þrjú til fimm ár," segir hann.

Þá er haft eftir sérfræðingum annarra banka að einhliða upptaka dalsins í löndum á borð við Ekvador, Panama og El Salvador, sé ávísun áúrræðaskort hjá stjórnvöldum þegar hægi á í hagkerfinu.

Sérfræðingur Barkleys-banka telur líklegt að gjaldeyrishöft verði innleidd í landinu áður en að því komi að dalnum verði kastað. Það sé ekki einfalt mál því kynna verði þá til sögu nýja mynt sem engin eftirspurn sé eftir.

Einhliða upptaka gjaldmiðils

Alveg er Vg samir við sig.

Þær byrja vel tillögur Vg en í lokinn þegar þeir eru búnir að stinga upp á ágætum leiðum til að spara þá allt í einu á að eyða þeim sparnaði og gott betur. Þessar tillögur koma þeir með rétt eftir að fulltrúi AGS var að segja okkur að við verððum að spara enn meira á næsta ári og skera niður. Halda menn virkilega að þá sér skynsamlegast að draga úr sparnaðar aðgerðum núna. Þá verður bara enn meiri niðurskurður næst. Guð hjálpi okkur ef þessir menn væru við stjórnvölinn núna. Þeir hafa barist á móti því að við tækjum lán, semdum við Breta og í raun öllu nema að þeim fannst að við ættum kröfu á að Noregur reddaði okkur. Ef þeir réðu núna þá sætum við hér á landi með engin millilandaviðskipti, án Erlendsgjaldeyris til að versla fyrir. Hefðum takmarkað eldsneyti og værum á leið aftur í gráa forneskju.

 

Vinstri grænir kynna þrjú frumvörp um skattabreytingar

Ekvador ekki svo glaðir með dollara!

¨Finnst að menn hafi nú ekki talað mikið um þessa frétt af www.visir.is

 

Tímaspursmál er hvenær Ekvador kastar fyrir róða Bandaríkjadal sem þjóðargjaldmiðli hefur Bloomberg fréttaveitan eftir Alberto Ramos, S-Ameríku-sérfræðingi Goldman Sachs bankans í New York í Bandaríkjunum.
Sérfræðingurinn dregur þessa ályktun af því að landið ætli ekki gera upp skuldir sínar vegna alþjóðlegrar skuldabréfaútgáfu upp á 3,9 milljarða dala og eigi nú í viðræðum við útgefendur um skuldaafslátt.

Alberto Ramos segir notkun Ekvador á dalnum sem gjaldeyri þýða að Rafael Correa, forseti landsins, hafi ekki tök á að veita peningum í hagkerfi landsins vegna þurrðar á alþjóðlegum lánsfjármörkuðum um leið og tekjur hafi hrunið af olíuútflutningi landsins. Hann segir forsetann andsnúinn dollaravæðingu landsins, sem átti sér stað árið 2000, og kunni að nota efnahagsástandið til að hverfa frá henni.

„Ég myndi ekki veðja á að dalurinn verði hér í notkun eftir þrjú til fimm ár," segir hann.

Þá er haft eftir sérfræðingum annarra banka að einhliða upptaka dalsins í löndum á borð við Ekvador, Panama og El Salvador, sé ávísun áúrræðaskort hjá stjórnvöldum þegar hægi á í hagkerfinu.

Sérfræðingur Barkleys-banka telur líklegt að gjaldeyrishöft verði innleidd í landinu áður en að því komi að dalnum verði kastað. Það sé ekki einfalt mál því kynna verði þá til sögu nýja mynt sem engin eftirspurn sé eftir.

Evran komin yfir 171 krónu

Og hvað vill fólk þá gera í staðinn?

Tekju ríkisins eru að dragast saman nú þegar og enn meira á næsta ári. Við erum ekkert að fara að borga af lánum til AGS og IceSave á næsta ári. Samt er útlit ljóst að með framlögum til að halda bönkunum gangandi og svo venjubundnum rekstri ríkisins er 160 til 180 milljarðar í mínus á næsta ári. Þetta er halli á fjárlögum eins og við höfum svo oft þekkt hér áður. Síðan vill fólk ekki að nein þjónusta sé skert og væntanlega eru þau ekki sátt við að skattar séu hækkaðir. Hvað vill fólk þá að sé gert? Spurning hvað eiga þau við með:

"Frumvarpið festir í sessi þá ætlun ríkistjórnarinnar að láta almenning í landinu borga brúsann fyrir fjármálaóreiðu, ábyrgðarleysi og óheilindi fjárglæframanna og vina þeirra í núverandi og fyrrverandi ríkisstjórn í stað þess að sækja þá til saka sem raunverulega ábyrgð bera.

Hvernig heldur fólk að það sé tekist á við kreppu? Það er einmitt að allir verða að leggja á sig auknar birgðar. Þannig er það bara. Ef þjóð á að komast út úr kreppu þá kostar það hana mikla tímabundna erfiðleika. Í Finnlandi kvað svo rammt að þessu að bjóða þurfti upp á heitar máltíðir í  ókeypis í öllum skólum því að þangað komu börn sem ekki höfðu fengið heitan mat frá því þau borðuðu í skólanaum síðast. Og biðraðir við hjálparstofnanir voru margir kílómetrar eftir heitri súpu.

Hvað bjargar það skuldastöðu okkar að sækja þá til saka? Alveg er þetta makalaust! Halda menn að við getum bara sagt öllum skuldunautum: "Ja við ætlum ekkert að borga. Við ætlum að rukka nokkra menn og gjaldþrota fyrirtæki þeirra um þessa skuld og borgum þá kannski eftir 7 eða 8 ár þegar málaferlum lýkur .En úps kannski eiga þeir ekkert handa okkur nema skuldir"

Minni á að skv. þessari áætlun okkar og AMG er gert ráð fyrir að við greiðum þeirra lán niður á 4 árum frá 2012 til 2015. Og að þeirra lán er ekki nema 25% af því sem við fáum lánað. Önnur lán eru frá löndum í kring um okkur. Og eins að stefnan er að þurfa ekki að draga á þessar lánalínur að fullu sem þýðir að við borgum aðeins fyrir það fé sem við þurfum að nota. Sumt verður bara áfram í formi lánalína. Og halla á ríkissjóð höfum við oft upplifað áður þó hann hafi kannski ekki verið svona gríðarlegur. USA er með gríðarlegan halla á ríkissjóði og búið að vera lengi. Þessu er mætt þar með því að prenta peninga. Það er ein af þeim hugmyndum sem eru upp hér.

Svona áskoranir sem fela ekki í sér neinar hugmyndir að öðrum lausnum ætti fólk ekki að skrifa undir.

Síðan er ágætt að hugsa líka út í það þó við hefðum bjargað bönkunum frá gjaldþroti. Þá voru þeir ekki búnir að lána almenningi hér í tæpt ár og eins og staðan er í Evrópu þá væri hér kreppa hvort eð er. Því að flestir bankar sem voru að lána Íslensku bönkunum eru sjálfir í miklum erfiðleikum. Og því eru líkur á að hér væri allt að skreppa saman. Bankarnir væru að draga úr starfsemi og flytja sem mest af henni erlendis og fyrirtæki að loka því þau fengju ekki lán og krónan hefði líka haldið áfram að falla. Þetta held ég að sé nokkuð ljóst að væri að gerast hér. Þó ekki eins rosalega og gerðist í október en samt í þá átt bara hægar.

Forseti hafni fjárlagafrumvarpi

Eigum við ekki að fara að huga að framtíðinni? Frekar en að eyða svona mikilli okru í að finna sökudólgana.

Finnst þessi ógnar áhugi fólks á að finna sökudólga og krefjast refsinga sé farinn að trufla okkur full mikið. Væri ekki skynsamlegast að koma þessum málum bara í rannsókn hjá aðilum sem við treystum og bíða eftir niðurstöðum þeirra

Er ekki nær að fólk fara að huga að því hvernig landi við viljum búa í framtíðinni? Finna leiðir til að ná þeim takmörkunum og hefjast handa.

Fjölmiðlar eru undirlagðir í svona gróusögum og flökkusögum sem eiga sér svo engar stoðir og bloggið slær allt út. Maður hefur heyrt um gríðarlega aukningar á sjálfsmorðum sem Landlæknir bar síðan til baka. Maður hefur heyrt um að heilu gámunum af göngum hafi verið eytt sem komu frá bönkunum. En nú á þessum tímum geta tölvusérfræðingar nær alltaf rakið slóð nær allra skjala og séð hvaða skjölum hefur verið eytt. Maður hefur heyrt að þessi og hinn sé að fá sérmeðferðir hjá bönkum en það verður kannað í rannsóknum.

Er ekki kominn tími til að fólk hér á Íslandi reyni að átta sig á sinni Útópíu og hvernig hægt væri að skapa þjóðfélag sem kemst næst því.

 

Af hverju eru dagblöð og fjölmiðlar ekki t.d. með fréttaskýringar varðandi ESB aðild. Þar sem að með almennilegri blaðamennsku er skýrt út fyrir fólki kostirnir og gallar. Hvað þarf að varast og hvernig aðrar þjóðir líta á aðild sína þar inni.?

Er hægt að skapa stöðuleika hér til framtíðar og hvað þarf til?

Er hægt að taka upp gjaldmiðil einhliða og hvað þarf þá til?

Af hverju eru hér ekki fréttaskýringar þar sem nákvæmlega er farið í hvernig aðrar þjóðir tókust á við sínar kreppur. T.d. Svíar, Finnar og fleiri lönd?

Af hverju er ekki komið fram frumvarp um fjölmiðla sem tekur á þvi að einn maður geti ekki átt alla fjölmiðlana. Þó fjölmiðlafrumvarp hafi verið dregið til baka hér um árið þá vildu allir lög um fjölmiðla?.

 

Ég vill að við förum að leggja áherslu á að framtíðina. Hverju megum við búast við næstu ár? Hvað þarf að gera til að komast sem fyrst út úr þessu? Hverju á að breyta til að koma í veg fyrir að þetta komi aftur fyrir? Og svo hverjir eiga að móta framtíð okkar?

Og í kjölfarið þá getum við kosið milli þeirra leiða sem okkur lýst á. Það gerum við með því að kjósa þann flokk sem kemst næst þeirri framtíðarsýn sem kjósandin hefur.

 

Fyrrum bankastjórar koma ekki að rekstri Nýja Landsbankans

Auðvita gerum við það!

Við Íslendingar eru ekki það miklir bjánar að við frestum aðildarviðræðum. Við viljum kanna möguleika okkar og sjá hvað okkur biðst. Við vitum stöðu okkar núna. Við látum ekki þrönga hagsmunahópa ráða hér örlögum heillar þjóðar. Ef okkur bjóðast ekki ásættanleg kjör þá leitum við annarra leiða. En að lokum verður þjóðin einu sinni að fá að taka ákvörðun um framtíð sína en ekki einhver hópur misvitra stjórnmálamanna og sjáaskipaðra sérfræðinga. Förum í viðræður með skýr markmið. Fáum samningsdrög og svo verður það þjóðin sem segir af eða á um þetta mál.

Rehn: Ísland gæti komið óvænt með aðildarumsókn 2009

Þá gerum við það bara Björn!

Björn er auðsjáanlega búinn að gleyma því að í aðildarviðræðum við hin ýmsu lönd hefur verið samið um viðvarandi og tímabundnar undanþágur. Eins hefur ESB brett og tekið upp hjá sé þessar undanþágur sem viðbætur við stofnsáttmála. T.d. vegna landbúnaðar á norðlægum slóðum þegar að Svíar og Finnar gegnu inn.

En ef það er einhver huggun og auðveldar málið þá er hægt að hafa þjóðaratkvæði um þetta. Hefði nú haldið að það væri nú samt betra að hefja aðildarviðræður og geta lagt eitthvað fyrir þjóðina svo hún gæti tekið upplýsta ákvörðun. En Björn er auðsjáanlega á því að Fólkið séu fífl. Og hann og vinir hans viti þetta svo miklu betur. Eins og þegar þeir stóðu fyrir því að gefa bankana, aflétta nær öllum reglurm af þeim og atvinnulífinu, af því frelsið var svo frábært og mundi sjálft sjá um allt eftirlit. Og lækka skatta af atvinnulífinu af því að þá kæmi það í veg fyrir að menn reyndu að komast hjá sköttum með undaskotum. Hef nú ekki séð það síðustu daga þegar komið hefru í ljós að milljarðar hafa streymt í skattaparadísi í Kyrrahafi og Ermasundi. Held bara að flest sem Sjálfstæðisflokkurinn hefur sagt um efnahags- og peningamál hafi reynst rangt.

Þjóðaratkvæðagreiðsla um aðildarumsókn